🔴مزگی خۆدای یا هنوو بەنەی ؟!
⚪️پیایێ مزگیە وەش کەرۆ و خاس ڕازنۆشۆ
چا عانە سەربەرەکیش مەرزنارە ، باڕۆڵ مێ چۆوە ،
+بێقەزایێشا کەرۆ ، رووە کەرۆنا پیاکەی ماچۆ ئی مزگیتە پەی خۆڎای سازنان یا پەی خەڵکی ؟
- جوابوو بارۆڵینە بەخوەوە ماچۆ یانێ چێش باڕۆڵی دانا ،دیارا پەی خۆدای و بۆنەو ڕەزاو خۆڎایوە ،
+بارۆڵ:دی فرە خاسا ، خۆڎا جەزاو خەیرت بڎۆوە ،
وەختێ شەوە بۆرە و شۆنوو خەڵکەوسی دماتەر بارۆڵ ملۆ تەموو سەربەرەو مزگیەکەیوە منویسۆ ئی مزگی بە دەسڕەنج و زەروو بارۆڵی کریانۆ ، مزگی حەزەرتوو بارۆڵین .
سبحێ ڕۆ کەرۆوە خەڵک مێ تەماش کەرا چێش نویسیان گنا تاریفوو بارۆڵی و ڕەحمەت کیاسەی پەی وێش و ئەڎا وتاتەیش.
پیاکە چەمش گنۆ پی وەزعێ ، قینیش هۆر مێ و دەس کەرۆ هەرا و قاڵە:
- کۆرە هەی پەی خۆڎای ئی مزگیە من وەش کەرڎەن ، بەخۆڎا قەرانێش هنوو بارۆڵە شێتەی نیا ، گردش هارەقاوو وێم بیەن ، ئا شێتە تالۆغداروو فلسێچش نیا ، چی بڕواتا کەرڎێنە پا شێتەی ودۆعاو خەیریش پەی کەردێ!؟
بارۆڵ ملۆ لاو کابرای بە خوەوە فچنۆ گۆششرە ئاها تویچ درۆێت دا مزگیت پەی خەڵکی وەش کەرڎەن نەک پەی خۆڎای .
📝#ڕازڵێ
🖌#ج_ئەحمەدی
دەگاو جـــــــــۆڵانــــــــدێ
@joolandeh
⚪️پیایێ مزگیە وەش کەرۆ و خاس ڕازنۆشۆ
چا عانە سەربەرەکیش مەرزنارە ، باڕۆڵ مێ چۆوە ،
+بێقەزایێشا کەرۆ ، رووە کەرۆنا پیاکەی ماچۆ ئی مزگیتە پەی خۆڎای سازنان یا پەی خەڵکی ؟
- جوابوو بارۆڵینە بەخوەوە ماچۆ یانێ چێش باڕۆڵی دانا ،دیارا پەی خۆدای و بۆنەو ڕەزاو خۆڎایوە ،
+بارۆڵ:دی فرە خاسا ، خۆڎا جەزاو خەیرت بڎۆوە ،
وەختێ شەوە بۆرە و شۆنوو خەڵکەوسی دماتەر بارۆڵ ملۆ تەموو سەربەرەو مزگیەکەیوە منویسۆ ئی مزگی بە دەسڕەنج و زەروو بارۆڵی کریانۆ ، مزگی حەزەرتوو بارۆڵین .
سبحێ ڕۆ کەرۆوە خەڵک مێ تەماش کەرا چێش نویسیان گنا تاریفوو بارۆڵی و ڕەحمەت کیاسەی پەی وێش و ئەڎا وتاتەیش.
پیاکە چەمش گنۆ پی وەزعێ ، قینیش هۆر مێ و دەس کەرۆ هەرا و قاڵە:
- کۆرە هەی پەی خۆڎای ئی مزگیە من وەش کەرڎەن ، بەخۆڎا قەرانێش هنوو بارۆڵە شێتەی نیا ، گردش هارەقاوو وێم بیەن ، ئا شێتە تالۆغداروو فلسێچش نیا ، چی بڕواتا کەرڎێنە پا شێتەی ودۆعاو خەیریش پەی کەردێ!؟
بارۆڵ ملۆ لاو کابرای بە خوەوە فچنۆ گۆششرە ئاها تویچ درۆێت دا مزگیت پەی خەڵکی وەش کەرڎەن نەک پەی خۆڎای .
📝#ڕازڵێ
🖌#ج_ئەحمەدی
دەگاو جـــــــــۆڵانــــــــدێ
@joolandeh