Деб бўларми севма сўзини
Кўргим келар қаро кўзини
Билолмадим охирин вайрон
Ишончимга кирганди осон

Кўзёшларим қотди дарёда
Кутишларим тушда рўёда
Мухаббатни қилдилар яксон
Номардларга хаммаси осон

Хатоларга кечиккан умр
Бахтим олди қолдирмай умид
Юрак қолди бўм бўш шохона
Топганлари эртак бахона

Сабрларга йўғрилди жоним
Зимистондир кирган маконим
Унутмоқ бир ўлим кабидир
Пайконларга тўлган ошиёним

Билиб бўлмас сохта дунёсин
Оғриқларга кўмдим хаммасин
Соғинчлардан қон бўлди дилим
Олиб кетмас, қўйган тамғасин

Севдим ёниб
Соғинчдан куйиб
Оғриқлардан чарчадим тўйиб
Олиб кетсин дардимни Худо
Яқинларим хайр Алвидо!!!

✍Нилуфар Саидовна
03 май 2025 йил

🥰🥰Дардим сиғмас дунёга🥰🥰

ОДАМЛАР.

Имконга ўхшайди баъзи одамлар,
Меҳри ила дардинг тузатадилар.
Тиконга ўхшайди баъзи одамлар,
Санчилиб, йиғлашинг кузатадилар

Ризвонга ўхшайди баъзи одамлар
Юзингга шодонлик улашадилар
Нодонга ўхшайди баъзи одамлар
Фақат нафси учун курашадилар.

Виждонга ўхшайди баъзи одамлар
Тўғри йўлни топсанг, алқаб суярлар.
Зиндонга ўхшайди баъзи одамлар
Ўзингни ўзингга қамаб қўярлар.

Достонга ўхшайди баъзи одамлар
Дардини дунёга тинмай айтади.
Чистонга ўхшайди  баъзи одамлар
Сирларга ўралиб яшаб ўтади.

Шайтонга ўхшайди баъзи одамлар
Гуноҳга ботсангиз ҳузурлар қилар
Иймонга ўхшайди баъзи одамлар
Кўрсатган йўлидан ажрлар тилар

Хақиқий ошиқдир  баъзи одамлар
Бир Ёрни соғиниб, суйиб ўтарлар
Мунофиқ, фосиқдир баъзи одамлар
Гуноҳлар йўлини махкам тутарлар

Дилдорга ўхшайди баъзи одамлар
Хаммага яхшилик тилаб юради.
Юраги дардларга тўлиб кетса ҳам
Билдирмай, жилмайиб кулиб туради

✍️ДИЛДОРА  АБДИНАЗАРОВА

https://t.me/+PBE4iYDhh-GjsEVv


Ⓜ️anba: @sherlar


        👍 #like_boss

Инсон қадри йӯқолмоқда

Борган сари қалблар қорайиб ,
Оғу иллат илдам зӯрайиб,
Гунохлардан дунё торайиб,
Инсон қадри йӯқолмоқда.

Тил у дунё қалб бу дунё,
Иссиқ жон музламас гӯё,
Шайтонга иш қолмас гохо,
Инсон қадри йӯқолмоқда.

Қорни тӯқни очга ҳуши йӯқ,
Яҳшилик қилишга хохиш йӯқ,
Жаннат аҳлидек кӯнгил тӯқ,
Инсон қадри йӯқолмоқда.

Қора тундек фитна таралиб,
Фурсат ӯтмай иймон алданиб,
Дунё зийнати азиз саналиб,
Инсон қадри йӯқолмоқда.

Синовга сабр етяпти аранг,
Оламга сиғмаган асаб таранг,
Ислоҳ қилмасак аҳвол танг,
Инсон қадри йӯқолмоқда.

Оқибат, меҳр аста узулиб,
Ёлғончи, ӯғри дунёга тӯлиб,
Ҳали қиёмат келмай туриб,
Инсон қадри йӯқолмоқда.

Юсупова Зулфия Рӯзивой қизи.


https://t.me/+PBE4iYDhh-GjsEVv


Ⓜ️anba: @sherlar


        👍 #like_boss

ONAM

Uyga kelsam sizni izlab qolaman,
Baland ovoz bilan chaqiraman ham.
Gullar olib kelsam xursand bo’lasiz,
Sizni juda yaxshi ko’raman, Onam.

Dardlarimni sizga aytib beraman,
Yuragimdan ketar shunda dard-alam.
Shifokorim o’ziz, pul so’ramaysiz,
Bunchalar yaxshisiz, jannatim onam.

"Yaxshi yursang bo’ldi, bolam", - deysiz-da,
Ammo kamim bor deb aytmaysiz hech ham.
Bir og’iz aytsangiz menga kifoya,
Aytganingiz olib beraman, Onam.

Duolar qilasiz - ishlarim zo'r-da,
Omad quvib yurar hamisha hardam.
Pullarimni olib bozor aylaning,
Bor boyligim axir sizniki, Onam,

Tobingiz qochmasin ado bo’laman,
Sal betob bo’lsangiz ko’zlarimda nam.
Yuz yoshda ham menga dalda bo’ling siz,
Baxtimga bor bo’ling o’zimni onam.

00:11.26.05.2025

✍️Muallif: Qodir Qaxxor

Ⓜ️ @QodirQaxxorSherlari
✅Кўнгилга яқин шерлар..↙️
https://t.me/joinchat/AAAAAEO1DInIkVknPwF0Jg

👇Yangi sher baxo beramiz❤️

Onam kelin izlab yuribdi

Shu kunlarda ko’zlarim kulib,
Yuragim ham yonib turibdi.
Baxtim uchun yelib-yugurib,
Onam kelin izlab yuribdi.

Ko’nglimga mos qizlar juda kam,
Qiz topolmay qiynalar onam,
Eh sevganing yo’qmi deb bolam,
Onam kelin izlab yuribdi.

Bir soliha qizni topay deb,
Qaynonalik gashtin suray deb,
Katta-katta to’ylar qilay deb,
Onam kelin izlab yuribdi.

Aytib qo’ygan amma-xolamga,
Qiz topinglar jonim bolamga,
Maqtab meni hamma hammaga,
Onam kelin izlab yuribdi.

Bo’ydoqlikdan zerikmadim rost,
Erkin qushman, tashvishlarim oz,
Uy ishlardan zerikib biroz,
Onam kelin izlab yuribdi.

Bir soliha qizni topay deb,
Qodir bolam baxtin ko’ray deb,
Katta-katta to’ylar qilay deb,
Onam kelin izlab yuribdi.

✍Muallif: Qodir Qaxxor

@QodirQaxxorSherlari
✅Кўнгилга яқин шерлар..↙️
https://t.me/joinchat/AAAAAEO1DInIkVknPwF0Jg