‍ 🥀چــــــــــــەرخی ناســــــاز🥀

‍ ـ🌾🌾🌾🌾🌾🌾🌾🌾🌾

ئەی چەرخی ناساز، بەڐکارەی دووڕوو
ناستت لای ڕۆڵام پەی من ئاوەڕوو

قەرار بێ ڕۆڵەم شەرم کەرۆ جه من
نەک من عارەقوو شەرمیم پسەڕوو

✍ #حەمه_زەمان_مۆرادی
ــــــــــــــــــــــــــــــــــــــــــــــــــــــ
ـ🌾🌾🌾🌾🌾🌾🌾🌾🌾

چەرخەکەی ناساز نەژیوانش بۆ
ئەگەر چنیو تۆ دووڕوویی کەرۆ

گردما بە شاهێدٚ، فەڵەکی بەدٚکار
پێشەشا تێک‌دای پەیمان و قەرار

دڵت نەسۆچۆ و نەبی شەرمەزار
مزانوو بەشما حەر ئێشا و ئازار

گلەیێت نەبا جە چەرخی ناساز
پاڕیەیمێوە ئەو خودٚای کارساز

دۆعا و نزاما تەنیا ئانێ بۆ
دسوو زاڵمی چی دنیە بڕیۆ🤲🤲

✍#هەسارەی_هەورام.

2721/2/13
ــــــــــــــــــــــــــــــــــــــــــــــــــــــ
ـ🌾🌾🌾🌾🌾🌾🌾🌾🌾

ئەی چەرخ بەڐواڐە هەوارت تەرک کەرد
نانت کەرد جەلاد بابەو منش بەرد

قەڐیم واچێنێ بابە نان مڐۆ
ئیسە پەی نانی بابە گیان مڐۆ

✍#لوتفوڵلا_فەتحی_هەورام
ــــــــــــــــــــــــــــــــــــــــــــــــــــــ
ـ🌾🌾🌾🌾🌾🌾🌾🌾🌾🌾

زاڵمـــــانی وەخت دانە بەدانە
ئەڵــــڵا تحالەڵـــــــڵا مواخێزە بانە

گلەیم هەنێ گەردوون چەنی تۆ
زاڵـــــم ڕۆبە ڕۆ ملش قەوی بۆ؟

یاڕەب بـــیاونە زەواڵی زاڵـــــــم
حەولم تەنگ بیەن هاوار وەماڵم

زەلیلوو بێ دەم چوون کەڕوو لاڵم
زاڵـــم وێش ئاسای بڕیەنش تاڵــم

عەزابم کێشوو حەردەم ڕۆ بەڕۆ
دۆعاو نزایچم حەر حیچ نمەبڕۆ


✍#خوڐابەخش_پاڵنــــــــانی


دەگاو جــــــــۆڵانــــــــدێ

@joolandeh