للعلم سعرة بل موقع 139 دولار
يطلع أكثر من 180 الف

حتى اذا تردون توصلون مايك واير عادي يرهم عليه

قصيده لم البنين "ع"((توجهنا بحسين ))


توجهنه بحسين وضلوعه المكسريها
وين ام البنين والحاجات تكضيها
وين الحنينه... تنغر علينه
ياباب المراد والوادم امجربيها
**



توجهنا بالمذبوح لمه الحزينه
تكضي الحوايج كون تنغر علينه
الها احنه بالعباس كلنه اندعينه

ندعي بونينه ... تنغر علينه
ياباب المراد والوادم امجربيها
**
يمجربه الج شارات يامه وكفتي
واليحجي يمج ضيم من ضيمه شلتي
يارحمة الله هواي وادم رحمتي
كلش حنينه .... تنغر علينه.
ياباب المراد الوادم امجربيها
**

لله انتوجه بيج وانتي الوسيله
والمذنب الينخاج ماعنده حيله
ياملجأ المهموم يامستحيله

متفشيلنه .... تنغر علينه
ياباب المراد والوادم امجربيها
**
دكينه بابج هذا بوليدج حسين
كل الحوايج كون هالليله تكضين
باب العطاء يصير جف ام البنين

تترس ادينه .... تنغر علينه
ياباب المراد والوادم امجربيها
***
الفاتحه نقره الج تسهيل أمر دوم
للمهدي تعجيل الفرج والغيبه متدوم
للشيعه يدعي سيدي دعوة المظلوم

يدعي يجينه .... تنغر علينه

قصيده للعباس ع {{زعلانه زعلانه}}..😭

يا ابالفضل إنه .... عطشانه عطشانه
انترست ضمه جروحي
جا يمته ملگانه... جا يمته ملگانه
❥❥❥ـــــــــــ✿🪶✿ــــــــــــ❥❥❥
دوني الزمان وفارگانه اني وياك
يادللتني بيه شوك لملگاك
ازعل لمن تتركني وتريد انساك

زعلانه زعلانه...عطشانه عطشانه
❥❥❥ـــــــــــ✿🪶✿ــــــــــــ❥❥❥
مايستحي خويه النهر ضم طولك
عفت الحسين بلا سند صاحولك
واطفال الخيام بقهر يبجولك

يصيحون عافانه... عطشانه عطشانه
❥❥❥ـــــــــــ✿🪶✿ــــــــــــ❥❥❥
مضيع الگلب واحد اخو ويريده
ياخويه عمرك ما يصير اتعيده
مگطوع گلبي وي گطع جف ايده

انه اخته حزنانه... عطشانه عطشانه
❥❥❥ـــــــــــ✿🪶✿ــــــــــــ❥❥❥
عالعلگمي يا ناس نامت عيني
موجوع ابو فاضل صرخ جفيني
وگتله ابقهر عدوانك امتانيني

يطگوني هنانه ... عطشانه عطشانه
❥❥❥ـــــــــــ✿🪶✿ــــــــــــ❥❥❥
بأجر متوني بيها سوط العدوان
وانه غريبه وهم غريبه الخوان
منين اجيبك عالت اعلي عدوان

ولوحدي حيرانه ... عطشانه عطشانه
❥❥❥ـــــــــــ✿🪶✿ــــــــــــ❥❥❥
بأقلام شاعرات الحسين (ع)
#الشاعرة رسل الابراهيمي
#والشاعرة هاجر الزينبية..
لا اجيز الحذف او التلاعب بالكلام ❌
https://t.me/jjjzzccbbff

السلام عليكم ورحمه الله وبركاته

بنات قضية الحسين عليه السلام والشعر احساس
مو تسرقين نص من رادود ونص من شاعره وتكتبين

اني اكو قصيده كاتبتها
ماخذتها شاعره وكاتبه عله نفس بداية المستهل وهيه مشهوره القصيده

ماابري الذمه اي شاعره تأخذ من قصائدي وتكتب عليهن

حسبي الله ونعم الوكيل

هنيئآ النه قصيده الحسين عليه السلام
وهنيئأ لكم قصيدة الترند ...😁

ام اخوهه ام الخدر
شلون يضربهه الشمر
ويطگ شيلتهه الجليله
ياشمر هاي العقيله
ريت جفك ينبتر
ام اخوهه ام الخدر
😭😭😭😭💔💔💔💔😭😭😭😭

ام اخوهه استارثت كل الحزن من فاطمه
ياشمر لاتطك زينب حيل حيل امألمه
شوفهه من الضرب حدبت والمتن يجري دمه
والحديد بنص اديهه
ومشت للذابح وليهه
اتكله لتظن انكسر
😭😭😭😭💔💔💔💔😭😭😭😭

زينب المالومه صارت ياحريمه بلا اخو
من بعد صوت ابو فاضل يامر اعليهه الشمر
الجيش متجيش عليهه شصار بلدنيه وشكو
العسكر ابلا رحمه اجوهه... واهظموهه براس اخوهه
تحملت هذا القهر .... ام اخوهه ام الخدر
😭😭😭💔💔💔💔😭😭😭😭
شعجب عباس ابو الغيره ماحرك نار الخيم
انتم تقنعوني يعني المانعه اعليهه السهم
خاف خجلان اخو زينب منهه ويحس بندم
خاف خجلان ابوفاضل.... ومارجع ليهه يقاتل
لأن ما جاب النهر.... ام اخوهه ام الخدر
😭😭😭😭💔💔💔💔😭😭😭😭
من وكع ضامي ابو اليمه ظل يدير عيوونه
جنه كام يصيح عوفو زينب المحزووونه
عوفو المخيم بحاله شعدكم تحركووونه
لاتكربون الخيمنه..... يستحن كلش حرمنه
وادري شيمتكم غدر.... ام اخوهه ام الخدر
😭😭😭😭💔💔💔💔😭😭😭😭
ورحتو لخيام ابو سكينه وروعيتو سكينه
وصحتو جاوينه ابو الغيره يسمع نساوينه
شلون نضربهه وتصارخ خويه فز اعلينه
احنه منهم موش خفنه.... نستحي وانته تعرفنه
شنهو ونخافه الشمر... ام اخوهه ام الخدر
😭😭😭💔💔💔💔💔😭😭😭😭
تعسكرو كلهم عليه رادوو يذلوني
انه اختك يابو فاضل حاشه ميمسوني
اشهدو محفوظ خدري حته لو يسبوني
سبايه راح اسبيهم اني.... يشهد اعليهه زماني
درس سويت اليسر ... ام اخوهه ام الخدر

للشاعره زليخة العباس رسل الإبراهيمي

قصيده لرقيه ع {{من الضرب تعبانه}} 💔

من الركض من الضرب تعبانه
عالراس ورده وماتت الحزنانه
❥❥❥ـــــــــــ✿🪶✿ــــــــــــ❥❥❥
ترتاح خلي وتحضن العافاها
تصيح وينك بابا رأسه الجاها

تمطر عله شفايف ابوها الدمعه
اتگله احجي مايرضه ايحجي وياها

ماكعدته النشغات يالحزنانه
من الركض من الضرب تعبانه..
❥❥❥ـــــــــــ✿🪶✿ــــــــــــ❥❥❥
من حضنت الراس ونظرتي بعينج
اعرفتيه لو تيهتي وجه حسينج

مطبور رأسه ثنعش طبره يكولون
وشلون قسمتي لمصابه اونينج

يتمج وانتي من الصغر وجعانه
من الركض من الضرب تعبانه
❥❥❥ـــــــــــ✿🪶✿ــــــــــــ❥❥❥
شاغت الروح بساع يم الوالي
حضنته وصاحت هلا برأس الغالي

رادتك تفتح عينك تعوف الموت
كالت وياك الموت حيل اشوالي

حته البواجي البيها هم نحلانه
من الركض من الضرب تعبانه..
❥❥❥ـــــــــــ✿🪶✿ــــــــــــ❥❥❥
من بعد ضيم الشافته بدنياها
كل روح لازم ترجع الملفاها

شو كربله منك حضن ليش تبوك
محتاجه اموت بحضنك وانساها

ارتاح من الظالم البجانه
من الركض من الضرب تعبانه
❥❥❥ـــــــــــ✿🪶✿ــــــــــــ❥❥❥
حاجته حجايه وماتت بصف راسه
كلبك صدك بويه اليذبحك داسه

فك عينك شوي شوفني شكد ابجي
اتأمله يحجي الگطيعه أنفاسه

يگعد اذا اگله نمت زعلانه ..
من الركض من الضرب تعبانه
❥❥❥ـــــــــــ✿🪶✿ــــــــــــ❥❥❥
#الشاعرة رسل الابراهيمي
#والشاعرة هاجر الزينبية
لا اجيز الحذف او التلاعب بالكلام ❌
https://t.me/jjjzzccbbff

قصيده جنوبيه للعاشر مزدوجه بهوسات((مصباحك يخويه))

مصباحك يخويه يطلع الروح
شفتك منذبح ومترس جروح
ـــــــــــــــــــــــــــــــــــــــــــــــــ
مصباحك يبعد عيوني عاميني
شفتك منگطع راسك يضي عيني
علي هجمت العسكر ماتحاميني

يل دمك عله التربان مسفوح
((علويتك //العسكر طكت))
ـــــــــــــــــــــــــــــــــــــــــــــــــ
حرگو خيمتي وضربوني بظهري
وصاحو للزلم يم الخدر ظهري
موش بليل طلعوني بعز ظهري

عله اختك كل نظر بالحومه مشبوح
((تتفرج شمات //اعلينه))
ـــــــــــــــــــــــــــــــــــــــــــــــــ
دخان الخيم خانگ اشجم طفله
الم بيهم واضيع أيتام منذهله
علينه النار وجت ماانطت مهله

ماخلونه نركض يمك نروح
((يحسين الحگ//طفي اعباتي))
ـــــــــــــــــــــــــــــــــــــــــــــــــ
اجيت اركض بفحطه خويه للحومه
شفت واحد مگطع مامش هدومه
ماكدريت اعرفه دموم برسومه

عرفيته بونينه الجان مفضوح
((مثلو بي //حسين وجسمك))
ـــــــــــــــــــــــــــــــــــــــــــــــــ
كل ميت يشمونه ويبوسونه
وبقماش ابيض الميت يجفنونه
بس حسين بحصيره يجمعونه

وصل صاير وعظم بعظم ميلوح
((بحصيره احسين //يلمونه ))



قصيده جنوبيه للوحشه((ظلمة اعلينه))

ظلمة اعلينه ظلمة اعلينه... الدنيه اخلاف عينك ظلمة اعلينه

يليلة وحشتك متوجره الگلوب
عليك الون ازيدنه يمحبوب
تخليني لسبيهم ويه الدروب

لاتخليني لاتخليني... عد خصمك رهينه لاتخليني
ـــــــــــــــــــــــــــــــــــــــــــــــــ

وحشه اعليك خويه تصير باليل
ويافرگاك رايد بالطم حيل
كلبي جم هظم يتحمل يشيل

لاتعوفني لاتعوفني..... فزعكم لسه اريده لاتعوفوني
ـــــــــــــــــــــــــــــــــــــــــــــــــ
تاخذني سبيه تقبل اعداك
فك عينك عليه احجي وياك
اكمل بالعتب لوعتبي اذاك

باجر اعليه باجر اعليه.... تتفرج زلمهم باجر اعليه
ـــــــــــــــــــــــــــــــــــــــــــــــــ
عليك شلون اضم وامشي بالخلاف
باجر طول زينب راح ينشاف
وبجفوفه الشمر يعكد بالجتاف

واشگف بسوطه اشگف بسوطه..... يطگ بيه واظلن اشگف بسوطه
ـــــــــــــــــــــــــــــــــــــــــــــــــ
لوتقبل عليه تكوم يحسين
جا متصير بمتوني النياشين
ولا زلمه يناشد عني منين

ماتعرفرها ماتعرفرها...... اخت الوگع راسه ماتعرفوها
ـــــــــــــــــــــــــــــــــــــــــــــــــ
نمت نوم العوافي يطول النوم
يالحنين وادري ليه متگوم
فرگتك مااحملها وگلبي مجلوم

جرحك بروحي جرحك بروحي.... ابد لتظن يعدي جرحك بروحي








قصيده ثگيله للسيده رقيه "ع"{{ماتت خطيه}}
لسان حال السيده زينب عليها السلام تجاوب الحسين "ع "من سئلهه عله رقيه "ع "

اغتالو عمرهه اعله النحر لمن وصل راسك
مذبوح انته من الگفه وهم ذبحو احساسك

ذبحوهه جم مره
هالطفله الزغيره
من حضنت نحره**ماتت خطيه

❥❥❥❥ـــــــــــــ❁❁ـــــــــــــ❥❥❥❥
ماتت هظم ماتت بجي ماتت عالحسين
جانت تون جانت تحن ماتسكت العين
تاركني لسياط الشمر يل سافرت وين

سوط الشمر يوجع
واني ادري ماترجع
وبجيتك تسمع **ماتت خطيه
❥❥❥❥ـــــــــــــ❁❁ـــــــــــــ❥❥❥❥
تطبگ الليل اعله الصبح بس بسمك تنوح
يابابا اريدنك تجي يابابه لتروح
يبنت تچاعيد الفگد عالوجه والروح

امحدبة ظهر هيه
تبجيله يوميه
يحسينك ارقيه**ماتت خطيه
❥❥❥❥ـــــــــــــ❁❁ـــــــــــــ❥❥❥❥
شگد گلنه تنسه وتحتمل ماتحمل افراگ
خلصتهه تبچيله نشد ولحضنه تشتاگ
طفله شيسكتهه بعد گتلتهه الاشواگ

شيسكت الدمعه
تريد الابو ترجعه
وهوه انكسر ضلعه **وماتت خطيه
❥❥❥❥ـــــــــــــ❁❁ـــــــــــــ❥❥❥❥
ماترضه تسكت بالطشت سكتوهه عدوان
گالتك ارجعلي دفو مو گلبي بردان
صاحوهه طايح عالرمل الحسين عريان

مسلب عله التربه
شگ السهم گلبه
يرجع الج صعبه**ماتت خطيه
❥❥❥❥ـــــــــــــ❁❁ـــــــــــــ❥❥❥❥
جبتلهه مو ترجيه من جيتلهه تابوت
طفله بحضن راس الابو هم سامع تموت
ونهه انگطع من شافتك ماطلعت الصوت

گطعو بواجيها
السلبو تراچيها
الضرب ماذيها **ماتت خطيه


الشاعره رسل الإبراهيمي

قصيده للحسن ع {{ اخو حسين }} ..💔

اخو حسين الجبير اليوم مسموم
واعليه ون ابو السجاد مهظوم ..

يموت اليوم أخيه
ويشيعه ابن الزجيه
يدفنه بالگبر والگلب ملجوم
❥❥❥ـــــــــــ✿🪶✿ــــــــــــ❥❥❥
جبير الساده هذا اليوم ننعاه
كعد يبجي عله مصابك حسيناه
كريم الساده اخر نفس جراه

وجع گلب ابن ابيه
ويشيعه ابن الزجيه
يدفنه بالگبر والگلب ملجوم
❥❥❥ـــــــــــ✿🪶✿ــــــــــــ❥❥❥
بحضن حسين جرهن اخر انفاس
بعد ماودع أخته وباس عباس
السم فت جبده مات وميل الرأس

ومال الكون بيه
يشيعه ابن الزجيه
يدفنه بالگبر والگلب ملجوم
❥❥❥ـــــــــــ✿🪶✿ــــــــــــ❥❥❥
مال الكون بيه وخلصت الروح
من شفت الجفن بالموت مفتوح
واخر نشغة ترست روحي جروح

فل ايده من اديه
ويشيعه ابن الزجيه
يدفنه بالگبر والگلب ملجوم
❥❥❥ـــــــــــ✿🪶✿ــــــــــــ❥❥❥
هد ايدي بثواني انهدلي الحيل
شبگته وصرّخت شتريد وتشيل
ظل يمي وارتل النور بالليل ..

وانته تصد اليه
يشيعه ابن الزجيه
يدفنه بالگبر والگلب ملجوم
❥❥❥ـــــــــــ✿🪶✿ــــــــــــ❥❥❥
حلفته ابشريفه وبالربه اهواي
هل عينه اويحرك بيده اشواي
هز راسه اويگول الموت شراي

وباگتنه المنيه
يشيعه ابن الزجيه
يدفنه بالگبر والگلب ملجوم
❥❥❥ـــــــــــ✿🪶✿ــــــــــــ❥❥❥
#الشاعرة رسل الابراهيمي
#والشاعرة هاجر الزينبية
لا اجيز الحذف او التلاعب بالكلام ❌
https://t.me/jjjzzccbbff

قصيده للحسن {{اويلاه يالمجتبى}} .. 💔

مسموم يا اول ولد اويلاه يالمجتبى
گلب امك الليله نمرد اويلاه يالمجتبى
❥❥❥ـــــــــــ✿🪶✿ــــــــــــ❥❥❥
سموهه بيك ام الحسن
شيوجعك كلي و تون
وبكربله لون الحزن

حزنان ابو اليمه بعد
❥❥❥ـــــــــــ✿🪶✿ــــــــــــ❥❥❥
گابله سبع الگنطره
وعالجبله داير ناظره
احاه يبن الطاهره

بينه الحزن ليك نولد
❥❥❥ـــــــــــ✿🪶✿ــــــــــــ❥❥❥
اول اخو للعايله
خليت زينب ناحله
بفراگ وجهك لا هلا

يالحسن صاحت ماترد
❥❥❥ـــــــــــ✿🪶✿ــــــــــــ❥❥❥
تنگبت بشيله ام الخدر
عالجبده مسموم بغدر
دلال ابيك منكسر

ولحزنه الكون انرعد
❥❥❥ـــــــــــ✿🪶✿ــــــــــــ❥❥❥
سوو عراضك بموتتك
شيبت الرأس بفركتك
ياحيف تكضي خوتك

اول حنين انته وسند
❥❥❥ـــــــــــ✿🪶✿ــــــــــــ❥❥❥
#الشاعرة رسل الابراهيمي
#والشاعرة هاجر الزينبية
لا اجيز الحذف او التلاعب بالكلام ❌
https://t.me/jjjzzccbbff

كل يوم سبعه ينكسر ظهر الحسين عليه السلام 😭😭
مره 7محرم بأخيه العباس عليه السلام
ومره 7صفر بأخيه الامام الحسن عليه السلام

آجرك الله سيدي ومولاي😭😭😭😭

قصيده للاربعين {{ضعون زينب}} ..💔

هاي اضعون زينب وصلت اليوم
اجتي الكربله اتزورك يمضلوم
❥❥❥ـــــــــــ✿🪶✿ــــــــــــ❥❥❥
هاي ضعون مظلومة الزهره
وجابت يم اخوها اليوم نحره
مشتاگه اله وشمت بگبره

شمت ترب گبره شمام مهظوم
❥❥❥ـــــــــــ✿🪶✿ــــــــــــ❥❥❥
للمظلوم اجتي اعزيزت احسين
ترش گبره بنحيبه ودمعة العين
جابتله امانه ايتام يالبين

تميل ضعونهم ردت بالهموم
❥❥❥ـــــــــــ✿🪶✿ــــــــــــ❥❥❥
اجتگ مايله اختك يمذبوح
فوك متونهه شالتلك جروح
وجعة فاجده يم گبرك تنوح

شوف عيون زينب صاحتك گوم
❥❥❥ـــــــــــ✿🪶✿ــــــــــــ❥❥❥
صار هواي مبعد صاحت ام عون
وماشابگهه اخيتك يالولي شلون
من ليلة وداعك محزن الكون

وحزني ما يفل يحسين للدوم
❥❥❥ـــــــــــ✿🪶✿ــــــــــــ❥❥❥
اموتن ريت ما اطول بعد عام
حضي ومامتت وي حرگ الخيام
ارد اشلون بيتك ناقص ازلام

شگل للدار من تنشد يجيدوم
❥❥❥ـــــــــــ✿🪶✿ــــــــــــ❥❥❥
#الشاعرة رسل الابراهيمي
#والشاعرة هاجر الزينبية
لا اجيز الحذف او التلاعب بالكلام ❌

شلون الخدم ماتحضر بفاتحتك
ومن السبي مهظومه رجعت اختك

جابت الروس وياها
عونه المشه وعزاها
بيوم اربعينك ردت العايفتك
😭😭😭😭😭

جتي الحزينه امهدله من الضرب تعبانه
ميت اخوها من شكثر مالاگت العوانه
هنياله المطين الوجه وتعنه للوجعانه

مأجور التعناها
ودگ الصدر وياها
يالماشي لحسين اعتقد شايفتك

######
شلون مااحضر الك مابين هل مشايه
ومن ايدي اناوشها بتعب لاطفالي هاي الرايه
شمسويه روحي وزعلتك ماادك الك بقرايه

تحرمني من هالخدمه
وتسلبها ليش النعمه
نعمة خدمتك سيدي نادبتك

😭😭😭😭😭
لاعندي موكب واخدمك لا أنه من زوارك
ترضاها أظل ابجي إذا ماانحسب خطارك
اعزمني ازرك سيدي وأرزقني دمعة ثارك

ارزق اجدامي الجيه
وين المشت مسبيه
مولاي تدريني انحسب خادمتك
😭😭😭😭😭😭😭
كالو الحر ماينحمل ماتمشي هاي المره
وأنه ارد اروح الطم عله الردت لخوها بنحره
بأجر بكبري بيا عذر اعتذر من الزهره

ياحر تسولف عنه
ماشي لامام الجنه
ارزقني اشم بيك الهوه امحلفتك
😭😭😭😭😭😭
وبكيف فضلك سيدي ادز علي لو لاله
للسنه الجايه لو أظل اتظل دمعتي هماله
ضيم الگلب گله بقه بالگلب محد شاله


متريد ليش امشيلك
مولاي وأنه ادخيلك
لاتزعل نضيع احنه لو مابختك

#الشاعره_رسل_الابراهيمي

اسالكم الدعاء لي بالزياره😭

السلام عليكم ورحمه الله وبركاته
هالمره اني اسئلكم الدعاء عندي حاجه ومحتاجة دعائكم بقصائها إليه بجاه مصاب سيد الشهداء ☺️

كروب خاص بالحان القصائد
https://t.me/+eiSzmTi_mmgzNjgy

قصيده حصريه ((والله ايااااام))


والله ايام ... عايفني بهظم وتنام والله ايام
صفت من عشرتك دمعه وسبي وايتام
والله ايام

😭😭😭😭😭
والله ايام ناسيني وسهل عندك
اروح لوحدي وانته امعذب لوحدك
من شال الضعن مابستك بخدك

شلون تنام ... مريتك وجع وانذبحت الاحلام

والله ايام 😭😭😭

😭😭😭😭😭😭
مر الحادي بيه كبالك وانظر
كل لحظه عشتها وياك جنت تمر
جسمك منجرح بالصحره متمرمر


مو اوهام .... مشيول اعله رمحه الهام
والله ايام 😭😭😭😭

😭😭😭😭😭
ورحت بس مارحت ظل روحي يم روحه
ودمعتي المن تهل ماغسلت جروحه
ياساتر خدري كوم دموعي مفضوحه

واهل الشام مارحمو كبرتي وظلمو الظلام
والله ايام 😭😭😭😭😭
😭😭😭😭😭

طبيت القصر عالموته منكوبه
أخطب بي رضيت بجوره وعيوبه
بس بروحي موكد نار منشوبه

دگ دمام .... وضربو شفت الايمام

والله ايام 😭😭😭
😭😭😭😭😭
ومن اختك اجت بين قهر بيها
عبرت فاكده بنيه بنعاويها
من ذيج العزيزه بس تراجيها

بيدي تنام .... ماتت علنحر جي باكتك السهام

والله ايام


#الشاعره رسل الابراهيمي

قصيده حصريه ((ياراس اخوي))
لسان حال الشاعر ... زينب عليها السلام تخاطب راس الحسين ع

ياراس اخوي احجيلي همه
بعده نزيف هناك دمه

بعد الولي بحر الشمس
هم يوجع عضامه الرفس
مخنوكه وبعازتلي شمه
ياراس اخوي احجيلي همه
😭😭😭😭😭😭
هم نايم بحر بالفله ماغسلوة الوالي
صاراله ثالث يوم اله بلشمس يتراولي
ماناصبه مأتم اله ولالاطمه اعله الغالي

ياراس اخوي احجي بدمع
شصاح من طگ الضلع
مكسور صدر وخفت الزمه
ياراس اخوي احجيلي همه
😭😭😭😭😭
متغير حسين شكثر ماجني اعرفه من اهلي
يرأسه هم بعده يون لو اهود احجي وگلي
مدري شجاه طال العمر ومذبوح اليكض حملي

احجيلي خاف من العطش
فاتح عله الشاطي الرمش
وعتابه بعيونه يضمه
ياراس اخوي احجيلي همه
😭😭😭😭😭😭



هم بعده مسلوب الهدم لو ستروا جثمانه
مسبيه بس روحي وعلي لفاتحتة فد عطشانه
سهامة التوسطت جبدته طلعوهة اله عدوانه

لو عمت عيني اعله الثره
بجسمه السهام مطشره
مابيهم بهل جيش زلمه
ياراس اخوي احجيلي همه
😭😭😭😭😭😭
ياهي التعوفلها اخو ميت ذبح بالحومه
المثلي صعبه تنسبي ومابيها حيل الكومه
والهظمه ظلت بالگلب ماصرخت المظلومه

ماصرخت ولطمت صدر
راحت يسيره للصبر
تمنت اخوها تموت يمه
ياراس اخوي احجيلي همه
😭😭😭😭
احجيلي من ظل وحده هم حس غريب بدوني
هم گال عافوني ومشو جاليش مادفنوني
مثل العزاز الحملو وصياح ماسمعوني

ابن امي ظل بغربته
ماذب أعتاب لخيته

عاتب علي لو گال زحمه
ياراس اخوي احجيلي همه

#الشاعره رسل الابراهيمي