لو إنك بعيد الجد ولا بعيد الدار ،
على قلب من يغلي طوايفك يا قربك

قاتل الله الأرق وكل ما يحول بين الإنسان ونومه...

تلقاه ما يسطي إنه يطلب الخيره
من خوف لا تطلع الخيرة هي الفرقى!

-محمد المقحم

عيّت لا تنساك السكك والنواوير .. لأنك أغلى ما مشى في كنفها .

أنا و قلبَي و الولَه..فاقدينك

صباح الخير..
والله مشتاقين

"تمر فالبال مثل الغالي الميّت
لا الموت نقص غلاه ولا الغلا ردّه"

يا كثر صورك اللي… ما نساها بالي النسّاي
لو إن عمري معك مرّت سنينه مثل اسابيعه.

للتذكير

‏"ولا تحزن على عثرات عمرك .. جعلها تفداك
‏تشوف القادم اجمل كل ما توقف على حيلك"

أبسط حقوقي شجاعٍ ما يخيّب ظني
ابلجٍ لا من نصيته قال أنا من دونك

كل ما يلمح دمع عيني يقوم يغني
كل حاجة هيّنة إلا دموع عيونك!

الذكرى السنوية لبيت الدويش:

" يالغايب اللي لو الدنيا تردّك عليّ،
عيّدت والعيد باقي له ثلاثين يوم"

على ماقال بدر بن عبدالمحسن "كنّ السهر دربٍ عليه بتجيني! ولا ودي أقطع درب لاماك برقاد" — أو "أخاف مره يجيبك فجر وأنامه"

أن تمشي بحذر في أرضهم
بعد ما كانت تلك المساحة الشاسعة لك.

سمحت من الديار اللي ربيت بْها ، وعفت الحيّ
عجزت أخذ نفس في دار و أنت تحت اراضيها

توحشّتك واحس إن الأراضي تنطوي بي طيّ ..
عليك من الرحابة ، كثر ما صرت أختنق فيها

فقدتك والضياع اللي بعد فقدك مَ هو بيْديّ
أنا في غبّة وداعك وضايع في مراثيها..

اشوفك بين طيّات السوالف في كلام أهليّ
واحسّك لا برَد وجهي من طيوفك وطاريها

تدور السالفة حولك وأضيّعها بـ أيّة شيّ
يكلّفني الشعور أغادر الجلسة ، ولا آجيها

وانا اللي دارت الدنيا وأنا قاعد مكاني : بيّ!
وانا اللي حابسٍ في عيني الدمعة وألهّيها

وأنا اللي لا اختلى حاكا طيوفك كنْك له توحيّ
وانا اللي يحضن ثيابك من اللهفة ويبكيها

توحشّتك واحس ان الآراضي تنطوي بي طيّ
عليك من الرحابة .. كثر ما صرت أختنق فيها

وعلى وجهك سلام الله وامانه لين يبعث حيّ..
و عليّ من الصبر ما يحبْس دموعي ويداريها :(