🔘 پەی #خاتوو_شلێر ـێ

ئەد٘ا گیان دیدەم حەر چەمەڕات بێ
دڵوەش بە ئاماو ویناو باڵایت بێ
من بە کێ واچوو دەردەو تەنیایی
بەینوو من و تۆ کێ وست جیایی
کێ هەن گۆش بد٘ۆ بە دەرد و دڵما
چەترەو هەتیمی کێشیا جەسەرما
تۆ لوای وەشی جە لام قارش کەرد
گەڵاو دڵوەشیم جە لام خەران کەرد
جە دماو تۆ کێم هەن بێ کێشۆ نازم
تۆ بێنی قیبلەو ڕاز و نیازم
ئەد٘ا گیان بۆرێ دەس بە دامانۆ
هەزار پێسەو من بۆ بە قوربانۆ
بۆرێ بوینە چەمانێ کزم
دڵەی پڕ جە غەم تەنیا و عادزم
مۆژگان و مۆبین هەردوی بە تەنیا
بێ‌وەفایین تۆ بازیشا جیا
ئای جە بەختەکەی کز و کرۆڵم
ئاخ پەی یانەکەی بێ‌دەن٘گ و چۆڵم
قەسم بە لوای بێ‌وادەت ئەد٘ا
قەسەم بە مەرگی ناحەقت ئەد٘ا
حەرتا مەنێنا جە ڕووی دنیاوە
ڕسم و یاساو تۆ بەروو بەڕاوە
٭٭٭٭٭٭٭٭٭٭٭٭٭٭٭٭٭٭٭٭٭٭٭٭
🔺شێعر: قانع چەشمییەد٘ری
🔺دن٘گ: شیوا ئەحمەدی

دەگاو جـــــــۆڵانـــــــــدێ

@joolandeh