‍ 🌾هاۆارو چەشمیەری🌾
سەر سوحیە خەمین جە ژاوەروە
دنگیە بەرزوە بی بە شینۆ رووە
سەرەم بەر ئاورد کەردم نگاە
دیم ناڵو ڕۆ مە جە دلە دگاە
عاسام گەرتە دەس بە دڵیە خەمبار
حەتا جویا بو جەو ناڵەو هاوار
دیم چەشمیەر شینو زاریشەن
پێ دوری یارا بێ قەراریشەن
تاسەش مەورد بە پیرانەوە
بە دڵی بە جوش بە گریانەوە
واچە کوا دب دبەو دەسو نازارا
کو شێ موسیقاو کونە هەوارا
بڕو مەزگێ چی پێسە چوڵەن
وران وڕ پێچە ئەنگە کەزوڵەن
تونە وەڵ دار رونە قەش نیەن
قڵۆەزە چۆڵەن دوربا چێش بیەن
کمەرە گوڕە چێ کەزەش کەردن
خو هەڵای زوەن خەزانش کەردن
هانە بڕاڵوک بڕاڵوکەش بریان
یا هانەو حەوتە زەنگوڵش مەریان
بێە وەنۆ کەلی تازیە بارەنە
ئاێچ پەسو من تازیە بارەنە
لادگا پێچە ماتەمەش پوشان
مەر هەمرو شوتە کەسی نەدوشان
هانە موسایا هڵسەش هەوڕمالان
چەشەن وردەگا کە کەڕدن تاڵان
قڵاۆ پارسانی جە پارسی بڕیان
کوا دو تەفلە بە خاک ئەسپەڕیان
چاڵە گوڕە چاڵەش نمەندەن
مڵا وهاو ئەوپەڕش گەڕتەن
کولەجو میانروان تا هانەسڕدە
پێچە بیەنە ئامەتەی دردە
هەردی باواشیخ جە شیخی بریان
درۆ ئاساوی ئاساوەش مەریان
شەڕواڵە ماتەم تەفاو مزگی خەمین
هەوارو میرەی دڵ کەزو حەزین
پێنکەبەرە روبە مازیارا
چەشا سەر ئاما دەسو نازارا
ئارامەم بریان بە ولله و بیلله
جۆەش وشکنە قیخا فرەجە لله
رونەقش نیەن درو مامو نەسە
کونە نازارە تا بینا لوسە
درو خڵیفەێ خزانەش کەردن
پیرو پڕچەن پەرچەش نەمەندن
نا علیجاوا چەنی برغواڵی
چۆڵەن هەوارش منەن بە هاڵی
هانە چیا گرمەن چیایەش نیەن
دوە مەشتە بێ ناز هەوارش نیەن
حمە پا قۆێ یاگی پاش نیەن
چاڵو خلیلی جە دەس برشیەن
درە وەشکە چەنی مەرزە جەری
شیونشانە پی کڵەکە جەری
یا پیرم حمەێ پیری دز گیرم
جە غریبی تو نمەنە ویرەم
هانه روسەمو هانە ویسکەرم
ماموێان چۆڵ دیمە بەش کەرم
مگەر خودا وەش بێومو جەزا
شیوەنەم بێ شون ئی هانە رزا
دشتو نایشتو هەوارە کونا
ئسخوانشا جە لاشه م پونا
بانە کڵە سەروزی جارانیش نیەن
پێ چاڵو قیخای ئارامەم نیەن
پیرە هژارە هەو پیر شمسەدین
جە دلە دگام نمەنەن نەگین
وختیە ژەنوتم ئی بحسو حاڵە
جا چەنی دگای من کوتا ناڵە
وشڵی بە جارا پیای خاسەو ژیرە
جەمە بەنەوە هەم جوانو پیرە
جماعتشا جەم ئێحسان فراوان
حیچکە جە حیچکەی نەگرتەش تاوان
کۆمەکۆ یووی پێ هەرمان بەردی
پێ هۆڕپڕاێ وەشیو گڕوەی پێ مەردی
جەمڵشا جەم بە رحمتشا وەنە
ئاێە چێ دونیای وەشا کوت پەنە
حەرچەن بە زحمت دنیاش تەێ کەرد
بە ئاورا لەمێ و بە هەناسی سرد
ئیسە دگام چۆڵەنە بینە ویرانە
دنگ وەشەش بیەن کڵکڵە وانە
ها ئانەت زانا بیەیمە هامدەم
دگا حەر گڕوە بە دڵی پڕ خەم
بەش ئینە خوادیەن یارا بیاوە
یانە چوڵەکە ئاوەدان کەراوە
گنۆنە دگا دەنگی زاروڵاە
خودا چەن وەشەن هاوار یا الله
دنگو شۆانەێ گلە بدو وەر
ۆاچۆ گڵە لوا خڵکی چەشمیەر
قۆڵو هەیمەتی ژەنی هەور داوە
تەۆنەکۆ جاڕا دگا بەنیاوە
لەتڕە ریسا جە قوڵە بانا وە
فەسو پشتەسر جە سەر بنیاوە
سەپاە نەرەژەن جە بر هەور وەنارا
دو ماسەکیچشا کیان پێ شارا
پیایەکایچشا بە کۆاوو پانتەوڵ
ئامادە بانە گەردی گۆرجو گۆڵ
پێ دەس وامی قوڵە هەورماڵا
جە دەشتە کانە گەڕ تۆمیە کاڵا
ئەتر دگایچ نەکرو هاوار
گەڵمەش پورە بێ خەمو ئازار
وختو کۆچێ مەن شمە سڵامت
فایەق دیارش وستوە قیامەت

#شاعر_ماموسا_فایق_رستمی_چشمیدر

@javerod