#هەورامان

شێعره‌: #عه‌باس_غه‌ریبی

وانایوە : #حسەین_خوورا

@javerod

بێگانە ئەگەر مەپەرسۆ حاڵی
ئەگەر بە زیننەی وزۆما چاڵی

ئەگەر هۆرلووشۆ ونەو ڕەگاما
تاڵانش کەردەن شار و دەگاما

مەنعەش نیەنە، ئێتر بێگانەن
ئاواتەش پەیما یانەی وێرانەن

بەڵام ئا دڵە وێمانە ماڕۆش
یا بەحسرەتێ و خەفەتێ هاڕۆش

ئێشش سەختەرەن جە ئێشوو دد٘انی
زەجرش فرەتەرەن جە کێشتەی گیانی

دەردە ئانا چا پەی وێ کوشتەیما
تەنافە چنمێ پەی دارکێشتەیما

پەی کوشتەی دۆسی و ڕەفێقوو وەشی
بیێنمێ بەقوو سەیادوو کەشی

چێش بۆ ئەر بیمێ تاوەو وارانی
وەهاری بارمێ   پێسەو جارانی

گۆراڵێ شادی دەسە بەش کەرمی
پەی سۆچنای خەما ئاویر گەش کەرمێ

ئەر دەست ملۆ بەش کارێو کەری
ڕەق بیوە ڕۆجیار   زمسانی بەری

چی پەی بێگانەی بی گڕە و گەرما
پەی قەوم و کەسیت زقمنی و سەرما

#حسەین_خوورا

#ژاورودخبر
@javerod