السلام عليكم ورحمه الله وبركاته🫂
متابعيني خبر حصري 📝 بنت المنهال
وقفت نشر القصائد ... موفقه ومسجله بسجل الزهراء💯

قصيده #حصريه لسان حال السيده سكينه {{#ونيني اكبر علامه}}


ونيني اكبر علامه
ابويه بلايه هامه
العظم مطحون بالخيل
الجسد كثره سهامه
@@@@
ونيني اكبر علامه حسين عطشان
ثوبه امسلب امغطيته تربان
مال الكون طايح سيد الأكوان
من ضربو حسين الفزعه نسوان

فزعنه فزعت طيور
لگينه حسين منحور
صرخنه واحسيناه
من لوعات عاشور

يون ون الحمامه
ونيني اكبر علامه
@@@@@
ركضنه اعله الحسين وتجري العيون
الف وتسعمية طعنه مطعون
وطبرات الجبين ثنعش تدرون
يعرش الله والكون اعليه مرجون

يون وهواي الجروح
يلجمه الرمل وينوح
نلمه شلون الحسين
موذر شايغه الروح

ودعت السلامه
ونيني اكبر علامه
@@@@@@
جبناله العبي وبعيونه الماي
سوينه اله من اللاسعه فياي
گعدت عمتي تنعه تصيح ولياي
اشربك جيت خويه دموع عيناي

تجوي الگاع جسمك
يبوي شلون المك
يل جنك عطر ياس
بكل ساعاتي اشمك

يبو كل الشهامه
ونيني اكبر علامه
@@@@@
گلي منين تشكي وزاد الونين
اكثر من الف الجروح بحسين
عليك الفاتحه منصوبه بالعين
للطملك لطم فگدت السبعين

يل جروحك بالالف
وني اعليك ينشاف
واجب نوحنه اعليك
ونلطم بيدنه اجتاف

المتن جتفو خصامه
ونيني اكبر علامه
@@@@@@
اول فاتحه لحسين عالنوگ
نصبناها وبجينه بطبت السوگ
الدمع لمصابه ينزل جان بالبوگ
لان كل متن بينه بسوط مطگوگ

عله العرجه نصبناه
يضربونه وذكرناه
وصوت بمجلس ايزيد
صرخنه واحسيناه

صرخنه اعله الملامه
ونيني اكبر علامه

الشاعره رسل الابراهيمي
https://t.me/jjjzzccbbff

📝قصيده حصريه لسان حال ام البنين "ع"{#خليلي شي بي ريحتك😭}}



خليلي شي بي ريحتك يبني
لمن اشتاگ الكم يريحيني

ارتاح واشتمكم ارد
يكتل يدلالي البعد
❥❥❥❥ـــــــــــــ❁❁ـــــــــــــ❥❥❥❥
تفارگينه *** واليفارگله عزيز يموت بسكوت
هوه وينه *** گلبي كلساعه يصيح ويرجع الصوت
رد علينه ***ماخذك لو ماخذ امك گلي الموت

الميته روحي من رحت
ارجعلي يا يمه صحت

ارجع عليك الربه التعبني
خليلي شي بي ريحتك يبني
❥❥❥❥ـــــــــــــ❁❁ـــــــــــــ❥❥❥❥
ياالعفتني *** روحي مثل الطفل تگعد تبچي بالليل
شبعتني ***ليش بالفرگه مناحه ودمعتي تسيل
عذبتني*** بروحتك مني عوافي رايح تشيل

شال  عافيتي ورحل
گلبي اتگطع وصل

گلبي يريدك حيل عذبني
خليلي شي بي ريحتك يبني
❥❥❥❥ـــــــــــــ❁❁ـــــــــــــ❥❥❥❥
وحگ عطرك*** مامصدگه يمه عينك غمضتها
خلص عمرك*** بالتراب رسومك شلون ادفنتها
يبني اخبرك ***ضحكتك مدري شلون امفارگتها

ميت الحلوة ضحكته
ماگعدلي من ندهته

كتلك شلونك ماتجاوبني
خليلي شي بي ريحتك يبني
❥❥❥❥ـــــــــــــ❁❁ـــــــــــــ❥❥❥❥
الدنيه ظلمه ***يبني وعيونك الحلوه شمعه بيها
گول يمه *** جلمة اليمه تره حنيت ليها
شلون هظمه*** تكطع بامك ولا تنشد عليها

يمه جاوين المحنه
بيك ماتو كل اهلنه

زعلانه منك گوم عاتبني
خليلي شي بي ريحتك يبني
❥❥❥❥ـــــــــــــ❁❁ـــــــــــــ❥❥❥❥
غفله رايح *** ماگلت راح امشي عنج ودعيني
الموت ذابح *** يبني بموتك ذبحت اجمل سنيني
بيه صايح *** خل انام بگبرك واگتل حنيني

گبرك بدمعاتي ادگه
خل اشمك كافي خنگه
مو اني روحك جنت تحسبني
خليلي شي بي ريحتك يبني
❥❥❥❥ـــــــــــــ❁❁ـــــــــــــ❥❥❥❥
تمت بقلم الشاعرتين
رسل الابراهيمي _غدير الحساني
https://t.me/jjjzzccbbff

قصيده ناااار💥 ختاميه{{حسين من اهلنه}}


حسين من اهلنه وحيل جاس گلوبنه
@@@@@

حسين من اهلنه ونلطم لمحبوبنه

ومتوجره بموته جمر يگلوبنه

يبقه العزه منصوب الك بدروبنه

فاتحتك تظل يبقه اسود ثوبنه

يحسين وانته وبس شفيع ذنوبنه

تقبل عزانه سيدي مطلوبنه

شيخ الخدم انته وتزت مكتوبنه


{{اكتابي بيوم المحشر//انته توقع بي}}

الشاعره رسل الابراهيمي
https://t.me/jjjzzccbbff

قصيده جنوبيه{{البي ريحة ابويه😭}}

البي ريحة ابويه شلون اودعنه
ولماي النهر بجفوفه اسلمنه
@@@@@@
البي ريحت ابوي شلون اعوفه اني
حسين يگله انته سيد اخواني
وصاحب خدري هوه وستري وأحزاني

{{ومحزونه //عالراد افراكي}}
@@@@@@

يريد يعوفني وابقه إنه بحيره
إنه شعندي يوادم غير ابو الغيره
الاخو مفگود گالو مايصح غيره

{{ماريد فراگك //ياروحي))
@@@@@
وي خال الولد كون العمر يگضي
اموت ويه الاحبه ياكبر حضي
سنين العمر بعدك بالحزن تمضي

{{شيگضيها //وسنيني خلافه}}
@@@@@
تعبانه واريدنك سند ليه
لاتنسه برگبتك ذمه علويه
تريد تعوفني ياهو إليهم بيه

{{يالكافل //ظل لاتنساني}}
@@@@@@
اموت اعليك خويه من تموت انته
من تضيع گول العمر ضيعته
من صباي مامر ساعه فاركته

{{تاليها تريد //تخليني }}

الشاعره #رسل الابراهيمي
https://t.me/jjjzzccbbff

قصيده جنوبيه حصريآ الوداع الاخ{{يانبض دلالي 💔}}

شلون اودعك يانبض دلالي
وانته اخويه وخدري والتبرالي
@@@@
شلون اودعك ياعچيد الساده
وفرگتك وسط الكلب مراده
باجر الهيبه سهم بفاده

{{وسهام هواي //مأذيته}}
@@@@@@@@
بأجر يضربون نبله عيونه
وأنه عالتل الطم ومحزونه
كون جفي وجفه ميكطعونه

{{طاح الرايه علگاع // اون))
@@@@@@
بأجر عالثره يطيحون جفينه
ويگلولي زينب كافلج وينه
بسهم الموت اخيج صوبو عينه

{{تشوفينه //ماعندج عين}}
@@@@@@@
بأجر من اديج يروح خال ابنج
يكوم أعله النهر ويطيح من ونج
حنين ومازعل فد يوم ابد منج

{{خوتكم راح //تضيعوها}}
@@@@@@
تضيع الخوه بأجر ياوسف هايه
ويم جرف النهر منصوبه اله قرايه
علجفين زينب تنتحب جايه

{{وياها وتريد //التلطم}}
الشاعره
#رسل الابراهيمي
https://t.me/jjjzzccbbff

فزاعيه الوداع الاخ{{ويا راحت روحي}}


ودعت ابو الغيره ومشه ...ويا راحت روحي
@@@@@@

ودعته وعيوني تهل
لتروح مني ابو الفضل
يوادع موتك موسهل


فزز عليه جروحي
@@@@@
فزز جرح گلبي الولي
للماي رايح بن علي
بأجر يخويه تنولي

وتسمع العسكر نوحي
@@@@@@
لتروح يافخر الضعن
نسوانك لفكدك بچن
غيرك ولا عدنه حجن

حلفتك بمذبوحي
@@@@@

ودعني ووداعه صعب
يمرد يفكدك بالگلب
بأجر تظل فوگ الترب

وبس بالدمع مفضوحي
@@@@@@
بعيونك يطيح السهم
ومطبور راسك كله دم
وجفوفك البيها العلم

متگطعه يابن روحي

احا يلفكدك عاميني

الشاعره #رسل الابراهيمي
https://t.me/jjjzzccbbff

قصيده فزاعيه للاخ{{يبعد عيوني}}


وداعك يبعد عيوني .... كاسرلي ظهري يالولي


وداعك صعب ماريده
أمنيتك يخويه ابعيده
بأجر اشوف اوريده

مكطوع ويلي گبالي

@@@@@
ودعني يااحسن اخو
الموت من دونك حلو
متانيك ذباح العدو

يحسين هالشل حالي

@@@@@
خليك يمي للصبح
لاياخذك مني الذبح
گلبي بوداعك منجرح

يااعز من كل غالي
@@@@@
يعيون زينب لاتمش
ثنينه عين ورمش
بأجر ندرولك نعش

وتون يبعد اعيالي
@@@@@@@
بأجر أظل الوحدي
والخيل تهجم سيدي
يحسين ياخال اولدي

فرگاك مو يم بالي

الشاعره#رسل الابراهيمي
https://t.me/jjjzzccbbff

قصيده جنوبيه للحسين ع {{خلينه من اخونه}}


خلينه من اخونه نشبع اوداع
بس هالليله عدنه وتخلص بساع
@@@@@@@
خلونه من اخونه نشبع الليله
بأجر تنطحن منه مفاصيله
يعاين عالخيم بلكي نجي نشيله

ومانرضه الشمر نوصله ونباع
خلينه من اخونه نشبع اوداع
@@@@@@
نزلنها العمامه وشمن عطوره
بأجر عالترب نلگاها مشموره
ابن الساده كل ضلوعه مكسوره

شمن صدره اخيچن گلبي مرتاع
خلينه من اخونه نشبع اوداع
@@@@@@@
وحده وحده خل تبوسه من ضلعه
لو راح الحنين اعلينه شيرجعه
ابن جوشن يسحگه بچدمه ويوجعه

اديرن عمري كون العمر ينباع
خلينه من اخونه نشبع

@@@@@@@
جيبله رقيه تلعب بحضنه
تسمع ضحكته وتشبع نظر منه
بأجر من ابوها تسمع الونه

يروح الدللاج وجان الشراع
خلينه من اخونه نشبع اوداع
@@@@@@@
بأجر كل زلمنه بخطة الحومه
وابو السجاد متظل وصله بهدومه
ومورمات من الضرب يرسومه

من ضرب العده گلبه شكثر لاع

الشاعره رسل الابراهيمي
https://t.me/jjjzzccbbff

قصيده للولد تموت حصريه💥{{وجه المضيعه}}😭

مضيعه وجه المضيعه
                            هالوادم يعرفونه
❥❥❥❥ـــــــــــــ❁❁ـــــــــــــ❥❥❥❥
ضيعتك يروح امك
شلت من الصغر همك
صاير حالي ميهمك

يمه يالولد حسدوك گالو بيه خيعونه
مضيعه وجه المضيعه هالوادم يعرفونه
❥❥❥❥ـــــــــــــ❁❁ـــــــــــــ❥❥❥❥
فارگني الولد وسفه
رايح باللحد يغفه
گطعو رگبته الترفه

الگطعو رگبته بالسيف عليه شابح اعيونه
مضيعه وجه المضيعه هالوادم يعرفونه
❥❥❥❥ـــــــــــــ❁❁ـــــــــــــ❥❥❥❥
يابعد التحبك گوم
مايحله عليك النوم
حيل الربتك مهدوم

وجهي من غبت لليوم باهت يالولد لونه
مضيعه وجه المضيعه هالوادم يعرفونه
❥❥❥❥ـــــــــــــ❁❁ـــــــــــــ❥❥❥❥
باهت لوني من بعدك
ليش عله الترب خدك
طفها كــــــربله ضدك

بذبحتك يالولد يدرون گلب امك يذبحونه
مضيعه وجه المضيعه هالوادم يعرفونه
❥❥❥❥ـــــــــــــ❁❁ـــــــــــــ❥❥❥❥
انذبح دلالي بالفرگه
ولا تصحلي بعد ملگه
ييمه دنيتي خنگه

وجهك بالترب ياحيف يمدلل يدفنونه
مضيعه وجه المضيعه هالوادم يعرفونه
❥❥❥❥ـــــــــــــ❁❁ـــــــــــــ❥❥❥❥
للشاعرتين رسل الابراهيمي و غدير الحساني
https://t.me/jjjzzccbbff

قصيده طور تراثي {{#يحسيني يالعطشان😭}}

يحسيني يالعطشان والنحر مذبوح
عفت الگلب يحسين بالفرگه مجروح
@@@@@@
يبن امي عندي عتاب للماي اودي
توگع عله التربان ضامي وتخلي
وهدومك من اعضاك متسلبه أويلي

هم گلبي خويه اعليك كثرلك النوح
@@@@@@@@@
طايح عله التربان دلالي ممرود
لو بيدي لوما العيب ملخت الخدود
طولك الهيبه وياي ياريته موجود

مابيه اسمعه حسين فوگ الثره ينوح
يحسيني يالعطشان والنحر مذبوح
@@@@@@@@@
ضلوعك سحگهه الخيل وبيك النفس ظال
شتحس يروحي حسين يالشاده البال
يا مهجتي بلياك متغير الحال

مسبيه اروح شلون والدمع مسفوح
يحسيني يالعطشان والنحر مذبوح
@@@@@@
عايفتك أعله الگاع تتوجع تلوب
ماصوبت الأجساد صوبت الگلوب
مت عيني طايح ليش علوجه مگلوب

وراسك تشيله ارماح والرمح ماالوح
يحسيني يالعطشان والنحر مذبوح
@@@@@@@
شايلتك العدوان وتفر بالرماح
ومن بتك يحرموك ماتسمع صياح
المدلله بفرگاك تمشي ويه ذباح

يمشن خوات حسين وي العدو مسموح
يحسيني يالعطشان والنحر مذبوح

الشاعره #رسل الابراهيمي
https://t.me/jjjzzccbbff

قصيده تموت {{تون روحي الحزينه}}💔💔


تون روحي الحزينه من يداويها
يكون ويه الحنين المات اخليها
**
تون روحي اعله اخويه العافها بونها
وياريحته الحلوة كون اشمنها
حجاية خويه بعده المن اگولنها

احس تعبان گلبي وروحي ياذيها
تون روحي الحزينه من يداويها
*@@@@@@
ياذيها البعد روحي يخال ابني
لو زعلان لاتگطع وعاتبني
جيتك محله جيتك من تسايرني

شلونج لون حالج حلوه تحجيها
تون روحي الحزينه من يداويها
@@@@@@@
گلبي يالنمت بتراب ماذيني
احجي وياك ماترضه تحاجيني
عله فراگك يخويه من عمت عيني

قليله اعليك هاي العين واعميها
تون روحي الحزينه من يداويها
@@@@@
ابويه جنك بحنيتك اعليه
بعد ياهو اليجيني ويسأل شبيه
بيك مضيعه روحي موش حنيه

تعال اسئل عله اختك رد يواليها
تون روحي الحزينه من يداويها
@@@@@@@@
تعال بفرگتك ضاعت تراهه اختك
وللهموم الزمن يالاخو ذاخرتك
ادري من المحنه البيه تعبتك

حنين بروحي خويه انته تباريها
تون روحي الحزينه من يداويها

الشاعره #رسل الابراهيمي
https://t.me/jjjzzccbbff

ختاميه مجلس لام البنين -ع-{لطمنه كل سنه}💔

لطمنه كل سنه لم البنين احنه
@@١@@@@@@@
هاي ام الهظم والدمعه والونه
لطمنه كل سنه لم البنين احنه

تستاهل بجينه ام المجنه
لطمنه كل سنه لم البنين احنه

مانترك عزانه هل وعد منه
لطمنه كل سنه لم البنين احنه

للضحت ولدهه تحله ونتنه
لطمنه كل سنه لم البنين احنه

بكل مجلس عزه نعزيهه شافتنه
لطمنه كل سنه لم البنين احنه

عله المگطوع جفه اليوم لطمتنه
لطمنه كل سنه لم البنين احنه

وسهام البعينه مرد مردتنه
لطمنه كل سنه لم البنين احنه

عليج بغربتج وبغربة الدفنه
لطمنه كل سنه لم البنين احنه

جف عباس خدامج يسجلنه
لطمنه كل سنه لم البنين احنه

{{نتباهه بلطمج //مولاتي}}
{{تحضرينه//بلشدات انتي}}


الشاعره رسل الابراهيمي _وغدير الحساني
https://t.me/jjjzzccbbff

قصيده لام البنين -ع-{لا تحيرين}😭

مگضيه الحوائج لاتحيرين
بس صيحي دخيلج يم البنين
@@@@@@@
مگضيه الحوائج لاتعظميهه
انخي ام البخت والفزعه شوفيهه
هموم البيج لم عباس خليهه

ضعيفة حال انتي وماتحملين
{{وللشده //ام عباس الجاره}}
@@@@@@@@
هيه الجاره للمهموم والمعلول
ودگ باب يكرمك هلمثل مگيول
هم البكلب تلگاه عجل مشيول

وتلگه الروح مرتاحه من الونين
{{ترفع راس//اليزمط بيهه}}
❥❥❥❥ـــــــــــــ❁❁ـــــــــــــ❥❥❥❥
روحج ماتضـل بونين للدوم
ولا تضلين والله بگلب مهضوم
همج لا يضل بالگلب مضموم

اشكي ليها اشكي بدمعه العين
{{هيهات // تعوفج مهمومه}}
❥❥❥❥ـــــــــــــ❁❁ـــــــــــــ❥❥❥❥
اليگصد ليها ابد متعوفه حيران
بس حلفيها بالمذبوح عطشان
كولي يالجليله الحيل خلصان

وانتي الناس تحلف بيج بالزين
{{خلصيني // تعبانه ادخيلج}}
❥❥❥❥ـــــــــــــ❁❁ـــــــــــــ❥❥❥❥
وانتي الناس تحلف بيج بالشده
مثل ام الكرم هنياله العنده
ليروح بدمعته لا ولله مترده

وانه بدمعتي جيتج وشتكولين
{{نجيني //من ضيم الدنيه}}
❥❥❥❥ـــــــــــــ❁❁ـــــــــــــ❥❥❥❥

الشاعره رسل الابراهيمي _وغدير الحساني
https://t.me/jjjzzccbbff

قصيده لام البنين -ع-{ام البنين}

الله سبحانه الخلق ام البنين
باب رحمة للحوائج اجمعين
@@@@@@@@@@@@
الله سبحانه الخلق احسن مره
تسهل الشدات لينه المعسره
ماتخلي التنخه بيهه امحيره

ولاتخليهه بدمعهه وبلونين
{{كل شده باسمج //ميسوره}}
@@@@@@@@@
كل شدايدنه تحلهه والكلف
وجهه رحمة الله حگهه تنوصف
ماتردك بلدمع عني الحلف

ترجع وحاجتك بيديك اليمين
{{ممنونه //من جفهه اليكرم}}
@@@@@@١@
ترجع وحاجتك بيديك ماتخيب
بيد ام عباس ميضل شي عجيب
لون عندك عله هيه احسن طبيب

مجربيها ام الكرم منذ السنين
{{مترد الايد // الممدوده}}
@@@@@@@@@
ماترد ايدك وحق جف الكفيل
هيه بحمولك وحق زينب تشيل
اسلك انته وي الهوئ بس لا تميل

وشوفها لو ردتك ام الحنين
{{ام العباس// التجايه }}
@@@@#@@#@@@@
ام عباس هاي وام الاحياد
كلها جيت الج برديلي الافاد
محلفج جيت والله بكل الاولاد

مهيوبه واصيله تكحل العين
{{بعزازج //حلفيتج انه}}

الشاعره رسل الابراهيمي _وغدير الحساني
https://t.me/jjjzzccbbff

قصيده للعباس ع {بيرغنه الحنين}💔

بيرغنه الحنين يطيح
فوگ الماي ونعوفه
@@@@@@@@@@@

بيرغنه الوگع عالماي
يبست مهجتي وحشاي
مايدري نوو ممشاي

لرض الشام والكوفه
وبيرغنه الحنين يطيح
فوگ الماي ونعوفه
@@@@@@@@@
اعوفه يون عالمسنه
وي ذباحه اتعنه
الدرب كله اجر ونه

لموته وگطعت جفوفه
بيرغنه الحنين يطيح
فوگ الماي ونعوفه
❥❥❥❥ـــــــــــــ❁❁ـــــــــــــ❥❥❥❥
لموته يصعب اعليه
بفركته صرت مسبيه
احمل بعد مابيه

جرحي ياهو اليروفه
بيرغنه الحنين يطيح
                فوگ الماي ونعوفه
@@@@@@@@@@
جرحي ينزف اخلافه
المات امفطرة اشفافه
الگض بيدة نهـر عافه

حسافه بعد ماشوفه
بيرغنه الحنين يطيح
                فوگ الماي ونعوفه
@@@@@@@@@
حسافه يموت كفالي
وامجانه صبح خالي
ابو الغيره الگلب مالي

افرح جنت بطيوفه
بيرغنه الحنين يطيح
                فوگ الماي ونعوفه

الشاعره رسل الابراهيمي _وغدير الحساني

https://t.me/jjjzzccbbff

قصيده دماااار💥(#ثچيله الفاتحه )


(ثجيله الفاتحه والميت حسين )
يگلولي العده اعليمن تونين


ثجيله الفاتحه وعدواني شماته
وليلي بالخرابه لوحدي اباته
برأسه سكتو ونت ابنياته

شلون اتحمل إنه جور السنين
ثجيله الفاتحه والميت حسين
@@@@@@@
بتت ويلي بخرابه ورأسه برماحه
وكل ساعه يضربه يغثني ذباحه
بين الروس ها صاحولي مرتاحه

وبين اونينكم راحه الي منين
ثجيله الفاتحه والميت حسين
@@@@@@
ثكيله الفاتحه وعاالنوگ منصوبه
تنعه اعله الذبيح الشگگو ثوبه
عليك من الحزن ماگولن التوبه

لخلي من اللطم بيه نياشين
ثجيله الفاتحه والميت حسين
@@@@@@
عليك اللطمه يبن امي بعداليه
جوادر فاتحه بالروح مبنيه
لشد عصابتي وانعاك يوميه

يخال ابني بموتك طاگني البين
ثجيله الفاتحه والميت حسين
@@@@@@@
إنه الميت اخوها گبال عيناها
لا لطمت عليه لحد العزاها
گوه حيل المشت والروس وياها

گوه حيلج يزينب والله المعين


{{ترديها //جايمته الروس}}
{{شسويتي //من مات حسين}}
{{تونيها //وشلون الونه}}
{{يطكوها //لوصاحت خويه}}


الشاعره #رسل الابراهيمي
https://t.me/jjjzzccbbff

بيه حجي لو ينحجي جا غرگ العالم حزن
💔

الشاعره#رسل الابراهيمي

قصيده للاب حصريه ناااار💥{{كسر گلبي بچيهم}}


كسر گلبي بچيهم
اريد اسمع حجيهم

ويلي ونسوني**ويلي ونسوني
***
شلون الي اودهم
وسف سكنو لحدهم

ويلي ونسوني ***ويلي ونسوني

@@@@@@@
كسر گلبي فگدهم ماكو ملگه
العمر بفراگ اهلي صار خنگه
المضيعه أبوهه بعوز شبگه

الي من يمر بيهم
اريد اسمع حجيهم
ويلي ونسوني **ويلي ونسوني
@@@@@@@
علي لاسئلو ولاگالو انعود
خلو گلبي من الهظم ممرود
عليهم دمعتي حفرتها الخدود

دمعي الهل عليهم
اريد اسمع حجيهم
ويلي ونسوني**ويلي ونسوني
@@@@@@@@
غالي الابو شيرده عليه
خذته ياوسف مني المنيه
حنينه حجايته اليحجيها إليه

احنان وفاگديهم
اريد اسمع حجيهم
ويلي ونسوني*** ويلي ونسوني
@@@@@@@
عمت عيني يناس اعله التوده
بشوگي مادرت بس المخده
دمع الفرگه تالي الليل اهده

احن بليل ليهم
أريد اسمع حجيهم
ويلي ونسوني*** ويلي ونسوني
@@@@@@@@
ياهو يرده إليه واشم عطره
بقت بس الصور من عده ذكره
مشتاگ لشخص نايم بگبره

ولااگدر اجيهم
أريد اسمع حجيهم
ويلي ونسوني*** ويلي ونسوني


الشاعره رسل الابراهيمي
https://t.me/jjjzzccbbff

قصيده للاخ حصريه{{ظلت بس الهدوم}}😭


من خال ابني ظلت بس الهدوم
ثاري الخوه ابد ياناس مدوم
@@@@@@@
وي خال ابني راحت عشرته بسرعه
وعليه مابطلت بس تهمل الدمعه
شيرجع العمر وياه شيرجعه

نايم بالگبر مالاگ اله النوم
من خال ابني ظلت بس الهدوم
@@@@@@
شال الخوته حلوة ومعانيه
ترد روحي سواليفه ومحاچيه
شحلاته كل مسيه يسير اعليه

واسوالفله بهظم گلبي والهموم
من خال ابني ظلت بس الهدوم
@@@@@@
تالي اهلي مشه وخلالي الونه
شلون اصبر جبير الساده اضيعنه
يناس لهسه ماشبعانه ابد منه

امدللني واريدن يظل للدوم
من خال ابني ظلت بس الهدوم
@@@@@@@
اتانيمن بعد كل امغرب أبابي
المگابر خلصت كل اهلي واحبابي
واعتاب ليش ياهو اليسمع اعتابي

العتب بيه يبات وگلبي مهظوم
من خال ابني ظلت بس الهدوم
@@@@@@
اگابل دار اخويه وانحب بعبره
شايل منها لاچن ظلت الذكره
حنينه ودوم اذكرك واذكر العشره

يخويه ومنك الدلال ملچوم
من خال ابني ظلت بس الهدوم


الشاعره رسل الابراهيمي
https://t.me/jjjzzccbbff