Նիկոլ Փաշինյանը կարծում է, որ քմծիծաղ է առաջացնում արտահայտությունը, թե «գիտե՜ք` մենք ինչ կոնյակ ունենք»:

«Սա շատ խայտառակ բան է։ Մենք չենք հետազոտում, թե ուրիշները մեզ ոնց են ընկալում։ Մինչև այս հարցերը չլուծենք, կլինենք ետնախորշերի տնտեսություն, որ թաքուն տեղերում, թաքուն բաներ է վաճառում»,– ասում է ՀՀ վարչապետը։

«Հայաստան» խմբակցության պատգամավոր Իշխան Սաղաթելյանը կարծում է, որ COP-29-ին Հայաստանի մասնակցության նախապայման պետք է լինի հայ ռազմագերիների ազատ արձակումը:

«Շատ հստակ, Հայաստանից չի կարող պատվիրակություն մասնակցել Ալիևի նախաձեռնած, այսպես կոչված, միջազգային շոուին, եթե դեռ մենք Բաքվում ունենք  ռազմագերիներ և պատանդառված անձինք»,- ԱԺ-ում լրագրողների հետ զրույցում ասել է նա:

«Վրացիներին փորձում են պարտադրել ինչ-որ ԼԳԲՏ... Վրացիներին, ովքեր Խորհրդային միության «ամենաթույն» տղերքն էին:

Նրանք սա չեն ընդունի, նրանք բարուրից կանանց են նայել»,- ասել է Բելառուսի նախագահ Ալեքսանդր Լուկաշենկոն:

📚Վերջին տարիների Հայաստանում գրքերի վաճառքը խթանող բազմաթիվ միջոցառումներ են կազմակերպվում: Դրանցից ամենամասշտաբայինը Գրքի երևանյան փառատոնն է, որը իրականացվում է 2017 թվականից:

Գրախանութներն ակտիվություն են ցուցաբերում սոցիալական ցանցերում։ Ընթերցողների հետ մշտական կապ են պահպանում, ծանոթացնում ժամանակակից հայ և արտասահմանյան հեղինակների ստեղագործություններին:

📌Ինչ են անում նոր ընթերցողներ ներգրավելու և հներին պահելու համար հրատարակիչներն ու գրախանութները: Կարդացեք հոդվածում

ՀՀ ԱԺ ընդդիմադիր պատգամավորները դիմել են Սահմանադրական դատարան:

Արցախի մարդու իրավունքների պաշտպան Գեղամ Ստեփանյանը հայտնել է, որ վիճարկվում է Արցախի բնակչության կուտակած գումարներն առանց նրանց կամքը հաշվի առնելու ՀՀ կուտակային համակարգ տեղափոխելու մեխանիզմի հարցը:

Google.maps-ը ՀՀ տարածքն ադրբեջանական է ներկայացնում:

«Միասին» շարժումն այս հարցով դիմել է ՀՀ-ում ԱՄՆ դեսպան Քրիստինա Քվինին:

«Առաջարկում ենք ուսումնասիրել Հայաստանի և Ադրբեջանի սահմանազատման և սահմանագծման փաստաթղթային վավերացում ունեցող պատմությունը և պատասխանատվության կոչել ամերիկյան ընկերությանը։

Google.maps-ը տարածած քարտեզներում ապօրինի առաջ է տանում Իլհամ Ալիևի հանցագործ վարչակազմի գիծը, որը ՀՀ քարտեզներում «գտնում է» այսպես կոչված «ադրբեջանական տարածքներ»՝ «անկլավներ»՝ դրանով իսկ յուրովի «վավերացնելով» Ադրբեջանի բռնազավթիչ քաղաքականությունը, խաթարելով ՀՀ ինքնիշխան տարածքների անձեռնմխելիությունը»,- ասված է շարժման հաղորդագրության մեջ:

🇦🇲ՀՀ ԱԳՆ-ն հաստատել է, որ ԵՄ-ում ՀՀ դեսպան Տիգրան Բալայանի նկատմամբ ԵՄ-ում Ադրբեջանի դեսպանը սպառնալիքներ է հնչեցրել:

🗣 «Մեր հասած տեղեկություններով ընդունելության ընթացքում վիրավորանքներ ու սպառնալիքներ են եղել, որի վերաբերյալ հայտնել ենք բելգիական կողմին հայտագրով, ինչպես նաև Եվրամիությանը։ Եվ այդ հարցով, իմ կարծիքով, հետաքննում է տեղի ունենում: Արձագանք դեռևս չկա»,- ԱԺ-ում լրագրողների հետ զրույցում ասել է ՀՀ ԱԳ փոխնախարար Պարույր Հովհաննիսյանը:

🇦🇲🇪🇺ԵՄ պատվիրակությունը ժամանել է Երևան՝ հայկական կողմի հետ մշակելու վիզաների ազատականացման շուրջ բանակցությունների ծրագիրը:

Այս մասին հայտնել է ԱԳ փոխնախարար Պարույր Հովհաննիսյանը:

Նա աննախադեպ է որակել այս տարի ՀՀ-ԵՄ հարաբերությունները՝ «գործընկերության օրակարգն առաջ մղելու տեսանկյունից»։

‼️ Խնդրահարույց գրառում արած ֆեյսբուքյան էջն իսկապես պատկանում է Վրաստանի նախագահին:

🔸 Լայնորեն քննարկվում է Վրաստանի նախագահ Սալոմե Զուրաբիշվիլիի անվամբ ֆեյսբուքյան էջի գրառումներից մեկը, որում հայկական Լոռին ու Տաշիրը «պատմական Վրաստանի» տարածք է ներկայացված։ Որոշ օգտատերեր և լրատվամիջոցներ պնդում են, թե դա Վրաստանի նախագահի իրական ֆեյսբուքյան էջը չէ, և նախագահն իր պաշտոնական էջում երբևէ նման գրառում չի արել։

🔸 Սալոմե Զուրաբիշվիլիի անվամբ ֆեյսբուքյան էջը տարածել էր «Adjara Voyage» էջի գրառումը, որում զբոսաշրջիկներին առաջարկվում է այցելել «պատմական Վրաստանի տարածք՝ Լոռի և Տաշիր»:

🔸 #CivilNetCheck-ի հետ զրույցում Վրաստանի նախագահական գրասենյակի մամուլի բաժնից հաստատել են, որ ֆեյսբուքյան էջը, որով տարածվել էր գրառումը, պատկանում է Սալոմե Զուրաբիշվիլիին։ Սա փաստացի նրա ոչ պաշտոնական էջն է, որտեղ առկա են նաև բազմաթիվ անձնական լուսանկաներ և տեղեկություններ։

«Մենք պատրաստ ենք ԱՄՆ-ում ցանկացած նախագահի դեպքում Հայաստան-ԱՄՆ հարաբերությունները զարգացնել։ Հայաստանի և ԱՄՆ-ի միջև հարաբերությունները ոչ թե ղեկավարների միջև հարաբերություններ են, այլ երկրների միջև»:

Այս մասին ԱՄՆ ընտրությունների նախաշեմին հայտարարել է Ազգային ժողովի նախագահի տեղակալ Ռուբեն Ռուբինյանը։

📌Մանրամասները՝ կայքում