خەموو نانی بیەن باروو سەروو شانەو دڵیما
جە ئەورایی وەشی تۆپاننە هێلیانەو دڵیما
سەفا و عەشق و وەفا و دۆسی گیانشا دان بە نانی
هەزار ساڵێن قوفڵ کریان بەرەو یانەو دڵیما
لوا هەنگوو ڕۆحی وێڵوو وەڵاتی بێ گوڵی بی
بیا باڵش جە سەرکەل، شێویا شانەو دڵیما
دڵم تەنگا ئنەو ڕای تەنگەلانەو کۆڵبەراما
هەتا کەی مەینەتوو ڕایشا بۆ مۆردٚانەو دڵیما؟
ڕۆڵێوی کز بەرەو یانەی سەروو تاتەیش ژەنێ، ئاخ!
تەپ و دووش هەم وەڵاتش گرت کەبابخانەو دڵیما
"نەلی تۆخوا کەرەش کاول! دڵی هاڵی وەشا تا
زوانم لاڵ خەموو مەردەی بۆ سوبحانەو دڵیما"
دەمی عەید و مشۆم هەم ڕووبە ژاڵانەی، کە تاومێ
لچێو نانی گەنا کەرمێ بە عەیدانەو دڵیما
کەلێو بەرز و کۆڵێو نابار، دەمەو وەروێچ بە سەربار
لوا پەشتەو ملیمارە و بیا هانەو دڵیما
سدٚاو قیژەو ئەدٚالێ بی بە نەفخی سوور، کە ئیتر
نەمەن ڕەحمێو، جگەرما بی بە بێگانەو دڵیما
#زانا_خالقی
@joolandeh
جە ئەورایی وەشی تۆپاننە هێلیانەو دڵیما
سەفا و عەشق و وەفا و دۆسی گیانشا دان بە نانی
هەزار ساڵێن قوفڵ کریان بەرەو یانەو دڵیما
لوا هەنگوو ڕۆحی وێڵوو وەڵاتی بێ گوڵی بی
بیا باڵش جە سەرکەل، شێویا شانەو دڵیما
دڵم تەنگا ئنەو ڕای تەنگەلانەو کۆڵبەراما
هەتا کەی مەینەتوو ڕایشا بۆ مۆردٚانەو دڵیما؟
ڕۆڵێوی کز بەرەو یانەی سەروو تاتەیش ژەنێ، ئاخ!
تەپ و دووش هەم وەڵاتش گرت کەبابخانەو دڵیما
"نەلی تۆخوا کەرەش کاول! دڵی هاڵی وەشا تا
زوانم لاڵ خەموو مەردەی بۆ سوبحانەو دڵیما"
دەمی عەید و مشۆم هەم ڕووبە ژاڵانەی، کە تاومێ
لچێو نانی گەنا کەرمێ بە عەیدانەو دڵیما
کەلێو بەرز و کۆڵێو نابار، دەمەو وەروێچ بە سەربار
لوا پەشتەو ملیمارە و بیا هانەو دڵیما
سدٚاو قیژەو ئەدٚالێ بی بە نەفخی سوور، کە ئیتر
نەمەن ڕەحمێو، جگەرما بی بە بێگانەو دڵیما
#زانا_خالقی
@joolandeh