أُحجيةُ العشق

فزتُ وربِ الكعبةِ مُتفاخرٌ بمقولتي
فزتُ بحُبِك يا علي ورضاك عني بُغيتي
قسماً بحُبِك حينما تجري بعيني دمعتي
أبقى أُردِدُ يا علي حتى تزولَ رزيتي
حُزني وهمي ينجلي والسرُ في أُحجيتي
ذي رحمةٌ من خالقي أُحجّيةُ العشقِ التي
ما إن نطقتُ بها إذاً عادت إليَّ عزيمتي
يا نجمَ عزٍ ساطعٍ ما غِبتَ قطْ عن مُقلتي
فرحَ السماءُ ببدرِهِ وزَها بتلك الطلةِ
وأنا سُعِدتُ بوصلك وتزينت بك دُنيتي
كمُلَ الجمالُ بوصفِك وتجملت بك وصفتي
يا بحرُ إن غُصتُ بهِ شُلت بحورُ قصيدتي
قلبي بحُبِك مُبحرٌ وغدا شراعُ سفينتي
يا نعمةً فازَ الذي قدْ صانَ شُكرَ النعمةِ
وجوارَ قبرِك كلما أُلقي عليك تحيتي
يا بابَ حطةَ قُربِك للهِ أرسلُ دعوتي
لا الشيبُ يُثنيني وما بالعشقِ تُهرَمُ مهجتي
مهما كهلتُ فإنني ما زلتُ مثلَ الفتيةِ
أعلنتُ إني بالهوى كالعاشقينَ حكايتي
كالسندبادِ مُسافراً وإلى وصالك رحلتي
ومعَ النسائمِ مُرسِلاً نحو الغريِ بقُبلتي
————-
مرتضى المحنه

فزت

فزت لمن گلتها تدري بيها إتفوز
وفرق بين التيقن واليگول إيجوز
أول گال ربك وإكتفيت إبهاي
رابع خل يگول ال إلها شابع عوز
غديرك شاهده من بايعوك الناس
والبيها تمسك عالصراط إيجوز
رادوني أعوفك گلتلهم إختليت
ما أعوفه لو حطيتوا ألف حاجوز
گالولي قارن قارنتك إويه الماي
سمه تمطر علي والباقي گطرة كوز
ما أبدل الذهب وأدري التراب إهواي
علي يبقه ذهب واعله التراب يفوز
حبيتك لأن ما ساومت مولاي
وإبحگ اليتامه لليتامه إتحوز
بگليبي سكن حبك يبو الحسنين
أنا عندي گلب واحد وإلك محجوز
———
مرتضى المحنه

ميلاد الأمير

فرحه الميلاد شيعه ونحتفل
الفرحه غمرتنه وتجلت بينه
كل موالي ياعلي باسمك يصيح
وفدوه لسنينك يطش سنينه
علي يوم ميلادك البي انت جيت
انولد عالمنه وبرز تكوينه
لأن بس انت علي تعني الحياة
ويوم ميلادك علي يحيينه
انت ميلادك علي يعني الوجود
ويعني ميلادك ياثر بينه
حيدر الكرار لو ما انت چان
ما خلق جن وإنّس بارينه
يا علي وفرض حبك عالعباد
بلّغ إبهذا الامر هادينه
والصلاة بغير حبك ما تفيد
لان لو ما انت علي ارتدينه
…..
يا علي دوم آنا افكر يا تره
هم بشر مخلوق مثلي حيدره
والعجيبه شلون مثلي تنحسب
وانت يا ابو حسين سيد عالورى
شما اريد احسبها يرجعلي السؤال
بشر مثلي علي ما اتصوره
احنه من إتراب خالقنه الاله
وانت ابو إتراب وإلك هالمفخره
يعني انت ابونه ومرجعنه ليك
وكل بشر بالكون حيدر مصدره
…..
واحنه لو ردنه نحسبها صحيح
يعني مو ادم أبونه الاولي
انت يا بوحسين من قبل الوجود
يعني حتى آدم يردلك يا علي
انت يا كرار حرز المتقين
وچم شديده إمن اذكر اسمك تنجلي
إمن الطفوله علموني أهلي عليك
وانا احبك حتى لو ما علموني هلي
انا احبك من قبل ما انولد
بعالم الذر إنخلق هالحب إلي
…..
داحي خيبر يا علي هذا انتصار
وفنه ذاك الباب عنك يمتنع
يا علي والباب جيش وما دحوه
وانت من شافك تضعضع وانقلع
يا علي وشمس إنت وإنت نور
يعني اعمه الما يشوفك من تشع
ولأن انت اسمك علي يعني الخلود
يعني مهما يصير تعله وترتفع
……
وحتلو بالليل شمس الله تغيب
انت نورك يعكس إبوجه القمر
يعني اصلا لولا شخصك يا عظيم
چا قمرنا من سمه الدنيه انشطر
_____________
شيعه بغير حيدر ماعلينه
شما تحجي النواصب ماعلينه
وحكَ رب العرش لوماعلينه
محد چا عبد رب البريه
___________

خادم الحسين عليه السلام
السيد مرتضى المحنه الكربلائي
 
يا لايم يلام كف لومك عليه
أنا حبي وهيامي للهادي إوصيه
————————
يا سامع ندائي     معروف إنتمائي
أتباها إبولائي    إلحماي الحميه
 
غصبن عاليضدنه    حيدر غالي عدنه
معروف اليودنه    أصل أمه وأبيه
 
بعناد السقيفه    علي أول خليفه
لتصدگ نعيفه    علي حد المنيه
 
أول واليحبه    طاهر يبقه گلبه
لا ما يعصي ربه   وما يعصي نبيه
 
يا لايم علامك    ما تعرف إمامك
خابصني بكلامك   معروفه القضيه
 
تتهجم علَينه    چي مدينه إدينه
وبايعنه علِينه   وطبقنه الوصيه
 
علي صار إبغديره    إلكل مؤمن أميره
علي شيخ العشيره    صدر إبكل ثنيه
 
علي واضح بيانه    قرآن إبلسانه
نبراس الديانه     أبو نفس الأبيه
 
غصبن عاليمانع    غيره ما نبايع
لا ما نرضى رابع    علي شيخ البريه
 
علي لمن هويته    إبنص گلبي لكيته
إبكل شده نخيته    علي قدوه إليه
 
علي ماكو مثيله    وين ألگه بديله
علي حيدر دخيله    إله مديت إديه
 
شيعي وما أغالي    بس حيدر أوالي
عالي ويبقه عالي    علي فوگ الثريا
 
علي للأمه رحمه   من الباري نعمه
فدوه إسمي لأسمه    علي هو الهويه
——————
تمت القصيده

خادم الحسين عليه السلام
السيد مرتضى المحنه الكربلائي
 
علي ياعلي    علي ياعلي
علي ياعلي   علي ياعلي
——————-
علي عالي    علي غالي
علي أول    علي تالي
علي رحمه    علي حكمه
علي بيرغ   علي إسمه
 
علي حامي الحميه    علي خير البريه
 
إبحبه نعتلي    علي ياعلي
علي ياعلي    علي ياعلي
——————
علي رايه    علي آيه
يبقى حبه    للنهايه
علي جنه   يشفع إلنه
الله يقبل    بيه عملنه
 
علي حيدر أملنه    علي يتشفعلنه
 
حبنه الأولي    علي ياعلي
علي ياعلي    علي ياعلي
——————
علي ظاهر    علي قادر
بالشدايد     علي صابر
علي غالب    علي راهب
علي ضيغم   بالحرايب
 
علي ليث الحرايب    يراوينه العجايب
 
كل هم ينجلي    علي ياعلي
علي ياعلي     علي ياعلي
——————-
علي قائد   علي شاهد
ماكو مثله   علي واحد  
علي قابض   علي رافض
للأعادي   ظل معارض
 
علي إيحل الشديده    علي والكون بيده
 
رغمَ العاذلي    علي ياعلي
علي ياعلي    علي ياعلي
——————
علي عرشي    علي كلشي
ويه دمي      علي يمشي
علي باقي    علي راقي
على الكوثر   علي ساقي
 
علي للجنه معبر    قسيم الحشر حيدر
 
بالمحشر إلي    علي ياعلي
علي ياعلي     علي ياعلي
—————
علي قادر   علي قاهر
علي ناهي   علي آمر
علي عالم   علي حاكم
علي ناقم    علي راحم
 
علي باب الكرامه    ملك يوم القيامه
 
عشگي ومنهلي    علي ياعلي
علي ياعلي      علي ياعلي
——————

خادم الحسين عليه السلام
السيد مرتضى المحنه الكربلائي

جينه ننشد هم يرد لدياره
موسى إبن جعفر ندور أخباره
———————
جينه ننشد عالجسر شنهي الجره
اليوم كل أحباب موسى حاضره
إمن السجن گالوا يرد نتنطره
اليوم عالدنيه تشع أنواره
———————
جينه ننشد والدمع عالخد يصب
حين گالوا موسى مسموم الگلب
وسفه عن السجن ضيعنه الدرب
وما گدرته إنحرره من أسواره
———————
جينه ننشد عن إمام الرافضه
الجمعه موعدنه وگطع بينه القضا
والنعش شفناه وإسود الفضا
والگلب لا ما تهوّد ناره
———————
جينه ننشد عنه وإسمعنه الطبيب
گال مسموم الچبد لا ما يطيب
وين إخوته وأهله من وين الغريب
خل يطلبون الهواشم ثاره
———————
جينه ننشد عالغريب ومصرعه
وإشجره إبغداد يوم الفاجعه
كل موالي بالحزن هل مدمعه
والدمع الخد جمر مدراره
——————-
جينه ننشد گبر إبن خير العمل
بي تطوف الناس من كل الملل
خل نسلوفها إبصراحه إبلا خجل
وين هارون النذل وأشراره
——————-
جينه ننشد يا هو أحسن خاتمه
عاقبة هارون ملعون السمه
وموسى حلال الشدايد والحمه
وأبد ما خاب الگصدله إو زاره
———————-
تمت القصيدة

السيد مرتضى المحنه الكربلائي
 
إشعدها إعله الجسر متجمعه الناس
موسى بالسجن واتغدره الأرجاس
تشيل إجنازته أربع حماميل
تعاين شيعته والمدمع إيسيل
 
————————
صاح إبنّ سويد وجايب أخبار
خبر عندي وأريدنكم تسمعوه
إمام الرافضه من سجنه يا ناس
يوم الجمعه يطلع يالتحبوه
موعدنه الصبح ننتظره ونشوف
الغريب إعله الجسر لمن يطلعوه
 
الكاظم بالسجون وما نشف دمعه
وباچر عالجسر أحبابه مجتمعه
إبن جعفر نشوفه گالوا الجمعه  
 
طلعنه من الفجر نتنطر إيعود
لگينه إعله الجسر متجمعه إجنود
حرس تفتر علينه وراكبه الخيل
تعاين شيعته والمدمع إيسيل
 
————————
شفنه من بعيد النعش مشيول
وصوت الناعي يصرخ من سمعنه
ركضنه إبلا وعي صوب الجنازه
وتعثرنه إبدمعنه من ركضنه
بس لا موسى ميت إلنه جابوه
أثاري إنشيعه رايد من جمعنه
 
يدري الجمعه موته وخبّر الوادم
يريد أحبابه تلتم عالجسر لازم
وتشيع بالحزن راهب بني هاشم
 
مناحه إعله الجسر صارت مناحه
وعلى الروس إنحمل نعش السماحه
وبعيون المحب صار الصبح ليل
تعاين شيعته والمدمع إيسيل
 
————————
تلگانه الطبيب إوگال نزلوه
أريد أعرف شنو علة وفاته
الميت هذا وين أهله وعمامه
أثر سم الچبد بعده إبلهاته
يا هو اليطلب إبثارات موسى
مسموم إنطفت شمعة حياته
 
من سجن إلسجن والينه يتعذب
وبسم الگلب تاليها يتصوب
إنغدر سور الديانه وعزوة المذهب
 
غريب وشيعته لمصابه تنعه
جمر تجري المدامع من تودعه
على جسر الرصافه إجنازته إتميل
تعاين شيعته والمدمع إيسيل
 
————————
المناير كبّرت وإبصوت الآذان
وصدح صوت الجوامع والمنابر
بني العباس غدروا موسى بالسم
إبدولتهم أبد ماكو مشاعر
على عرشه يحافظ حتى هارون
لازم يعدم أصحاب الضماير
 
الظالم بالحكم حسباله يتهنه
الكاظم بالگبر بس ما خلص منه
إبموته ينخمد صوت العدل ظنه
 
إندفن موسى ويشع أصبح مزاره
ملايين البشر تنوي الزياره
تتوارث محبته جيل عن جيل
تعاين شيعته والمدمع إيسيل
 
————————
أحباب الغريب إبين الگبور
دفناه وعصرنه إعيونه إدموم
بعدها آثار أصابعنه بالتراب
على گبره بقينه إنطيح وإنگوم
نصبناله فواتح ظلت إسنين
ولعد هسه علينه سوده الهدوم
 
يظل طول الدهر ما ينمحي ذكره
ولا ننسى مصابه ونگصد إلگبره
على الكاظم ننوح ونهمل العبره
 
على الكاظم نهل دمع الرزيه
ونهتف يا غريب الكاظميه
وداعًا يالوداعك هدم الحيل
تعاين شيعته والمدمع إيسيل
 
————————
تمت القصيدة

خادم الحسين عليه السلام
السيد مرتضى المحنه الكربلائي
 
ماتت يالأحباب     زينب غريبه
وإتسيل العيون     دمع المصيبه
وين اليواسي الزهره      ليلة مصاب الحره
ماتت يالأحباب
—————————-
الليله عالزهره الزچيه صعبه والمدمع تسيله
حضرت أم حسين تنعه وتنحب إبونه ثكليه
يم گبر زينب تنادي إوداعة الله يالعقيله
 
يم زينب إتنوح وتون     وتنادي بدموع الحزن
ذايب دليلي وممتحن    وأبد ما يهجع عويله
 
وإبهذا المصاب     دلالي ذايب
فجعتني بالموت    أم المصايب
 گلبي إنكسر شيجبره    ليلة مصاب الحره
ماتت يالأحباب
—————————-
الليله واجبنه نواسي فاطمه الزهره الزچيه
عظم الله أجرچ نگلها زينب أخذتها المنيه
من بعد شام النوايب والجره بالغاضريه
 
بالطف تولاها الدهر    عافت گمرها إعله النهر
وحسين مگطوع النحر    ويسروها آل أميه
 
يا گمر عدنان    فگدك هضمنه
بعدك يعباس     حرگوا خيمنه
نار الخيم مستعره     ليلة مصاب الحره
ماتت يالأحباب
—————————-
الليله عالزهره المواجع جددت كل المصايب
تذكر إشلون العقيله حايره بالطف تعاتب
مره تگعد عالشريعه ومره تگعد عالترايب
 
ساعه لبو فاضل تصد    وساعه لبو اليمه ترد
محتاره وإتدور نشد    لا عمام ولا گرابب
 
للكوفه والشام     راحت سبيه
مچتوفه بحبال     بنت الزچيه
لمن مشت متيسره     ليلة مصاب الحره
ماتت يالأحباب
—————————-
الليله بالشام الغريبه ماتت وختمت عمرها
الزهره حضنت جسد بتها ونزلت إوياها إبگبرها
خاف تستوحش الليله ليلة الوحشه إشكبرها
 
وزينب تگلها يم حسن    شفتي إشعمل بيه الزمن
جوه الترب جسمي إندفن    وروحي راحت يم گمرها
 
يم كافلي الروح    راحت ييمه
والرايد إيزور      يلگاني يمه
إبصحن الكفيل وگبره    ليلة مصاب الحره
ماتت يالأحباب
—————————-
الليله بدموع المصيبه الزهره تتلگه التعازي
وباچر بيوم القيامه لليواسيها تجازي  
فاطمه بالحشر تشفع هذا واقع مو مجازي
 
لأم الخدر كلمن نعه    وإتألم إبهالفاجعه
بالجنه يهتف نسمعه    الزهره ختمتلي جوازي
 
اليبچي إعله زينب     لو غمض العين
وإبگبره لو مات      يوگفله الحسين
كلمن يهل العبره     ليلة مصاب الحره
ماتت يالأحباب 
—————————-
تمت القصيدة

خادم الحسين عليه السلام
السيد مرتضى المحنه الكربلائي
 
حگها تتباها وتطش أنوارها
صاحت الدنيه هله بخطارها
———————
الدنيه غمرتها السعاده ونورت
بيوم ميلاد الحسين إتعطرت
ويوم ميلاد أبو فاضل زهت
إبشهر شعبان إعتلت أقمارها
———————
إبشهر شعبان إنولد سبط الرسول
إتبارك الدنيه لعد فحل الفحول
بالولاده وگرت إعيون البتول
وحفت أملاك السماء إبدارها
———————
ثالث إبشعبان طش أفراحه
الدنيه بحسين أصبحت فواحه
نزل فطرس يمه مد إجناحه
وللسمه رد ويذيع أخبارها
——————-
رابع إبشعبان ميلاد الكفيل
الدينه فرحانه ببن حامي الدخيل
وزينب إبمهده تناغيله وتسيل
عيونها دمع الفرح مدرارها
——————-
اليوم دنيانه تطش أجمل خبر
إنولد شبل الحيد عباس الگمر
تمطر إعيون السمه ظلت درر
الدنيه فرحانه وتزخ أمطارها
——————-
خامس بشعبان ميلاد العليل
البالعلم والمعرفه ماله مثيل
بيوم ميلاده تطش الدنيه هيل
حگها تتباهه بجميع أخيارها
———————-
زين العباد الملايك گصدته
بيوم ميلاده وتبارك شيعته
الدنيه فرحانه وتنادي إبجيته
هله براعي المعرفه وأسرارها
————————
بهدعش شعبان مبتهجه السمه
والأرض كلها تهني فاطمه
إنولد شبل حسين راعي الغانمه
علي الأكبر يشبه إلمختارها
———————-
بالنصف شعبان مهدينه إنولد
قائم أهل البيت وفاي الوعد
نفرح إبميلاده وإنجدد عهد
بيرغ العصمه وختام أطهارها
————————
ندعي من الله يعجل طلعته
ونفرح بجيته ونعيش برحمته
إعيونّه يمته تگر إبشوفته
ودولة المهدي نشوف أسوارها
————————
تمت القصيده
 

خادم الحسين عليه السلام
السيد مرتضى المحنه الكربلائي
 
شهر شعبان إجانه وطشت أنواره
تباشرنه  وفرحنه إبهاي البشاره
كل موالي إينادي    هذا شهر أعيادي
تباشرنه وفرحنه إبهاي البشاره
—————————
اليحتفل هنياله     للرسول وآله
الليله صوته ينادي    بالفرح  يتعاله
وجهه ظل يتلاله     ومبتهج دلاله
يهني گلب الهادي    إبهالشهر بآماله
 
بشعبان إنولد بي سيد الجنه
لحسين إبتشر بالفرحه محفلنه
هذا شهر أسيادي    هذا شهر أعيادي  
تباشرنه وفرحنه إبهاي البشاره
—————————
نهني گلب الزهره    بالحسين وعطره
إنولد يوم الثالث     وشيعته مبتشره
وكافل إخته الحره    إبكربله دگ صدوه  
رابع ومتوارث    من علي ومن ظهره
 
عباس الگمر يا محله ميلاده
بي غيرة علي وبي هيبة الساده
بي عگدت إمرادي    هذا شهر أعيادي
تباشرنه وفرحنه إبهاي البشاره
—————————
بهذا شهر الرحمه    إتهل علينه النعمه
إنولد يوم الخامس     زين العباد إسمه
وبالحفل ملتمه     شيعته ومهتمه
القاري عنه ودارس   يعرفه ويفتهمه
 
هله ومية هله إبميلاد أبو الباقر
يا من تنشد إبهالمحفل إشصاير
هالحفل سجادي      هذا شهر أعيادي
تباشرنه وفرحنه إبهاي البشاره
—————————
 وإبجمال الأكبر   أبو اليمه إستبشر
وجهه يشبه طه    بي حفلنه إتنور
عالخلايق يزهر    بالحرايب يفخر
حگه من يتباها     مثل جده حيدر
 
شبيه المصطفى ومستارث أوصافه
يشع مثل الگمر ناده الذي شافه
يا شبيه الهادي     هذا شهر أعيادي
تباشرنه وفرحنه إبهاي البشاره
—————————
منتصف شعبانه    ينولد مولانه
الأمام المهدي     نوّر إبدنيانه
المنتظر ويانه    ندري ما ينسانه
غالي كلش عندي   يبقى عالي شانه
 
وبيوم النصف ميلاد مهدينه
وإبهذا الحفل نرفع تهانينه
بفرحتي وودادي    هذا شهر أعيادي
تباشرنه وفرحنه إبهاي البشاره
—————————
 

بَدْرُ شَعْبَان

في النِّصفِ مِنْ شَعبانَ بَدرٌ قدْ زهى
بِمَجيئِهِ الأَكوانُ جاءَ مُرادُها
واستبشرَتْ شُهُبُ السَّماءِ وشمسُها
والأَرضُ غنَّتْ للوليدِ وِدادَها
وتبسَّمتْ دُنيَا الوُجُودِ لأهلِهَا
بُشرَاكُمُ وُلِدَ الإمامُ عِمادُها
وتَجَلَّتِ الآمالُ في ميلادِهِ
تَمَّتْ بشعبانَ البِشَارةُ شَادَها
هذا الذي تُرجى العدالَةُ بِاسْمِهِ
وتُعَادُ للأَيَّامِ بَعضُ رَشَادِها
وعدُ النبوَّةِ والإِمامةِ قد أَتى
فَجرٌ تنفَّسَ بعدَ طُولِ سُهَادِها
يمحو الظَّلامَ إِذَا تطاولَ ليلُهُ
وتفيقُ دُنيَا الظُّلمِ مِنْ إِفسَادِها
سأَقولُ قَولي والشَّواهدُ كافيَةْ
في مدحِ خَيرِ النَّاسِ وابنِ جوادِها
يَعلُو خطابي فيكَ يا كهفَ الورى
فيكَ استغاثَتْ نَفسي مِنْ حُسَّادِها
وتحشدتْ ضدي الشوامِتُ واعتَلتْ
نارُ الغيابِ إِذ استزَادَ رَمادُها
يا بنَ الرسُولِ وتلكَ مَفخرَةٌ إِذنْ
ويطيبُ أَصلُ القَومِ مِنْ أَجدَادِها
يا بنَ الوصيِّ المرتضى وبِسيفِهِ
رُدَّتْ سُيوفُ الكُفرِ فِي أَغمادِها
يا بنَ البتولِ وكُلِّ طُهرٍ هَاشميْ
بِكَ يَستعيدُ الحقُّ عزمَ جِهادِها
أَنتَ الأَمانُ إِذا تَكسَّرَتِ المُنى
وبكَ استقامتْ بَعدَ طُولِ رُقَادِها
يا صاحبَ العَصرِ الَّذي فيهِ اعتلَتْ
للحَقِّ رَايَاتٌ زَهَتْ أَمجَادُها
نَحنُ انتظَرناكَ الدُّعاءُ سِلاحُنا
حتى تعودَ الأَرضُ في إِنشادِها
وعلى يديكَ تُختَّمُ الدُنيا هُدًى
ويعودُ فجرُ العدلِ يَملَأُ عَادَها
————————-

الأبوابُ التسعة



أَبْوَابُكَ الأُولَى وحتى التاسِعَة

وَكَأَنَّهَا صَارَتْ شُمُوسًا سَاطِعَة

عَباسُ يَا كهفَ الوَفَاءِ وَرَمزَهُ

تَسعَى لِحَضرَتِكَ القُلُوبُ مُسارِعة

مِنْ جُودِكَ الفَيَّاضِ تَشْرَبُ أَعْيُنِي

وَالنَّفْسُ يَا مُولايَ عِندَكَ قَانِعَة

صَحنٌ تَزَيَنَ بالجَمَالِ وبِالعُلَا

أَبوابُهُ مثلُ النجومِ الناصِعَة

مِنْ بَابِ قِبلَتِكَ المَعاجزُ تَنبري

وبِبَابِكَ الأَرواحُ أَضحَتْ خَاشِعَة

بِاسمِ الإمامِ المُجتبى بَابُ الحَسَنْ

تَبدُو مناظِرُهُ الجَمِيلَةُ رَائِعَة

بَابٌ تَجلَلَ شأنُهُ بِاسمِ الحُسَينْ

وكَأَنَّهُ عَينُ الكَفِيلِ الدَّامِعَة

بَابٌ تَفرَّدَ بِاسمِ غَائِبِنَا لَهُ

سِرٌّ مِنَ الْمَهدِيِّ نرغبُ طالِعَهْ

ومُعَرَّفٌ بابُ الإِمَامِ الكَاظِمِ

أَضحَتْ بِهِ كُلُّ الحَوَائِجِ قابِعَة

وَمُتَوَّجٌ بَابُ التقيِّ بِهَديِّهِ

بِزخارفٍ خُطَّتْ بِأيدٍ بارِعَة

بَابٌ تَنَوَّرَ بِالجَوَادِ مُحَمدٍ

بِسَمَاءِ صَحنِكَ صَارَ شَمسًا سَابِعَة

بَابُ الرِضَا وَلَهُ الفُرَاتُ مُوَازِيًا

وَبِهِ يُلاقي العَلقَمِيُّ منابِعَهْ

بِاسمِ الأَمِيرِ تَلاهُ بابٌ تاسعٌ

يُدْعَى بِبَابِ الكَفِّ شمسٌ تاسعة

————————

مرتضى المحنه

الأبوابُ العشرَة

أبوابُك الأولى وحتى العاشرَة
وكأنها صارتْ شموسًا زاهرَة
نَزَلتْ بِحضرتِكَ الملائكُ خُشَّعًا 
وتطوّفتْ بالصحنِ تغشى منائرَهْ
أبوابُ صحنِكَ يا حسينُ مُفتَّحَة
بِعطائِها تلكَ المضائفُ عامرَة
من كلِ بابٍ جاءَ زائرُك ازدهى
فجميعُها تهبُ الضياءَ ونائرَة
ما خابَ مَنْ يأتي ضريحَكَ عارفًا
وبِبابِ قبلتِكَ استهلَّ محاجرَهْ
مُتوجِّهًا نحوَ الضريحِ بقلبهِ
ليزورَ مَنْ بلغَ الجمالُ مناظرَهْ
أبوابُ صحنِكَ بعدَ بابِ القبلةِ
أسماؤها بالجودِ دومًا زاخرَة
بابُ الرجاءِ وطافَ فيهِ رجاؤنا
ودعاؤنا يعلو إليكَ مُجاهرَة
وبقاضيِ الحاجاتِ بابٌ قد سمَا
مَنْ جاءَهُ يلقَ الحوائجَ حاضرَة
بابٌ إلى الشهداءِ يرمزُ اسمُهُ
مَنْ زارَ قبرَ السبطِ يذكرُ ناصرَهْ
بابُ الكرامةِ للكرامةِ منبعٌ
أضحتْ إلى كسرِ الخواطرِ جابرَة
بابُ السلامِ وذاك بابٌ سادسٌ
متوهِّجٌ فيهِ الزخارفُ باهرَة
وبسابعِ الأبوابِ بابُ السِّدرةِ
وبهِ تُرَدُّ إلى الحنينِ الذاكرَة
بالصحنِ بابٌ اسمُهُ السُّلطانِيَة
ذِكرٌ لِمَنْ قد شادَ بابًا فاخرَة
بابٌ وبالرأسِ الشريفِ مُشرفٌ
تلكَ العِمارةُ فيهِ تبدو نادرَة
ذا عاشرُ الأبوابِ بابُ الزينبي
وكأنَّهُ بابٌ لخيمةِ حائرَة
أبوابُ صحنِكَ يا حسينُ جميعُها
في كربلائِكَ كالكواكبِ دائرَة
———————
مرتضى المحنه 

المحنه الكربلائي
 
راحت إمن إعيوني وأخذتها المنيه  
 ما تطيب إجروحي من هاي الرزيه  
نار گلبي إموجره       ودعت بالمگبره  
 كل حياتي           كل حياتي
———————-
راحت أم داري          وما طفت ناري
روحي محتامه وتهل دمعات عيني
چانت إگبالي           وهسه ظل خالي
البيت وأركانه تون كلها إبونيني
لا تلوموني                لسه بعيوني    
صوره راسمها بكثر شوگي وحنيني
أهنا أشوفنها          گاعده چنها
وكون ما أصدگ بعد لا ما تجيني
 
 كون أموت إوياها وبنفس الحفيره
والله ما ناسيها لحظات الأخيره  
ألف هنيال الثره              ودعت بالمگبره
كل حياتي             كل حياتي
———————-
أذكر أحبابي           إبلوعة إصوابي
الراح ما يرجع بعد يا من يرده
ماتت ونوحي            فزز إجروحي
يا جرح فگد النحبهم من يضمده
ضحت وصبرت           وأبد ما ملت
الدين من أموالها چانت تسنده
أنحب إعليها             وما أجازيها
الله ما عوضني عنها بغير وحده
 
 الگالت يعوضني بأحسن لو مثلها
 كل نساء العالم ما توصل فضلها
ما تصح هيچي مره           ودعت بالمگبره
كل حياتي                كل حياتي
———————-
أنحب إبحسره           إمن أنظر الزهره
ينعصر گلبي عليها أمست يتيمه
يجري مدمعها               تندب أسمعها
فاطمه بعدچ بقت من غير خيمه
گوه أصبرها            وعبرتي أحصرها
 شلون أضم إدموعي وآنا بعيني غيمه
خاف أبچيها            بس أحاچيها
تگلي ماتت أمي يا بويه هضيمه
 
گمت أدير أعيوني وما أصدن عليها
ومن تشوف إدموعي تمسحن بديها
إدموعها ودمعي جره         ودعت بالمگبره
كل حياتي               كل حياتي 
———————-
ادفن إسنيني             وأرجع إبعيني
 دمعة الفاگد حلم عمره ونصيبه
وحدي أرد تالي             والنعش خالي
  وسدت جثة خديجه إبيا مصيبه
أمشي وأتحسر               يا صبر يگدر
   يطفي نيران الدفن بيده حبيبه
محني ظل ظهري         والدمع يجري
شيب إگليبي إبهضل نوحه ونحيبه  
 
  شلون أطب إلبيتي وأم بيتي إبگبرها
   هذي أول ليلة تتركني إبعمرها
داري چانت مزهره         ودعت بالمگبره
كل حياتي              كل حياتي 
———————-
ظلت إعيوني           إمساهره إولوني
 منخطف من صدمة الموت الفجعني
عمري ودعته               وحلمي ضيعته
  وسفه ما بين المگابر ضاع مني
يجري ظل دمعي           وإختلف وضعي
‏  ما حسبت إحساب تالي إتغيب عني
يم گبرها أگعد            أحچي بس مترد
 يا شريكة روحي وإفراگچ هضمني
 
أحچي وبدمعاتي يم گبر الحبيبه  
وما ترد إجوابي الله إشمصيبه  
فارگتني الطاهره             ودعت بالمگبره
كل حياتي                 كل حياتي 
———————-
تمت القصيده

خادم الحسين عليه السلام
السيد مرتضى المحنه الكربلائي
 
هالليله نجري الدمعات    وإلفاطمه إنواسيها
____________
ليلة حزن ليلة هضم ليلة نوح
أم فاطمه عن فاطمه الليله إتروح
وگلب الزچيه إمن الحزن ظل مجروح
بالنايبه وبالآهات   للطاهره إنعزيها
_____________
نواسيها وإعله أمها نهل الدمعه
ونعلن حداد إبهالمصيبه إو ننعه
ماتت خديجه وفاطمه منفجعه
هالليه هاي العبرات    لأم فاطمه نجريها
____________
زوجة رسول الله وخزانة سره
والهادي من ماتت خديجه الكبرى
ظل يسچب إعليها الدمع والعبره
ظل النبي إبهالمأسات    طول العمر يرثيها 
_____________
أم الفخر للأمه صارت نبراس
قدوه ولعد كل النسا شيلت راس
بالتضحيه سيرة خديجه المقياس
عون وسند بالكلفات   چان النبي إيسميها
____________
من عدها نستلهم معاني العفه
وبيها الكرم لمن نريد إنوصفه
مظلومه ماتت بالشِعب يا وسفه
وإتحملت هاللوعات   لجل النبي إوباريها
___________
إبشِعب أبو طالب ماتت أم الزهره
وأعليها كل مؤمن ينوح إبحسره
شيجبره گلب أم الحسن شيجبره
هالليله بس بالحسرات    أم الحسن تگضيها
____________
تمت القصيده

أولُ الحسنينِ
 
غنــتْ لمقدمِ شخصِكَ الثقلانِ
وتفاءلتْ بالنصف  مـن رمضانِ
فاستبشر الدينُ الحنيفُ مُنادياً
يـــــا مرحباً يـــا أولَ الحسنينِ
ميــــلادُك المـيمونُ سَـرَّ قُلـوبَنا
وتكحلــتْ بمجيــئِك العيــــنانِ
إذ أبصرتْ عينُ المحبةِ صُبحَها
مــــن نــــورِ وجهٍ ســـاطعٍ ليّانِ
في وجهِك البَرَّاقِ حين تزاحمت
أنــــوارُ حسنِ الربِ  والسُبـحانِ
أنـــا بالــــولادةِ كالطيـــور مغردٌ
طافـت بأطـراف السـما الحانــي
كبّـر بِصوتِـــك يــا وليـــدَ محمدٍ
كبــرْ ليشـــدو الصـــوتُ بـالآذانِ
واخـبر بـــأن تمــــامَ ديـنِ محمدٍ
فــي حبكم ، يــــا صفوةَ الرحمنِ
يامـــــن جُعلتـم للبريــــةِ منجدًا
مــن كل شرٍ، من خطى الشيطانِ
الخيرُ فـــــي حـبِ الرسـولِ وآلـهِ
حـبٌ لآل البـيــتِ  كالفـرقــــــــانِ
فـــي حبهـم بحبــوحةُ الرضــوانِ
فــــي بغضـهم ستــظلُ كالحـيرانِ
يـــــــا سيـدَ الشبـانِ إقــبلْ بيعتي
فقد ارتضيـتُكَ سيـــدي، سلطانــي
متفـضلٌ حيــــن ارتضـيـتَ ولائيـا
أنعـم بخدمـــةِ سيـــد الشبــــــــانِ
 
مرتضى المحنه

خادم الحسين عليه السلام
السيد مرتضى المحنه الكربلائي
 
شيصبْر الأيتام    هاي المسيه
تتنطر إيعود      حامي الحميه
عيون اليتامى إعله الدرب ظلت يحيدر
ويهمل دمعها     إصوابك فجعها
————————-
يا علي إعيون اليتامه الليله ما ينشف دمعها
سمعت إبراسك تصوب يا علي إمصابك فجعها
گصدت إبابك تنادي يقهر ويهضم وضعها
 
يا بو اليتامه وبالحزن    گصدتلك أيتامك تون
إبدمعتها غرگان الجفن    وعلنت الليله جزعها
 
وتصيح الأيتام   هامة أبونه
مفضوخه نصين   وبي صوبونه
سيف المرادي صوبه وبالدم تعفر
ويهمل دمعها     إصوابك فجعها
————————-
يا علي الكوفه حزينه ومظلمه الليله إعله فكدك
وتندعي الأيتام ظلت بلكت الباري يردك
إمتانيه چفك يحيدر يمسح إبراس اليودك
 
ليلة مصابك مظلمه     وأحمر غده وجه السمه
من راسك إيسيل الدمه    والطبيب إيعزي ولدك
 
محرابك إينوح   والكوفه تنعه  
وإبصوته جبريل   يصرخ نسمعه
ويعزي أملاك السمه إبلوعه وتحسر
ويهمل دمعها     إصوابك فجعها
————————-
يا علي إبسجدة صلاتك صوبك سيف الرديه
وإبشهر رمضان صايم طحت يا حامي الحميه
بالفجر صوت المؤدن عدنه يتحول عزيه
 
إبهالساعه راسك ينطبر    وما تممت فرض الفجر
صايم يحيدر تنغدر    ويمك إتحوم المنيه
 
ساجد يطبرون   راسك يغالي
وبالمسجد إتطيح   يا وسفه تالي
بگلوب أحبابك تظل هالطبره تسعر
ويهمل دمعها     إصوابك فجعها
————————-
يا علي بيوت الأرامل يا هو بعدك يعتنيها
وبوبها محد يدگها ولا سأل واحد عليها
الليله ماعون اليتامه فارغ وتصفگ بديها
 
أيتام چانت بالإسم     ما چانت إتحس باليتم
  إبجالك أبد لا ما تهم    من عفتها إشصار بيها
 
مفجوعه وإتنوح   بعد تراها
يا حيدر إصواب   راسك سباها
حال اليتامه يا علي بعدك تغير
ويهمل دمعها     إصوابك فجعها
————————-
يا علي فگدك فجعنه وليلة إمصابك رهيبه
تهمل إعيون التحبك دم دمعها إبهالمصيبه
راح أبونه إتصيح بعدك والمحب فارگ حبيبه
 
خيمتنه طاحت والعمد    ما ظل أبو ولا ظل سند
وإتكسّر إجناح السعد    وصارت الدنيه غريبه
 
يا أبالحسن حيف   عينك تسدها
وأحبابك اليوم    فگدت سندها  
گلب الموالي من بعد وجهك تحير 
ويهمل دمعها     إصوابك فجعها
————————-
يا علي أسود لبسنه والحزن لايگ علينه
حتى حيطان الجوامع تندب إفراگك حزينه
وداعت الله يالعفتنه أيتام بخلافك بقينه
 
لفراگك إينوح الگلب   واعيونه المدمع تصب
هنيال گبرك والترب     يحتضن جثة ولينه
 
هنيال الگبور     أخذتك منه
نايم بالتراب   وإحنه إنفجعنه
كل شيعتك تجري الدمع بمصابك أحمر
ويهمل دمعها     إصوابك فجعها
————————-
تمت القصيدة  

سكتَ الأذانُ
 
سكتَ الأذانُ وضاعَ وقتُ صلاتهِ
وانهدَّ رُكنُ الدينِ بعدَ ثباتهِ
غدرًا أُصيبَ إمامُ عدلٍ قائمٍ
في طاعةِ الرحمنِ طولَ حياتهِ
صلَّى عليٌ وابنُ ملجِمَ غالهُ
والسيفُ غدرًا كانَ في طيَّاتهِ
نامتْ عيونُ الفجرِ في محرابهِ
وامتدَّ كفُّ الحقدِ مِنْ طُلُماتهِ
وبسيفهِ الملعونِ حينَ أصابَهُ
قدْ قالَ فُزتُ مُتمتِمًا كلِماتهِ
هذا الوصىُّ ولا يزالُ لفقدهِ
محرابهُ المكلومُ في مأساتهِ
هذا عليٌ لم يمتْ من ضربةٍ
بل عاشَ قرآنًا بكلِّ صفاتهِ
ما ماتَ مَنْ ملأَ الحياةَ عدالةً
فبِكُلِّ قلبٍ عاشَ في نبَضاتهِ
ما غابَ مَنْ جعلَ اليتامى موطنًا
أبوابُها تَرنو إلى خُطُواتهِ
سَلْ عنهُ كوفانًا ومحرابَ الصلا
تُنبيكَ عن دمعِ الحصى وثباتهِ
سَلْ عنهُ هلْ خابَ الوغى بوجودهِ
أم كانَ نصرُ الحقِّ مِنْ راياتهِ
وسَلْ اليتامى كيفَ حالُ جفونهم
دمعٌ يُجافي النومَ في عبراتهِ
قُلْ لِلَّيالي كيفَ مرَّ فراقهُ
حتى تكسَّرَ صمتُها بمماتهِ
يا هامةَ المغدورِ في محرابهِ
وهبَتْ دماءَ الطُهرِ في سجَداتهِ
جاءَ الأميرُ إلى صلاتهِ ليتهُ
ما جاءَ فالقلبُ ارتجى لنجاتهِ
حُزني على مَنْ شُقَّ رأسُهُ صائمًا
ومضى شهيدًا صابرًا بوفاتهِ
ما كانَ يطلبُ مجدَ نفسٍ ساعةً
بلْ كانَ مجدُ الدينِ في غاياتهِ
في بدرِ حينَ اشتدَّ بأسُ المعتدي
كانَ اليقينُ يدورُ في حملاتهِ
وبيومِ أُحدٍ إذْ تراجعَ جمعُهم
قدْ صارَ دِرعًا للرسولِ بذاتهِ
وبخندقِ الأحزابِ ذلَّ عزيزَهم
لمَّا تهاوى الشركُ مِنْ ضرباتهِ
وبخيبرِ الأبوابُ تشهدُ حينمَا
سقطتْ عروشُ الحصنِ في صولاتهِ
وأتى حُنَينًا كالهزبرِ بسوحِها
ويُكرُ مثلَ الليثِ في غاباتهِ
بطلٌ همامٌ في الشدائدِ أمَّةٌ
جيشٌ لوحدهِ كانَ في غاراتهِ
أوصافُهُ الضحَّاكُ في سوحِ الوغى
وبليلهِ البكَّاءُ في صلَواتهِ
يا سامعي قلْ لي فهلْ مِنْ رَجعةٍ
أوَ هلْ يفيقُ الوردُ بعدَ سُباتهِ
لا مدحَ يُطفِئُ نارَ قلبٍ مُوجَعٍ
أمسى أسيرَ الحزنِ في سكناته  
قدْ سالَ دمعي في رثاءِ المرتضى
واجتاحَ قلبي الحزنُ مِنْ آهاتهِ
——————-
مرتضى المحنه

خادم الحسين عليه السلام 
السيد مرتضى المحنه الكربلائي 

تجري دمعات العين     يا علي بمصابك 
————————
يا علي إجناح الحزن    خيّم إعله الأمه
الدنيه بمصابك غدت    الليله وحشه وظلمه 
وسفه راسك ينطبر    يخضبوك إبدمه 
واليتامه يا علي      إبفرگتك متيتمه 

والدمع يا بو حسين    ما نشف بغيابك 
———————-
إبابك أيتامك تدگ     يا علي ومحتاره
من يردلها النشد    عن علي وأخباره
إتنادي يا حامي الحمه    ياليحامي جاره 
إنريد أبونه إنودعه    لا يموت إبداره

من جسر چف البين    يا ولينه وصابك 
———————
مسجد الكوفه إنفجع    من طحت يا حيدر
والدمع مثل الدمه    يجري لجلك أحمر 
والمنادي بالسمه    الليله بسمك كبّر 
يا علي إبسيف الغدر   هامتك تتطبر 

إنطبر راسك نصين    يا علي بمحرابك 
————————
شيعتك يا أبالحسن     من نطيح إبشده
ننخه يا حامي الحمه    والمعادي إنضده 
وكل محب من ينتخي    يدري لا مترده
الليله سيفك يا علي    ما يبات إبغمده

يا علي ومتعنين     شيعتك يم بابك 
———————-
مثل زينب يا علي    الليله نجري الدمعه 
وبمصابك شيعتك    بالحزن منفجعه 
نعزي الحسبن وحسن   والمنادي إنسمعه 
الليله ليلة فاجعه    والصميده إنودعه 

بالحزن مجتمعين    إنودعك بترابك 
————————
إوداعة الله يا علي    يالوداعك جمره
نار فگدك بالگلب    تلهب ومستعره 
إزيارتك يا سيدي    بالمواجع نقره
من نطوف إبمرقدك    من نطب للحضره

دين وانوافي الدَين    ما نعوف إعتابك 
———————
تمت القصيدة