أتيكَ عَبداً أبثُ مابداخلي
أرجوك خُذني وَ ضُمَني أبو علي

أثر الذنوب الخفية على نور القلب

مو كل شيء يرى بالعين ،
بعض أخطر الأشياء، هي اللي تصير بالخفاء. الذنوب الخفية ما إلها شهود بس إلها أثر يظهر مع الوقت، بهدوء.

شنو يصير داخل القلب ؟

بالبداية ... ما تحس بشي كبير لكن شوي شوي: تقل الراحة يزيد الضيق يختفي الشعور الحلو تصير الصلاة ثقيلة مو لأنك تغيرت فجأة، بلـ لأن القلب تأثر تدريجيًا.

ليش الذنب الخفي أخطر؟

لأنك تحس نفسك "بأمان ماكو أحد يشوفك. بس الحقيقة : أصعب شي مو نظرة الناس بل أثر الذنب عليك أنت.

نور القلب شلون يضعف ؟

_نور القلب مو شيء نشوفه لكنهُ يحس بالسكينة بالراحة بالطمأنينة ولما تكثر الأخطاء بالخفاء،
هذا النور يضعف وتصير حياتك " باهتة " بدون ما تعرف السبب. المشكلة مو بالذنب فقط .... المشكلة بالاستمرار. ذنب صغير... يتكرر وبعدين يصير جزء من يومك.

شلون ترجع النور؟

_وقف الذنب ولو تدريجيا لا تبرر لنفسك ارجع بسرعة إذا غلطت خلي عندك لحظات صدق ويا نفسك
وبالنهايه: لاتنسىٰ رب العالمين غفور رحيمَ ويحب التوابين وباب التوبه مفتوح لك.

شَهِد بِها قَلبي وَ روحي

نَحنُ مَع الحُسَين

الوسواس القهري ؟ "

أكو وجع محد يحس بيه بس اللي عايشه، من تكوم تصلي وتتمنى تخلص بسرعة بس حتى تخلص من الصراع اللي براسك.
( توضيت؟ لا ما توضيت صلیت رکعتین لو ثلاثة؟)
تحس روحك بداخل دوامة مخلصانة، والعبادة اللي جان لازم تريحك صارت هي أكثر شيء يتعبك. إذا تحس عقلك صار سجن الك

_ اسمع هالكلام، لأن يمكن هاي أول مرة راح ترتاح بيها صدگ.

الوسواس مو ضعف ایمان
"أول شي لازم تعرفه الوسواس ما يعني أنت إنسان سيء أو إيمانك ضعيف، بالعكس، الشيطان يجي للمؤمن حتى يتعبة بصورة عبادة. يبني على اليقين"
ديننا يسر إذا شكيت توضيت لو لا؟ فـ أنت متوضي. إذا شكيت صليت ثلاثة لو أربعة؟ فهن أربعة. لا تفتح باب للإعادة أبداً." قانون

التجاهل التام:

"أقوى سلاح ضد الوسواس هو الإهمال الفكرة من تجي لا تناقشها ولا تحاول تثبت عكسها.. عوفها تروح وترجع مثل الغيمة، وأنت استمر بشغلك.

وبالأخير:

تذكر دائماً إن الله عز وجل ما رادك تتعذب بعبادته هو يريد گلبك مو تعبك. الشيطان سلاحه (الشك، وأنت سلاحك التجاهل). من هاي اللحظة، إذا كالك عيد.. گله ماراح أعيد وربي يدري بنيتي وهو أرحم الراحمين.

_ صلوا على محمد وآل محمد
وفقڪُم الله جميعاً

اللهم صلِّ على محمد وآل محمد (الوسواس القهري)

السلام عليڪُم ورحمة الله وبركاته، أخوان لاتقصرون بالدعاء لأحدى أخواتنا بقضاء حاجتها ولڪم لاجر والثواب.

اللهم صلِّ على محمد وآل محمد.

أنا مَخلوق لخدمَتك.

اللهم صلّ على محمد وآل محمد

وَنَجَّيناهُ

يالله، اللهم صل علىٰ محمد وآل محمد