#حرب الارحام
البارت التاسع
#جمانه السعيدي

روان....اتصل على زينب ماترد المفروض صار ربع ساعه هي بلبيت
اتصل عليها ماجاوب
مايصير ماترد عليه شلون خاف صار وياها شي
يارب استر
اوصل للباب ارجع زين ليش ماترد تليفونها خلص شحن
صار نص ساعه متاخره
لا بعد مااكدر اتحمل اكثر يارب استرنا بسترك بارب

الحد ما فات ساعه كامله على تأخر زينب

روان...الووو خالو بلال
بلال...هلو روان شكوووو
روان...انت وين
بلال...توني وصلت للبيت دزيت عبدلله البيت جده ورجعت
روان...خالو الحك الله يخليك زينب لسه مارجعت
بلال...شنو مارجعت اتصلي عليها
روان...صار ساعه اتصل وماترد من طلعت من الصيدليه
اتصلت كالت اليوم ابو علي مايجي يرجعني
كتله اصعدي تكسي وتعاي

بلال...وليش مااتصلت عليه جان خليت عماد يوصلها للبيت ليش طلعت وحدها صدك تحجين
روان...شلون خالو فدوه الله يخليك شلون
بلال.. اني راح اطلع ادور عليها
روان...خالو فدوه طمني عليها الله يخليك

روان بقيت كاعده على نار كل شويه اتصل على بلال
بس ماكو مجاي يلكاها
يفتر بلشوارع وهي ماكوووو عبالك فص ملح وذاب

روان....يارب سترك يارب ووين راحت

بابا بابا.. اكعد زينب لسه مارجعت
ابو روان...شلون يعني مارجعت بيش الساعه هسه
روان.. الساعه ٣ونص
ابو روان...اتصلي عليها
روان...ماكو ماجاوب خالو بلال يدور عليها

كعد ابو روان واتصل على بلال
ابو روان....هااا بلال لكيت زينب
بلال....افتريت بلشوارع كلشي مالكيت وهاي ثاني مستشفى
ادور عليها بيها وماكوووو
ابو روان...يعني وين راحت هاي البنيه
بلال..مااعرف هي اخر شي متصله بروان وكايله
اليوم السايق مايجي راح ااجر تكسي وارجع للبيت
ابو روان....حتى هي فقيره ماعدها سوالف موزينه
شنو انخطفت
بلال...لا شنو انخطفت على شنو يخطفوها
راح ادور بلمستشفيات بلكت الكاها واذا ماكو اروح أبلغ مركز الشرطه
يراجعون الكاميرات الي بلشارع ويشوفون وين صارت

ابو روان....اني راح أقدم بلاغ بمركز الشرطه
وانت شوف باقي المستشفيات
بلال....تمام جمانه السعيدي

ابو روان قدم بلاغ واخذ ويا روان حتى يسمعون اخر مكالمه الها وهي تكول راح اصعد تكسي وارجع للبيت

بلال..مستمر يدور بلمستشفيات
الساعه بلاربعه وربع اجا اتصال البلال
بلال....الوووو
.حسن...هلو بلال جابو بنيه للمستشفى باخر انفاسها
طاعنيه بطنها ويمكن متعرضه للاغتصاب
بلال...اي اجيت

وصل بلال للمستشفى لكا الدكتور مدخلها غرفة العمليات

بلال...هااا حسن
حسن...الدكتور دخله غرفة العمليات نبضها ضعيف ونازفه دم هواي
بلال...اخذتله صوره اريد اتأكد هي لو لا
حسن...اي هاي هي لو لا
بلال...شفت الصوره تخبلت البنيه شصاير بيها
حسن...اي هي
بلال...اي هي يامسكينه منو من مصلحته هبج يسوي بيها
حسن..اغتصاب متكرر الأكثر من شخص
وطعن بسكينه حاده
بلال...استغفر الله مسكينه هذا واحد حاقد عليها
لو مايعرفها جان مجرد اغتصاب بس الطعن يخلي واحد يشك بلموضوع

حسن....الدكتور يكول مو اكيد تطلع من هاي العمليه
سالمه
بلال... منو جابها
حسن...سيارة النجده ناس متصلين عليهم شايفينها مشموره بلشارع خايفين يقربون عليها متوقعين ميته
هواي نازفه دم

بلال...اتصل على الدكتور اذا يحتاج دم اني اتبرعلها
حسن..اكيد تحتاج دم نازفه هواي

اتصلت روان
روان ... هاااخالو ماكو خبر
بلال....لا اكو خبر بس على كيفج لا تصيرين عصبيه
روان...زينب بيها شي ماتت خالو احجي فدوه
بلال...لا طاعنيها وشامريها بلشارع
روان...ياااعزا صدك تحجي ليش ولله فقيره
ومااببها اذيه على اي احد
بلال.... اروح اتبرعلها دم
روان...اجيت اني هسه راح اجي
جمانه السعيدي
روان....بابا هههي بابا هييي الحك زينب راح تموت
طاعنيها وشامربها بلشارع

ابو روان.... لا صدك تحجين شلون ووين لكوها
ام روان....ياربي سترك شبيها هاي الناس
روان..اريد اروح اشوفها

روان وامها وابوها راحو وراها للمستشفى
بلال اتبرع بطل دم وحسن اتبرع بطل دم
البنيه نازفه هواي وحالته صعبه

طلع الدكتور من العمليات
بلال....السلام عليكم شلونك دكتور
دكتور...هلو دكتور بلال شنو المريضه أقاربك
بلال...اي اقاربي شلون الوضع
دكتور....ولله حالته حرجه نبضها ضعيف الله يستر وتعدي ٢٤ ساعه سلامات
مو اكيد تطلع منا
تعرف احنا هنا هم ماعدنا كل المعدات الضروريه
اني جازفت وسويت العمليه
سويت الي عليه والباقي على رب العالمين
بلال....راح انقلها جناح خاص واعالجها على حسابي

الدكتور ... اي زين
بلال...تحتاج بعد عمليه
الدكتور ...اني نضفت الجروح مكان الطعن وخيطتهن
ونقلنالها دم يمكن تحتاج بعد دم
بعد ساعتين ارجع اجيك وضعها راح اخليها تحت المراقبه

بلال...تسلم دكتور
وصلت روان لكت زينب طالعه من العمليات بس
بعدها فاقده الوعي بلال نزلها بالجناح الخاص

روان وامها بس شافنا من ورا الجام لان ممنوع احد يدخل عليها مخليها تحت المراقبه
روان كامت تبجي هي وامها عليها

روان....يامسكينه اني مني الصوج لو مكعده بابا وجايين ماخذينج
ليش عفتج انتي استنجدتي بيه واني عفتح
سوده عليه حبيبتي هو الي ماعنده حظ كوه انتي من يومج وانتي مضلومه

خلص النهار وزينب ماعدها ذاك التحسن روان وبلال كاعدين يمها ماعاوفوها ابد
روان تريد تتخبل عليها جمانه السعيدي

بليل...يله فتحت عيونها شويه وورجعت سدتهن

روان.. خالو الحك زينب فتحت عيونها
قرب عليها بلال شاف النبض زين طلع راح للدكتور
لكا الدكتور الخفر
مو نفس الدكتور الي سوالها العمليه
جابه واجا حتى يشوف الوضع
...الدكتور خله السماعه على كلبها زين عدها نبض

الدكتور....زينب زينب
فتحت عيونها شويه ورجعت سدتهن حركت ايدها

الدكتور.. انشاء الله عدت مرحلة الخطر جيب الممرضه تغير على الضماد وتعقم مكان الجرح
بلال...شكرا دكتور دكتور من رخصتك من الصبح على المغذي هاي هي لو نجيب شوربه

الدكتور....بس الشوربه خفيفه كلش ياريت حليب وتمن
بس كون خفيف ممكن تمرد نص موزه وتنطيها
بس لا تكثرون لان بعدها ماتكدر تاكل
واحد من الجروح مزق الامعاء على كيفكم وياها

بلال...شكرا دكتور
روان اتصلت على امها تحضر الشوربه حتى بلال يروح بجيبها وياها ملابس الزينب

شويه اكلت تقريبا خاشوكتين ماتكدر تأكل
بس روان غيرت ملابسها وبقت هاي اليله يمها هي وبلال
بلال بس رجع غير ملابسه واجاهم

ثاني يوم الصبح يله فتحت عيونها
روان...هااا زنوبه حبيبتي
ماتكدر تحجي بس تباوع بعيونها
بلال....هااا زينب تكدرين تحجين

بس تباوع علينا ماتحجي
روان....طمنيني عليج
زينب....اني وين بطني توجعني

حركت ايدي على بطني شفتها مربوطه بلشاش من جوه صدري الحد نهاية بطني

زينب...شبيها بطني ليش هيج مربوطه توجعني حيل

روان...ماكو جرح بسيط حبيبتي هسه تصيرين زينه

زينب....شلون انجرحت مجاي اذكر شي
روان....من رجعتي بليل من الصيدليه

زينب...صفنت شويه
بلال...راح اجيب الدكتور

بلال...دكتور فتحت عيونها وتحجي ممكن تجي تشوفها
دكتور....يالله هاي البنيه نجت باعجوبه
بينها وبين الموت شعره اني كنت متأكد من نهايتها
شلون رب العالمين لطف بحالها ماادري
بلال.. دكتور تعال شوفها نريد نطمن عليها

داخل الغرفه
روان....من رجعتي من الصيدليه تذكرين شنو صار وياج
زينب....من رجعت من الصيدليه
دقيقه شكد صار يعني
روان....يومين
زينب.....يومين اني صار بلمستشفى
روان...اي حبيبتي
زينب....هااا اذكرت اي طلعت من الصيدليه امشي بلشارع
طلعو عليه ثنيين بعد مااذكر شي

دخل بلال ويا الدكتور
الدكتور....هااا زينب سمعت راح تصيرين دكتوره
زينب....دكتور بطني توجعني ليش هلكد رابطيها
الدكتور...حمدلله على السلامه انتي بطله رجعتي من الموت باعجوبه انتي قويه

للحكايه بقيه
احب ااكدلكم القصه حقيقيه بكل احداثها

#حرب الارحام
البارت العاشر
#جمانه السعيدي

زينب....ثالث يوم بلمستشفى اجا ضابط تحقيق
يريد يعرف منو المتهم بهاي القضيه
بما ان ابو روان قدم بلاغ باختفائي والنجده لكتني مطعونه ومشموره بلشارع

الضابط...انتي زينب علي
زينب...نعم اني
الضابط .. مستعده للتحقيق
زينب.. نعم مستعده
الضابط...منو تهتمين بهاي القضيه
لا مو قضيه ثنيين طعن واغتصاب
زينب...شنو اغتصاب اني مغتصبه شكاعد تكوول
الضابط...انتي ماتعرفين
زينب....روان شكاعد يحجي اني خسرت شرفي

روان...دنكت لان ماعندي اي جواب اني ماحجيتلها لان اخاف عليها لا تنصدم
زينب...روان احجي صدك هذا الكلام الي جاي يحجي الضابط اني خسرت شرفي
بلال...اهدي اهدي احنا نريد انشوف اكو احد تشكين بي حتى نطلع حقج

زينب....اني صدك صدك تحجون شلون يصير وياي هيج اهييي اهييي خرب حظي خرب قسمتي السوده
اني إلى متى راح ابقى هيج
ليش الخسارات بحياتي ما تخلص
وحده اتعس من الثانيه اهييي اهييي
روان...الحمد لله طلعتي سالمه
زينب...اي سالمه سمعتي شيكول اهههي سمعتي
اني باي وجه راح اعيش واكمل
اريد اموت اريد اموت واخلص كمت الطم على وجهي
واملخ بشعري

روان وبلال لزموني من اديه ثنيينهن بس مااكدر اسكت
هاي الكسره الجبيره
شكد حافظت على نفسي بس ضاع كلشي مني
جمانه السعيدي
الضابط...اني اروح وارجع غير وقت اعذروني اني كنت متوقع هي تعرف كلشي
ما متوقع راح يصير هيج

زينب...عوفوني عوفوني اوكف اوكف حضرت الضابط
اني اعرف منو الي اغتصبني اي اعرفه هاي العمله الحقيره ماتطلع اله منه
اني اتهم رياض ابن عمي ماكو غيره
هو من زمان يتحرش بيه واني شفته اي شفته
بيومها فات من كدام الصيدليه
اكيد هو ماكو احد غيره محد غيره كارهني

الضابط.....تمام وقعي على الدعوه واحنا راح نستدعي
زينب...وقعت على الدعوه و الضابط طلع

زينب....ولج روان اني ضعت شلون بيه بقا هذا الحقير وراي لمن ضيعني شلون بيه شلون اح اكمل حياتي بعد هاي المصيبه

روان....حبيبتي انتي مالج ذنب ورب العالمين يعرف انتي نظيفه وما تطلع منج هيج سوالف
اكيد رب العالمين ياخذها حقج

زينب...فدوه اله رب العالمين لو يحبني جان عشت بيت اهلي
حالي حال البنات
ليش مجهوله بلبيوت ليش ضاع شرفي مني
ليش ادفع ثمن أخطاء غيري

اريد اموت اني ليش عايشه اريد افهم
الي مثلي الدنيا تلطم بيها ليش تعيش
روان....اسكتي شبيج تخبلتي حادث وصار انتي مالج ذنب بي

زبنب...ضعت روان بعد شلون راح اعيش منو راح يصدك الي صار وياي منو يقبل يزوجني
يعني اني عشت بلا اهل ولا بيت
وحتى بعد ماكدر ازوج واكون اسره ليش اني انحرم من الماضي والحاضر

ليش ليش كمت اعيط بصوت عالي ليش اريد افتهم

رجع بلال للغرفه بعد ماوصل الضابط سمع زينب تعيط
وروان تحاول تهديها
جمانه السعيدي
بلال...زينب زينب جاي اسمعيني اهدي اهدي
الي صار بعد صار وما بيدنا نغير شي انتي هسه اشتكيتي علي والقانون راح ياخذلج حقج

زينب...القانون اهييي اهييي مراح يرجعلي شرفي الي ضاع
اني ضعت بلال تعرف شنو ضعت منو راح يصدك الشي الي صار وياي منو
بلال...انتي انسانه مثقفه ودارسه تكدرين تكملين وتنجحين وما محتاجه احد
انتي قويه عديتي كل الضروف الصعبه
وهذا اختبار من رب العالمين اكيد الي خلقج مراح يضيعج

زبنب....بقيت ابجي اليل كله بجي متواصل
مجاي اكدر اصدك الشي الي صار وياي بيت عمي اخذو مني كلشي وطردوني بليله سوده
ورياض لحكني على شرفي
ولله الناس الغريبه احن عليه منهم

من كد القهر كطعت الاكل والكلام احس نفسي ميته
وما مني فايده بعد

ثاني يوم الشرطه لزمت رياض
بلال....الشرطه لزمت رياض وراح تاخذين حقج منه

زينب.....ما فرحانه لو الزمه واكطعه تكطع ما يشفه كلبي منه
حقير لحكني وضيعني بمكان ما يحسسني بلامان لا اخذ مني اعز ما املك

بقيت منتضره الضابط يجي حتى يدون اقوالي
بس بلال اجا كلش ضايج

زينب....ليش ماكو اخبار عن رياض مو الشرطه لزمته
بلال...اي بعد التحقيق
زينب...لا وجهك يكول غير هذا الشي كول الحقيقه
بلال احجي ليش ساكت

بلال.... رياض طلع ماعدنا اي إثبات ضده

لان انتي ما شفتي وجه ولا حجيتي ويااا
كلتي طلع عليه واحد ملثم وويا واحد ثاني خلو قماش على وجهي وبعد ما شفت كلشي
صديقه شهد وياا كالو احنا جنا كاعدين سوا

زينب...تحجي صدك يعني ضاع حقي
ضاع كلشي مراح اكدر اخذ حقي من هذا المجرم

خلي زينب تولي شنو زينب نمونه واذا ضاع شرفها
اهم شي رياض عايش ومتونس وماخذ حقوقه وحقوق غيره

وين العدل اني اريد اعرف وين العدل
ليش اني دائما مهزومه ليش اني ضحيه يمتى اخذ حقي منهم يمتى اشوفهم ياخذون جزائهم العادل

لان امشي عدل امشي مثل المسطره بعمري ما غلطت بحق احد ولا غثيت احد

زينب...بلال الي مثلي ليش تعيش شنو الهدف من وجودها بهاي الدنيا عايشه ملطشة للرايح والجاي

بلال...لا تكولين هيج وين القوه ووين النجاح
وين دكتورة المستقبل اكيد راح يوكعون بيوم بشر اعمالهم

اني راح اوكف وياج ومراح اعوفج ابد

اجا ضابط التحقيق
الضابط..انتي زينب علي
زينب.. اي
الضابط...تعرفين منو اعتدى عليج
زينب...اي رياض ابن عمي وويا واحد
الضابط...شفتي وجها
زينب...لا
الضابط...سمعتي صوته
زينب...لا
جمانه السعيدي
الضابط....عندج شهود شافو الحادث يأكدون رياض ابن عمج اعتدى عليج
زينب...لا الشاهد رب العالمين
اني مااكدر الرياض بس رب العالمين يكدر علي

الضابط..انتهت القضيه والمتهم برئي لعدم كفايه الادله
وقعي هنا
زينب...حضرت الضابط اني شفته يمشي كبال الصيدليه
بيومها
الضابط...وشنو يعني يمشي بلشارع
اتوعدج ضربج قرب عليج هددج
زينب...لا
الضابط ....خلاص وقعي لمن تلكين دليل ضده نفتح القضيه من جديد

زينب...وقعت على ضياع حقوقي وقعت على شرفي

اخر يوم بالمستشفى مااجت روان
استغربت مو من عوايدها تعوفني اتصلت عليها ماجاوب

ووين راحت ليش عافتني
دزيت رساله روان وينج اليوم اطلع ليش ما اجبتي

هم ماجاوبت دكيت على بلال
بلال....هلو زينب
زينب...اليوم اطلع وروان مجاي اترد عليه
بلال...هسه اشوفها اني بليل امر عليج لان اليوم عندي شغل
زينب...تلكاني بيت عمو ابو روان
تعال هناك اتصل على روان لا تنسى خل تجيني
عندي غراص هواي واريدها تساعدني

بلال...ماشي هسه اتصل عليها لا تخافين
زينب...بقبت منتضره روان اتصل وما جاوب
ما معقوله خاف صاير بيتهم شي
منعها تجيني
طلبت من الممرضه تجمع غراضي للضهر محد اجاني
للعصر ماكو احد
الغريبه روان ليش ماترد عليه
بليل اجاني بلال جايب عشا وجاي

بلال...شلون صرتي اليوم
زينب....اليوم غيرو الضماد الجروح شويه ناشفات
يراد اعيد ابر الالتهابات
عندي وجع شويه هذا الجرح اكثر واحد .يوجعني

ماكلتي اتصلت على روان خاف صاير شي بيتهم
بلال...لا بس مشغوله شويه
زينب....شنو مشغوله مشغوله عني احجي بلال
شكوووو
بلال...ماكو شي بس انتي اليله مراح اطلعين
الد.كتور يكول باجر
زينب...لا هو كال اليوم
بلال...اليله مراح تفرق عن باجر
زينب....بلال ليش احس ضام عليه شي احجي
عادي الدكتور يكول انتي ضد الصدمات

بلال....نامي وباجر الله كريم
زينب....ولله صاير شي احجي فهمني

للحكايه بقيه
ليش روان ماترد على زينب برأيكم

#حرب الارحام
البارت الحادي عشر

#جمانه السعيدي

@الجميع

زينب.....احجيلي بلال حلفتك بابنك احجيلي
عادي راح اتقبل كلشي
اني من زغيره متعوده على الضيم والمصايب كول اسمع

بلال...ليش ماتتعشين وتاخذين علاج وتنامين احسن

زينب....احجي ليش انزل اروح البيت ابو روان وحدي
هسه اروح اذا ما تحجي
بلال...ولله شغله مو مهمه وكلش تافها
ما تسوه كل هذا الحجي
زينب....اسمع شنو هاي الشغله واني احكم عليها تفضل اسمعك

بلال....بس ممنوع بجي ممنوع لطم وحزن
زينب.....كلبي انقبض عرفت صاير شي موزين بس مضطره اسمع
....اي اسمعك
بلال....اليوم عمج وابن عمج جايين البيت ابو روان
متعاركين وياهم
الجوارين كلها طالعه على صوت العياط

( تفاصيل العركه الي صارت بين ابو روان وبيت عم زينب)

ابو رياض....يله رياض تعال انروح الهذوله الناس الي ساكنه بيتهم زينب نتعارك وياهم
حتى يطردونها من بيتهم ومايوكفون وياها
رياض...اكيد مايعرفون شنو مصايبها وين اكو واحد يخلي وحده كحبه تعيش بيته
اله اخليهم يطرونها بليله سوده من بيتهم
اذا مااخليها تفتر تكدي بلتقاطعات مااسمي رياض
تريد تلبسني مصيبه وهي الكل يعرفها ويعرف منو امها

ام رياض....احنا شلون جنا عايشين وياها حيه مالها امان

ابو رياض ورياض اجو على بيت ابو روان دكو الباب

ابو روان...اهلا وسهلا تفضلو
ابو رياض...هنا كلمتين زينب ماتكعد بيتكم بعد
انتم شنو من بشر شعرفتو منها ومكعديها بيتكم

وحده ساقطه لا خلقه ولا اخلاق

رياض....انتم تعرفون امها انهزمت ويا واحد وفضحتنا كدام الناس كلها
تعرفون عمي مات ذبحه صدربه من ورا مصايبها هي وامها
اكيد كالتكم اني مضلومه وبيت عمي موزينيين وياي
وهي كل يوم نلزمها وياا واحد
ماتجي من الجامعه اله واحد يوصلها وواحد يرجعها

ابو رياض....شنو احنا جايزين منها غير اني جبته طفله
وربيتها بيتي وصرفت عليها ودخلتها الجامعه كله من فلوسي وتعبي
هذا ابني ماصرفت علي بكدها
مداريها مثل المي بلصينيه بس طالعه من الطريق
اني رجال عايش على سمعتي ببن الناس
الهسه وجعت اخوي بكلبي مات من قهرها هي وامها

عيشتها وسط عائلتي وداريتها تالي كل يوم مصاحبه واحد.شكل
كتلها اكعدي بعد ماكو دوام
كامت تعيط هااا شنو ابنهم حاول يتحرش بيه
عود تضغط علينا حتى لا تترك الدوام
جمانه السعيدي
لو افضحكم بين الناس واكول ابنهم يتحرش بيه
لو اروح للدوام واللعب بكيفي
اني رجال تعبان مااكدر اتحمل اكثر
طردتها من البيت حتى اخلص من مشاكلها
تجي انت وتسكنها بيتك
لا النوب طالعه وياا ربعها تتونس طبعا لا رقيب
ولا محاسب
بنيه تايها بلشوارع نص اليل طالعه هي وجماعته
تفتر بليل ولمن اختلفت وياهم
طعنوها وشمروها الله اعلم ايجوز ماقبلو يدفعولها الفلوس الي طلبتهن منهم
طعنوها حتى يتحلصون منها

مالكت غير رياض تتهمه بهاي المصيبه
طبعا ماتعرف غير رياض تلبسه هاي القضيه
تريد تحرك كلبي بس رب العالمين فضحها

ابو روان....اني شنو المطلوب مني فهمني

ابو رياض....تطرد زينب من بيتكم اذا شفتها بيتكم
مره ثانيه لو واكفين وياها لو تساعدونها
اكاومكم عشائريا
واخليكم تبيعون كل ما تملكون وماتسدون الفصل
بنيه مستهتره
شكو مبقيه بيتكم اطردوها اني عمها وولي أمرها اكوللكم اطردوها
هذا اخر انذار الكم سمعتني لو لا
انت ماعندك بس ولد واحد. فكر بي ترا اذا انعادت هاي السالفه تخسر ابنك

في امان الله يله بويه مشينا احنا سوينا الي علينا

جمانه السعيدي
زينب....هههه سالفه اضحك المجرم طليق وعايش حياته
لا ويهدد والضحيه صفت بلشارع

تعرف شي بلال انت هم روح اكيد تخاف على سمعتك المهنيه من وحده مثلي

بلال....اسكتي هذا شلون حجي
زينب....حقك ولله حقك وما راح اللومك ابد
اذا عمي يطعن بشرفي
وابنه ذبحني ذبح مااعتب على الناس الغريبه

بلال....اني اليوم كنت ادور مكان تكعدين بي باجر راح يفرغ مشتمل بلكت احصله حتى تكعدين بي

زينب....عشت كل عمري اتعذب بسبب ذنب مو ذنبي
امي موخوش انسانه
وحده رخيصه حبت برأس ابوي انهزمت وياا الإنسان الي حبته اني جنت زغيره عمري ١٢ سنه
ابوي ما اتحمل الصدمه مات
حسيت نفسي ضعت طفله وماعدها مكان ولا عائله
اجا عمي اخذني وكال انتي بنتي
فرحت كلت الله عوضني بس الايه انكلبت عليه
زوجت عمي تعاملني اسوء معامله وابنها يتحرش بيه
تعرف هو جاي يتحرش بيه بس ما وكفته عد حده

تالي اخذو بيت ابوي وطردوني بليله سوده
مالكيت غير روان طلبت منها تساعدني ماقصرت لا هي ولا اهلها
اشتغلت كلت خلاص راح ابدي من جديد
وانسا كلشي
بس شلون الحرب الي شنتها عليه ارحامي مجاي تخلص
مايقبلون يوعوفوني بحالي
اجا رياض كمل عليه
بقت بس روان راحو خربو علاقتي بيها

انت مامجبور اصدكني ولا تتحملني انت انسان مستقل
وعايش حياتك
ليش تتحمل وحده مثلي منحوسه ماعدها حظ بهاي الدنيا اهلها كلهم يكرهوها ويحقدون عليها

روح بلال ولله انت ابد ماقصرت انت احسن من اهلي كلهم روح الله يوفقك ويحفظك
عوفني اني باجر اطلع منا واشوف شلون راح أدبر نفسي
اكيد الي خلقني مراح ينساني ابد
جمانه السعيدي
ورياض راح ياخذ جزأه لان رب العالمين يكول
بسم الله الرحمن الرحيم
ولكم في الحياة قصاص يااولي الالباب
إذا مو اليوم باجر اذا مو بصحته بجهاله
اكيد حقي مراح يضيع ابد

روح بلال الله وياك مشكور ما قصرت سلملي على روان
كلها زينب ما زعلانه منج
بلعكس تحبج وماراح تنسى فضلج انتي واهلج ابد

بلال....شنو شايفتني طفل كدامج ترا اني شايف وعايف
واكدر أميز الإنسان الزين من الموزين
اعرف الناس الطيبه من الخبيثه

اني مراح اتخلى عنج ابد انتي دخلتي كلبي
كنت ناوي انتضرج تصيرين زينه واطلب ايدج للزواج
بس بعد هاي المحادثه الصريحه
قررت اطلب ايدج للزواج توافقين

زينب.....اهييي اهييي اهيييي

بلال...ليش تبجين اكو وحده يطلب ايدها دكتور حلو مثلي
تكعد تبجي عدلت ياخة قميصي
شوفي ترا اني ما ناقصني شي حلو وانيق وكارزمه
وحضور هااا شنو رائيج دكتوره زينب

زبنب....كمت ابجي بصوت عالي
ابجي بطريقه هستريا
بلال....ماعرفناج فرحانه لو زعلانه انتي تبجين بكل حالاتج
زبنب....الله يجبر خاطرك مثل ما تحاول تجبر خاطري
مااكدر اقبل بهيج عرض
انت مامجبور تتحمل وحده مثلي
المصايب تركض وراها ركض

بلال...اذا صار اكو رجال بحياتج محد راح يقرب عليج
هما مستضعفينج لان وحدج

زينب....مااكدر اعذرني راح احس نفسي ضلمتك
بس اذا تكدر تامنلي مكان اكون شاكره وممنونه منك

بلال....ولله احبج اقسم بلله احبج
والشي الي صار وياج انتي ما مسؤله عنه
حادث وصار
عادي ترا ممكن يصير ويا اي وحده
هاي الحالات كثرانه بمجتمعنا هلايام البنات جاي تتعرض للاغتصاب من اقرب الناس الهن

اني شفتج واعرف اخلاقج اعرف انتي مغلوبه على امرج
ومصمم على طلبي

خل نعقد عقد شيخ وتجين وياي للبيت
واني مراح أقرب عليج منا لمن تتعافين بلكامل
واذا ماعجبج تعيشين وياي
عادي هو عقد ماموثق بلمحكمه نكدر نفسخه
وبهاي الحاله راح تكونين مطلقه بعين الناس
وتكدرين تزوجين مره ثانيه اذا حبيتي

هااا شكلتي
تعرفين بغض النظر عن حبي اللج
جبر الخواطر بلدنيا يقابله جبر خاطر بلاخره عظيم
واني مااريد اضيع مني هيج فرصه

أقبلي خل نعقد وتعاي نعيش سوا
ومراح افرض نفسي عليج انتي اختاري تكملين لو تنسحبين
يله وافقي لا ضيعني هاي الفرصه منج

زينب....اهييي اهييييي

بلال....بطلت بعد مااريد اي ليش تبجين فهميني
زينب... بعمري محد معاملني هاي المعامله
بعمري محد مشتري خاطري
الكل يدوسون عليه ويمشون الا انت
ولله خايفه خاف هذا مقلب
خاف جاي احلم هلمره اموت اذا طلع هذا حلم

بلال.. اي مقلب االكامره الخفيه ربحتي ويانه عقد زواج
شنو رائيج

زينب...موافقه الله يريح بالك ويجبر خاطرك
جبر تتعجب منه اهل السموات والارض
جمانه السعيدي
بلال...راح اجيب واحد يعقدالنا ونطلع منا البيتنا كبل

طلع بلال واني دموعي تجري خايفه اني ما متعوده على الفرح معقوله بلال راح يزوجني
معقوله بعد هاي المصيبه يجيني الفرج

اجتني رساله بتليفوني
روان....زينب اسفه ماكدرت ارد عليج ولله اسفه الضروف منعتني ارد عليج
عمج اجا اتهجم علينا وكام يعيط بلشارع
وابوي صار عصبي وضغطه صعد مو قصدي ابتعد عنج
بس الضروف منعتني
عمج هدد ابوي اذا استقبلناج بيتنا يقتل اخوي احمد
انت تعرفين هما شكد شرانيبن

اني مراح اكطع علاقتي بيج بس يهدء الوضع اجي اشوفج
واطمن عليج
اني مجمعه مبلغ وأخذت من احمد فلوس صارن مبلغ زين باجر ادزهن اللج بيد خالي
فدوه لا زعلين مني احبج

زينب...ابد مازعلانه منج ولا راح ازعل
انتي اختي الي وكفت وياي بااصعب ضروفي لا تعتذرين
انت صح واهلج صح سلملي على ابوج
وكوليله زينب مازعلانه منك انت كنت نعم الاب الها
وامج ام كلب الطيب اكيد بس اصير زينه راح اجي اطمن عليهم شكرا لان وكفتو وياي وساعدتوني
شكرا جزيلا

وصل بلال جايب وياا واحد يعقد النا وجاب ثنيبن من الممرضين شهود
الشيخ....بنتي شكد مهرج
زينب....مااريد مهر بلال عندي يسوه كل الدنيا
الشيخ.. نكتب قراءن
بلال...اكتب اي شي شيخ بكيفك

عقدلنا الشيخ انطا بلال تعبه ووصله للباب
بلال...يله نروح اليتنا
زينب...يله
بلال..انزل الغراض وارجع اخذج
نزل كل الغراض والممرضين ساعدو رجع عليه جاب كرسي
شالني خلاني بلكرسي ودفعني
دخلنا بلسياره
بلال...مبروك
زينب.. الله يبارك بيك
بس وصلنا للبيت أخذنا صوره اني ويااا
دزيتها الروان

زينب....باركيلنا ازوجنا اني وبلال
راسا اجاني اتصال من روان
روان.....للللووووشششس الف مبروك تستاهلون كل الخير
اليوم يله فرح كلبي صدك
زينب...حبيبتي الله يبارك بيج

للحكايه بقيه

حرب الارحام
البارت الثاني عشر
#جمانه السعيدي

بس حبيت أوضح شي مهم انتم ليش مستكثرين بلال عليها
هو دكتور وهي دكتوره
هو أكبر منها ١٣ سنه ومنفصل هي مابيه اي عيب بلعكس حلوه وخلوقه بس هاي المشكله الاخيره
هي مالها اي ايد بيها شي وصار قابل هي مخططتله
الناس اصير وياها أشكال الضروف
حتى امها هي ما مسؤله عن اخلاقها

لعل الله يحدث بعد ذالك امرا

زينب....ماجنت مصدكه اللطف الإلهي
الي نزل عليه رب العالمين جبرخاطري وحنن كلب بلال
عليه بعد ما ضعت فد مره

بلال....زينب نتعشى
زينب...اوكف اساعدك
بلال...اكل جاهز عليمن هلمساعده

جاب الاكل بلال وكعدنا ناكل
بلال...تعرفين اطبخين لومن بنات هلوكت اووي ماأحب اكعود بلمطبخ
زينب....بس اصير زينه راح تاكل احلى طبخ من ايدي
بلال...تمام قبلنا التحدي
زينب....من اصير زينه ارجع اشتغل بلصيدليه
بلال....اول صيري زينه بعدين نحجي بهذا الموضوع
زينب...انشاء الله خير
بلال...من نخلص اشوف وين الجرح الي بعده يوجعج
حتى اعقمه الإبر خلصن
زينب...اي بس الكبسول مال الالتهابات
بلال...تمام
بدلنا ونمنا كل وأحد بغرفه
زينب.. انت وين تنام كل يوم اخذ راتح لا تغير مكانك
بلال...عادي اني انام باي مكان
نامي انت وأخذي راحتج
جمانه السعيدي
طفيت الضوه ونمت فزيت بليل مامصدكه معقوله اني بعد كلةهذا التعب صار عندي زوج وبيت
اخيرا استقريت وبعد مااخاف
الحمد لله رب العالمين

ثاني يوم كعدت الصبح قبل لا يكعد بلال طبعا اني امشي على كيف لان من اتحرك الجروح بطني توجعني
طلعت غسلت وبدلت
دخلت المطبخ بديت احضر بلريوك لان بلال عنده دوام

رحت لكيته نايم لا بس تراك اسود طالع حلو بلتراك
زينب...بلال بلال
فتح عيونه بقه يباوع عليه يمكن نسى احنا مزوجين
زينب...صباح الخير
بلال...صباح الخير ليش كاعده يوجعج شي
زينب....لا حضرت الريوك تكعد تتريك
بلال...ريوك ليش تعبين نفسج
زينب....وين التعب طلعت جبن وقشطه وسلكت بيض
وخليت الخبز بلفرن والجاي على الطباخ كلها شغلات بسيطه
بلال...حبيبتي لاتعبين نفسج
زينب...باوعت علي صدك اني حبيبتك
بلال...طبعا ليش انتي شنو ناقصج
زينب....ولله ماكو غيرك حبيبي انت أطيب كلب بهاي الدنيا
بلال... هم ريوك وهم غزل من الصبح
يله نتريك لا اكابلج واكعد
جمانه السعيدي
تريكنا ودخل سبح غير ضماد الجروح الي بطني وطلع

بلال...ممنوع اي شي تسوين ارتاحي
زينب.. انشاء الله

حاولت اطبخ غده بس مالكيت مسواك بس فواكه
يمكن لان عايش وحده ما يجيب مسواك معتمد على الاكل من برا
اتصلت روان عليه وكعدنا نحجي سوا
سلمت عليها وامها باركتلي على الزواج

بيت عمي مايعرفون اخر اخباري
لان اني لا اروح للصيدليه
لا اروح للجامعه لان عطله ولا اطلع ولا ادخل
مايعرفون اني وين اختفيت

شويه صارت الأجواء هدوء

من يرجع بلال ابقى انتضره نتغدا سوا ينام ساعه ويطلع للصيدليه
حتى عماد مايعرف احنا ازوجنا
رياض جاي للصيدليه وسائل عني
عماد يكول كتله مااعرف اخبارها شنو
حقير بعد كلشي سوا وياي بعده يركض وراي شيريد مني مااعرف

بعد اسبوع من زواجنا اجت روان وامها باركلي على لزواج
وجابلي هديه
روان تمر عليه كل يومين او اتلاثه العصر نكعد نسولف شويه وتروح

زينب..بلال.اني صرت زينه ممكن اجيب مسواك حتى اطبخ
بلال...ارتاحي مااريد منج شي
زينب...ترا الطبخ ما يتعب بعدين ما تعلب نفسك صار شكد تاكل اكل جاهز
بلال...حتى من جانت نهله موجوده اغلب اكلنا جاهز
ما تلحك بسبب الدوام
زينب...بس اني صرت زينه واريد اشتغل
بلال...باجر سجلي ورقه اجيبلج اي شي تردي
زينب...نهله عرفت
بلال...شنو
زينب...موضوع زواجنا
بلال...اعتقد لا بس ما يهمني حتلو عرفت اني وياها خلص كلمن اختار طريقه
زينب...بعدك تحبه

ابتسم ابتسامه تخبل تغارين
زينب....اكذب اذا كلت لا طبعا اغار مستحيل وحده تكون قريبه منك وتعرفك زين وماتغار عليك
بلال... اني اذا كنت احبها ما طلكته مستحيل رجال يحب وحده ويبتعد عنها بلعكس يخلق الأعذار حتى يكون قريب منها هاي السنه الثالثه راح تخلص من انفصلنا
لو اريدها حان رجعتها

زينب....ولله حقيقتا هي الخسرانه
بلال...هااا هيج الحجي
زينب....طبعا اكو وحده تترك هيج واحد حلوه
بلال.. اني راح انغر وارفع خشمي
زينب...يلوك عليك الغرور

بلال..تعاي انضمد الجرح ذنيج الجرحين كلش تمام
بس هذا بعده ما يابس
زينب...هليام يحكني مكان الجرح
بلال... طبعا لان الجلد كاعد يلتم

زينب...كنت احب الوقت الي نخلصه سوا
كل لحظه عندي تسوه الدنيا كلها اتعمد اخلق حديث
احب الوقت الي يكعد يضمد الجروح الي بطني
احب اهتمامه وسوالفه احب عيونه اول مايدخل شلون يدورن عليه

انتضر الوقت الي يرجع بي للبيت بفارغ الصبر
الصبح انضف واطبخ واسبح واكعد انتضره
اقل شي اتصل بي مرتين اطمن علي واسئله اذا يحب اكلهه معينه من يرجع عبالك طفل واكفه بلباب انتضره

بلال...الله فعلا طباخه ماهره شنو هذا الاكل الطيب
زينب...الف عافيه
بلال...شكرا اذا صرتي زينه وتكدرين اطلعين للسوك
انطيج فلوس روحي جيبي ملابس حلوه
على مكياج شوفي انتي شنو محتاجه

زينب...انت تاخذني بليل من ترجع اشتري ملابس
بلال...صار اليوم بليل اخذج جيبي اي ملابس انتي محتاجتهن

طلعنا بليل الأجواء تخبل اشتربت ملابس كلش حلوه
بس ماكدرت اشتري ملابس عروسه
اقصد ملابس نوم استحيت لان بلال وياي
جبت ملابس بيت وشلحات ومكياج وعطور
بلال اخذني للصايغ وكال اشتري شي يعجبج
زينب...لا مااريد خلي بعدين غير مره
بلال...لا مايصير تعاي
دخلنا اشتريت حلقه وتراجي وكلاده ناعمه كلش حلوات
جمانه السعيدي
رجعنا للبيت كنت احس نفسي احبه واريد ابقى قريبه علي بس استحي منه
وهو لان اتفق وياي مراح يقرب عليه
يريدني اتحسن مبتعد عني
اتصلت على روان
زينب....روان اريد اطلب منج طلب
روان....اي عيوني اللج
زينب...اريد ملابس نوم حلوه اشتريلي ملابس نوم
روان...الله الله شنو هذا التغير
زينب...اني مااطلع من البيت طلعنا اني وبلال وماكدرت اشتري استحي
روان...بس هاي سهله من عيني
بيومها جابتلي روان خمس قطع كل وحده احلى من الثانيه يخبلن اليوم فات على زواجنا شهر كامل
واحنا كل واحد ينام بغرفه وحده
اكو بينا ود وحب وعاطفه بس حبنا هذا راح يكمل اذا قربنا من بعض
بليل سبحت وبدلت لبست احلى قطعه بيهن تمكيجت وتعطرت وبقيت منتضرته
لمن دخل للبيت وشافني ابتسم
بلال...حبيبتي هاي شطالعه اليوم
زبنب...عحبتك
بلال....انتي عاجبتني من زمان بس اليوم شي مختلف
الضروف الي ازوجنا بيها

كانت ضروف صعبه مرات احس فرضت نفسي عليج
ومرات اكول هي هيج تعاملني لان تحس اني ساعدتها
لمن كل الناس تخلو عنها
يمكن هي ماتحبني بس تحس بعاطف الامتنان تجاهي

بس بالحقيقه اني حبيتج أكثر من قبل من ازوجنا
قبل جانت القناعه سابقه الحب بهاي العلاقه
بس هسه الحب غلب كلشي
اني احبج واموت عليج

زينب...اني الي محظوظه بيك

ازوجنا اني وبلال كنت اعيش احلى لحظات السعاده ويااا
مايقبل ارجع للصيدليه
مايريد بيت عمي يتعرضولي
ولا يريدني اشوفهم لو يشوفوني
يكول اكعدي ارتاحي اني اريدج ترتاحين

بدا الدوام رجعت اداوم احس نفسي طايره
بلال جابلي سياره مستعمله وعلمني السياقه
حتى اروح وارجع براحتي

حتى زوجته ماتعرف بزواجنا الي ان يوم اجا عبدلله للبيت
امه طالعه سفره هي واهلها وهو تعبان
اتصلت بلال وكالتله بقي يمك الحد ماارجع
كان يوم جمعه
هذا اليوم عبودي بقا وياي بلبيت نلعب وناكل ونسولف
كل شويه وكال انتي حلوه
انتي وين بيتكم انتي شصيرين من بابا
هاي اليله عبودي نام يمنا
شكد فرحت بي حلو وسوالفها حلوه

نلعب اني ويااا وبلال يضحك علينا نلعب غميضان
كلما اختل بلال ياشرله عليه
هو من يلكاني يضل بس يضحك
ثاني يوم بلال رجعه الامه بليل

الضاهر عبدلله حجا الامه عليه
الساعه ١١ بليل اتصلت على بلال
نهله....عبدلله يكول اكو بنيه حلوه بلبيت
بلال....اي
نهله...منو هاي لا يكون ازوجت
بلال....ليش اني ممنوع من الزواج
نهله....بس ما سمعنا بزواجك صار شكد ازوجت
بلال....٣ اشهر
نهله...٣ اشهر واني مااعرف
بلال.. العفو لا يكون انتي ولية أمري واني مااعرف
نهله...منو هاي
بلال...دكتوره زينب دكتوره صيدلانيه
نهله....مبروك
بلال...الله يبارك بيج

نهله......عبودي يكول زغيره وحلوه
بلال.. اي ازغر مني ١٣ سنه بعدها طالبه بلجامعه
نهله...هااا زين الله وياك
بلال...مع السلامه

للحكايه بقيه

حرب الارحام
البارت الثالث عشر والاخيرررررر
#جمانه السعيدي

@الجميع

زينب....نهله كامت كل شويه تتصل على بلال
كلش شويه اطلع حجه
مااعرف ليش هيج تتصرف يمكن جانت تتوقع يرجعها
ليش هسه صار هيج حلو بعينه

من يتاخر مايرد عليها تكوله اي ملتهي وياا هاي الزعطوطه
شنو ماخذ وحده ازغر منك ١٣ سنه شنو تريد تربيها
طبعا بلال للامانه كلما تتصل يردها
لو يفتح المكالمه ويحجي وياها كدامي ابد ما ينطيها مجال
بس هي اتخبلت فد مره اي وين جانت ليش قبل ما حاولت اصلح الوضع بينهم ليش هسه يله حست
لو صار حلو بعينها من ازوج
اني اغار اي اغار وراح اموت من الغيره

بلال....حبيبتي لا تزعلين ولله لوما عبود جان حضرت رقمها
بس تتصل عليه علموده
ولله اني مااحبها نسيتها خلاص انتي ماتدرين اني شكد فرحان بوجودك بحياتي حياتي كلها تغيرت بسببج
انتي احلى شي صار وياي شايفه من يجي العوض
متاخر بس يجي حلو انتي هذا العوض الي اني جنت منتضره بعد تجربة زواجي الأولى كرهت الزواج
وقررت بعد ماازوج بس من روان حجتلي عنج اول مره
حسيت كلبي ارتاح الهذا الحديث
كمت اراقب تصرفاتج حسيت شي مختلف اتجاهج
جمانه السعيدي
زينب....بس اني اغار ولله من اسمعها تحجي وياك اموت من القهر
بلال...فديت الي تغار اموت عليج اطمئني ماكو غيرج
هنا انتي محتله كلبي ومعششه بي
اوعدج مراح ارد عليها اله انتي موجوده وتسمعين المكالمه
وكلامنا راح يكون عن عبودي وبس
زينب... موافقه بس بعدني ضايجه
بلال...تعاي هنا بحضني خلي تولي نهله تروحلج فدوه

بعد ٣اشهر ونص بلضبط من زواجي اتصلت عليه روان
روان....زينب عمج يدور عليج
زينب...خل يولي لحد ينطي عنواني
روان...صار مرتين يجي على ابوي يكول شغله مهمه
لازم احصل زينب اريد ارجعلها البيت
زينب...أكبر جذاب يريد يحصل مكاني ابد لا تنطينه العنوان
روان...ولج لا يكول رياض واكع بمصيبه واريد زينب تساعدني وارجعلها بيت اهلها
زينب....رياض واكع بمصيبه يالله يافرجك يارحيم
روان...هسه شنو يريدج ولج مبين علي تعبان
زينب...احجي ويا بلال واخذ رائيه بلأول وبعدين اتصل عليج
من رجع بلال حجيت ويااا
بلال...شوفي شيريد يجوز صدك يرجعلج البيت
زينب..كلشي مااريد منهم بس خل يبتعدون عني
بلال...اني اروح وياج ونشوف شنو يريد واني اقرر اذا كان كلامه صح لو غلط اذا ما يعجبنا الكلام
ماننطي وجه قبل انتي وحدج وهم مستضعفينج بس
هسه اني وياج اي واحد مراح يكدر يقرب عليج

اتصلت على روان كتلها انطي رقم بلال
اتصل على بلال وحددنا موعد نلتقي برا بحديقه عامه
مااريدهم يعرفون مكاني رحنا اني وبلال
وصلنا للمكان عمي منتضرنا ويحرك جكاير
اني ماسلمت علي بس بلال سلم علي

عمي...شلونج زينب
زينب..مارديت علي كعدنا اني وبلال وهو كعد كبالنا

عمي...اني محتاج مساعدتج رياض متهم بجريمه قتل هو ماله دخل بيها اكو واحد اختفى بنفس اليله الي صار بيها الحادث وياج ليلة ١٧ /٧
قبل الحادث بيومين رياض ضيع هويته مادور عليها
توقع ضاعت بلبيت بس هي ضاعت بلشارع
واحد لكاها ومارجعها اله
الشخص الي اختفى بليلة الحادث الي تعرضتي اله
الشرطه قبل يومين لكته مقتول ومدفون بكاع
هاي الكاع مبيوعه قبل شهر صاحبه قبل يومين قرر يكرب الكاع حتى يزرعها اثناء كراب الكاع طلعت الجثه
صاحب الكاع بلغ عليها الشرطه من اجت تشيل الجثه
لكت هوية رياض بس اقسم بلله رياض ماله دخل بقتل هذا الشخص
زينب....المطلوب مني شنو

عمي....رياض اعترف هو الي خطفج واغتصبج هو وصديقه بذيج اليله ومن خلص قرر يقتلج طعنج وشمرج
بس انتي الحمد لله طلعتي سلامات

بلال...الحمد لله ضهر الحق الف الحمدلله والشكر
زينب....شعجب صحا ضمير رياض واعترف بهاي الجريمه

عمي.. اني جاي اتفق وياج اتفاق ترحين تحركين القضيه
مالتج وترجعين تتهميني رياض مره ثانيه
ورياض يعترف بكلشي سوا وياج بذيج اليله
تتنازلين عن القضيه يطلع رياض من تهمة القتل الي تورط بيها لان اتهامج راح يخلصه من ذيج التهمه
يعني هو كان موجود بمكان الحادث الي انتي جنتي موجوده بي
يعني ما قتل احد
بالمقابل ارجعلج بيت ابوج
زينب...باوعت علي رفعت عيني للسما ترا ماكو هيج جبر
رب العالمين وكع رياض بمصيبه بحيث عمي جاي
يعترف بعملت رياض بذيج اليله لا ويعترف كدام كل الناس هو الي
اغتصبني بذيج اليله بشرفكم اكو هيج عداله
شفتو شلون رب العالمين جاب عمي مذلول يريد اياكد
الجريمه لا وياكدها بلمحكمه وكدام كل الناس
جمانه السعيدي
عمي...هااا شكلتي
زينب...موافقه بس يرجع بيت ابوي بلاول لان اني مااضمنكم انتم ماعدكم كلام ثقه

راسا بلال باوع عليه مستغرب
عمي....اني موافق باجر الصبح نلتقي بلشهر العقاري
وارجعلج البيت بس رياض يطلع من هاي المصيبه اذا ثبتت علي ينحكم اعدام اموت اذا رياض راح مني

زينب...بلتسعه الصبح تلكاني واكغه باب الدائره
راح عمي واني وبلال بقينا كاعدين
بلال..هاي شسويتي صدك اطلعين رياض خلي بلسجن
يستاهل الاعدام
زينب...ومنو كال راح اطلعه راح اخذ حقي منهم مربع
هلمره رب العالمين انطاني المفتاح وكال تفضلي اخذي حقج منهم
زينب....ثاني يوم رحنا اني وبلال لكيت عمي منتضرني
عنده ثقه بيه لان يعرفني زين طيبه وصادقه بكلامي
واذا كلت كلمه اكون كدها بس مايعرف ضلمه خلاني اتحول الوحده ثانيه
اتنازل عمي عن البيت رجعلي بيت ابوي
وتفقنا لجلسه بعد يومبن
اجي اثناء المحاكمه واكول رياض بهاي اليله اعتدى عليه
حتى يطلع من ذيج القضيه
بعدين اتنازل عن حقي ورياض يلطلع برائه

رحنا للمحكمه اني وبلال دخلت وشفت رياض واكف بقفص الاتهام
شكد مريح هذا المنضر ياربي
بدو يشرحون ملابسات القضيه وشلون لكو هوية رياض
يم جثة المقتول
المحامي...سيادة القاضي عدنا شاهد يبراء المتهم
لان المتهم كان موجود بمكان ثاني اثناء وقوع الحادث

تفضلي زينب
زينب... اني اتهمت ابن عمي يوم ١٧ /٧ بأنه اعتدى عليه
اغتصبني هو وصديقه وطنعنوني وشمروني بلشارع
بس اريد اسمع التفاصيل منه اذا سمحت حضرت القاضي

بدا رياض يحجي التفاصيل
رياض...شفتها اول مره صدفه دخلت للصيدليه
راقبتها لمدت ٣ ايام وشفتها كل يوم تطلع وياا رجال صاحب تكسي جبير بلعمر قررت اعطل سيارت الرجال حتى ما تطلع ويااا واكدر استفرد بيها
السياره حيل قديمه كان تعطيلها سهل
بقينا ننتضرها اني وصديقي من دخلت بلشارع خلينا وصله بيها مخدر على وجها ودخلناها داخل سيارة صديقي
واغتصبتها اني بلاول وبعدين صديقي
بعدين طعنتها ٣ طعنات حتى اتموت واخلص منها
القاضي...ليش تكرها
رياض.. بت عمي عايشه بيتنا شكد حاولت اتقرب منها بس جانت اصدني اني ارجع للبيت ماخذ حبوب واريد اتقرب منها بس هي اتصدني
القاضي....شكد صارلك تتعاطى
رياض...هواي تقرببا اربع اوخمس سنوات
بس اقسم بلله اني ما قتلت احد
جمانه السعيدي
القاضي...شنو رائيج زينب
زينب....لا مو رياض الي اغتصبني اصلا اني ماشفت وجها الي اغتصبني وهذا الشي تكدر تتأكد منه بلتحقيق بقضيتي
عمي اجا واتفق وياي اكول رياض اغتصبني
حتى يطلع من جريمة القتل الي ارتكبها
سيادة القاضي رياض القاتل ارجو ان تحمكون علي اعدام
هذا اقل شي بحقه
الي يتعاطى ويغتصب ويطعن مثل ما اعترف كلشي يسوي

طلعت من الجلسه وعمي يدعي ويصيح عليه بلمحكمه

بلال...صور كل المرافعه جاب تصريح قبل الجلسه

عمي انجلط رياض انحكم إعدام ثبتت علي القضيه رغم مو هو القاتل العشيره اهل المقتول اخذو فصل جبير
عمي بأع البيت وكل ممتلكاتي
وما كفن الفصل
هسه عمي كاعد بخرابه غرفه بلوك تجاوز
والناس تتصدق علي هو وزوجته زوجته صار عدها ضغط
وسكر الناس كلها تبجي على حالهم

اتهموني باطل اجتهم تهمه باطل
اخذو بيتي انوخذ بيتهم منهم
شهرو بيه وبسمعتي بعد اعتراف رياض هو الي اغتصبني الناس كامت تمشي وتتفل عليهم
هلكد عدهم حقاره
حاربوني واني مالي احد يساعدني
اجتهم حرب من رب العالمين خسرو بيها كلشي

عدالة السماء رب العالمين اكتاللهم من نفس الكيل
الي اكتالو الي بي

بيت ابوي رجع حقي رجعلي
خلصت منهم للابد
بعد سنه كامله مراجعات من بعد زواجي يله صار عندي حمل
اخر سنه جامعه واني بطني وأصله الخشمي

اتخرجت منا وجبت منا بنيه حلوه سميتها فرح
سنة ٢٠١٨ صارت بنتي الحلوه
سنة ٢٠٢٢ صار عندي ولد سميته موسى
الحمد لله اني هسه تعينت بنفس المستشفى وياا بلال
زوجت بلال لسه ماازوجت
شكد حاولت توكع بينا بس احنا رب العالمين حارسنا
رحمته مغطيه حياتنا
عايشين ومستمرين ولله الحمد علاقتنا احلى ما يكون
روان ازوجت وتعينت وياي بنفس المستشفى
عدها اطفال اتلاثه

الحمدلله دائما وابدا
بسم الله الرحمن الرحيم
ومن يتقي الله يجعل له مخرجا ويرزقه من حيث لا يحتسب

ان مع العسر يسرا ان مع العسر يسرا

فقط توكل على الله وقل يارب

انتهت القصه دمتم سالمين
#الناشر_عاشكها_وفاكدها

سائق تكسي
البارت الاول
#جمانه السعيدي

@الجميع

هاي القصه قصيره كم بارت مااعرف بس قصه قصيره
قصه حقيقيه حدثت بلفعل سنة ٢٠١٩

اني ابو حوراء اشتغل سايق تكسي
عندي اتلث بنات اني مزوج بت عمي انسانه محترمه
وضعنا المادي متوسط
بيتنا بسيط زوجتي مدبره وشايله البيت شيل
انسانه تصلي وتصوم وخايفه رب العالمين
علمت بناتي على الصلا من هنا ازغار وعلمتهن على البس المحتشم
بناتي متفوقات بلمدرسه

اني اشتغل سايق بشركه سياحيه
من بعد مااشتغلت أكثر من شغله وكل مره الضروف
تكون قاسيه وياي
اخير شي اشتعلت سايق بشركه سياحيه

لان ماعندي اشتري سياره خاصه بيه

تعرفون السياحه بلعراق شويه تنشط بعد ٢٠١٦
بدا الوفود تجي للعراق من كل دول العالم
بس اكثر شي من دول الخليج

لان العراق قريب على هاي الدول وتقريبا نفس الاطباع

العراق احلى بلد سياحي بي مناطق حاره وبارده
بي جبال وبي الاهوار بي شلالات
بي مناطق تراثيه وبي مناطق دينيه يعني كلشي بي

بلاضافه هو صار سنيين معزول عن العالم
بسبب الحكم السابق وحتى بعد السقوط كان الوضع الأمني ما مستقر كلش
بس بعد ٢٠١٦ بعد ماطلعو الدواعش الوضع استقر اكثرشويه تنشط السياحه وصار شغل حلو بيها

اني انسان راضي كل الرضا بعيشتي
حامد ربي الف مره وشاكره على هاي النعمه
مادام انام بليل ورب العالمين ساترنا مانريد شي اكثر

عندي صديق سايق اسمه خليل عنده سياره ملك يشتغل عليها
هو الي جابلي هاي الشغله

توسطلي بهاي الشركه حتى اشتغل

طبعا بعض السياح الأجانب يكونون كريمين ويانه
والبعض لا

لهنا كلشي تمام
الحد ماابنتي الجبيره بدت تتعب وتتختنك
وتشكي ساعه صداع ساعه تختنك ساعه تتعب حيل

الحد ماا وكعت بلمدرسه
تكول اختنكت
اتصلو عليه رحت للمدرسه وأخذتها للمستشفى طلبو مني تحاليل
بعدين العصر اخذتها على حسابي للعيادات
لان مبين شغلتها مو مال مستشفى اصلا هي المستشفيات
اغلب التحليلات ماموجوده بيها
بعد عدت تحاليل وفحوصات
طلع عدها التهاب الغده الدرقيه

الدكتور .....لازم عمليه بأسرع وقت ممكن
ابو حوراء....شكد تكلف هاي العمليه
الدكتور...انصحك تسوي العمليه بمستشفى خاص
بي عنايه اكثر تعرف اي خطء طبي ممكن بنتك تفقد حياتها
ابو حوراء...شكد اتكلفنا اذا مستشفى خاص
الدكتور...بحدود ٣ مليون جمانه السعيدي

ابو حوارء...واذا بلمستشفيات الحكوميه
الدكتور...لازم تاخذ موعد ويجوز يطول مو بمصلحتك
تتأخر للعمليه

ابو حوراء...يعني حوراء شكد تنحمل بدون العمليه
لان اني ماعندي هيج مبلغ

الدكتور....شهر على ابعد احتمال لو اني اشوف
تستعجل
ابو حوراء...منيين اجيب هيج مبلغ ماعندي
الدكتور...براحتك شوف شنو يناسبك وسوي

ابو حوراء.. رجعت اني وحوراء للبيت
حسبه تجيبني وحسبه توديني
منيين اجيب هيج مبلغ

حتى ماعندي شي بي خير ابيعه بيتنا على كدنا
يله لامنا شلون مصيبه هاي

وصلت للبيت
ام حوراء...شبيك بتي بيها شي موزين
ابو حوراء....لا مابيها بس محتاجه عمليه بلخاص قيمتها ٣ مليون
ام حوراء...يمه بنيتي يعني مرضها موزين
ابو حوراء..عدها التهاب بلغده الدرقيه ومحتاجه عمليه
ام حوراء....يعني هذا التعب بسبب التهاب الغده الدرقيه

ابو حوراء...اي والدكتور يكول لازم نستعجل بلعمليه
ام حوراء....يا منيين انجيب هيج مبلغ

ابو حوراء...باجر اشوف منو يكدر يقرضني المشكله
حتلو اتقرضت شلون اسدد هيج مبلغ

ام حوراء... الله كريم ربك ما يعوف حمل مطروح

ابو حوراء...ثاني يوم قررت احجي ويا مدير الشركه
واي ضمان يريد انطي

الصبح طلعت كبل للمكتب
ابو حوراء...السلام عليكم
تحسين مدير الشركه.... عليكمالسلام
ابو حوراء...اني محتاج مبلغ بنتي مريضه واريد اسويلها عمليه
تحسين...عمليه
ابو حوراء.. اي عمليه محتاج ٣ مليون تقريبا
تحسين....ولله انت غالي عليه واشهد انت انسان ثقه
بس هيج مبلغ مااكدر ادبره الك
حاول تشتغل اكثر من شفت بليوم وجمعلك كم فلس واني راح احاول اساعدك اذا اكدر

ابو حواء....شكر من رخصتك
طلعت كلش ضايج لان مراح يساعدني مستحيل
٣ مليون مبلغ
واني يله سايق عنده شلون يجازف بهيج مبلغ.

كل الي اعرفهم مايكدرون يساعدوني
رحت كعدت يم خليل صديقي السايق الي حجبتلكم عنه
جمانه السعيدي
خليل...شبيك ليش ضايج
ابو حوراء...حوراء محتاجه عمليه وماعندي المبلغ
خليل...شكد المبلغ
ابو حوراء....٣ مليون
خليل....لا مبلغ جبير ليش مو على العام
ابو حوراء.. حجز ويجوز ايطول
خليل...الله يكون بعونك

ابو حوراء...رجعت للبيت كلما اشوف حوراء انقهر
كلما تختنك اضوج عليها
حتى للمدرسه ماودي تروح اخاف عليها
اتفقت ويا مديره المدرسه مااداوم كل يوم اذا عدها امتحان اداوم

فات اسبوع اني وضعي صعب بس افكر بهاي المسكينه
منيين اجيب هيج مبلغ
خاف اسكت وتروح مني

اتصل عليه صاحب الشركه
تحسين...تعال ابو حوراء اكو شخص خليجي جاي يخلص كم يوم بلعراق
وطلب سايق خاص يفتر بي بلعراق

لان ضروفك صعبه رشحتك اله
تعرف الخلايجه أمورهم زينه وكريمين

ابو حوراء...يمتى تريدني اجي
تحسين باجر يوصل بلاربعه العصر تروح تستقبله واجيبه للفندق كبل
وثاني يوم تجي الصبح تشوف هو وين يريد يروح
تاخذه هذا رزق وجايك

ابو حوراء...هااي هي يعني الصبح باجر ما تريدني
تحسين...لا بس لازم الساعه ٣ ونص انت منتضره بمطار بغداد اتفقنا

ابو حوراء.. اتفقنا جمانه السعيدي

ابو حوراء....الصبح اخذت حوراء للمدرسه حتى تمتحن
واتاكدت اخذت علاجها
رجعت جبت مسواك للبيت
الساعه ١٢ جبت حوراء من المدرسه للبيت
تغديت ونمت ساعتين وطلعت الساعه ٣ للمطار حتى استقبل الضيف

وصلت للمطار اتصل بيه تحسين
تحسين.. هااا وصلت
ابو حوراء.. اي وصلت
تحسين... بس يوصل راح يشد شريحه جديده
اني ادزله رقمك يتصل عليك حتى توصله للفندق

ابو حوراء...للساعه خمسه اله ربع واني منتضر
وماكو اي اتصال
اتصل عليه
ابو حوراء...منو ابو طلال
ابو طلال...اي انا وينك في
ابو حوراء....اني يم البوابه الداخليه راح ارفع ايدي
ابو طلال ...اي اني ايتك

ابو حوراء...شويه وطلع شفته اشرلي
تقدمت سلمت علي وأخذت منه جنطة ملابسه
واكو جنطه ثانيه زغيره سوده شايله بايده ماقبل
ينطيني اياها

مبينه ببها فلوس ويخاف عليها لان حيل لازمها
طلعنا برا صعد بلسياره
ابو حوراء.. اهلا وسهلا بيك بلعراق نورتنا
ابو طلال....اهلا فيك البلد منو بناسه
ابو حوراء ...اول زياره
ابو طلال...لا هاذي الثانيه انشاء الله

وصلنا للفندق
ابو حوراء..الصبح تريد اجي اخذك المكان
ابو طلال....خلاص رغمك معي بتصل عليك
بشوف اذا ودي اروح مكان

ابو حوراء....من الساعه ثمانيه اني حاضر اي وقت اتصل عليه اني جاهز

ابو طلال... خلاص اني بتصل عليك لما يكون ودي اطلع

للحكايه بقيه
البارت الجاي راح نشوف شنو قصة ابو طلال وليش جاي للعراق
#الناشر_عاشكها_وفاكدها

سائق تكسي
البارت الثاني
#جمانه السعيدي

ابو حوراء...ثاني يوم الساعه ١١ اتصل عليه ابو طلال

ابو طلال...صبحك الله بلخير
ابو حوراء...صباح الخير
ابو طلال...وينك في ابي مطعم درجى اولى
ابو حوراء...تدلل جايك
ابو طلال...بسرعه يرحم والديك تر ذابحني اليوع
بس ادخل اتسبح تكون انت هني
ابو حوراء...جايك

ابو حوراء...وصلت وبقيت واكف باب الفندق طلع
ابو طلال يلمع من فوك ليجوه
دشداشه بيضه والساعه ذهب الغتره تخبل العطر يهف
مدري شنو من عطر
اصلا من البارحه من وصلته عطره بعده بلسياره

ابو طلال تقريبا عمره ٥٥ سنه ... اسمر حتى شواربه ماعنده مزينهن طوله تقريبا ١٦٨
امبين مريش شكله يبين معتني بنفسه

ابو حوراء...صباح الخير
ابو طلال...هله هله فيك ووين بتوديني ابي مطعم
محترم مايهمك السعر
ابو حوراء. تدلل

ابو حوراء.. اخذته أرقى مطعم بغداد
دخل واني بقيت منتضره برا ساعه ونص يله طلع

ابو حوراء...وين تريد اخذك
ابو طلال...ابيك تاخذني جذي فره الحد ما اشوف وين بروح

ابو حوراء.....كمت امشي بلسياره افتر بلمناطق الراقيه بغداد احاول ابتعد عن المناطق المزدحمه بس وقت
انتهاء الدوام
امشي على كيف لزمني كم ازدحام
كوه طلعت هو مستمتع مااضايج من الازدحام
طلعت تليفونه واتصل بتحسين مدير الشركه

ابو طلال....هله شلونك ولله
تحسين...هله هله ياطويل العمر اامرني
ابو طلال....ماابي فندق ابي فله او شالي ماابي هوشه وازدحام
ابي اريح راسي مكان حلوه ارتاح في
جمانه السعيدي
تحسين...تدلل هسه اشوفك فله كون حلوه حتى تاخذ راحتك

ابو طلال...بعد ابي شي ثاني
تحسين... تدلل اطلب واتمنى
ابو طلال...ابي نسوان حلوات ابيهن حلوات
كون يعرفن الركص العراقي

جذي مثل الغزاله
تحسين...تدلل بعد
ابو طلال...ابيهن بلفله تخلص اليله معاي واني حاضر للي تامر في

تحسين....احلى بنات العراق تجيك مو تدلل

ابو حوراء...من سمعته ضجت يعني هذا عايف بلده وجاي يرتكب الحرام هنا
ياخي اشكر ربك على هذا الخير مو كاعد تمشي بلحرام

صدك ناس حايره بلفلوس وناس حسره عليه الفلس
لا والفلوس يشمرها بلحرام
قطع تفكيري سوال ابو طلال

ابو طلال....انا اتكلم معاك
ابو حوراء.. اعذرني عندي مشكله وشاغله تفكيري
ماانتبهتلك
ابو طلال...ويش مشكلتك
ابو حوراء...لا تأخذ بالك هيج شغله بسيطه
ابو طلال...ابي اسمعها ماعندي شي ابي اسمع شنو مشكلتك

ابو حوراء....بنتي مريضه محتاجه عمليه وماعندي
فلوس اسويلها هاي العمليه

ابو طلال... ويش تكلف هاي العمليه
ابو حوراء....٣ مليون عراقي
ابو طلال...انت ماعندك معاش من الدوله
ابو حوراء...لا ماعندي يله اشتغل على هاي السياره
ابو طلال...ماعندك تأمين صحي
ابو حوراء...هذا التأمين بلدكم احنا ماعدنا تأمين صحي
ابو طلال...هاي السياره الك تملكها

ابو حوراء....لو هاي السياره ملكي جان بعتها وسويت عمليه البنتي

ابو طلال...ابشر انا بساعدك انا بضل هني اسبوع لو اكثر
انا بعيطك مبلغ بساعدك تسوي عمليه بنتك

ابو حوراء....الف شكر الله يحفظك

ابو طلال...بس بتكون السايك الخاص فيني الحد ماارد بلدي
اني حبيتك انت مبين محترم
ابو حوراء... شكرا من طيب اصلك اكون وياك وين ماتريد صار تدلل

اخر النهار اخذته تعشى وراح كعد كافي على الشط
ورجعته للفندق

ثاني يوم اتصل عليه تحسين الصبح

تحسين....وينك ابو حوراء جهز نفسك ابو طلال يريد فله
يسكن بيها اني راح ادزلك عنوان الفله
اذا اتصل عليك تروح تاخذه

ابو حوراء....اي صار

الضهر اتصل عليه ابو طلال
رحت للفندق نزلو السكورتي جنطته اخذتها ودخلتها للتكسي

نزل هو كاشخ كلعاده يلمع من فوك ليجوه
جمانه السعيدي
ابو حوراء....صباح الخير
ابو طلال...هله هله شلون بنتك
ابو حوراء....الحمدلله زينه
ابو طلال...بتاخذني نفس مطعم امس اتغده في وتالي
تاخذني للفله عندك خبر فيها

ابو حوراء.. اي عندي خبر

اخذته اتغدا تقريبا ساعه وربع وطلع

علما طلعنا من الازدحام ووصلنا للفله تقريبا الساعه صارت
بلاربع العصر

لكينا واحد منتضرنا سلمنا المفتاح وراح
دخل للفله اني نزلت الجنطه ودخلت ورا

تخبل تخبل بمعنى الكلمه حديقه ومسبح الأشجار
تخبل كلها مستورده
الورد يجنن
الفله من الداخل كلش حلوه
دخلت الجنطه جمانه السعيدي

ابو طلال...اتصل على تحسين
.....الو تحسين ابي وحده تسهر معي

تحسين...حاضره احلى وحده

ابو حوراء....اتصل عليه تحسين اني واكف برا انتضر

تحسين... ابو طلال يريد بنيه اني اتفقت على وحده تروح اجيبها من فلان مكان

ابو حوراء...اعذرني اني اشتغل سايق اكره هاي السوالف
بعدين هذا الشي حرام
اني اذا يريد ابو طلال اوصله اي مكان يريد
افتر بي من الصبح لليل
بس هاي الشغله لا حرام بابا حرام

تحسين..مبين انت ماتريد تعيش
انت شعليك بلحرام انت راح تنام وياها
انت رجال سايق وصلها واخذ اجرتك
بعدين انت محتاج كل فلس يطلع من هاي الشغله
ليش اضيع عليك هيج شغله

ابو حوراء...رغم اني ابد ما مقتنع بهاي السالفه
بس رحت للمكان الي كال علي تحسين
بس وصلت
رنيت على تحسين
ولله استحي انزل ادك الباب خاف واحدعرف يشوفني
اني رجال صايم مصلي
منيين اجتني هاي السالفه ماادري

ابو حوراء...ابو تحسين وصلت بس مراح انزل شوف انت اتصل عليها خل تطلع

تحسين...انتضر شويه

ابو حوراء.. انتضرت تقريبا عشر دقايق يله طلعت المحروسه

لابسه بنطلون جينز ضيك وبدي قصير بدون ردن
لا طمه بلمكياج لطم وطك بعلجها

صعدت سلمت عليه اني مارديت عليها

...ليش ماترد شبيك اخرس
ابو حوراء...مارديت سكتت
ولله جاي احس بتأنيب الضمير اني وين وهلي الشغله وين
بس اوصلها بعد مااشتغل اعوف الشركه
الرزق على رب العالمين

وصلتها للفله نزلت رنيت على ابو طلال
ابو حوراء...وصل طلبك
ابو طلال...خليها تدخل انت بتروح اتيبلنا عشى
ابي مشاوي وفواكه توصا زين فل اكل
ابي مقبلات

ابو حوراء...بعد اكو شي
ابو طلال...تعال ادخل بعطيك فلوس
ابو حوراء...دخلت جوا طلع عليه لابس تراك اسود
وبيده جكاره من هاي الغاليه

ابو طلال...ابي حلويات فاخره وعصاير

هاك هذي الفلوس والي يتبجي منها اخذه الك

ابو حوراء...اباوع ٥٠٠ الف
كلت بكلبي الي عنده فلوس يحير شيسوي

رحت وصيت على مشاوي علما رحت جبت حلويات وفواكه وعصاير رجعت لكيت الطلب جاهز

اخذته وصلتله للفله

ابو طلال...باجر بتصل فيك ترجع هذي البنت للمكان الي يبتها منه

ابو حوراء...طلعت اني احس نفسي مشارك بهاي الجريمه
طلعت الفلوس الي بجيبي
تقريبا باقي ٢٠٠ الف
اكيد اي واحد. بمكاني راح يفرح بهذا المبلغ
من غير الشركه تحسبلي على كل مشوار مبلغ مالي

بس مامرتاح نفسيا
احس نفسي جاي اسوي شي حرام

بس وصلت للبيت حست بيه ام حوراء

ام حوراء... هله ابو حوراء الله يساعدك
ابو حوراء...يساعد بختج
ام حوراء..ليش ضايج
ابو حوراء...اغسل اجي احجيلج
ام حوراء.. احضر العشى
ابو حوراء.. اي جوعان
ام حوراء.. تدلل

غسلت واجيت كعدت ام حوراء جابت الاكل خلته كدامي

ابو حوراء...تعشيتو
ام حوراء.. اي البنات جوعانات واكلنا اني وياهن
المهم احجيلي ليش ضايج

ابو حوراء...واحد خليجي شبعان اجا للعراق يتونس
ام حوراء...اي
ابو حوراء...الشركه خلتني السايق الخاص بي أي مكان يريد يروح اخذه وكلشي بحسابه

ام حوراء...اي شي زين ليش ضايج

ابو حوراء...هو سئلني عن وضعي وكال اساعدك بعملية حوراء جمانه السعيدي

ام حوراء...يالله يافرجك بارب العالمين شفت مو كتلك راح تفرج
ابو حوراء...اصبري اكو مشكله

ام حوراء...ياستار ياربي شنو هاي المشكله

ابو حوراء....هذا الرجال يدور شغلات موزينه
ام حوراء.. مثل شنو
ابو حوراء..يدور نسوان يريدني اوصله بنات ليل كل ليله وحده والصبح ارجع ارجعهن

ام حوراء...ياستار ياربي ليش هيج ليش يمشي بلطريق الموزين
هذا الخير الي منعم علي رب العالمين يطشره بلحرام
ليش مايياعد الناس الفقراء
لو يبني جامع لو بيت الشخص مسكين

ابو حوراء.. اني مو هاي مشكلتي فلوسه وهو حر بيهن
شعليه هو يتحاسب عليهم مو اني

المشكله اني خايف هذا فعل حرام شلون اشارك بي

اخاف رب العالمين يعاقبني على هذا العمل

ام حوراء...اعتذر من مدير الشركه كله دز واحد غيري
ابو حوراء...هي هم هيج باجر اطلب من تحسين
يدز واحد غيري
ولو ابو طلال كال اني اساعدك بعملية بنتك

ام حوراء....الله الغني عن هاي الفلوس مدام حرام
الله الغني عنها

ايجوز هو اصلا محصلها بلحرام
ماتشوف شلون يطشر بيها بدون وجع كلب
باجر اعتذر وبعد لا توصله اي طلبات

ابو حوراء...هي هم هيج الشغله كلشي ولا الحرام

للحكايه بقيه

#سائق _##تكسي
البارت الثالث
#جمانه السعيدي

@الجميع

ابو حوراء...كعدت الصبح اتريكت ورحت للشركه اريد
احجي وياا تحسين
اني بعد مالي علاقه بابو طلال خل يدز سايق غيري
مااكدر اشتغل هيج شغله

وصلت للشركه دخلت على مكتب تحسين

ابو حوراء....صباح الخير
تحسين...صباح الخير
ابو حوراء....اني مااكدر اكمل ويا ابو طلال
هذا انسان مايخاف الله واني اخاف على نفسي منه
تحسين.... ترا انت مكبر الموضوع حيل
انت شلك علاقه بلحرام
انت رجال سايق توصل هذا وترجع هذا شعليك
بلناس
ابو حوراء...لا حرام اني انسان اخاف على نفسي
ومااريد خبزه حرام تدخل بيتي
طلع واحد غيري اني مااكدر اكمل ويااا الله الغني عن الحرام

تحسين...شوف هذا الي طارد نعمته بايده
بابا انت مخبل ولك فلوس وجايتك
يعني هسه انت اذا توصل واحد تاجر مخدرات شايل جنطه ببها مخدرات وانت ماتعرف شنو داخل الجنطه يعني شاركته
بعمله
انت مجرد وسيلة توصيل لا أكثر ولا اقل

ابو حوراء.. اذا مااعرف هو تاجر مخدرات ماعليه ذنب
بس اني اعرف ابو طلال جاي يسوي شي حرام وجاي اساعده

تحسين...انت مجاي تساعده انت تشتغل عملك الي متعود علي كل يوم
مالك شغل منو لو وين لو ليش انت اشتغل وغمض عيونك وهاي هي جمانه السعيدي
ابو حوراء...طلع واحد غيري
تحسين...كل السواق طالعين تعرف هاي الفتره علينا لود
قوي اصبر بس يفرغ واحد من السواق اطلعه بمكانك
بس انت لازم تبقى ويا ابو طلال
منا لمن ادبر سايق غيرك
يحضي لو واحد غيرك جان قطه بمبلغ محترم
وانت تريد تنهزم منه
ابو حوراء...راح ابقى بس يفرغ سايق ياحذ مكاني
اني بس مااريد احرجك ومااريد الزباين تشرد منك

تحسين... يله روح الشغلك

ابو حوراء...الساعه ١١ اتصل عليه ابو طلال حتى اروح ارجع البنبه

رحت للفله بس وصلت اتصلت علي كتله اني بلباب
طلعت المحروسه رجعتها منيين ماجبتها

باقي اليوم اتصل عليه ابو طلال راد كم شغله
المهم ماطلع بهذا اليوم بقا بلبيت

لليل اتصل عليه تحسين اروح اجيب غير بنيه
حضرته ينوع بلبنات
رحت جبت البنبه بس ماحجيت ولا كلمه حتى ما باوعت عليها
ولا شفت شكلها شلونه
وصلته ورحت جبت عشى هلمره بس عشى لان عدهم فواكه وحلويات

مارجعت للبيت لان كلش ضايج
رحت للكهوه لكيت خليل كاعد بس شافني ضايج

خليل...هااا خير حوراء موزينه اذا بنتك موزينه اروح هسه ابيع سيارتي حتى تسويلها عمليه

ابو حوراء...تسلم لا موحوراء
خليل...لعد شكو احجي
ابو حوراء.....واحد خليجي جاي يتونس بلعراق
وتحسين طلعني سايق اله

خليل.. اي هاي من الزينات ليش ضايج
ابو حوراء....يدور سوالف موزينه
خليل...على نفسه انت شنو علاقتك بلموضوع
ابو حوراء...اني اروح اجيب بنات اوصلهن وارجعهن
خليل...وليش ضايج مافهمت
ابو حوراء...ولك حرام اني جاي اشارك بلحرام
خليل.. يمعود انت ترا مكبر الموضوع انت شنو علاقتك بلحرام على نفسه
ابو حوراء...انتم ليش ما تفتهمون هم انت وهم تحسين
مايصير حرام
خليل.. اني اجي بمكانك لازم مريش الاستاذ حتى جاي يتونس هيج ونسه بلعراق

ابو حوراء ...اهووو كلش الساعه ذهب سبحه ذهب
عنده جنطة فلوس خاضنها ويااا

ياعمي مااعرف هاي الناس منيين اجيب الفلوس
ولك يطشر اطشر بلفلوس
اول ليله انطاني ٥٠٠ بس حتى اجيب عشى وفواكه وحلويات هاي ٥٠٠ اطلعني اني عائلتي شهر مصرف
وهو بلحظات طشرها

اليله يريد بس عشى انطاني ورقه وكال الباقي الك

ناس حسره عليها الفلس وناس اطشر وياريت اطشر
بلحلال لا كله حرام نسوان وشغلات تافها

خليل...يحضي اخذ منه كل هذا الخير وتريد تعوفه
ولك هذا كنز لا تخسره

ترا هو عنده الورقه الورقتين لا شي لان عملتهم قويه مو مثلنا عملتنا نازله للكاع وفوكاها ماكو شغل

ابو حوراء.. بشرفك اخسر آخرتي علمود كم فلس
ربك يرزقني من الحلال
الرسول محمد صلى الله عليه وسلم يكول
من رائ منكم منكر فليغيره

واني اساعد على المنكر اوصل نسوان وارجعهن

خليل...وين ساكن هذا التحفه

ابو حوراء... ساكن بفله بفلان مكان فله بيضه صايره اخر وحده من تدخل بلشارع

خليل...وياا احد لوبس هو

ابو حوراء...لا بس هو الله ياخذه ويخلصنا منه
يمتى تخلص اجازته ويروح
بشر يمشي على المعاصي

مااعرف شلون ينام اليل وضميره مرتاح
لا والفلوس عنده اكوام مايخاف هاي النعمه ازول منه
اكيد فلوسه حرام مادام يطشر هيج
فلوس حرام ماتوجع كلبه

هااا وين راح بالك مو جاي احجي وياك

خليل... ويااك وياااك يخوي عوفه مالك شغل بي هنا كم يوم ويرجع البلده قابل راح يبقى هنا للابد

ابو حوراء... هو اني هم ساكت
خليل...تعرف كم يوم راح يبقى هنا
ابو حوراء.. مااعرف اليوم صار ٣ ايام هو كال اسبوع وارجع ايجوز يطول اكثر
ولك عنده جنطة فلوس مايرجع اله تخلص

جمانه السعيدي
ابو حوراء...رجعت للبيت والصلح كاعاده رحت ىجعت البنيه للمكان الي اخذتها منه
بعدين اتصل عليه ابو طلال اخذته فر وراح للمطعم اتغده
وأخذته للمول يشتري كم حاجه
ورجعته للبيت

بليل نفس الشي حسب طلبه رحت جبتاه وحده
الطريق كله اسوق واني استغفر ربي
اني تورطت بهاي التوصيله شلون ويمتى تخلص ماادري

ولله احس روحي تطلع بهذا المشوار اتمنى يخلص بسرعه
كل اشويه استغفر

يمتى يرجع البلده واخلص من هاي السالفه الحقيره

وصلته ورحت جبتلهم عشى وشغلات هلمره بقن عندي ١٠٠ الف من المسواك
طبعا هو يتعمد ينطني فلوس زايده
لان يعرف اني ماعاجبني هذا الوضع ابد
جاي يغريني بلفلوس
جمانه السعيدي
رجعت متأخر ام حوراء نايمه
الصبح كعدت كلش ضايج

ام حوراء...صباح الخير
ابوحوراء...صباح الخير شلونها حوراء على العلاج
ام حوراء.. مستقروضعها شويه
ابو حوراء...الحمد لله
ام حوراء.. هاا حجيت ويا تحسين خوما بعدك توصل بنات

ابو حوراء..حجيت ويااا بس ماكو سايق بديل عني
بس يتوفر سايق اعوف الشغل

ام حوراء...ياا تحجي صدك انت اليل كله تاخذ وترجع بنات

ابو حوراء...ماكو واحد بمكاني
ام حوراء...عوف الشغل الرزق على رب العالمين
من اليوم سلم المفتاح واخلص من هاي الشغله

ابو حوراء.. هو هم هيج اني مامرتاح ابد
اليوم اسلم المفتاح واشوف شغل بغير مكان

ابو حوراء... تريكت ورحت للشركه

ابو حوارء...صباح الخير
تحسين...صباح الخير
ابو حوراء...اريد اسلم المفتاح
تحسين..خير انشاء الله
ابو حوراء....اني كاعد اشتغل كواد مو سايق
تحسين...روح رجع البنيه وشوف طلبات ابو طلال
بس اليوم بليل سلم المفتاح
والله وياك
ابو حوراء.. بس اليوم بعد مالي شغل
تحسين...بس اليوم

ابو حوراء...رحت للفله وكفت السياره انتضرت تطلع المحروسه
نص ساعه ماكو طلعت التليفون واتصلت على ابو طلال
مايرد اتصل علي مايرد
كلت ايجوز بعده نايم
طلعت وصله وكمت امسح بالسياره نص ساعه وكلشي ماكو
رجعت اتصلت علي
مايرد ساعه وأكثر اني اتصل ومايرد
اتصلت بتحسين
ابو حوراء...صار اكثر من ساعه واكف ماكو احد طلع
تحسين.. اتصلت علي
ابو حوراء.. مايرد
تحسين...اني راح اتصل علي

ابو حوراء...بقيت انتضر اكثر من نص ساعه لاخ وكلشي
ماكو اتصلت بتحسين
تحسين..جاي اتصل ومحد.يرد ادخل شوف شكووو

ابو حوراء... خاف اتصير مشكله
تحسين...اي مشكله اني باقي وياك على الخط
افتح كامره من تدخل

ابو حوراء.. دخلت جوا امشي واصيح ابو طلال
خفت خاف يعني اكو شي او يكون ماخذ راحته
امشي واصيح ابو طلال

ماكو محد يرد عليه
تحسين.. اصعد الغرفة النوم فوك
ابو حوراء...زحمه شلون اصعد الغرفة النوم
تحسين...اصعد على مسؤليتي
ابو حوراء.. صعدت امشي اني فاتح كامره وتحسين وياي
على الخط
ابو حوراء....ابو طلال ابو طلال وينك
غرفة النوم مفتوح الباب
وغراضها مطشره دخلت جوه
ابو طلال مقتول والبنيه الي وياا مقتوله
والغرفه مكلوبه كلاب
لا باقي مجر ما مفتوح ولا باب كنتور

مبينه عملية سرقه وقتل
ابو حوراء...الرجال مقتول هو والبنيه هاي مصيبه
تحسين...ابقى بمكانك اني راح اتصل بلشرطه تجي
واني اجي وياهم

ابو حوراء.. خل اطلع لا اجيبلي مصيبه يمعود
هاي جريمة قتل مو لعبه

تحسين...لا ابقى مكانك اني شاهد وياك
لا تتحرك شويه واصل يمك

للحكايه بقيه

#سائق _##تكسي
البارت الرابع والاخيرررررر
#جمانه السعيدي

ابو حوراء...طلعت وكفت برا اجا تحسين وبعدين وصلو الشرطه
دخلو للمكان وبدا يصورون اثار الجريمه
فعلا مالكو جنطة الفلوس ولا اي شي ثمين يخص ابو طلال
كلشي مالكو
بداو يحجون وياا تحسين لان هو صاحب الشركه وعنده تواصل ويااا
بعدين سئلو منو اكتشف الجريمه
ابو تحسين كال السايق
منو غير السايق يعرف هذا المكان
تحسين...بس السايق
شكد صارله هذا المغترب هنا
تحسين اليوم اربع ايام
هم تواصل وياا اي احد غير السايق
تحسين. ....بس اني والسايق ماتواصل ويا اي واحد غيرنا
تعال ابو حوراء
...منو يجي هنا غيرك
ابو حوراء...ما اعرف اني من يتصل عليه اجي اشوفه شنو محتاج
...هم اجيب وياك احد
.ابو حوراء...محد.بس اني اجي
...اخر مره يمتى اتصل عليك
ابو حوراء. البارحه من جبتله هاي البنيه وجبتله عشى
كال روح وارجع الصبح رجع البنيه
.. بعد مارجعت علي
ابو حوراء....لا مارجعت
....شلون اجيت الصبح وهو مامتصل عليك
ابو حوراء.. تحسين كال روح حتى ترجع البنيه بعد مارحت التحسين وطلبت منه اعوف هلي الشغله
.. ليش تعوف الشغل مجاي يدفعولك فلوس
ابو حوراء.. لا يدفعون بس اني استحرم من شغلة النسوان

هنا الشرطه فهمو روحتي الصبح التحسين حتى اعوف الشغل
هو تهرب من الجريمه يعني اني ردت اعوف الشغل حتى
لا اروح واكتشف الجريمه
بما ان اني الوحيد الي اوصل هذا المكان واندله يعني الجربمه ركبتني
اخذوني للسجن لان الجريمه راكبتني من راسي الرجليه
جمانه السعيدي
تحسين عود يدافع عني كال هو ماراد يشتغل وياا هذا من البدايه بس اني صممت على هذا الشي
هذا الكلام خلاهم يشكون بيه اكثر
اذا يحصل فلوس من الشركه وابو طلال هم ينطي فلوس
ليش يعوف الشغل

ابو حوراء...من رخصتك حضرت الضابط انت شنو تشك بيه اني ردت اعوف الشغل لان حرام
النوب اقتله ترا اني مااسوي هيج عمل قبيج

اسئل عني كل الناس الي تعرفني اني اخاف رب العالمين
لا اكل حرام ولا اشتغل شغل يخالف شرع رب العالمين

الضابط...راح نشوف اذا كان الك ايد بهاي القضيه لو لا
ابو حوراء...ضجت يمكن راح اروح بلرجلين
وانحكم بقضيه مالي ايد بيها

اخذوني للسجن
تحسين عين محامي يدافع عني
بقيت اسبوع بلسجن وهم يدورن عن ملابسات الجريمه
كل جماعتي عرفو واجو وراي للسجن يطمنون عليه

بس خليل شعجب مااجاني ولا حاول يدافع عني
ليش اختفى فجئه
كلشي كان ضدي القضيه لا بستني
المحامي ترافع عني بس كل الادله ضدي وخصوصا محد يروح لهذا المكان غيري

ماافكر بس بناتي وزوجتي شلون بيهن منو الهن
اني اني شنو ذنبي يضيع عمري داخل السجن بجريمه اني مارتكبتها
اجاني المحامي
المحامي...ركز وياي زين كل كلمه تكولها راح تكون بمصلتحتك بس ركز زين

المحامي...كم مره تروح بليوم الهاي الفله
ابو حوراء...من يطلبني تحسين لو ابو طلال
....هم حسيت اكو شي غريب من رحت اخر مره احد شافك احد يعرف انت وين تروح
ابو حوراء.. لا بس اني
المحامي.. ليش تريد تعوف الشغل رغم اني سمعت انت محتاج فلوس علمود عملية بنتك
ابو حوراء... ماعندي شي ويااا بس شغلة النسوان ضوجتني شنو اخذ نسوان وارجع هذا العمل حرام
بس علمود هذا الشي ردت اعوف الشغل
المحامي.. منو غيرك يعرف معلومات عن ابو طلال
ابو حوراء...بس ام حوراء وهي الي جانت تلح عليه اعوف الشغل
المحامي...منو بعد انت هم حجيت كدام احد على وضع ابو طلال فلوسه الصرف الي جاي يصرفه
شفت احد يمه بلفله

ابو حوراء....خل اذكر منو لا ماحجيت كدام احد بس اكو واحد صديقي حجيت كدامه
بس هذا ثقه مايسوي هيج شغله اني اعرفه من زمان

المحامي...ليش حجيت كدامه
ابو حوراء...كنت ضايج وكعدت افضفض
المحامي...شحجيت كدامه بلضبط
ابو حوراء...حجيت عن وضعه المادي وشلون كاعد يطشر بلفلوس
المحامي...لا اذكر بلضبط شحجيت
ابو حوراء....كلت وضعه المادي زين وعنده جنطه فلوس ولابس ساعه ذهب وعنده سبحه ذهب

وهو كال اذا جاي يتونس للعراق لازم مريش كلش
جاوبته اي مبين علي عنده فلوس هواي
بعدين سئلني عن مكان الفله وووين واذا جان وياا احد لو لا جاوبته لا ماوياا احد بس هو

المحامي...خلاص وصلنا الأول خيط بلقضيه اريد عنوانه ورقم تليفونه
ابو حوراء الرقم تلكا بجهازي اخذو مني الشرطه
وهسه انطيك عنوانه جمانه السعيدي
انت شنو تشك بي ترا ماعنده هيج سوابق مستحيل يكون هو ايجوز اكو واحد جان يراقب ابو طلال

المحامي...هسه اخلي الشرطه تستدعي ونشوف اذا كان اله ايد بلقضيه لو لا

ابو حوراء.....رجعوني للسجن وكعدت افكر كل جماعتي اجو وراي للسجن يسئلون عني لان يعرفون اني مستحيل اسوي هيج شغله اله خليل ماجاني رغم هو صديقي المقرب
معقوله يكون هو الي قتل ابو طلال بعد ماسمع كلامي عنه

المحامي .. اشتكى على خليل وطلع مذكرة إلقاء قبض علي الشرطه راحو للمكان الي يتواجد بي مالكو
راحو للبيت مالكو محد يعرف هو وين

الشرطه والمحامي هنا شكو بي اكثر ليش مهزوم اذا ماعنده شي عممو اوصافه حتى يسهل إلقاء القبض علي
اسبوع كامل وهم يدورون علي
الحد مالكو خاتل بيت واحد من اقاربه
بعد مااجت اخباريه عنه من احد السواق الي جاي يتواصل وياااا
وهنا لقو القبض علي بلبدابه نكر كال لا مو اني
بس من فتشو بيته لكو جنطة الفلوس والساعه والسبحه والي تعرف عليهن تحسين وكال يخصن ابو طلال
اعتراف خليل كان
خليل....بعد ماحجالي عنه ابو حوراء والفلوس الي عنده
قررت اروح اخذ الفلوس منه واي شي ثمين
ماكانت ناوي اقتله بس اخذ الفلوس
من دخلت حس بيه واحاول يضربني ويطلعني من الفله
بس اني جنت شايل سجينه ومستعد الاي شي
كدرت اسيطر علي وقتله
داخل غرفة النوم
البنيه الي وياا خافت بقت تعيط خفت تكشفني قتلته
حتى اضيع اثار الجريمه

دخلو خليل السجن وطلعو ابو حوراء
هاي المصيبه كانت أكبر درس الابو حوارء لان وثق بصديقه وحجا كلشي يخص عمله كدامه
جمانه السعيدي
بعد ماطلع ابو حوراء والناس كلها عرفت هو بريئ وجان يشتغل الخاطر يعالج بنته
الناس الخيره جمعت فلوس العمليه
وكدرو ياثرون على الدكتور حتى يخفض اجورها
كلفت مليونين وبس حوراء يوت العمليه ونجحت
وابو حوراء عاف الشغل بهاي الشركه حتى لا يتعرض الهيج موقف مره ثانيه
اكو رجال خير من سمع قصة ابو حوراء والناس كلها تحمد بي دز عليه حتى يشتغل عنده سايق
باجر يومي
وهيج كلب ابو حوراء الطيب الي يخاف رب العالمين فاز
بنته سوت عمليه ونجحت وهو حصل شغل احسن

اكو حكمه تكول لا تخبر احد عن
ذهبك.... ومذهبك...وذهابك

الأول ذهبك لا تخبر احد عن أحوالك وشكد عندك فلوس لو ناوي تشتري شغله وعندك مبلغ مالي لان اكيد اكو انفس مريضه
تحسدك وتحاول تاخذ منك هاي الفلوس

الثانيه مذهبك....لا تكول اني من هاي الطائفه او ذيج
لان اكو ناس راح تحاربك بدون سبب حتلو كنت تعاملهم احلى معامله راح تلكاهك حاقدين عليك بدون سبب

الثالثه ذهابك....لا تكول اني راح اسافر ولا تكول باجر اسوي فلان شغله لا تحدد وجهتك كدام الناس
الناس تحسد وتحقد بس حتى لا تصير احسن منهم

حتى الرسول محمد صلى الله عليه وسلم بحديث قدسي
يكول استعينوا على قضاء حوائجكم بلكتمان

انتهت القصه اتمنى تستفادون من تجارب غيركم
دمتم سالمين
#الناشر_عاشكها_وفاكدها