ئاخ جە ڪەردەی وێم، ئاخ جە ڪەردەی وێم
ئاخ ئاخ پەی خـزمەت عەبەس ڪەردەی وێم

ڕەنج سەدساڵە لاودا بەردەی وێم
جە نەمام عیش بەرنوەردەی وێم

بە ئایر هێجران دەروون گڕیای وێم
پەی ئامەشوی ڕاز جە دۆست بڕیای وێم

جە خێڵ خەمان دەروون ئاوای وێم
دووری یـار جەفا پـەی نـمـانەی وێم

مەگەر خودٚاوەند ڪەڕەم ڪەرۆوە
بە دیـدٚار دۆســت شـادٚم ڪـەرۆوە

چەندێ بگێڵۆ دەوران بە چاخم
وەگەرنە بە خاڪ ساڕێش بۆ داخم

هەی داد هەی بێداد هەی ڕۆ هەی هاوار
وەڵڵا وموشڪێڵەن دووری و جەفای یار

#مامۆسا_بێسارانی🌺

دەگاو جــــــــۆڵانــــــــــدێ

@joolandeh

چراخم گوڵان ، چراخم گوڵان
ئەر بێ تۆ بدٚیەو من وە ڕووی گوڵان

بەری بوون جە سۆز ناڵەی بوڵبوڵان
هام دەردٚ بوون چەنی دەردٚی بێ دڵان

ئەر چەمەن بێ تۆ بوینوو بە چەم
من جێم بە هووناو موژگان بدٚۆ نەم

چوون بێ دەردان بۆ ، دڵ بە وێنەی سەنگ
سەنگێ ڕوو بە ڕووی ئادٚەم بدٚۆ دەنگ

ئاخر زیندەگیم بە بێ تۆ تاڵەن
ئەر کەمتەری بۆ خاو و خەیاڵەن

#مامۆسا_بێسارانی

دەگاو جــــــۆڵانـــــــــدێ

@joolandeh

قیبلەم سەفای تۆ، قیبلەم سەفای تۆ
چێشەن نەیاوا، دڵ بە سەفای تۆ

من چوون لـەیلێ دیم، مێهر و وەفای تۆ
جەو پەی نه پێچام سەر جه جەفای تۆ

وێنەی مەجنوون دام، سەر به جەفای تۆ
قانع بیم به‌ قەید به ستەی وەفای تۆ

خۆ تۆ نەنمانای جەور و جەفا پێم
من هەر جەفای تۆ شیرین تەرەن لێم

سەوگەندم به تۆن، شای ساحێب وەفا
ئەرسەدٚ جەی بەتەر، پێم مدٚەی جەفا

من هەر مەجنوونم، جۆیای جەفانان
جان فێدای لەیلی ساحب وەفانان

#مامۆسا_بێسارانی

دەگاو جـــــــۆڵانـــــــدێ

@joolandeh

چراغ ئەر ساتێ دوور گنوون جە تۆ
نەمانوون شەڵڵا بوینوون ئەو ڕۆ

خەیاڵ چوون نەشتەر، دڵ مەکاوونۆ
دڵ جە دیدٚەم سەیل زوخ مەتاوونۆ

دیدٚەم بینایی تێش نمەمانۆ
پەڕ و باڵ نە دەور زوڵمات مەشانۆ

بەشقی شای شاهان، هەی بەرگوزیدە
بینایم تۆنی بۆ شۆم نە دیدە

#مامۆسا_بێسارانی

دەگاو جــــــــۆڵانــــــــدێ

@joolandeh

ئاهووی خوتەن‌خێز، دیدٚە پەڕ خەتا
تاریای ڕەوێڵ، نافەی موشک مەتا

وەختێو نیمشەو خاو مەبۆ نەزداو
تمەز دیدٚەی وێش مەوینۆ نە خاو

موژانش هەر یەک چوون خەدەنگ وەی
نیان نە چللەی کەمان پەڕ پەی

جە سام موژەی وێش بێدار مەبۆ
دەرسات بێ پەروا جە ڕەم تار مەبۆ

مەگورێزۆ جە موڵک زامن خوتەن
مەیۆ کۆ بە کۆ وەتەن بە وەتەن

پای تیزدەوانی نمەکەرۆ کەم
تا زێد هەبڵی مەوینۆ بە چەم

هەبڵی چێش؟ تافێو چوون ئەو خاتر شاد
جە وەشی دەوران، ساف سەرئازاد

ئەخیاوان پەڕگوڵ، چێقەی بوڵبوڵان
دایێرەی زەنجیر زڵف سونبوڵان

مەبۆ بە پابەند ئی خەوتەن‌خێزە
ئی ئاهووی ڕەوێڵ موشک ناف بێزە

بۆی خوتەن نیان بە ئی تافەوە
تاف پێچیان بە بۆی موشک نافەوە

ئیسە کەردەنش بە زێد و ماوا
ئاوا بۆ شەڵڵا پێش بیەن ئاوا

یا شا بەشق خەیر خاتر ئازادان
نەوزینەش نە دام ناشی سەیادان

#مامۆسا_بێسارانی🌷

دەگاو جــــــۆڵانــــــدێ

@joolandeh

دڵە زامی تۆ، دڵە زامی تۆ
زایف و زەبوون، زەدٚەی زامی نۆ

چەند تیری کاریت نە دڵ گرتەن کۆ
ئاخ پەی بە ختی من، دڵە داخ پەی تۆ

من زار و خەمناک، زەدٚەی تیری خار
پێکیای پەیکان، تایفەی کوففار

دەروون سیاداخ سۆچیای خەمان
بێ زەوق و کەم چاخ خاری ستەمان

کەردٚات وە سەرمەشق زەمانەی بێ شۆ
ئاخ پەی بەختی من، دڵە داخ پەی تۆ

فرەم وات دڵە، مروەتەن ئامان
بۆ مەوزەم نە گێج، بەحری بێ سامان

هەر یەند تاوی عیشق نە دەروون خڕیای
تا وە شۆڵەی شەمع چراخان گڕیای

تەن بی وەزۆخاڵ سیاسفتەی کۆ
ئاخ پەی بەختی من، دڵە داخ پەی تۆ

ئایری دووریت سەر کەردەن نه دڵ
جەرگەم چوون کەباب پێکیان وە چڵ

نازاران بە خەشم غەزەب گێرتەن لێم 
بێ وەرمی شەوان، بیەن وە خدٚێم

جە تاوی زوڵفان سیای عەنبەربۆ
ئاخ پەی بەختی من، دڵە داخ پەی تۆ

حەکیمان مەیان مەوینان سزام
شادٚەت ماوەران وە سفتەی سیام

دەیسە بگێرە دەست بە زامەوە
بە زامی خـەدەنگ نەونەمامەوە

هەر یەند کێشە ئاە، شەوان تا بە ڕۆ
ئاخ پەی بەختی من، دڵە داخ پەی تۆ

#مامۆسا_بێسارانی

دەگاو جــــــــۆڵانـــــــــدێ

@joolandeh

هەرکۆ خەمێ بی گشت ئامان نه دڵ
نزارو ماوای دڵ کەردٚش مەنزڵ

دڵ موقەدەمەن جەفاش تاڵی یەن
جەزای دڵ سزاش دەردٚی ناڵی یەن

عەهد کەروو چەنی سوپای دڵ تاڵی
تا دڵ بوینۆ جه تاڵی خاڵی

#مامۆسا_بێسارانی🌺

دەگاو جــــــــۆڵانــــــــدێ

@joolandeh

دارای خەمانم، دارای خەمانم
سەرقەیتولەی خەم ، دارای خەمانم

خەم بیەن بە مار پەی ڕیشەی گیانم
نێشی خەم شیەن نە ئیستیخوانم

خەم ماڵ ، خەم میرات ، خەم جیهانمەن
خەم بەختی دەوڵەت جاویدانمەن

مەتای خەم داروون کاڵا سەد وێنە
سەرمایەم خەمەن ، خەمم خەزێنە

پادشام خەمەن ، خم بیساتمەن
جە بارگەی گەردون خەم خەڵاتمەن

سککەی خەمناکیم بە خەمناک کنیا
تەپڵی کوسی خەم ، خەمناکیم ژنیا

#مامۆسا_بێسارانی🌺

دەگاو جـــــــۆڵانــــــــدێ

@joolandeh

خەم، نیشت وێنەی نێش عەقرەب بە جەرگم
جەرگم بی کەباب تکیا وە بەرگم

بەرگم چون سفتەی مەندەی هەواران
شەماڵ داش نە بورج بەرزە دیاران

#مامۆسا_بێسارانی


دەگاو جـــــــــۆڵانـــــــــــدێ

@joolandeh

ئافتاب پێوار بی، ئافتاب پێوار بی
وەختێ جە مەغرێب ئافتاب پێوار بی

جەمینش جە بورج تەشاب دیار بی
پەیوەست‌کەر وەخت سەبا و ئێوار بی

بە  نوور جەمین شەوق ئارای تەمام
یاونا بە یەک وەخت سوبح و شام

پڕشنگ نوورش پەی پەی مەشانا
من دەرسات نە ڕووش لافەتام وانا

سپەردم بە نوور بارگای ئیمامان
چەندێ نووربەخش بۆ پەی سەحەر شامان

#مامۆسا_بێسارانی🌷
9


‎‌‌‎‌‌‍‌‌‌‌‎‌‌‌‌‌‌‎‌‌‌‎‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌دەگاو جـــــــــۆڵانــــــــــدێ

@joolandeh

🥀🥀🥀🥀🥀

یا شای سەبووری یا شای سەبووری
مەر  تۆ  بدٚەری  سـەبری  سەبووری

تۆ کەری عیلاج دەردی  مەهجووری
وەرنه  کێ   دارۆ  تاقـەتی   دووری؟


#مامۆسا_بێسارانی

🥀🥀🥀🥀🥀🥀

دەگاو جـــــــۆڵانـــــــــدێ

@joolandeh

چراغ یانێ چێش؟ چراغ یانێ چێش؟
ئی چەم ئێشانە بە تۆ یانێ چێش؟

دیدٚەی من خاسەن پەرێ ئێش نێش
ئێش دیدٚەی تۆ بەیۆ بشۆ جێش

دیدٚەی من خاسەن پەرێ ئێشیان
پەردەی لێڵاویش پێدا کێشیان

دیدٚەی تۆ نەیشۆ پەڕ بادە و کەیفەن
دیدٚەی من بێشۆ، کێ ماچۆ حەیفەن

باجەتی ڕەسووڵ دیدٚەی تۆ نێشۆ
ئەخی جەبرەئیل باڵش سەر کێشۆ

#مامۆسا_بێسارانی


دەگاو جـــــــــــۆڵانـــــــــــدێ

@joolandeh

هه‌ور نۆ ئاما، خه‌م پۆش نه‌مین
من دوورین وه‌ڵات، ده‌روون مه‌هته‌مین 

تا جه‌ هه‌ور مه‌بۆ یه‌ک قه‌تره‌ ڕێزان
من جه‌ دیدٚه‌م سه‌یل هووناو هۆرێزان 

ته‌م نۆپاییز، خه‌م هێجران به‌خت
مه‌که‌ران به‌ گه‌رد، جه‌سته‌ی سه‌نگ سه‌خت

#مامۆسا_بێسارانی

دەگاو جــــــــــــۆڵانـــــــــــدێ

@joolandeh

هه‌ور نۆ ئاما، خه‌م پۆش نه‌مین
من دوورین وه‌ڵات، ده‌روون مه‌هته‌مین 

تا جه‌ هه‌ور مه‌بۆ یه‌ک قه‌تره‌ ڕێزان
من جه‌ دیدٚه‌م سه‌یل هووناو هۆرێزان 

ته‌م نۆپاییز، خه‌م هێجران به‌خت
مه‌که‌ران به‌ گه‌رد، جه‌سته‌ی سه‌نگ سه‌خت

#مامۆسا_بێسارانی

دەگاو جــــــــــــــۆڵانــــــــــــــــدێ

@joolandeh