خادم الحسين عليه السلام
السيد مرتضى المحنه الكربلائي
 
الليله ميلاده     محمد محمد
والد الساده      محمد محمد
___________
الليله أفراح وتهاني الليله ميلاد الرسول
إنهني هالليله الزچيه فاطمه الزهره البتول
نعلگ إشموع ونهني حيدره فحل الفحول
صلي يا ربي وسلم عالنبي الهادي نگول
يارب إنادي    محمد محمد
صلي عالهادي    محمد محمد
____________
الليله أحباب أبو القاسم بالولاد تحتفل
ونقسم إعله الله إبنبيه ربي بارك هالحفل
من الأرض نور أبو الزهره للسمه ظل متصل
رحمة الباري محمد منهج إلحگ والعدل
مولد الرحمه     محمد محمد
منبع العصمه    محمد محمد
______________
إحنه بالهادي إلتزمنه اليلتزم بي ما يضيع
باچر إنول الشفاعه بالحشر طه الشفيع
ندعي من الله إبحفلنه وندري يسمعنه السميع
الليله رب الكون لجله مغفره ينطي الجميع
إلكل بني آدم      محمد محمد
الحبه ما يندم     محمد محمد
_____________
أحمد المبعوث رحمه أرسله ربنه الرحيم
بلغ إبهاي الرساله وتمم الدين القويم
بالحشر عالحوض طه وحيدره هو القسيم
يمشي مترهي اليحبهم عالصراط المستقيم
نحبه ويحبنه    محمد محمد
ظامن الجنه    محمد محمد
_____________
يا هله إبجيت ربيع الأول وهذا الشهر
نزلت الرحمه العظيمه إمن إنولد خير البشر
فرحت الأفلاك كلها والسمه طش الدُرر
بي جمال الدنيه كلها إو وجهه أحله إمن القمر
يا هله إبجيته   محمد محمد
مرتفع صيته   محمد محمد
_______________
ننجمع نحي حفلنه الليله هادينه إنولد
إبتهجت الدنيه إبمجيئه ورفرف إجناح السعد
الليله بسم الهادي إحنه واجب نوقع عهد
نتلزم كلنه إبطريقه وما نزل عنه أبد  
مولده الليله    محمد محمد
خل نوافيله     محمد محمد
____________
تمت القصيده
 

صلاوات صلاوات على نبينه وآله
صلاوات صلاوات على نبينه وآله
——————-
عدنه عيد وفرحة الدنيه إبفرحنه
وصار بسم المصطفى ينبض گلبنه
إبمولد المختار أحبابه إنجمعنه
والورد فاح ونشر عطره إبحفلنه

بالأفراح بالأفراح صوت المحب يتعالى
صلاوات صلاوات على نبينه وآله
———————-
وجه أبو القاسم يشع عالدنيه ضيه
وأشرقت شمس النبوه الهاشميه
نرفع آيات التهاني للزچيه
ولإبن عمه المرتضى حامي الحميه

على الكون على الكون نور النبوه إتلاله
صلاوات صلاوات على نبينه وآله
———————
إمن إنولد طه تكسر طاگ كسرى
وإنطفت نار المجوس الي مسعره
طش ربيع الأول أعله الكون عطره
صلوا عالهادي النبي لمن نذكره

أناشيد أناشيد نكتب إله ونقراله
صلاوات صلاوات على نبينه وآله
———————
أحله من وجه البدر ليلة كماله
وإبجماله اليوسفي إشمحله جماله
يبقى محتار الذي يوصف خصاله
إمفصل إمن الله عليه ثوب الرساله

بالأوصاف بالأوصاف ما نوصفه إستحاله
صلاوات صلاوات على نبينه وآله
———————
نور أبو الزهره جله الظلمه إبنهاره
وظل بياض إگليبه يتغنى إبسماره
إحنه للمهدي نزف هاي البشاره
إنگله يالمهدي المحب طال إنتظاره

اليواليه اليواليه للمنتظر هنياله
صلاوات صلاوات على نبينه وآله
———————
تمت القصيده

خادم الحسين عليه السلام
السيد مرتضى المحنه الكربلائي
 
يا فاطمه يومچ أبد ما أنساه
لا والخلق هذا الدهر والسواه
واويلي لمصاب الضلع واويلاه
 
( ما أنسه إصوابچ يالبضعه )
( وما تنشف بعيوني الدمعه )
——————-
لمصيبتچ صبح ومسه أتحسر
وأتصور إشلون الضلع يتكسر
الله يعينه إشلون شافچ حيدر
 
( مكسوره إضلوعچ يالزهره )
( وبمتونچ آثار العصره )
——————-
جرح الگلب يم الحسن ما ييره
ولا ينجبر كسر الضلع شيجبره
وما تنطي نار الحقد مستعره
 
( مو بابچ محروگ إفادي )
( لمصابچ يا بنت الهادي )
———————
يا من رضا الباري برضاتچ مرهون
وبمحبتچ رب العرش سوه الكون
لو ما صرت عابس أصيرن مجنون
 
( مجنون الزهره إيسموني )
( بس ترضين وميهموني )
———————-
يا فاطمه بسمچ أردد كل حين
وإبطلبتي أدري أبد متقصرين
إتسجليني رايد ويه خدام حسين
 
( وأگضي الدنيه إبهاي الخدمه )
( وأتشكر من هاي النعمه )
————————
غصبوا فدك غايتهم إتعرفيها
والدار گالوا تحترگ عالبيها
للبيعه إيدچ رادوا إتمديها
 
( ما بايع بس حيدر والي )
( ناديتي وظل راسچ عالي )
———————-
يا فاطمه هاچ العهد لا ما أبيع
صوتي ولا ابايع ذيول التطبيع
ما أنتخب فاسد أبد لا ما أطيع
 
( شيعي وما تاجرت إبديني )
( للموت إيظل نهجي حسيني )
———————
تمت القصيده
 

خادم الحسين عليه السلام 
السيد مرتضى المحنه الكربلائي 

ما غاب صوت الأحرار     ويه الزمن يتعالى 
———————
طول الزمن صرخة رفض نرفعها
ضد الظلم وأهل الظلم تسمعها 
مثل أم حسن لمن گصد يدفعها 

ضد الظلم صاحت صوت    وإعله الرجس زلزاله 
———————-
أحرار كل واحد نذر دم نحره  
للدين والمذهب يضحي إبعمره
منهجنه منهاج البتول الزهره 

إتعلمنه من أم حسين     للدين صرنه إرجاله 
———————
إتعلمنه من بنت الرسول البضعه
درب العدل واجب علينه إنتبعه 
وعالزهره من نبچي ونهل الدمعه 

 بالدمعه واجب نحيّ     نهج الرسول إو آله 
———————-
شيعه وعلى الزهره نهل الدمعه 
نتذكر الصاير عليها وننعه 
چانت مثل شمعه وطفوها الشمعه 

لمصيبة أم الحسنين    عين المحب هماله 
———————-
إنواسي الإمام المنتظر ونگله 
يا يوم تظهر يالحبيب نسأله 
عن ثارك أبداً ندري ما تتخله 

عجل ظهورك مولاي    تدرينه نترباله 
————————
ثار الضلع تاخذ ضعف من عدهم 
وإبصارمك أهل الضلاله إتردهم 
لمن تجي نعرف گرب موعدهم 

لمن نشوف الفقار    چفك يغايب شاله 
———————-
تمت القصيده 

خادم الحسين عليه السلام
السيد مرتضى المحنه الكربلائي
 
عين السمه تهمل دمه     كسروا ضلع من فاطمه  
يا زهراء يا زهراء    يا فاطمه يا زهراء
———————
حتى السمه يا فاطمه    تمطر دمعها إبحسره
ولمصيبتچ يم الحسن    واجب نهل العبره
گال النبي رب العرش     يرضى برضاة الزهره
إوصانه بيچ المصطفى    وأصحابه خانوا أمره
 
گال النبي الكل سمعته    ومعروفه ناس الخانته
بالأسماء يا زهراء     يا فاطمه يا زهراء
———————
بس ما غمض عينه النبي    نكثوا عهود البيعه
أهل السقيفه إتجمعوا      ما حضروا إبتشيعه
عن الحكم عزلوا علي     وما قبلوا إبتشريعه
گالوا حكم طه إنتهى    ومو واجب إحنه إنطيعه
 
لجل المناصب والحكم    غصبوا فدك منچ ظلم
بالإقصاء يا زهراء    يا فاطمه يا زهراء
———————-
وهجموا على دار الوصي    أهل الرجس وأهل الشر
الأول ينادي بالجمع      لازم يبايع حيدر
والثاني من جاب الحطب     يم بابچ ويتبختر
گالوله بيها فاطمه      گلهم وإن خل تسعر
 
لو ما يبايع حيدره     ضلع الزچيه إنكسره
ذوله أعداء يا زهراء    يا فاطمه يا زهراء
———————
دفعوها بابچ والضلع     طگ ونبت بي بسمار
بالعتبه من طحتي وگع   فوگج جذع يلهب نار
بسياط وإحجار وخشب    هجموا عليچ الأشرار
واحد يسطرچ عالوجه     والثاني يحرگ بالدار
 
إنشلت يمينه إلي سطر    عينچ يبت خير البشر
تجري دماء يا زهراء    يا فاطمه يا زهراء
———————-
ما بين دخان ودمه    عينچ غدت مطفيه
وإشخلت إسياط العده    بمتونچ المحنيه
ناديتي بدموع الألم    يا فضه لحگي إعليه
محسن وگع مني وأظن    حدة إصواب البيه
 
طايح جنيني وأيست    من دنيتي ساعه ومتت
إبهالأثناء يا زهراء    يا فاطمه يا زهراء
———————
الله يعينچ يم حسن    گلبچ تزايد غمه
من شفتي مچتوف الوصي    حاير وحيد إبهمه
مگيود بحبال الحقد    وأهل الحقد ملتمه
لو ما وصية والدچ    فنه الي يوصل يمه
 
إمچتف علي إبحبل الحقد    مدري يرد لو ما يرد
ربچ شاء يا زهراء     يا فاطمه يا زهراء
———————
تمت القصيدة

يا فاطمه يومچ أبد ما أنساه
لا والخلق هذا الدهر والسواه
واويلي لمصاب الضلع واويلاه

( ما أنسه إصوابچ يالبضعه )
( وما تنشف بعيوني الدمعه )
——————-
لمصيبتچ صبح ومسه أتحسر
وأتصور إشلون الضلع يتكسر
الله يعينه إشلون شافچ حيدر

( مكسوره إضلوعچ يالزهره )
( وبمتونچ آثار العصره )
——————-
جرح الگلب يم الحسن ما ييره
ولا ينجبر كسر الضلع شيجبره
وما تنطي نار الحقد مستعره

( مو بابچ محروگ إفادي )
( لمصابچ يا بنت الهادي )
———————
يا من رضا الباري برضاتچ مرهون
وبمحبتچ رب العرش سوه الكون
لو ما صرت عابس أصيرن مجنون

( مجنون الزهره إيسموني )
( بس ترضين وميهموني )
———————-
يا فاطمه بسمچ أردد كل حين
وإبطلبتي أدري أبد متقصرين
إتسجليني رايد ويه خدام حسين

( وأگضي الدنيه إبهاي الخدمه )
( وأتشكر من هاي النعمه )
————————
غصبوا فدك غايتهم إتعرفيها
والدار گالوا تحترگ عالبيها
للبيعه إيدچ رادوا إتمديها

( ما بايع بس حيدر والي )
( ناديتي وظل راسچ عالي )
———————-
يا فاطمه هاچ العهد لا ما أبيع
صوتي ولا ابايع ذيول التطبيع
ما أنتخب فاسد أبد لا ما أطيع

( شيعي وما تاجرت إبديني )
( للموت إيظل نهجي حسيني )
———————
تمت القصيده
ميمر

خادم الحسين(ع)
السيد مرتضى المحنه الكربلائي

السلامُ على الزهراءْ وعلى ضِلعِ الزَهراءْ
السلامُ على أُمِ أبيها السلامُ على أمِ أبيها
السلامُ على الزهراء
____________________
فتحت عيني إعله أمي وأمي بنت أجواد حره
بهزة الكاروك جانت سورة التوحيد تقره
مو دللول وتلولي جانت إتنادي يزهره
هالإسم لمن أسمعه بكَلبي أحسها إتهيج حسره

تلك أُمي كُلَ حِينْ تَبكِي أُمَ الحَسنَينْ
ويعُودُ الفَضلُ إليها السلامُ على أمِ أبيها
السلامُ على الزهراء
___________________
من نشأ عودي وترعرع أمي نادتني بحزنها
طاعة الأم يبني واجب كون توفي حكَ لبَنها
ويرضه ربنه عالينفذ طلبت الأم إمن إبنها
غاية أمك يبني تدري ترضه كون الزهره عنها

لِرِضَا أمُ الأطهارْ كان لِي عَهدٌ وقرارْ
خادمٌ قدْ صرتُ لديها السلامُ على أمِ أبيها
السلامُ على الزهراء
_________________
واعدت أمي أصيرن خادم الزهره الزجيه
عبد عد بضعة محمد والخدامه إتلوكَ إليّه
أدعي كون البضعه ترضه وأوفي حكَ أمي عليه
من مثلها الباري خصها حبها فرض إعله البريه

خالقُ الأكوانِ براها هِبَةُ الرحمانِ لطه
والجنةُ بينَ يديها السلامُ على أمِ أبيها
السلامُ على الزهراء
__________________
فاطمه لولاها ربنه ما خلق أرضه وسمائه
وصه بيها الهادي بعده للملأ أعلن ندائه
كلمن يواليني واجب يوفي حكَ بنتي بولائه
والذي يعادي الزجيه يعني عاداني بعدائه

يلقى ناراً بعذابْ بِغدٍ مَن دَفعَ البابْ
يؤذيني من يؤذيها السلامُ على أمِ أبيها
السلامُ على الزهراء
______________
بالهضم أنعه الزجيه ودمعة إعيوني أهلها
الله يدري شلون حيدر لوعة الزهره حملها
من هجس ضلع أم أبوها جن أبو الحمله يكَلها
والله لو بيدي وحياتج جا كَلبت الدنيا كلها

قالَ إنّ الصَبرَ جَميلْ ومتاعُ الدُنيا قَليلْ
وغدا بالقبرِ يُواريها السلامُ على أمِ أبيها
السلامُ على الزهراء
___________________
تمت القصيدة

أُحجيةُ العشق

فزتُ وربِ الكعبةِ مُتفاخرٌ بمقولتي
فزتُ بحُبِك يا علي ورضاك عني بُغيتي
قسماً بحُبِك حينما تجري بعيني دمعتي
أبقى أُردِدُ يا علي حتى تزولَ رزيتي
حُزني وهمي ينجلي والسرُ في أُحجيتي
ذي رحمةٌ من خالقي أُحجّيةُ العشقِ التي
ما إن نطقتُ بها إذاً عادت إليَّ عزيمتي
يا نجمَ عزٍ ساطعٍ ما غِبتَ قطْ عن مُقلتي
فرحَ السماءُ ببدرِهِ وزَها بتلك الطلةِ
وأنا سُعِدتُ بوصلك وتزينت بك دُنيتي
كمُلَ الجمالُ بوصفِك وتجملت بك وصفتي
يا بحرُ إن غُصتُ بهِ شُلت بحورُ قصيدتي
قلبي بحُبِك مُبحرٌ وغدا شراعُ سفينتي
يا نعمةً فازَ الذي قدْ صانَ شُكرَ النعمةِ
وجوارَ قبرِك كلما أُلقي عليك تحيتي
يا بابَ حطةَ قُربِك للهِ أرسلُ دعوتي
لا الشيبُ يُثنيني وما بالعشقِ تُهرَمُ مهجتي
مهما كهلتُ فإنني ما زلتُ مثلَ الفتيةِ
أعلنتُ إني بالهوى كالعاشقينَ حكايتي
كالسندبادِ مُسافراً وإلى وصالك رحلتي
ومعَ النسائمِ مُرسِلاً نحو الغريِ بقُبلتي
————-
مرتضى المحنه

فزت

فزت لمن گلتها تدري بيها إتفوز
وفرق بين التيقن واليگول إيجوز
أول گال ربك وإكتفيت إبهاي
رابع خل يگول ال إلها شابع عوز
غديرك شاهده من بايعوك الناس
والبيها تمسك عالصراط إيجوز
رادوني أعوفك گلتلهم إختليت
ما أعوفه لو حطيتوا ألف حاجوز
گالولي قارن قارنتك إويه الماي
سمه تمطر علي والباقي گطرة كوز
ما أبدل الذهب وأدري التراب إهواي
علي يبقه ذهب واعله التراب يفوز
حبيتك لأن ما ساومت مولاي
وإبحگ اليتامه لليتامه إتحوز
بگليبي سكن حبك يبو الحسنين
أنا عندي گلب واحد وإلك محجوز
———
مرتضى المحنه

ميلاد الأمير

فرحه الميلاد شيعه ونحتفل
الفرحه غمرتنه وتجلت بينه
كل موالي ياعلي باسمك يصيح
وفدوه لسنينك يطش سنينه
علي يوم ميلادك البي انت جيت
انولد عالمنه وبرز تكوينه
لأن بس انت علي تعني الحياة
ويوم ميلادك علي يحيينه
انت ميلادك علي يعني الوجود
ويعني ميلادك ياثر بينه
حيدر الكرار لو ما انت چان
ما خلق جن وإنّس بارينه
يا علي وفرض حبك عالعباد
بلّغ إبهذا الامر هادينه
والصلاة بغير حبك ما تفيد
لان لو ما انت علي ارتدينه
…..
يا علي دوم آنا افكر يا تره
هم بشر مخلوق مثلي حيدره
والعجيبه شلون مثلي تنحسب
وانت يا ابو حسين سيد عالورى
شما اريد احسبها يرجعلي السؤال
بشر مثلي علي ما اتصوره
احنه من إتراب خالقنه الاله
وانت ابو إتراب وإلك هالمفخره
يعني انت ابونه ومرجعنه ليك
وكل بشر بالكون حيدر مصدره
…..
واحنه لو ردنه نحسبها صحيح
يعني مو ادم أبونه الاولي
انت يا بوحسين من قبل الوجود
يعني حتى آدم يردلك يا علي
انت يا كرار حرز المتقين
وچم شديده إمن اذكر اسمك تنجلي
إمن الطفوله علموني أهلي عليك
وانا احبك حتى لو ما علموني هلي
انا احبك من قبل ما انولد
بعالم الذر إنخلق هالحب إلي
…..
داحي خيبر يا علي هذا انتصار
وفنه ذاك الباب عنك يمتنع
يا علي والباب جيش وما دحوه
وانت من شافك تضعضع وانقلع
يا علي وشمس إنت وإنت نور
يعني اعمه الما يشوفك من تشع
ولأن انت اسمك علي يعني الخلود
يعني مهما يصير تعله وترتفع
……
وحتلو بالليل شمس الله تغيب
انت نورك يعكس إبوجه القمر
يعني اصلا لولا شخصك يا عظيم
چا قمرنا من سمه الدنيه انشطر
_____________
شيعه بغير حيدر ماعلينه
شما تحجي النواصب ماعلينه
وحكَ رب العرش لوماعلينه
محد چا عبد رب البريه
___________

خادم الحسين عليه السلام
السيد مرتضى المحنه الكربلائي
 
يا لايم يلام كف لومك عليه
أنا حبي وهيامي للهادي إوصيه
————————
يا سامع ندائي     معروف إنتمائي
أتباها إبولائي    إلحماي الحميه
 
غصبن عاليضدنه    حيدر غالي عدنه
معروف اليودنه    أصل أمه وأبيه
 
بعناد السقيفه    علي أول خليفه
لتصدگ نعيفه    علي حد المنيه
 
أول واليحبه    طاهر يبقه گلبه
لا ما يعصي ربه   وما يعصي نبيه
 
يا لايم علامك    ما تعرف إمامك
خابصني بكلامك   معروفه القضيه
 
تتهجم علَينه    چي مدينه إدينه
وبايعنه علِينه   وطبقنه الوصيه
 
علي صار إبغديره    إلكل مؤمن أميره
علي شيخ العشيره    صدر إبكل ثنيه
 
علي واضح بيانه    قرآن إبلسانه
نبراس الديانه     أبو نفس الأبيه
 
غصبن عاليمانع    غيره ما نبايع
لا ما نرضى رابع    علي شيخ البريه
 
علي لمن هويته    إبنص گلبي لكيته
إبكل شده نخيته    علي قدوه إليه
 
علي ماكو مثيله    وين ألگه بديله
علي حيدر دخيله    إله مديت إديه
 
شيعي وما أغالي    بس حيدر أوالي
عالي ويبقه عالي    علي فوگ الثريا
 
علي للأمه رحمه   من الباري نعمه
فدوه إسمي لأسمه    علي هو الهويه
——————
تمت القصيده

خادم الحسين عليه السلام
السيد مرتضى المحنه الكربلائي
 
علي ياعلي    علي ياعلي
علي ياعلي   علي ياعلي
——————-
علي عالي    علي غالي
علي أول    علي تالي
علي رحمه    علي حكمه
علي بيرغ   علي إسمه
 
علي حامي الحميه    علي خير البريه
 
إبحبه نعتلي    علي ياعلي
علي ياعلي    علي ياعلي
——————
علي رايه    علي آيه
يبقى حبه    للنهايه
علي جنه   يشفع إلنه
الله يقبل    بيه عملنه
 
علي حيدر أملنه    علي يتشفعلنه
 
حبنه الأولي    علي ياعلي
علي ياعلي    علي ياعلي
——————
علي ظاهر    علي قادر
بالشدايد     علي صابر
علي غالب    علي راهب
علي ضيغم   بالحرايب
 
علي ليث الحرايب    يراوينه العجايب
 
كل هم ينجلي    علي ياعلي
علي ياعلي     علي ياعلي
——————-
علي قائد   علي شاهد
ماكو مثله   علي واحد  
علي قابض   علي رافض
للأعادي   ظل معارض
 
علي إيحل الشديده    علي والكون بيده
 
رغمَ العاذلي    علي ياعلي
علي ياعلي    علي ياعلي
——————
علي عرشي    علي كلشي
ويه دمي      علي يمشي
علي باقي    علي راقي
على الكوثر   علي ساقي
 
علي للجنه معبر    قسيم الحشر حيدر
 
بالمحشر إلي    علي ياعلي
علي ياعلي     علي ياعلي
—————
علي قادر   علي قاهر
علي ناهي   علي آمر
علي عالم   علي حاكم
علي ناقم    علي راحم
 
علي باب الكرامه    ملك يوم القيامه
 
عشگي ومنهلي    علي ياعلي
علي ياعلي      علي ياعلي
——————

خادم الحسين عليه السلام
السيد مرتضى المحنه الكربلائي

جينه ننشد هم يرد لدياره
موسى إبن جعفر ندور أخباره
———————
جينه ننشد عالجسر شنهي الجره
اليوم كل أحباب موسى حاضره
إمن السجن گالوا يرد نتنطره
اليوم عالدنيه تشع أنواره
———————
جينه ننشد والدمع عالخد يصب
حين گالوا موسى مسموم الگلب
وسفه عن السجن ضيعنه الدرب
وما گدرته إنحرره من أسواره
———————
جينه ننشد عن إمام الرافضه
الجمعه موعدنه وگطع بينه القضا
والنعش شفناه وإسود الفضا
والگلب لا ما تهوّد ناره
———————
جينه ننشد عنه وإسمعنه الطبيب
گال مسموم الچبد لا ما يطيب
وين إخوته وأهله من وين الغريب
خل يطلبون الهواشم ثاره
———————
جينه ننشد عالغريب ومصرعه
وإشجره إبغداد يوم الفاجعه
كل موالي بالحزن هل مدمعه
والدمع الخد جمر مدراره
——————-
جينه ننشد گبر إبن خير العمل
بي تطوف الناس من كل الملل
خل نسلوفها إبصراحه إبلا خجل
وين هارون النذل وأشراره
——————-
جينه ننشد يا هو أحسن خاتمه
عاقبة هارون ملعون السمه
وموسى حلال الشدايد والحمه
وأبد ما خاب الگصدله إو زاره
———————-
تمت القصيدة

السيد مرتضى المحنه الكربلائي
 
إشعدها إعله الجسر متجمعه الناس
موسى بالسجن واتغدره الأرجاس
تشيل إجنازته أربع حماميل
تعاين شيعته والمدمع إيسيل
 
————————
صاح إبنّ سويد وجايب أخبار
خبر عندي وأريدنكم تسمعوه
إمام الرافضه من سجنه يا ناس
يوم الجمعه يطلع يالتحبوه
موعدنه الصبح ننتظره ونشوف
الغريب إعله الجسر لمن يطلعوه
 
الكاظم بالسجون وما نشف دمعه
وباچر عالجسر أحبابه مجتمعه
إبن جعفر نشوفه گالوا الجمعه  
 
طلعنه من الفجر نتنطر إيعود
لگينه إعله الجسر متجمعه إجنود
حرس تفتر علينه وراكبه الخيل
تعاين شيعته والمدمع إيسيل
 
————————
شفنه من بعيد النعش مشيول
وصوت الناعي يصرخ من سمعنه
ركضنه إبلا وعي صوب الجنازه
وتعثرنه إبدمعنه من ركضنه
بس لا موسى ميت إلنه جابوه
أثاري إنشيعه رايد من جمعنه
 
يدري الجمعه موته وخبّر الوادم
يريد أحبابه تلتم عالجسر لازم
وتشيع بالحزن راهب بني هاشم
 
مناحه إعله الجسر صارت مناحه
وعلى الروس إنحمل نعش السماحه
وبعيون المحب صار الصبح ليل
تعاين شيعته والمدمع إيسيل
 
————————
تلگانه الطبيب إوگال نزلوه
أريد أعرف شنو علة وفاته
الميت هذا وين أهله وعمامه
أثر سم الچبد بعده إبلهاته
يا هو اليطلب إبثارات موسى
مسموم إنطفت شمعة حياته
 
من سجن إلسجن والينه يتعذب
وبسم الگلب تاليها يتصوب
إنغدر سور الديانه وعزوة المذهب
 
غريب وشيعته لمصابه تنعه
جمر تجري المدامع من تودعه
على جسر الرصافه إجنازته إتميل
تعاين شيعته والمدمع إيسيل
 
————————
المناير كبّرت وإبصوت الآذان
وصدح صوت الجوامع والمنابر
بني العباس غدروا موسى بالسم
إبدولتهم أبد ماكو مشاعر
على عرشه يحافظ حتى هارون
لازم يعدم أصحاب الضماير
 
الظالم بالحكم حسباله يتهنه
الكاظم بالگبر بس ما خلص منه
إبموته ينخمد صوت العدل ظنه
 
إندفن موسى ويشع أصبح مزاره
ملايين البشر تنوي الزياره
تتوارث محبته جيل عن جيل
تعاين شيعته والمدمع إيسيل
 
————————
أحباب الغريب إبين الگبور
دفناه وعصرنه إعيونه إدموم
بعدها آثار أصابعنه بالتراب
على گبره بقينه إنطيح وإنگوم
نصبناله فواتح ظلت إسنين
ولعد هسه علينه سوده الهدوم
 
يظل طول الدهر ما ينمحي ذكره
ولا ننسى مصابه ونگصد إلگبره
على الكاظم ننوح ونهمل العبره
 
على الكاظم نهل دمع الرزيه
ونهتف يا غريب الكاظميه
وداعًا يالوداعك هدم الحيل
تعاين شيعته والمدمع إيسيل
 
————————
تمت القصيدة

خادم الحسين عليه السلام
السيد مرتضى المحنه الكربلائي
 
ماتت يالأحباب     زينب غريبه
وإتسيل العيون     دمع المصيبه
وين اليواسي الزهره      ليلة مصاب الحره
ماتت يالأحباب
—————————-
الليله عالزهره الزچيه صعبه والمدمع تسيله
حضرت أم حسين تنعه وتنحب إبونه ثكليه
يم گبر زينب تنادي إوداعة الله يالعقيله
 
يم زينب إتنوح وتون     وتنادي بدموع الحزن
ذايب دليلي وممتحن    وأبد ما يهجع عويله
 
وإبهذا المصاب     دلالي ذايب
فجعتني بالموت    أم المصايب
 گلبي إنكسر شيجبره    ليلة مصاب الحره
ماتت يالأحباب
—————————-
الليله واجبنه نواسي فاطمه الزهره الزچيه
عظم الله أجرچ نگلها زينب أخذتها المنيه
من بعد شام النوايب والجره بالغاضريه
 
بالطف تولاها الدهر    عافت گمرها إعله النهر
وحسين مگطوع النحر    ويسروها آل أميه
 
يا گمر عدنان    فگدك هضمنه
بعدك يعباس     حرگوا خيمنه
نار الخيم مستعره     ليلة مصاب الحره
ماتت يالأحباب
—————————-
الليله عالزهره المواجع جددت كل المصايب
تذكر إشلون العقيله حايره بالطف تعاتب
مره تگعد عالشريعه ومره تگعد عالترايب
 
ساعه لبو فاضل تصد    وساعه لبو اليمه ترد
محتاره وإتدور نشد    لا عمام ولا گرابب
 
للكوفه والشام     راحت سبيه
مچتوفه بحبال     بنت الزچيه
لمن مشت متيسره     ليلة مصاب الحره
ماتت يالأحباب
—————————-
الليله بالشام الغريبه ماتت وختمت عمرها
الزهره حضنت جسد بتها ونزلت إوياها إبگبرها
خاف تستوحش الليله ليلة الوحشه إشكبرها
 
وزينب تگلها يم حسن    شفتي إشعمل بيه الزمن
جوه الترب جسمي إندفن    وروحي راحت يم گمرها
 
يم كافلي الروح    راحت ييمه
والرايد إيزور      يلگاني يمه
إبصحن الكفيل وگبره    ليلة مصاب الحره
ماتت يالأحباب
—————————-
الليله بدموع المصيبه الزهره تتلگه التعازي
وباچر بيوم القيامه لليواسيها تجازي  
فاطمه بالحشر تشفع هذا واقع مو مجازي
 
لأم الخدر كلمن نعه    وإتألم إبهالفاجعه
بالجنه يهتف نسمعه    الزهره ختمتلي جوازي
 
اليبچي إعله زينب     لو غمض العين
وإبگبره لو مات      يوگفله الحسين
كلمن يهل العبره     ليلة مصاب الحره
ماتت يالأحباب 
—————————-
تمت القصيدة

خادم الحسين عليه السلام
السيد مرتضى المحنه الكربلائي
 
حگها تتباها وتطش أنوارها
صاحت الدنيه هله بخطارها
———————
الدنيه غمرتها السعاده ونورت
بيوم ميلاد الحسين إتعطرت
ويوم ميلاد أبو فاضل زهت
إبشهر شعبان إعتلت أقمارها
———————
إبشهر شعبان إنولد سبط الرسول
إتبارك الدنيه لعد فحل الفحول
بالولاده وگرت إعيون البتول
وحفت أملاك السماء إبدارها
———————
ثالث إبشعبان طش أفراحه
الدنيه بحسين أصبحت فواحه
نزل فطرس يمه مد إجناحه
وللسمه رد ويذيع أخبارها
——————-
رابع إبشعبان ميلاد الكفيل
الدينه فرحانه ببن حامي الدخيل
وزينب إبمهده تناغيله وتسيل
عيونها دمع الفرح مدرارها
——————-
اليوم دنيانه تطش أجمل خبر
إنولد شبل الحيد عباس الگمر
تمطر إعيون السمه ظلت درر
الدنيه فرحانه وتزخ أمطارها
——————-
خامس بشعبان ميلاد العليل
البالعلم والمعرفه ماله مثيل
بيوم ميلاده تطش الدنيه هيل
حگها تتباهه بجميع أخيارها
———————-
زين العباد الملايك گصدته
بيوم ميلاده وتبارك شيعته
الدنيه فرحانه وتنادي إبجيته
هله براعي المعرفه وأسرارها
————————
بهدعش شعبان مبتهجه السمه
والأرض كلها تهني فاطمه
إنولد شبل حسين راعي الغانمه
علي الأكبر يشبه إلمختارها
———————-
بالنصف شعبان مهدينه إنولد
قائم أهل البيت وفاي الوعد
نفرح إبميلاده وإنجدد عهد
بيرغ العصمه وختام أطهارها
————————
ندعي من الله يعجل طلعته
ونفرح بجيته ونعيش برحمته
إعيونّه يمته تگر إبشوفته
ودولة المهدي نشوف أسوارها
————————
تمت القصيده
 

خادم الحسين عليه السلام
السيد مرتضى المحنه الكربلائي
 
شهر شعبان إجانه وطشت أنواره
تباشرنه  وفرحنه إبهاي البشاره
كل موالي إينادي    هذا شهر أعيادي
تباشرنه وفرحنه إبهاي البشاره
—————————
اليحتفل هنياله     للرسول وآله
الليله صوته ينادي    بالفرح  يتعاله
وجهه ظل يتلاله     ومبتهج دلاله
يهني گلب الهادي    إبهالشهر بآماله
 
بشعبان إنولد بي سيد الجنه
لحسين إبتشر بالفرحه محفلنه
هذا شهر أسيادي    هذا شهر أعيادي  
تباشرنه وفرحنه إبهاي البشاره
—————————
نهني گلب الزهره    بالحسين وعطره
إنولد يوم الثالث     وشيعته مبتشره
وكافل إخته الحره    إبكربله دگ صدوه  
رابع ومتوارث    من علي ومن ظهره
 
عباس الگمر يا محله ميلاده
بي غيرة علي وبي هيبة الساده
بي عگدت إمرادي    هذا شهر أعيادي
تباشرنه وفرحنه إبهاي البشاره
—————————
بهذا شهر الرحمه    إتهل علينه النعمه
إنولد يوم الخامس     زين العباد إسمه
وبالحفل ملتمه     شيعته ومهتمه
القاري عنه ودارس   يعرفه ويفتهمه
 
هله ومية هله إبميلاد أبو الباقر
يا من تنشد إبهالمحفل إشصاير
هالحفل سجادي      هذا شهر أعيادي
تباشرنه وفرحنه إبهاي البشاره
—————————
 وإبجمال الأكبر   أبو اليمه إستبشر
وجهه يشبه طه    بي حفلنه إتنور
عالخلايق يزهر    بالحرايب يفخر
حگه من يتباها     مثل جده حيدر
 
شبيه المصطفى ومستارث أوصافه
يشع مثل الگمر ناده الذي شافه
يا شبيه الهادي     هذا شهر أعيادي
تباشرنه وفرحنه إبهاي البشاره
—————————
منتصف شعبانه    ينولد مولانه
الأمام المهدي     نوّر إبدنيانه
المنتظر ويانه    ندري ما ينسانه
غالي كلش عندي   يبقى عالي شانه
 
وبيوم النصف ميلاد مهدينه
وإبهذا الحفل نرفع تهانينه
بفرحتي وودادي    هذا شهر أعيادي
تباشرنه وفرحنه إبهاي البشاره
—————————
 

بَدْرُ شَعْبَان

في النِّصفِ مِنْ شَعبانَ بَدرٌ قدْ زهى
بِمَجيئِهِ الأَكوانُ جاءَ مُرادُها
واستبشرَتْ شُهُبُ السَّماءِ وشمسُها
والأَرضُ غنَّتْ للوليدِ وِدادَها
وتبسَّمتْ دُنيَا الوُجُودِ لأهلِهَا
بُشرَاكُمُ وُلِدَ الإمامُ عِمادُها
وتَجَلَّتِ الآمالُ في ميلادِهِ
تَمَّتْ بشعبانَ البِشَارةُ شَادَها
هذا الذي تُرجى العدالَةُ بِاسْمِهِ
وتُعَادُ للأَيَّامِ بَعضُ رَشَادِها
وعدُ النبوَّةِ والإِمامةِ قد أَتى
فَجرٌ تنفَّسَ بعدَ طُولِ سُهَادِها
يمحو الظَّلامَ إِذَا تطاولَ ليلُهُ
وتفيقُ دُنيَا الظُّلمِ مِنْ إِفسَادِها
سأَقولُ قَولي والشَّواهدُ كافيَةْ
في مدحِ خَيرِ النَّاسِ وابنِ جوادِها
يَعلُو خطابي فيكَ يا كهفَ الورى
فيكَ استغاثَتْ نَفسي مِنْ حُسَّادِها
وتحشدتْ ضدي الشوامِتُ واعتَلتْ
نارُ الغيابِ إِذ استزَادَ رَمادُها
يا بنَ الرسُولِ وتلكَ مَفخرَةٌ إِذنْ
ويطيبُ أَصلُ القَومِ مِنْ أَجدَادِها
يا بنَ الوصيِّ المرتضى وبِسيفِهِ
رُدَّتْ سُيوفُ الكُفرِ فِي أَغمادِها
يا بنَ البتولِ وكُلِّ طُهرٍ هَاشميْ
بِكَ يَستعيدُ الحقُّ عزمَ جِهادِها
أَنتَ الأَمانُ إِذا تَكسَّرَتِ المُنى
وبكَ استقامتْ بَعدَ طُولِ رُقَادِها
يا صاحبَ العَصرِ الَّذي فيهِ اعتلَتْ
للحَقِّ رَايَاتٌ زَهَتْ أَمجَادُها
نَحنُ انتظَرناكَ الدُّعاءُ سِلاحُنا
حتى تعودَ الأَرضُ في إِنشادِها
وعلى يديكَ تُختَّمُ الدُنيا هُدًى
ويعودُ فجرُ العدلِ يَملَأُ عَادَها
————————-

الأبوابُ التسعة



أَبْوَابُكَ الأُولَى وحتى التاسِعَة

وَكَأَنَّهَا صَارَتْ شُمُوسًا سَاطِعَة

عَباسُ يَا كهفَ الوَفَاءِ وَرَمزَهُ

تَسعَى لِحَضرَتِكَ القُلُوبُ مُسارِعة

مِنْ جُودِكَ الفَيَّاضِ تَشْرَبُ أَعْيُنِي

وَالنَّفْسُ يَا مُولايَ عِندَكَ قَانِعَة

صَحنٌ تَزَيَنَ بالجَمَالِ وبِالعُلَا

أَبوابُهُ مثلُ النجومِ الناصِعَة

مِنْ بَابِ قِبلَتِكَ المَعاجزُ تَنبري

وبِبَابِكَ الأَرواحُ أَضحَتْ خَاشِعَة

بِاسمِ الإمامِ المُجتبى بَابُ الحَسَنْ

تَبدُو مناظِرُهُ الجَمِيلَةُ رَائِعَة

بَابٌ تَجلَلَ شأنُهُ بِاسمِ الحُسَينْ

وكَأَنَّهُ عَينُ الكَفِيلِ الدَّامِعَة

بَابٌ تَفرَّدَ بِاسمِ غَائِبِنَا لَهُ

سِرٌّ مِنَ الْمَهدِيِّ نرغبُ طالِعَهْ

ومُعَرَّفٌ بابُ الإِمَامِ الكَاظِمِ

أَضحَتْ بِهِ كُلُّ الحَوَائِجِ قابِعَة

وَمُتَوَّجٌ بَابُ التقيِّ بِهَديِّهِ

بِزخارفٍ خُطَّتْ بِأيدٍ بارِعَة

بَابٌ تَنَوَّرَ بِالجَوَادِ مُحَمدٍ

بِسَمَاءِ صَحنِكَ صَارَ شَمسًا سَابِعَة

بَابُ الرِضَا وَلَهُ الفُرَاتُ مُوَازِيًا

وَبِهِ يُلاقي العَلقَمِيُّ منابِعَهْ

بِاسمِ الأَمِيرِ تَلاهُ بابٌ تاسعٌ

يُدْعَى بِبَابِ الكَفِّ شمسٌ تاسعة

————————

مرتضى المحنه

الأبوابُ العشرَة

أبوابُك الأولى وحتى العاشرَة
وكأنها صارتْ شموسًا زاهرَة
نَزَلتْ بِحضرتِكَ الملائكُ خُشَّعًا 
وتطوّفتْ بالصحنِ تغشى منائرَهْ
أبوابُ صحنِكَ يا حسينُ مُفتَّحَة
بِعطائِها تلكَ المضائفُ عامرَة
من كلِ بابٍ جاءَ زائرُك ازدهى
فجميعُها تهبُ الضياءَ ونائرَة
ما خابَ مَنْ يأتي ضريحَكَ عارفًا
وبِبابِ قبلتِكَ استهلَّ محاجرَهْ
مُتوجِّهًا نحوَ الضريحِ بقلبهِ
ليزورَ مَنْ بلغَ الجمالُ مناظرَهْ
أبوابُ صحنِكَ بعدَ بابِ القبلةِ
أسماؤها بالجودِ دومًا زاخرَة
بابُ الرجاءِ وطافَ فيهِ رجاؤنا
ودعاؤنا يعلو إليكَ مُجاهرَة
وبقاضيِ الحاجاتِ بابٌ قد سمَا
مَنْ جاءَهُ يلقَ الحوائجَ حاضرَة
بابٌ إلى الشهداءِ يرمزُ اسمُهُ
مَنْ زارَ قبرَ السبطِ يذكرُ ناصرَهْ
بابُ الكرامةِ للكرامةِ منبعٌ
أضحتْ إلى كسرِ الخواطرِ جابرَة
بابُ السلامِ وذاك بابٌ سادسٌ
متوهِّجٌ فيهِ الزخارفُ باهرَة
وبسابعِ الأبوابِ بابُ السِّدرةِ
وبهِ تُرَدُّ إلى الحنينِ الذاكرَة
بالصحنِ بابٌ اسمُهُ السُّلطانِيَة
ذِكرٌ لِمَنْ قد شادَ بابًا فاخرَة
بابٌ وبالرأسِ الشريفِ مُشرفٌ
تلكَ العِمارةُ فيهِ تبدو نادرَة
ذا عاشرُ الأبوابِ بابُ الزينبي
وكأنَّهُ بابٌ لخيمةِ حائرَة
أبوابُ صحنِكَ يا حسينُ جميعُها
في كربلائِكَ كالكواكبِ دائرَة
———————
مرتضى المحنه