کۆڵبەر....

سفرەکەم هاڵین مەژیوو بێ کەسوو وێم تاتە ڕۆ
کۆڵبەری نانش حەراما بێ دەسوو وێم تاتە ڕۆ

نیمە شەو پەی تیکە نانێ بوو بە قوربانوو تەتەی
تیکە نانم زەهرەمارا دەم بەسوو وێم تاتە ڕۆ

ئینە کەی ڕزقا بە کۆڵۆ نیمە شەو گیانیم مڐەو
کێ بەرۆ باروو هەتیمێ سەر مەسوو وێم تاتە ڕۆ

چی جیاتی تیکە نانێ گۆ هەتێم بۆ ڕۆڵەکەم
ئەی فەڵەک داخێ گرانەم قەقنەسوو وێم تاتە ڕۆ

ئەی جوانی من شکاتوو ئی خەما لا کێ بەروو
دڵ بیەن یانەو هەتیما نیم ڕەسوو وێم تاتە ڕۆ

💦 دەنگ : #حەکیم_وەیسی🌺

✍ شێعر :#ئازاد_مورادی حەیران🌺

دەگاو جـــــــــۆڵانــــــــــــدێ

@joolandeh