خادم الحسين(ع)
السيد مرتضى المحنه الكربلائي
 
بالحزن واسيها  واجري دمعك ليها 
والله بس تذكر رقيه حاجتك تكضيها
____
امدللة جانت عزيزه والابو يداريها
ونسة البيت وأبوها مهجتي إمسميها
يصيح لو شاهد دمعها ياهو عايل بيها
يزعل حسين الزعلها ويكعد ايراضيها

يكعد ايلاعبها    إتعبه ويتعبها 
تبتسم لمن تنام ابحظنها ويغطيها 
______
من طلع ظعن الهواشم حظّرت معصبها
هيج اهلها علموها والابو مدربها
يلوك الحجاب إلوجها إمن الزغر حجبها
تحب ابوها وهو جان حسين حيل ايحبها

يحبها ويحن إلها    وبالدرب يسألها
ماتعبتي يكلها جان ويطمئن إعليها
_________
الكربله من طب ظعنهم والعساكر شافت
شبكت احسين وشبكها خلي نرجع صاحت
جني اشوفن غيمه سوده عالمخيم طافت 
باليصير اعليها باجر حس كلبها وخافت

تكله لتخليني    وحدي مو تدريني
روحي ماتحمل غيابك والبعد ياذيها
_________
من طلع للحومه ابوها نادته يالغالي
فدوه اروح الطولك ارجع ارحم ابدلالي
لو رحت اصبح يتيمه والحزن يصفالي
ياهو يمسح راسي بعدك من يحن الحالي

شفتك اتباوعلي    ادري ما ترجعلي
لو رحت بعدك رقيه عدمن اتخليها
______
نادته ارجع يبويه للخيم طفيها
والحرم حركوا عبيها وسفه يا واليها
بويه ريحانة دليلك تقبل امسلبيها
ضيعِت ترجيتي وينك خل ندور اعليها

يالابو جا وينك    وسفه غمضت عينك
بويه نيران المخيم ياهو الي يطفيها
————————
عاينت عالغبره ابوها امغمضات اعيونه
وصدره بخيول ال اميه عمدا ايسحكونه
آنا ما شايفلي ميت خنصره يكطعونه
ايسلبون اهدومه منه ابدال ميجفنونه

طايح اعله الغبره    والشمر حز نحره
اكبالها يحز نحر ابوها كصده يقهر بيها 
________
صاحت انشلت يمينك يالشمر واتصوب
ومثل ما كلبي تعذب كون هم تتعذب
صدت الصوب الشريعه ها يكافل يازينب
عمي يا عباس إلحك راس أبويه اتخضب

يكلها ياضي عيني     عالنهر تدريني
مكطعه إيساري ويميني وهامتي إمخضبيها
_________
تمت القصيده

خادم الحسين عليه السلام 
السيد مرتضى المحنه الكربلائي 

زينب على إمصاب الحسن منفجعه
وإعله الأخو ظلت تهل الدمعه 
من الألم يصرخ أخوها إتسمعه

( صاحت بمصابك فجعوني )
( وما تنشف دمعات إعيوني ) 
———————
من شافته إبوسط الطشت ذب چبده 
نادت على الدنيه العفه من بعده 
الله يجازيها إبجهنم جعده 

( سمت دلاله وفجعتني )
( أنحب وأتلوع خلتني )
——————-
زينب يبو محمد تگله إبختك
فك عينك إو شوف الجره إبحال إختك 
نص عمري راح إبهالوضع من شفتك

( ولحسين أنذر نص الثاني )
( وأنحب كل عمري إعله إخواني ) 
——————-
تادت يبو محمد يماي إعيوتي
يا هيبتي بمصيبتك فجعوني 
من شوفتك نيتهم إيحرموني

( سابيني إمصابك سابيني ) 
( شيصبر زينب حاچيني ) 
——————
نعشك على إمتون إخوتي من شفته 
ويه النعش گلبي إبحزن شيعته 
بجنازتك أمشي وأگولن يمته

( خل تطلع بفراكك روحي ) 
( مخنوگه إبعبراتي ونوحي ) 
——————-
چف الأجل صوبني لمن صابك 
يالرايح ولجلك تنوح أحبابك 
گلبي إنفجع وإتهنه بيك إترابك 

( وياريت إوياك إيشيعوني ) 
( وإبگبرك كون إيدفنوني )
———————
تمت القصيده 

خادم الحسين عليه السلام
السيد مرتضى المحنه الكربلائي

أگضي العمر يمك عبد خليني
ما عندي غيرك حبك إمكفيني
خادم إحسين الوادم إتسميني
( يالحبك تارسلي إعيوني )
( خادم لحسين إيسموني )
____________
يحسين إلك هذا الگلب سجلته
ومتربع إبنص الگلب بس إنته
غيرك يمر من يمي بس ما شفته
( يالغيرك ما أشوف إگبالي )
( بس إنت إتعيش إبدلالي )
____________
قسمه ونصيب إمحبتك والقسمه
خلتني خادم وأفتخر بالخدمه
إبهاي الخدامه إقبلني يابو اليمه
( عبدك يحسين إتقبلني )
( إبدفتر خدامك سجلني )
____________
گالوا تحب إي گلت أحب وأتمنه
آنا وحبيبي الباري ميفرقنه
گالولي شسمه التحبه إخبرنه
( صحت إحسين ودمعت عيني )
( إتذكرت إمصابك يحسيني )
___________
لمصيبتك أجري الدمع وأتحسر
كون آنا دونك أفدي دم المنحر
مو عاطفه جربني يا بو الأكبر
( أفديلك يحسين إبروحي )
( لجروحك مرخوصه إجروحي )
____________
عيني البچت ليك البخت حاويها
لو ما بچت لمصيبتك أعميها
هيه الحياة إبلا حُسين إشبيها
( ما تسوه الدنيه إبلا دمعه )
( اليبچي إعليك الدمعه إتنفعه )
____________

السيد مرتضى المحنه الكربلائي 

وداعاً يا رسول الله ونبيه 
إلك نجري الدمع صبح ومسيه 
———————
رسول الله وإلك يهمل دمعنه 
وعليك إبهالمصيبه إحنه إنجمعنه 
مصابك يا أبو القاسم فجعنه 
ونهل دم ودمع من هالرزيه 
——————-
عفتنه وظلت إبفكدك علامه 
على خدنه أثر دمعة يتامه 
البگه إبراسك يمن رحت إبسلامه 
وسف منه خذك چف المنيه
—————-
نودعك والدمع عالخد نسيله 
المصيبه يالنبي إبفگدك ثگيله
لعد رب العرش إنت الوسيله 
وبسمك نندعي إلرب البريه 
———————
ندعي الله إبمحبتك يا نبينه
وننوح إبمآتمك هاليوم إجينه 
نواسي فاطمه الزهره الحزينه
ونهل دمع الحزن ويه الزچيه
——————
إنواسي أم الحسن بضعة محمد
ونيران الهجر هيهات تبرد 
عليها وعالموالي الحسره تشتد 
تون لمصيبتك ونه شجيه   
——————-
دليل ام الحسن يالهادي مشتاگ
تهل دمع الحزن من جور الفراگ 
تنوح إبفرگتك والگلب ضاگ
يتيمه أصبحت مهضومه هيه 
——————
تم


نصاري

خادم الحسين عليه السلام 
السيد مرتضى المحنه الكربلائي 


ليلة إمصاب يالحبيبه     والگلب ذاب يالحبيبه 
حان الغياب يالحبيبه 
——————
يبنيتي گربت ساعتي    وملك المنيه إگبالي 
يا موت ناديته إنتظر    رايد أودع إعيالي 
يا فاطمه بسچ دمع    يبنيتي دمعچ غالي 
شبعي بواچي بغيبتي    وهسه إرحمي إبحالي 

بعدي تبقين يالزچيه    بس تنوحين يالزچيه 
گلبج إنصاب يالحبيبه 
——————
من بعدي يلفيچ الأجل    يبنيتي مسحي الدمعه
إبابچ إذا شفتي الحطب    وأهل الحقد مجتمعه
معناها نيران الغدر    تحرگها باب البضعه 
البسمار لمن يندفع    صدرچ يصوب ضلعه 

وما يرحمون بت نبيهم    وهمه يدرون بت نبيهم 
إيدفعة الباب يالحبيبه 
———————
گبل الرحيل إوصيتي     وكل الخلگ سمعوني 
من عندي بضعه فاطمه    وبالبضعه لتفجعوني 
يالزهره أريدن لو متت     إيدچ تغمض إعيوني
أحبسها رايد صورتچ      يبنيتي بين إجفوني 
 
صورتچ هاي ذكرياتي    تبقى وياي ذكرياتي
جوه التراب يالحبيبه 
———————
حيدر يشيع إجنازتي    ونعشي ينزله إبگبري 
ويه التراب وبالگبر    دمعچ أريدن يجري  
خاطر أشم إبحفرتي    ريحة حياتي وعمري 
عنچ يروحي ومهجتي    إشلون أبتعد ما أدري 

جسمي مدفون روحي يمچ    والأهم كون روحي يمج
أغله الأحباب يالحبيبه 
——————-
يا فاطمه إبيت الحزن    فدوه رحت لعيونچ
من البواچي والهضم    الله يكون إبعونچ
التفگد أبوها إبفرگته    يواسوها ويواسونچ
بس إنتي ليش إعله البچي   والنايحه إيلومونچ

حان الوداع يالوديعه    والشمل ضاع يالوديعه 
جرحي ما طاب يالحبيبه 
——————-
خلصت محطات الصبر    هاي الظليمه الأولى 
وإبطبگت إجفوني إبتدت    قصة حزن مجهوله 
 وتتطشر إظلوعي مثل   سبحه إبنهر مفلوله 
راس وضلع چبد وسهم   منحر تدوسه إخيوله 

وإعله الضلوع يالحنينه    گلبي مفجوع يالحنينه 
هاي الأسباب يالحبيبه 
——————-
تمت القصيده 

السيد مرتضى المحنه الكربلائي
 
  تهضم ساعة التوديع     بين الهادي والزهره
 هاي أم الحسن وحسين    تنعه وتسچب العبره
________________
گعدت يم أبوها إتنوح    عالخد تجري دمعتها
ما تنشف دموع العين    متلوعه بلوعتها
يعين الله الزچيه إشلون    محتاره إبمصيبتها
تنحب فاطمه وتنعه     من دم تهمل الدمعه
يوّن المصطفى إتسمعه  
  وما تنگطع ونتها    أبوها إتحيرت بأمره
_________________
ناداها إبضعيف الصوت    يالزهره وإجت يمه
شاورها وبچت من شاف    دمعتها كبر همه
رد ليها وهمس چلمات    عليها إنرسمت البسمه
طلعت من أبوها الروح     وضجت فاطمه بالنوح
رادت هيه هم إتروح
خاف إمن البچي تعمه     عين الطاهره الحره
______________________
ميت واليموت إعليه    ميته إمن البچي بنته
وينه إلي يواسي يريد   بنت المصطفى إبونته
تره الميت نبي الإسلام    خو ما يندفن سكته
مات وظلت إبهالحال    عالوجنه الدمع همال
لا ما چانت إعله البال
أبويه إتنادي ودعته    وتسعر بالگلب جمره
____________________
لفراگ النبي المختار     تسچب فاطمه الدمعه
وإبيت الحزن والنوح    كل صبح ومسه تنعه
يتيمه بعد أبوها تعيش    إبجمر النايبه إتودعه
إبفگد المصطفى صاحت    ونوح الثاكله ناحت
مت وروحك إرتاحت
وظلت بعدك البضعه   باللوعات والحسره
____________________
أبو القاسم رحل والكون    صار أظلم على فگده
إبساعة ما لفاه البين    ظلموا عترته بعده
إتجمّع بالسقيفه الچان    حاقد وإنكشف حقده
ونكروا بيعة الكرار    وحرگوا عالزچيه الدار
نار أهل الحقد هالنار
ظلت تسعر إبچبده    الهادي وينحب إبگبره
_________________
تمت القصيده    
 
 
كربلائي بحر طويل

خادم الحسين عليه السلام
السيد مرتضى المحنه الكربلائي
 
گلب اليحبك مهموم    وادموعه ترست خده  
————————-
واويلي لمصابك صحت وا ويلاه
يومك يبو القاسم أبد ما أنساه
ناعي البله ينحب وانوحن وياه
خير الخلايق مسموم    چبده إو ننوح إلفگده
—————————
لمصيبتك يهمل جمر دمع العين
من صوبك يا سيدي چف البين
تنعاك آيات الذكِر والتبيين
يوم الحزن هذا اليوم     ظلينه تدري إبشده
—————————
سورة محمد عالجرالك تنعه
أرض وسمه لمصيبتك منفجعه
عين البتول إعليك تجري الدمعه
جبد الزجيه المهضوم    عالهادي ينحب بعده
————————-
رايح يبو الزهره وعفتها إبلوعه
أم الحسن من فرگتك مفجوعه
وحيدر على إمصابك يهل إدموعه
إبلوعة دليله المالوم    حيدر تصوب چبده
————————-
يا هيبة الباري و حبيبه وخله
عنك يبو الزهره فلا نتخله
بالزهره يومك يالرسول إشخله
مو دمع تتجاره إدموم    عين الزچيه إو رمده
———————-
حتى العرش لجلك ينوح إبحسره
وابفرگتك ينحب دليل الزهره
لمصيبتك نار المحب متوجره
دين الله لجلك مهدوم    بعدك تصير الرده
———————-
إرتدوا عگب عينك حسافه أصحابك
خانوا وصيتك والعهد بغيابك
 وگلب المحب ظل منفجع بمصابك
إعيون المحب چنها إغيوم    تمطر دمع مجتهده
———————-
تمت القصيده
 
 
ميمر

خادم الحسين عليه السلام 
السيد مرتضى المحنه الكربلائي 

الليله الفلك وضعه إختلف وإتغير 
وجه النبي من الألم صار أصفر 
إبسم الغدر صابوا دليله ويسعر

( ما مات الهادي إعله إفراشه )
( بالسم فص چبده إتلاشه )  
———————
ليلة حزن ليلة هضم ليلة هم 
عالزهره هالليله المصايب تلتم 
بعد النبي منها الضلع يتهشم 

( والباب إبنار إيحرگوها ) 
( وإضلوع الزهره يعصروها ) 
———————-
غطت أبوها فاطمه إبشيلتها 
وحين الذي شم النبي ريحتها 
جر بضعته وقبلها من گصتها

( وإبتسمت لمن شاورها )
( من بعدي إتموتين أخبرها )
———————
بس غمض إعيونه الرسول أصحابه 
لا ما رعوا حگ بضعته بغيابه 
الجاب الحطب ناده إبحقد يم بابه 

( واليوم أحرگ بيت الزهره )
( نمرود وناره المستعره )
———————-
تنعه الزچيه وعالوجن دمعتها
ميت أبوها وتبچي من لوعتها 
يا فاجعه أم الحسن صابتها 

( وإتفتح بجفون الهادي )
( فك عينك گطعت إفادي ) 
———————
گلبي إنگطع نادت يبويه وروحي
خلصت بچي بس ما خلص كل نوحي 
بس الگبر بعدك يضمد إجروحي

( وين الراد إيكسر إضلوعي ) 
( خل تنشف بالموت إدموعي )
———————-
إبيت الحزن ظلت تون منفجعه 
وإعله الأبو تنعه وتهل الدمعه 
ميت أبوها وتدري راح إتبعه

( سابيني إفراگك سابيني ) 
( ما طول بعدك تانيني )
———————-
تمت القصيده

خادم أهل البيت (ع)
السيد مرتضى المحنه الكربلائي
محمد يامحمد يا نبينـــــــــه
يشع نورك يبو القاسم علينه
*********************
بسمك يبو الزهراء نرفع تهاني
ونعلكَلك إبهاليوم شمع إبصواني
يكمل فرحنه إوياك وأحله المعاني
تتحقق إبهاليوم كل الأماني
إحتفلنه بمولدك وبلهفه جينه
****************
من مكه شع اليوم نور وتعاله
بيهه إنولد مولود يسحر جماله
نورك بزغ عالكون بدر وتلاله
يا منقذ الإنسان من الضلاله
وهتفنه بمولدك بيك إهتدينه
 
أهلاً ربيع الخير أهلاً وسهلاً
بأيامك الأعياد والرحمه نزلن
بيك إنولد مولود وأنواره شعّن
بأرض وسمه الأملاك بسمه يتغنن
إنولد خير البريه وشع جبينه
*****************
بالمحفل الأملاك نزلت تعايد
ويه البشر هاليوم تشبك سواعد
فرحانه بالميلاد تسمع قصايد
وفرحتنه رب الكون لابد يشاهد
وربنه إبهالحفل ترعانه عينه
****************
 
 
 
بسمك يهالمبعوث كلنه إنجمعنه
وبفرحة الميلاد ردد حفلنه
صلى عليك الله يالهادي صحنه 
وبعترة المختار إحنه إلتزمنه
نوّد عترة رسول الله وأمينه
****************
يالهادي بايعناك وإسمك نرفعه
وكل الذي يعاديك لابد نسَمعه
أحمد رسول الله واجب تتبعه
والعنده ذرة دين يتبع شرعه
اليضدك خل يناقشنه بيقينه
***************
تمت القصيده
 

خادم الحسين(ع)
السيد مرتضى المحنه الكربلائي
 
الباري الكل بني آدم بشرها
إبميلاد النبي شافع بشرها
التباشر فرحت الليه إبشرها (إبشيرها)
إنولد سيد الرسل خير البريه
________
رساله الباري للأمه رِسلها
ختمها بخاتم البعثه إو رُسلها
فازت أمة التبعت رَسلها (رسولها)
وباچر بالحشر تتباها هيه
______
حبه إويه النفَس أصبح هوإلنه (هوه إلنه)
بشير ومنذر وشافع هوإلنه
من هول الحشر يجلي هوإلنه (هولنه)
إبحبه ندخل الجنه سويه
_______
أشرقت شمس الله وإنزاح الظلام
إمن انولد سيد البشر طه الهمام
يا هلا بجيتك ينوماس الأنام
(وفرحانه الدنيه بميلاده)
(واتصيح أهلا جد الساده)
___________
بالفرح والنور والعز والوفه
إتباركت دنيانه بسم المصطفى
إسم أبو الزهراء للكل شرفه
(بميلاده اليوم إلتمينه)
(إتشرفنه بمولد هادينه)
___________
 
 

خادم الحسين عليه السلام
السيد مرتضى المحنه الكربلائي
 
الليله ميلاده     محمد محمد
والد الساده      محمد محمد
___________
الليله أفراح وتهاني الليله ميلاد الرسول
إنهني هالليله الزچيه فاطمه الزهره البتول
نعلگ إشموع ونهني حيدره فحل الفحول
صلي يا ربي وسلم عالنبي الهادي نگول
يارب إنادي    محمد محمد
صلي عالهادي    محمد محمد
____________
الليله أحباب أبو القاسم بالولاد تحتفل
ونقسم إعله الله إبنبيه ربي بارك هالحفل
من الأرض نور أبو الزهره للسمه ظل متصل
رحمة الباري محمد منهج إلحگ والعدل
مولد الرحمه     محمد محمد
منبع العصمه    محمد محمد
______________
إحنه بالهادي إلتزمنه اليلتزم بي ما يضيع
باچر إنول الشفاعه بالحشر طه الشفيع
ندعي من الله إبحفلنه وندري يسمعنه السميع
الليله رب الكون لجله مغفره ينطي الجميع
إلكل بني آدم      محمد محمد
الحبه ما يندم     محمد محمد
_____________
أحمد المبعوث رحمه أرسله ربنه الرحيم
بلغ إبهاي الرساله وتمم الدين القويم
بالحشر عالحوض طه وحيدره هو القسيم
يمشي مترهي اليحبهم عالصراط المستقيم
نحبه ويحبنه    محمد محمد
ظامن الجنه    محمد محمد
_____________
يا هله إبجيت ربيع الأول وهذا الشهر
نزلت الرحمه العظيمه إمن إنولد خير البشر
فرحت الأفلاك كلها والسمه طش الدُرر
بي جمال الدنيه كلها إو وجهه أحله إمن القمر
يا هله إبجيته   محمد محمد
مرتفع صيته   محمد محمد
_______________
ننجمع نحي حفلنه الليله هادينه إنولد
إبتهجت الدنيه إبمجيئه ورفرف إجناح السعد
الليله بسم الهادي إحنه واجب نوقع عهد
نتلزم كلنه إبطريقه وما نزل عنه أبد  
مولده الليله    محمد محمد
خل نوافيله     محمد محمد
____________
تمت القصيده
 

صلاوات صلاوات على نبينه وآله
صلاوات صلاوات على نبينه وآله
——————-
عدنه عيد وفرحة الدنيه إبفرحنه
وصار بسم المصطفى ينبض گلبنه
إبمولد المختار أحبابه إنجمعنه
والورد فاح ونشر عطره إبحفلنه

بالأفراح بالأفراح صوت المحب يتعالى
صلاوات صلاوات على نبينه وآله
———————-
وجه أبو القاسم يشع عالدنيه ضيه
وأشرقت شمس النبوه الهاشميه
نرفع آيات التهاني للزچيه
ولإبن عمه المرتضى حامي الحميه

على الكون على الكون نور النبوه إتلاله
صلاوات صلاوات على نبينه وآله
———————
إمن إنولد طه تكسر طاگ كسرى
وإنطفت نار المجوس الي مسعره
طش ربيع الأول أعله الكون عطره
صلوا عالهادي النبي لمن نذكره

أناشيد أناشيد نكتب إله ونقراله
صلاوات صلاوات على نبينه وآله
———————
أحله من وجه البدر ليلة كماله
وإبجماله اليوسفي إشمحله جماله
يبقى محتار الذي يوصف خصاله
إمفصل إمن الله عليه ثوب الرساله

بالأوصاف بالأوصاف ما نوصفه إستحاله
صلاوات صلاوات على نبينه وآله
———————
نور أبو الزهره جله الظلمه إبنهاره
وظل بياض إگليبه يتغنى إبسماره
إحنه للمهدي نزف هاي البشاره
إنگله يالمهدي المحب طال إنتظاره

اليواليه اليواليه للمنتظر هنياله
صلاوات صلاوات على نبينه وآله
———————
تمت القصيده

خادم الحسين عليه السلام
السيد مرتضى المحنه الكربلائي
 
يا فاطمه يومچ أبد ما أنساه
لا والخلق هذا الدهر والسواه
واويلي لمصاب الضلع واويلاه
 
( ما أنسه إصوابچ يالبضعه )
( وما تنشف بعيوني الدمعه )
——————-
لمصيبتچ صبح ومسه أتحسر
وأتصور إشلون الضلع يتكسر
الله يعينه إشلون شافچ حيدر
 
( مكسوره إضلوعچ يالزهره )
( وبمتونچ آثار العصره )
——————-
جرح الگلب يم الحسن ما ييره
ولا ينجبر كسر الضلع شيجبره
وما تنطي نار الحقد مستعره
 
( مو بابچ محروگ إفادي )
( لمصابچ يا بنت الهادي )
———————
يا من رضا الباري برضاتچ مرهون
وبمحبتچ رب العرش سوه الكون
لو ما صرت عابس أصيرن مجنون
 
( مجنون الزهره إيسموني )
( بس ترضين وميهموني )
———————-
يا فاطمه بسمچ أردد كل حين
وإبطلبتي أدري أبد متقصرين
إتسجليني رايد ويه خدام حسين
 
( وأگضي الدنيه إبهاي الخدمه )
( وأتشكر من هاي النعمه )
————————
غصبوا فدك غايتهم إتعرفيها
والدار گالوا تحترگ عالبيها
للبيعه إيدچ رادوا إتمديها
 
( ما بايع بس حيدر والي )
( ناديتي وظل راسچ عالي )
———————-
يا فاطمه هاچ العهد لا ما أبيع
صوتي ولا ابايع ذيول التطبيع
ما أنتخب فاسد أبد لا ما أطيع
 
( شيعي وما تاجرت إبديني )
( للموت إيظل نهجي حسيني )
———————
تمت القصيده
 

خادم الحسين عليه السلام 
السيد مرتضى المحنه الكربلائي 

ما غاب صوت الأحرار     ويه الزمن يتعالى 
———————
طول الزمن صرخة رفض نرفعها
ضد الظلم وأهل الظلم تسمعها 
مثل أم حسن لمن گصد يدفعها 

ضد الظلم صاحت صوت    وإعله الرجس زلزاله 
———————-
أحرار كل واحد نذر دم نحره  
للدين والمذهب يضحي إبعمره
منهجنه منهاج البتول الزهره 

إتعلمنه من أم حسين     للدين صرنه إرجاله 
———————
إتعلمنه من بنت الرسول البضعه
درب العدل واجب علينه إنتبعه 
وعالزهره من نبچي ونهل الدمعه 

 بالدمعه واجب نحيّ     نهج الرسول إو آله 
———————-
شيعه وعلى الزهره نهل الدمعه 
نتذكر الصاير عليها وننعه 
چانت مثل شمعه وطفوها الشمعه 

لمصيبة أم الحسنين    عين المحب هماله 
———————-
إنواسي الإمام المنتظر ونگله 
يا يوم تظهر يالحبيب نسأله 
عن ثارك أبداً ندري ما تتخله 

عجل ظهورك مولاي    تدرينه نترباله 
————————
ثار الضلع تاخذ ضعف من عدهم 
وإبصارمك أهل الضلاله إتردهم 
لمن تجي نعرف گرب موعدهم 

لمن نشوف الفقار    چفك يغايب شاله 
———————-
تمت القصيده 

خادم الحسين عليه السلام
السيد مرتضى المحنه الكربلائي
 
عين السمه تهمل دمه     كسروا ضلع من فاطمه  
يا زهراء يا زهراء    يا فاطمه يا زهراء
———————
حتى السمه يا فاطمه    تمطر دمعها إبحسره
ولمصيبتچ يم الحسن    واجب نهل العبره
گال النبي رب العرش     يرضى برضاة الزهره
إوصانه بيچ المصطفى    وأصحابه خانوا أمره
 
گال النبي الكل سمعته    ومعروفه ناس الخانته
بالأسماء يا زهراء     يا فاطمه يا زهراء
———————
بس ما غمض عينه النبي    نكثوا عهود البيعه
أهل السقيفه إتجمعوا      ما حضروا إبتشيعه
عن الحكم عزلوا علي     وما قبلوا إبتشريعه
گالوا حكم طه إنتهى    ومو واجب إحنه إنطيعه
 
لجل المناصب والحكم    غصبوا فدك منچ ظلم
بالإقصاء يا زهراء    يا فاطمه يا زهراء
———————-
وهجموا على دار الوصي    أهل الرجس وأهل الشر
الأول ينادي بالجمع      لازم يبايع حيدر
والثاني من جاب الحطب     يم بابچ ويتبختر
گالوله بيها فاطمه      گلهم وإن خل تسعر
 
لو ما يبايع حيدره     ضلع الزچيه إنكسره
ذوله أعداء يا زهراء    يا فاطمه يا زهراء
———————
دفعوها بابچ والضلع     طگ ونبت بي بسمار
بالعتبه من طحتي وگع   فوگج جذع يلهب نار
بسياط وإحجار وخشب    هجموا عليچ الأشرار
واحد يسطرچ عالوجه     والثاني يحرگ بالدار
 
إنشلت يمينه إلي سطر    عينچ يبت خير البشر
تجري دماء يا زهراء    يا فاطمه يا زهراء
———————-
ما بين دخان ودمه    عينچ غدت مطفيه
وإشخلت إسياط العده    بمتونچ المحنيه
ناديتي بدموع الألم    يا فضه لحگي إعليه
محسن وگع مني وأظن    حدة إصواب البيه
 
طايح جنيني وأيست    من دنيتي ساعه ومتت
إبهالأثناء يا زهراء    يا فاطمه يا زهراء
———————
الله يعينچ يم حسن    گلبچ تزايد غمه
من شفتي مچتوف الوصي    حاير وحيد إبهمه
مگيود بحبال الحقد    وأهل الحقد ملتمه
لو ما وصية والدچ    فنه الي يوصل يمه
 
إمچتف علي إبحبل الحقد    مدري يرد لو ما يرد
ربچ شاء يا زهراء     يا فاطمه يا زهراء
———————
تمت القصيدة

يا فاطمه يومچ أبد ما أنساه
لا والخلق هذا الدهر والسواه
واويلي لمصاب الضلع واويلاه

( ما أنسه إصوابچ يالبضعه )
( وما تنشف بعيوني الدمعه )
——————-
لمصيبتچ صبح ومسه أتحسر
وأتصور إشلون الضلع يتكسر
الله يعينه إشلون شافچ حيدر

( مكسوره إضلوعچ يالزهره )
( وبمتونچ آثار العصره )
——————-
جرح الگلب يم الحسن ما ييره
ولا ينجبر كسر الضلع شيجبره
وما تنطي نار الحقد مستعره

( مو بابچ محروگ إفادي )
( لمصابچ يا بنت الهادي )
———————
يا من رضا الباري برضاتچ مرهون
وبمحبتچ رب العرش سوه الكون
لو ما صرت عابس أصيرن مجنون

( مجنون الزهره إيسموني )
( بس ترضين وميهموني )
———————-
يا فاطمه بسمچ أردد كل حين
وإبطلبتي أدري أبد متقصرين
إتسجليني رايد ويه خدام حسين

( وأگضي الدنيه إبهاي الخدمه )
( وأتشكر من هاي النعمه )
————————
غصبوا فدك غايتهم إتعرفيها
والدار گالوا تحترگ عالبيها
للبيعه إيدچ رادوا إتمديها

( ما بايع بس حيدر والي )
( ناديتي وظل راسچ عالي )
———————-
يا فاطمه هاچ العهد لا ما أبيع
صوتي ولا ابايع ذيول التطبيع
ما أنتخب فاسد أبد لا ما أطيع

( شيعي وما تاجرت إبديني )
( للموت إيظل نهجي حسيني )
———————
تمت القصيده
ميمر

خادم الحسين(ع)
السيد مرتضى المحنه الكربلائي

السلامُ على الزهراءْ وعلى ضِلعِ الزَهراءْ
السلامُ على أُمِ أبيها السلامُ على أمِ أبيها
السلامُ على الزهراء
____________________
فتحت عيني إعله أمي وأمي بنت أجواد حره
بهزة الكاروك جانت سورة التوحيد تقره
مو دللول وتلولي جانت إتنادي يزهره
هالإسم لمن أسمعه بكَلبي أحسها إتهيج حسره

تلك أُمي كُلَ حِينْ تَبكِي أُمَ الحَسنَينْ
ويعُودُ الفَضلُ إليها السلامُ على أمِ أبيها
السلامُ على الزهراء
___________________
من نشأ عودي وترعرع أمي نادتني بحزنها
طاعة الأم يبني واجب كون توفي حكَ لبَنها
ويرضه ربنه عالينفذ طلبت الأم إمن إبنها
غاية أمك يبني تدري ترضه كون الزهره عنها

لِرِضَا أمُ الأطهارْ كان لِي عَهدٌ وقرارْ
خادمٌ قدْ صرتُ لديها السلامُ على أمِ أبيها
السلامُ على الزهراء
_________________
واعدت أمي أصيرن خادم الزهره الزجيه
عبد عد بضعة محمد والخدامه إتلوكَ إليّه
أدعي كون البضعه ترضه وأوفي حكَ أمي عليه
من مثلها الباري خصها حبها فرض إعله البريه

خالقُ الأكوانِ براها هِبَةُ الرحمانِ لطه
والجنةُ بينَ يديها السلامُ على أمِ أبيها
السلامُ على الزهراء
__________________
فاطمه لولاها ربنه ما خلق أرضه وسمائه
وصه بيها الهادي بعده للملأ أعلن ندائه
كلمن يواليني واجب يوفي حكَ بنتي بولائه
والذي يعادي الزجيه يعني عاداني بعدائه

يلقى ناراً بعذابْ بِغدٍ مَن دَفعَ البابْ
يؤذيني من يؤذيها السلامُ على أمِ أبيها
السلامُ على الزهراء
______________
بالهضم أنعه الزجيه ودمعة إعيوني أهلها
الله يدري شلون حيدر لوعة الزهره حملها
من هجس ضلع أم أبوها جن أبو الحمله يكَلها
والله لو بيدي وحياتج جا كَلبت الدنيا كلها

قالَ إنّ الصَبرَ جَميلْ ومتاعُ الدُنيا قَليلْ
وغدا بالقبرِ يُواريها السلامُ على أمِ أبيها
السلامُ على الزهراء
___________________
تمت القصيدة

أُحجيةُ العشق

فزتُ وربِ الكعبةِ مُتفاخرٌ بمقولتي
فزتُ بحُبِك يا علي ورضاك عني بُغيتي
قسماً بحُبِك حينما تجري بعيني دمعتي
أبقى أُردِدُ يا علي حتى تزولَ رزيتي
حُزني وهمي ينجلي والسرُ في أُحجيتي
ذي رحمةٌ من خالقي أُحجّيةُ العشقِ التي
ما إن نطقتُ بها إذاً عادت إليَّ عزيمتي
يا نجمَ عزٍ ساطعٍ ما غِبتَ قطْ عن مُقلتي
فرحَ السماءُ ببدرِهِ وزَها بتلك الطلةِ
وأنا سُعِدتُ بوصلك وتزينت بك دُنيتي
كمُلَ الجمالُ بوصفِك وتجملت بك وصفتي
يا بحرُ إن غُصتُ بهِ شُلت بحورُ قصيدتي
قلبي بحُبِك مُبحرٌ وغدا شراعُ سفينتي
يا نعمةً فازَ الذي قدْ صانَ شُكرَ النعمةِ
وجوارَ قبرِك كلما أُلقي عليك تحيتي
يا بابَ حطةَ قُربِك للهِ أرسلُ دعوتي
لا الشيبُ يُثنيني وما بالعشقِ تُهرَمُ مهجتي
مهما كهلتُ فإنني ما زلتُ مثلَ الفتيةِ
أعلنتُ إني بالهوى كالعاشقينَ حكايتي
كالسندبادِ مُسافراً وإلى وصالك رحلتي
ومعَ النسائمِ مُرسِلاً نحو الغريِ بقُبلتي
————-
مرتضى المحنه

فزت

فزت لمن گلتها تدري بيها إتفوز
وفرق بين التيقن واليگول إيجوز
أول گال ربك وإكتفيت إبهاي
رابع خل يگول ال إلها شابع عوز
غديرك شاهده من بايعوك الناس
والبيها تمسك عالصراط إيجوز
رادوني أعوفك گلتلهم إختليت
ما أعوفه لو حطيتوا ألف حاجوز
گالولي قارن قارنتك إويه الماي
سمه تمطر علي والباقي گطرة كوز
ما أبدل الذهب وأدري التراب إهواي
علي يبقه ذهب واعله التراب يفوز
حبيتك لأن ما ساومت مولاي
وإبحگ اليتامه لليتامه إتحوز
بگليبي سكن حبك يبو الحسنين
أنا عندي گلب واحد وإلك محجوز
———
مرتضى المحنه

ميلاد الأمير

فرحه الميلاد شيعه ونحتفل
الفرحه غمرتنه وتجلت بينه
كل موالي ياعلي باسمك يصيح
وفدوه لسنينك يطش سنينه
علي يوم ميلادك البي انت جيت
انولد عالمنه وبرز تكوينه
لأن بس انت علي تعني الحياة
ويوم ميلادك علي يحيينه
انت ميلادك علي يعني الوجود
ويعني ميلادك ياثر بينه
حيدر الكرار لو ما انت چان
ما خلق جن وإنّس بارينه
يا علي وفرض حبك عالعباد
بلّغ إبهذا الامر هادينه
والصلاة بغير حبك ما تفيد
لان لو ما انت علي ارتدينه
…..
يا علي دوم آنا افكر يا تره
هم بشر مخلوق مثلي حيدره
والعجيبه شلون مثلي تنحسب
وانت يا ابو حسين سيد عالورى
شما اريد احسبها يرجعلي السؤال
بشر مثلي علي ما اتصوره
احنه من إتراب خالقنه الاله
وانت ابو إتراب وإلك هالمفخره
يعني انت ابونه ومرجعنه ليك
وكل بشر بالكون حيدر مصدره
…..
واحنه لو ردنه نحسبها صحيح
يعني مو ادم أبونه الاولي
انت يا بوحسين من قبل الوجود
يعني حتى آدم يردلك يا علي
انت يا كرار حرز المتقين
وچم شديده إمن اذكر اسمك تنجلي
إمن الطفوله علموني أهلي عليك
وانا احبك حتى لو ما علموني هلي
انا احبك من قبل ما انولد
بعالم الذر إنخلق هالحب إلي
…..
داحي خيبر يا علي هذا انتصار
وفنه ذاك الباب عنك يمتنع
يا علي والباب جيش وما دحوه
وانت من شافك تضعضع وانقلع
يا علي وشمس إنت وإنت نور
يعني اعمه الما يشوفك من تشع
ولأن انت اسمك علي يعني الخلود
يعني مهما يصير تعله وترتفع
……
وحتلو بالليل شمس الله تغيب
انت نورك يعكس إبوجه القمر
يعني اصلا لولا شخصك يا عظيم
چا قمرنا من سمه الدنيه انشطر
_____________
شيعه بغير حيدر ماعلينه
شما تحجي النواصب ماعلينه
وحكَ رب العرش لوماعلينه
محد چا عبد رب البريه
___________

خادم الحسين عليه السلام
السيد مرتضى المحنه الكربلائي
 
يا لايم يلام كف لومك عليه
أنا حبي وهيامي للهادي إوصيه
————————
يا سامع ندائي     معروف إنتمائي
أتباها إبولائي    إلحماي الحميه
 
غصبن عاليضدنه    حيدر غالي عدنه
معروف اليودنه    أصل أمه وأبيه
 
بعناد السقيفه    علي أول خليفه
لتصدگ نعيفه    علي حد المنيه
 
أول واليحبه    طاهر يبقه گلبه
لا ما يعصي ربه   وما يعصي نبيه
 
يا لايم علامك    ما تعرف إمامك
خابصني بكلامك   معروفه القضيه
 
تتهجم علَينه    چي مدينه إدينه
وبايعنه علِينه   وطبقنه الوصيه
 
علي صار إبغديره    إلكل مؤمن أميره
علي شيخ العشيره    صدر إبكل ثنيه
 
علي واضح بيانه    قرآن إبلسانه
نبراس الديانه     أبو نفس الأبيه
 
غصبن عاليمانع    غيره ما نبايع
لا ما نرضى رابع    علي شيخ البريه
 
علي لمن هويته    إبنص گلبي لكيته
إبكل شده نخيته    علي قدوه إليه
 
علي ماكو مثيله    وين ألگه بديله
علي حيدر دخيله    إله مديت إديه
 
شيعي وما أغالي    بس حيدر أوالي
عالي ويبقه عالي    علي فوگ الثريا
 
علي للأمه رحمه   من الباري نعمه
فدوه إسمي لأسمه    علي هو الهويه
——————
تمت القصيده