حلقات انمي جوجتسو كايسِن تمّ نقلها إلى قناة خاصّة وذلك بسبب سياسة التيليجرام يلي عم تحذف قنواتنا

لهيك أمّنتلكم عالحلقات بقناة خاصّة ومرتّبة

https://t.me/+5TX_TImYDqI4MTJk
هذا رابط القناة لمن يرغب بمشاهدة جوجتسو كايسن

امّا هذه القناة فسنستكمل النشر عليها لمّا ينزل الجزء الثالث هينزل هون فورا
🥰

ليك يا الله الساعة صارت 2 الصبح
وأنا لهلأ عم بكتب مراجعة للحلقة 3
يعلّ قلبو الكاتب ادي حاطط تفاصيل


رح ابدأ من لعبة الإعدام ما بدي ارجع كتير لورا

شو هي لعبة الإعدام ؟

هي مو مجرّد لعبة عابرة ، هذا طقس سحري ضخم جدًا صمّمه اخو العايبة كينجاكو
والشغلة ما كانت كبسة زر بل كانت تخطيط هندسي ساحِر للغاية استغرق 1000 سنة
شي معقد جدًا

هدف كينجاكو من إقامة اللعبة هو اجبار مستعملي اللعنات على قتل بعضهم لحتى يولّد كمية ضخمة من الطاقة الملعونة

الغاية النهائية بدو يدمج البشر في اليابان مع تنغن ساما منشان يحولهم لكيان واحد خارق

القوانين أي حدا بيملك قدرة سحرية ودخل الحواجز بدو يصير لاعب إجباري وحيشارك غصبًا عن يلي خلفوه وإلا بيموت تلقائيا

المشكلة وين؟
المشكلة انو زينين توجي المعرّص قتل وعاء تنغن
مين وعاء تنغن ؟ نفسها اماناي الي شفناها بالجزء الثاني تذكرو

تنغن ساما هاد هو ساحر خالد عمرو اكثر من ١٠٠٠ سنة
هو مالو شب حتى يكون بعلمكم
طيب ليش موت وعاء تنغن مسبب كارثة ؟
لأنو بدون وعاء تنغن الخالد مع الوقت بيبدأ يفقد عقله ويبدأ جسمه يتطور لكيان يشبه اللعنة وهاد الشي يلي خلاه حاليا يشبه مخلوق فضائي غريب ب اربع عيون

جوهر الخطورة بالأمر لما هاد التنغن المعقد يصير كيان أقرب للعنة من كونه بشر بيتدخل بهي المرحلة كينجاكو مؤسس لعبة الاعدام

قدرة كينجاكو يلي سرقها من غيتو هي التحكم باللعنات
واذا تنغن صار لعنة ، لأ وفوقها لعنة فاقدة عقلها رح يتحكم فيها كينجاكو بسهولة
وهذا يلي بدو اياه
هذا السبب الي خلاه يبدأ مخطط لعبة الإعدام قبل الف سنة

النتيجة الكارثية اذا تحقق هذا الدمج اليابان بدها تتحول لكائن ضخم ومتطور ومجنون لا ملامحه محددة له ورح تنمحي اليابان كلها

كينجاكو مجنون ومهووس بالتطور عاش ١٠٠٠ سنة شاف فيها كلشي

- ​هو شايف إن البشر بوضعهم الحالي ضعفاء ومملين.

- ​بدو يجبر البشر على التطور لشيء جديد عن طريق دمجهم مع تنغن ساما مثل ما شرحتلكم قبل شوي

- ​هو بيعتبر لعبة الإعدام مجرد تجربة مخبرية كبيرة واللاعبين فيها هم فئران تجارب


غوجو ساتورو هو حالة التوازن بالعالم
مو مجرد ساحر قوي لا لا ، غوجو بنقدر نعتبره ظاهرة طبيعية وهو العائق الوحيد الي بيمنع كينجاكو يتم الدمج المجنون تبعه

لهيك اول شي ساواه كينجاكو ختم غوجو

كيف بيتحرر غوجو من الختم؟
في طريقتين
الأسلحة السماوية
- ​مقلوب السماء القسري (خنجر توجي).
- ​حبل السودان الأسود (اللي كان مع ميغيل في فيلم جوجتسو 0).

هذه هي الأسلحة الطبيعية الوحيدة الي بتقدر تكسر الختم وتحرر غوجو

وهي نفسها الأسلحة الوحيدة الي بتقدر تقتل غوجو او تأذيه
الغلطة الي ساواها انو مدري وين راح فيهم
والله ما بعرف اذا غوجو الاهبل اخفاهم او اتلفهم ولكنهم غير موجودين

شكلو بيخاف منهم لأنه ذاق الألم بسببهم
مو بس ذاق الألم بصراحة زينين توجي دعسو دعس خربطلو ملامحو باستعمالهن
لهيك اخفاهن وربك عليم شصار عليهن

المهم في طريقة ثالثة لإخراج غوجو طرحها تنغن ضمن بالحلقة ٣ : لاعبة ضمن لعبة الاعدام اسمها هانا كوروسو بداخلها كيان اسمه angel

شو قدرتها؟
عندها تقنية سحرية فطرية بتسمحلها تلغي اي سحر او ختم كأنها نسخة بشرية من خنجر توجي

المهمة الحالية: يوجي ورفاقه لازم يلاقوا الملاك ويقنعوها تساعدهم عشان تفتح بوابة السجن وتطلع غوجو


شايفين كيف الكاتب رابط الأحداث بطريقة معقدة ومشربكة
لو ماني مراجع الحلقات والفيلم بحياتي ما بستوعب
وعقد مافي أحداث وشخصيات وتفاصيل عم تصير
البطل ذات نفسو يوجي صار متل الكومبارس ولا كأنو هالمسكين بطل القصة

توضيح بسيط

أو مو توضيح بسيط هي مراجعة كاملة
جهز كوب قهوة واسرد عليها

بخصوص ماكي .. كيف فجأة تحوّلت من ساحر درجة رابعة لـ مقاتل من مستوى زينين توجي ؟

أكيد .. ما صار هاد الشي فجأة وإلا كان النقّاد وأولهم انا حرقو سلّاف الكاتب وشرشحوه


متل ما بنعرف هناك قوانين بتحكم عالم الجوجتسو .. من ضمنها انو التوأم هنن بالأصل كيان واحد يعني روح وحدة بجسدين

برضو ما وصلتكم الفكرة ، كملو معي ..

عشيرة الزينين كانو عاملين ماكي ممسحة لأنو طاقتها الملعونة تكاد تكون معدومة
نابذينها ومصنفينها درجة رابعة مع انها أقوى من هيك بكتير


ماكي انولدت فطرّيًا مع عقد سماوي بيمنحها قوّة جسدية مرعبة بتمكنّها من تدمير مبنى بقفزة وحدة وبتخلّيها أسرع حتى من الصوت فوقها بيقدر جسمها يتحمّل ضربات مميتة من مستوى الدرجة الخاصة .. بالمختصر نسخة ثانية من زينين توجي

ولكن وين العلّة ؟ العلّة هي توأمها ماي

ماي انولدت بطاقة ملعونة بيتسرب بعض منها إلى اختها ماكي وبسبب وجود هي النسبة من الطاقة الملعونة
ماكي ما قدرت تصل لقدراتها الكاملة يلي انولدت فيها
صفر طاقة ملعونة مثل توجي

يعني التوأم في عالم الجوجتسو عبارة عن تشوّه

بدل ما تتركز القوة عند شخص واحد تشتّت بين ماكي وماي

- ماكي بدها تصير زينين توجي بس عندها طاقة ملعونة متشاركتها مع ماي

- ماي عندها قدرات سحرية بس مو عالية جدًا جدًا لأنو نص الباقة رايحة لعضلات ماكي

صارو الاثنين لا مع سيدي ولا مع ستّي
وحدة قوية بس مو لدرجة توجي والتانية ساحرة بس تطلق رصاصة بتدوخ
فما كان من عشيرة الزينين الا أن قالو هدول ما منهم فايدة يلا نرميهم للكلاب تاكلهم
وحصل

هون ماي شو عملت ؟ قالت لااا ما بيمشي الحال هيك
أهلنا العرصـات قتلونا انا واختي! ما رح اسمح نموت ميتة الكلاب

ضحّت بنفسها قال شوفي يا اختي طول ما انا عايشة انتِ رح تضلّي نسخة تجريبية صينية من توجي

لمّا ماي ودعّت ساوت عقد وأخذت معاها كل الطاقة الملعونة يلي عندها وعند اختها

ماكي هون وصّلت لمرحلة صفر طاقة ملعونة
بعالم الجوجتسو هاد اسمو خلل بالسستم
ماعندها طاقة ملعونة لازم نعوضها
تفعّل تلقائيا عقد ماكي السماوي يلي انولدت فيه وتخلّص جسد ماكي من آخرة ذرة طاقة ملعونة موجودة

هاي الطاقة الملعونة لوين راحت ؟ اتعمل منها ومن روح ماي سلاح اسطوري
ماي عملت عقد ملزم مع الكون .. انا بعطيكم حياتي وكل ذرة طاقة بملكها مقابل انكم تخلفو وراي هذا السلاح الأبدي لأختي ماكي يلي هو سيف تحرير الروح ، مشابه لسيف توجي

طيب مرة تانية شو يعني صفر طاقة ملعونة ؟

يعني انفجرت حواسها
- الإدراك : صارت تقدر تشوف الهواء، التغير في الضغط، وحركة الجزيئات .

- ما عادت تحتاج نظارات لتشوف اللعنات، صارت تحس فيها بكل خلية في جسمها.

- السرعة والقوة : عضلاتها وكثافة عظامها وصلت لمستوى غير بشري .

ماكي يا جماعة ما اكلت بيض مسلوق كل يوم لصارت قوية ولا تدربت بالجيم القوة كانت موجودة بداخلها من البداية وبموت أختها تحرّرت وقامت شلخت العشيرة شلخ

لهيك لما تشوفوها عن جديد رح تلاحظو كيف مشيتها وحتى نظرة عيونها تغيرت صارت بتشبه توجي كتير ..

طيب هلأ كيف رح يقدر نظام لعبة الإعدام يرصد وجود ماكي؟ ما كأنها صارت متل الجوكر بتسرح وبتمرح عكيفها؟

نزلت حلقة الفقراء آسف لان اخرناكم

الـشام مافي احلى من الـشام

الحلقة 7 ..
مرحبا .. هاد انا مرة ثانية يمكن الجداد ما بيعرفو بس كل ما تنزل حلقة فيها زخم معلومات بشرحها وبحللها هون حتى تقدروا نستوعبوا الأحداث الجاية .

ركزوو منيح معي ..

مشهد الحوار الي دار بين كينجاكو و ساساكي صديقة يوجي ببداية الحلقة السابعة
كان عم يشكرها ويتصرّف معاها ب اتيكيت قال شو ؟ شكرًا لأنك كنتِ صديقة ابني
هاي مو جملة ساخرة عم يرددها كينجاكو
هي رسالة مبطنة من الكاتب نفسو ..

ابنك! مين ابنك يلي اعتنت فيه ساساكي ورافقتو ؟ أصلًا مين هنن رفقاتها لساساكي؟
مالها رفيق غير ايتادوري يوجي ..
طيب شو يعني ؟

يعني طلع كينجاكو بيكون أمّو لـ ايتادوري يوجي ..🙂

يعني يوجي ابن ملعونة ولا ابن لعنة شلون مابدك سميه بس لازم يناديله ماما لكينجاكو

تذكرو معي .. بنهاية حادثة شيبويا الموسم الثاني او قبلها بشوي لما كان ايتادوري غايب عن الوعي شاف حلم ظهر فيه ابوه جين ايتادوري، بهاد الحلم كان جد ايتادوري ( واسوكي ) عم يبهدل ابنو ويحكيلو : ولك يا بني آدم اترك هي المرأة، رح تقتلك ! هي مو بشرية! .

- بهي الذاكرة نفسها ظهرت امرأة عندها قطب او خياطة فوق جبينها ونحن بنعرف ما حدا غير كينجاكو مخيّط جبينو بالقصة .. هي المرأة هي زوجة جين و أم ايتادوري !!
اي .. كينجاكو اخد جسد هي المرأة واستخدمو ليخلّف يوجي ويجيبو على هالدنيا

- بـأول حلقة بالأنمي تخيلو قديش رجعت لورا !! جد ايتادوري بدو يخبرو شي عن أهلو بس يوجي الغشيم بيقلو مو مهتم وبيضيع علينا المعلومة . من اول حلقة الكاتب ملمّح

حتى بتتذكرو تشوسو لما فجأة صار يبكي ويقول يوجي أخي ؟ ماهو تشوسو كمان نتيجة تجارب كينجاكو وهيك صار في رابط دم بينو وبين يوجي وتشوسو قدر يحس بهاد الرابط

كل هاي التلميحات وغيرها لمحلنا اياها الكاتب بس ماكان يخطر على بالي كينجاكو يصير أم كرمال يخلّف يوجي بنفسو ويهيأو ليكون وعاء لسوكونا
كل هذا مخططلو ومدبرلو لهيك لعبة الإعدام رصدت يوجي كمتسابق قبل ما يدخل الزون الأسود، لأنو سوكونا مساوي عقد مع اللعبة من أيام العصر الذهبي فبمجرد ما بدأت اللعبة السيستم اعتبر يوجي هو اللاعب لأنو سوكونا بداخله

بس ما بخبي عليكم كينجاكو أم مثالية يعني ضامن مستقبل ابنو من قبل ما يخلفو ريتو ما يبلى إلـٰهي هاد الكينجاكو مو دماغ وبس
الزلمة قتل وتقمص وتزوج وخلّف وربّى وطبخ طبخة لمدة ألف سنة كرمال يطلع يوجي وعاء ممتتاز بيتحمّل اسطورة مثل سوكونا

فهلأ يوجي اذا بدنا تعالو نعمللو دفتر قيد عائلي

- الأب غلبان ما بنعرف عنو شي

- الأم دماغ شغالة مش بتنام لعنة عمرها 1000سنة

- يوجي ما بني آدم طبيعي بيشلف سيارات وبيدمر حيطان متل الي عم يلعبلو طابة

طالع لأبوه بالغشمنة ولأمو كينجاكو بقوة التحمل

بحسو ابن حرام بس بطريقة قانونية

بما انو اليوم مافي حلقة جديدة حابب قلكم


- تم تعبة الكرش بنجاح

صياما مقبولا وافطارا شهيا

اكتئبت هات لنحذف القناة

جوجتسو كايسن | الموسم الثالث | 2K

الحلقة 12 جودة عالية QHD1440p

-

-

-

📌 جوجتسو كايسن الجزء الثالث

📌 دِقّـة : FHD - HD - SD

الحلقة الأولى
الحلقة الثانية
الحلقة الثالثة
الحلقة الرابعة
الحلقة الخامسة
الحلقة السادسة
الحلقة السابعة
الحلقة الثامنة
الحلقة التاسعة
الحلقة العاشرة
الحلقة 11
الحلقة 12

تَمَّ بِـحمد الله القسم الأوّل من الجزء 3 ..

نَـلقاكُم في الموسم القادم ..

الحلقات الجديدة ستتوفّر هُنا اسبوعيًّا فور صدورها ..