☺️【美好多過黑暗 每日都有陽光】#著數熊日記 ❣️

喺網上睇到丁蟹一個片段，佢話：「我覺得自己好折墮，無晒自己，每日唔係屋企就係超級市場，唔係超級市場就係屋企，嚟嚟去去得兩個地方...」😔

過去一個月，🐻 每星期都係咁樣，一星期落樓買一次餸，其他時間都係喺屋企。停晒所有外出活動，甚止有二千蚊嘅獎品都冇去領取 😑

或者有人覺得Omicron不過猶如流感般，幾日便會好返，唔係好緊要。但係，醫療系統已經嚴重超負荷，好多老人家同小朋友都經唔起呢場疫戰，我哋唔係要恐慌，但一定要重視。無人希望自己病，更加唔希望因為自己病咗而影響到屋企人，令屋企人擔心 🥺

所以錯過嘅獎品以後大把機會再贏返，暫時停頓嘅吃喝玩樂以後大把機會報復。健康無價，為何唔可以忍一時之「苦」😷

🐻 有一個專門分享疫情及防疫物品等資訊嘅專頁，亦有一個專門分享有獎遊戲嘅專頁。但去到我每日花最多時間嘅Jetso Bear專頁，想平衡各種資訊卻變得唔係咁容易 🧐

就好似最近疫情變得嚴峻，有時當分享一啲活動時，🐻 都會擔心大家會唔會因為睇咗呢個資訊，明明唔需要出去嘅，都因此而走咗出街呢？所以常常便會寫多一句減少外出之類嘅提醒。但如果我每日都只係分享「抗疫」相關，感覺生活便變得更加沉重。後來諗一諗，大家都係成年人，成年人應該知道分寸輕重，知道要為自己嘅行為負責。所以其實並唔需要我每次提醒，因為，一切決定都喺每個人心裡 🙃

日子看似冇咗好多娛樂，但 🐻 每日仍忙個唔停 🤪

資訊由朝到晚不斷分享，Jetso Bear 網站流量倍數增加，多謝自己，蒐集嘅資訊可以幫到有需要嘅人 😊

咁大個人，第一次連續咁多日，每日準備一日三餐。苦中作樂，原來煮飯都唔係咁枯燥，企一企，熄掉社交平台，放空腦袋，也係一種放鬆 😌

非常時期，我哋可能幫唔到別人，但至少我哋可以唔會別人（社會）增加負擔 😉

美好一定多過黑暗，疫情會過去，抬頭望下天空，每日都有陽光 🔆

#日日煮飯真唔簡單 😄
#健康平安最大福氣 🥰
#加油保重捱過低谷 😇

【所有免費頻道】👇🏻

► 著數熊網站 🌍
► https://jetsobear.com

► 入咗MeWe未呀～ 😉
► https://mewe.com/join/jetsobear

► Follow埋我哋嘅IG 😍
► https:…