#jarayon

🌾 G‘alla kushandasi: Zararli hasva haqida nimalarni bilish kerak?

📌Zararli hasva — yarim qattiq qanotlilar (qandalalar) oilasiga mansub bo‘lib, dunyo bo‘ylab g‘alla maydonlariga eng ko‘p zarar keltiradigan hasharotlardan biridir.
⚠️ Zararkunanda o‘simlikning yuqori qismi va boshoqdagi mayin to‘qimalar sharbatini so‘rib oziqlanadi. Natijada barglar sarg‘ayib, hosil yo‘qotilishi zararlanish darajasiga qarab hosildorlik 30-40% gacha, urug‘ unuvchangligi esa 50% gacha pasayishi mumkin.
🔬 Ilmiy tadqiqot: Zarar darajasi qanday aniqlanadi?
"O`simliklarni himoya qilish" laboratoriyasi mudiri FeruzaToshmetova tomonidan zararli hasvaning g‘alla sifatiga ta’sirini o‘rganish maqsadida maxsus tajriba o‘tkazilmoqda.
Tajriba uslubi:
1 m² maydonda 5 xil variantda sadoqlar (to‘rli qopchiqlar) o‘rnatildi.
🎯Tadqiqotdan ko‘zlangan maqsad:
Hasva zichligining quyidagi ko‘rsatkichlarga ta’sirini baholash:
✅ 1 ta boshoqdagi donlar soni;
✅ 1000 dona don vazni;
✅ Don tarkibidagi oqsil va kleykovina miqdori;
✅ Don naturasi.

#xalqaro_aloqa

Innovatsion agrotexnologiyalar sinovdan o‘tkazilmoqda
Qarshi tumanida qishloq xo‘jaligi sohasini modernizatsiya qilish va xalqaro tajribalarni joriy etish maqsadida innovatsion agrotexnologiyalarga bag‘ishlangan amaliy seminar tashkil etildi.
Seminarda Rossiya Federatsiyasidan tashrif buyurgan malakali mutaxassislar JDITI tajriba maydonlarida bo‘lib, u yerda yetishtirilayotgan ekinlarning holati bilan yaqindan tanishdilar.
Tadbirning asosiy diqqat markazida no‘xat maydonlarida “torf” organik o‘g‘itini qo‘llash texnologiyasi bo‘ldi. Rossiyalik ekspertlar ushbu o‘g‘itning o‘ziga xos xususiyatlarini amalda namoyish etishdi: Torf tarkibidagi gumus moddalari o‘simlikning jadal rivojlanishini ta’minlaydi, yerning strukturasi yaxshilanadi va namlikni saqlash qobiliyati ortadi.
Qishloq xo‘jaligida bunday zamonaviy texnologiyalarni qo‘llash va xalqaro hamkorlik aloqalarini mustahkamlash nafaqat bugungi hosil, balki kelgusida tuproq unumdorligini saqlab qolishda ham muhim poydevor bo‘lib xizmat qiladi.