Korrupsiyaga qarshi kurashishda ichki nazorat tizimi yangi bosqichga ko‘tarilmoqda

O‘zbekiston Respublikasi Prezidenti tomonidan “O‘zbekiston Respublikasining ayrim qonun hujjatlariga korrupsiyaga qarshi kurashish samaradorligini oshirishga, korrupsiyaga oid jinoyatlar uchun javobgarlik muqarrarligini ta’minlashga qaratilgan qo‘shimcha va o‘zgartirishlar kiritish to‘g‘risida”gi Qonun imzolandi. Ushbu qonun mamlakatimizda korrupsiyaga qarshi kurashish tizimini yanada takomillashtirish, davlat organlari va tashkilotlarida ochiqlik hamda shaffoflikni ta’minlashga xizmat qiladi.
Mazkur qonun bilan korrupsiyaga qarshi kurashish sohasida qator muhim yangiliklar joriy etildi. Xususan, korrupsiyaga oid jinoyatlarni sodir etgan shaxslarning elektron reyestrini yuritish, korrupsiyaga oid jinoyatlar tushunchasini aniq belgilash, korrupsiyaga qarshi ichki nazorat va komplaens tizimlarining huquqiy asoslarini mustahkamlash kabi muhim normalar nazarda tutilgan.

Qonunga muvofiq, endilikda davlat organlari va tashkilotlarida korrupsiyaga qarshi ichki nazorat tuzilmalarining vakolatlari kengaytirilib, ularning mustaqil faoliyat yuritishi uchun zarur huquqiy kafolatlar yaratildi. Shuningdek, korrupsiyaviy xavflarni barvaqt aniqlash, ularning oldini olish va mansab vakolatlaridan noqonuniy foydalanish holatlariga qarshi ta’sirchan mexanizmlar joriy etilmoqda.

Qishloq xo‘jaligida bilim va innovatsiyalar milliy markazi hamda uning tizimidagi ilmiy-tadqiqot institutlari va tashkilotlarda korrupsiyaning oldini olish, manfaatlar to‘qnashuviga yo‘l qo‘ymaslik, davlat xaridlari jarayonlarining shaffofligini ta’minlash, budjet va budjetdan tashqari mablag‘lardan samarali hamda maqsadli foydalanish ustuvor vazifalardan biri hisoblanadi.

Ayniqsa, ilm-fan va innovatsiyalar sohasida amalga oshirilayotgan loyihalar, xalqaro grantlar, ilmiy tadqiqotlar va zamonaviy texnologiyalarni joriy etish jarayonlarida ochiqlik va hisobdorlik tamoyillariga qat’iy amal qilish muhim ahamiyat kasb etadi. Shu bois, markaz tizimida korrupsiyaviy xavf-xatarlarni baholash, ichki nazorat mexanizmlarini takomillashtirish, xodimlarning huquqiy ongi va madaniyatini yuksaltirish bo‘yicha ishlar izchil davom ettirilmoqda.

Qonun bilan Korrupsiyaga qarshi kurashish agentligiga davlat organlari va tashkilotlari, hududlar hamda sohalar kesimida korrupsiyaviy xavf-xatarlar xaritasini shakllantirish vazifasi ham yuklatildi. Bu esa har bir tashkilot faoliyatidagi ehtimoliy xavflarni aniqlash va ularni bartaraf etish bo‘yicha manzilli choralar ko‘rish imkonini beradi.

Mazkur qonun talablaridan kelib chiqqan holda Qishloq xo‘jaligida bilim va innovatsiyalar milliy markazi tizimida ham korrupsiyaga qarshi murosasiz munosabatni shakllantirish, xizmat vazifalarini halol va vijdonan bajarish, shaffof boshqaruv tamoyillarini mustahkamlash hamda jamoatchilik ishonchini oshirishga qaratilgan ishlar yanada kuchaytiriladi.

Korrupsiyaga qarshi kurashish — faqat nazorat organlarining emas, balki har bir rahbar va xodimning mas’uliyatidir. Yangi qonun ana shu mas’uliyatni yanada kuchaytirish, davlat boshqaruvida halollik va adolat tamoyillarini mustahkamlashga xizmat qiladi.

Milliy markazning rasmiy sahifalarini kuzatib boring.

📱WEB | 📱Telegram | 📱 Instagram | 📱Facebook |📱 Youtube

Korrupsiyaga qarshi kurashish tizimi yanada kuchaytiriladi

🇺🇿 O‘zbekiston Respublikasi Prezidenti Sh. M. Mirziyoyev tomonidan 2026-yil 22-iyunda “O‘zbekiston Respublikasining ayrim qonun hujjatlariga korrupsiyaga qarshi kurashish samaradorligini oshirishga qaratilgan qo‘shimcha va o‘zgartirishlar kiritish to‘g‘risida”gi O‘RQ-1155 Qonuni imzolandi.

📑 Mazkur Qonun bilan 3 ta kodeks va 5 ta qonunga o‘zgartirish hamda qo‘shimchalar kiritildi. Unga ko‘ra:

🔹 Korrupsiyaga oid jinoyatlarni sodir etgan shaxslarning elektron reyestri yuritiladi;
🔹 Jinoyat kodeksida “korrupsiyaga oid jinoyatlar” tushunchasi belgilandi va unga 18 turdagi jinoyat kiritildi;
🔹 Davlat organlarida komplayens va ichki korrupsiyaga qarshi nazorat tizimlarining huquqiy asoslari yaratildi;
🔹 Korrupsiyaga qarshi kurashishda maishiy darajadan tortib yuqori lavozimli shaxslargacha qamrab oluvchi amaliy mexanizmlar joriy etildi;
🔹 Komplayens tuzilmalar xodimlarining huquqiy va xavfsizlik kafolatlari mustahkamlandi;
🔹 Barcha davlat organlarida komplayens nazorati tizimi yo‘lga qo‘yiladi;
🔹 Ushbu tizim faoliyati Prezident Administratsiyasining Komplayens xizmati tomonidan muvofiqlashtiriladi;
🔹 Ayrim korrupsion jinoyatlar uchun muddatidan ilgari shartli ozod qilish yoki yengilroq jazo bilan almashtirish cheklanadi;
🔹 Korrupsiyaga qarshi kurashish agentligiga xavf-xatarlar xaritasini shakllantirish vazifasi yuklatildi;
🔹 Milliy va hududiy kengashlar hamda Agentlik vakolatlari kengaytirildi.

⚖️ Yangi tartibga ko‘ra, korrupsiyaga qarshi kurashish endilikda yagona tizim asosida markazlashgan va samarali mexanizm sifatida amalga oshiriladi.

🌐Website 💬Telegram 💬Facebook 📺YouTube 📷Instagram

#24_son

Hurmatli davlat xizmatchilari, siyosiy ma'rifat soatining navbatdagi sonini taqdim etmoqdamiz.

Unda siyosiy-ijtimoiy xabarlar, qonunchilikdagi yangiliklar, davlat xizmatchisining ma’naviy-ma’rifiy dunyoqarashini boyitishga xizmat qiladigan ma’lumotlar o‘rin olgan.

🌍Biz bilan kuzatib boring!

🕊Telegram | 📸Instagram