ئازیز جەمینت ماڕاش نووری نوور
دیدٚەکەت دیدٚەو شەوێش کەردٚ پلوور

باڵات کارێوش کەردٚەن به چنار
زڵفات نەکەردٚەن هەرگیٚز به چنوور

#مامۆسا_هەیاس_غەریبی🌺

دەگاو جــــــۆڵانــــــــدێ

@joolandeh

‍ (خەڵکوو دەگاو خەمی)

یاران من زادٚەو ئەدٚاو خەمینا
پەروەردەو ئاوو هەواو خەمینا

بایەقۆش ئاسا ماوام وێرانەن
بە تاقێق خەڵکوو دەگاو خەمینا

هامسام پەژارە، ئەنیسم خەمەن
گێرۆدٚەو جەور و جەفاو خەمینا

بێ تاوان مەحکووم گونای نەکەردەم
بێ گونا مەحبووس یاساو خەمینا

خیاڵ سەرگەردان، خاترپەرێشان
هەردی و هەردەگێڵ ساراو خەمینا

دەرسم پەژارە، مەشقم مەینەتەن
ئۆسای وەش ئاوەز، زاناو خەمینا

کەوتەنا نە گێج بەحروو پەژارەی
غەرق تەلاتوم دەریاو خەمینا

سەرەم چەرمە بی، ڕیشم تان و پۆ
رۆخسارم چرووک، سیسیاو خەمینا

قامەتم بە واو هەژاری چەمیان
ئەلفم بی بە نوون، چەمیاو خەمینا

شەبابوو جوانیم جەردەی پیری بەرد
بازاڕم کەساس، شێویاو خەمینا

سپای خەم عەزمش تاراجی شادٚین
دیل و باڵ بەستەو سپاو خەمینا

تەن سیازوخاڵ، جە سەر تا دامان
من قەقنەس ئاسا، سۆچیاو خەمینا

بێ خۆراس نە تاو وەسوەسەی دەروون
دایم گۆشەوەنگ نەواو خەمینا

سەرەوکۆی مەینەت بڕیەن هەناسەم
زرانیم بێ هێز، مانیاو خەمینا

مەزاق مەنگ مەی ئاخ و حەسرەتەن
سەرعی و سەرگەردان لێویاو خەمینا

ڕیشەی خاری خەم درۆسیان نە جەرگم
چەترم پەژارەن، نە ساو خەمینا

خەم یار و موونس، خەم خوراکمەن
کوشیای تیری خەم، مۆمیاو خەمینا

ئەر هەیاس خەڵکوو «دەگاو عەشقی»بێ
من بێ ئادٚ وێڵوو ساراو خەمینا

*بە ئێلهام جە پارچە شێعرەو(خەڵکوو دەگاوعەشقی) جە
#مامۆسا_هەیاس_غەریبی


شێعرە:
#سۆهراب_مورادنیا

دەنگ:
#هەورامان_ڕۆستەمی

Ｃ᭄‌❁‌‎‌‌࿇༅═‎═‎═‎═‎═‎═‎┅─
@siyawkam