احب محمد حيدر

محمد حيدر هم يموت عليك

الانتخابات جايه و حنبدي نشوف ناس بحياتنا ما شايفيهم ولا سامعين بيهم و رح يكعدون يفترون عالمصانع و عالمولدات و عالفقراء و يكعدون يضبطون براس العالم و يصيرون خيوريه و كالعاده الشعب العراقي محدود الذكاء و محدود التفكير و ضيق البصيرة رح يصدكهم و يصوت لهذا و لذاك و حيصعدون مرشحين فاسدين و حيبوكون و حيطلع الشعب يتظاهر عالحكومه الي هو انتخبها و يصيح الوضع السيئ بالبلد صوج الحكومه و ما رح يقبل يعترف انه هو الغبي الي صوت و صعد ذوله النماذج

شوكت يصير براسنا خير ؟
ما رح يصير

هو الشعب الطفل الصغير الي بيه اذا يشوف ربع بالشارع يشيله و يحطه بجيبه "يبوكه" و بعدين من يصعد مرشح فاسد و حرامي يستغرب يكلك هذا عميل لك هو غير منك و بيك قابل جايبيه مستورد
شعب كله قفاصه لخاطر الله

كلها كاضيتها تنشر على دكتورة بان ميخالف حلو و عاشت ايدكم بس كالعادة الشعب العراقي يركز على الحدث مو على الموضوع
حتكلي شلون يعني
اني اكلك شلون؛ يعني هسه صار التركيز على انه بان اخوها قتلها و الموضوع ديحاولون يتسترون عليه عساس انتحار (هذا هو الحدث)
الي صار فعلاً هو بسبب غياب القانون و غياب الجهات الي تطبق القانون و الي تردع فاعل الجريمة يكدر واحد يكتل وحده و يسلمها للطب العدلي يكول ها هاي ترا انتحرت (هذا هو الموضوع)

دكتورة بان هي نموذج من اصل عشرات البنات او حتى الشباب الي انقتلوا من افراد عائلة او اقارب المفروض الموضوع يتم مكافحته مو الحدث بحد ذاته
يعني انت لو ببلد براسه حظ جان ما صار القتل عشرة بربع

هو طبعاً الكلام ميفيد احسن شي واحد يسويه يهج بس على الاقل من يريد يحجي عن شي يكون واعي على الحالة العامة و الموضوع مو مركز على قضية وحده و حدث واحد

على عكس حادثة دكتورة بان جان اكو شي حلو و ايجابي حبيت ردة فعل الناس عليه من صار
السوبر ماركت الي بالكوت من احترك صح صار تركيز على الحدث اكيد طبيعي بس بنفس الحالة صار اكو تركيز على الموضوع الي هو قضية طفايات الحريق و اجرائات السلامة يعني من صار حريق عمارة الكوت لحد هسه اكيد كلنا انتبهنا شلون كل الاماكن صار بيها طفايات حريق و تركيز على اجرائات السلامة و درج الطوارئ هذا جان شي حلو و ايجابي

ياريت لو اغلب الاشياء تكون ردة الفعل تجاهها بهاي الطريقة يكون اكو حل للموضوع مو للحدث فقط

ماعرف شبيها العالم خبصتنا على سالفة بان يعني قابل شنو اول لو اخر مرة امراة تنقتل و ينسكت عالقضية انزعج اني من شخص يطلع لسانه بس على قضية وحده و يسكت عالباقي (ترندات)
هو اكو اطفال بنات يتزوجون من اعمار صغيره و يكضوها عنف اسري لو ينقتلون ارحم الهم محد يحجي عنهم بس ليش محد يحجي لان سالفة ماكو عليها ترند ما توكل خبز

و هسه هم ورا ما حكموا ان القضية انتحار انكلب الدنيا كله تصيح العراق مو امان و باع البلد الاحنا عايشين بيه خل نوضح نقطتين الاولى هي ان العراق امان بنسبة لا باس بيها تصير هيج جرائم بكل الدول احنا مو حالة استثنائية
النقطة الثانيه ان هاي مو اول مرة شخص يصير بيه هيج و كلبتوا الدنيا كلها كامت تصيح ماكو امان بكد بان اكو عشرات اذا مو مئات هم ينقتلون من فرد بالعائلة بس ما توصل للاعلام و المجني عليه مو دكتوره مشهوره فعادي كلها تغلس و محد يهتم فالعراق على هذا الوضع من زمان لتسوون روحكم مصدومين هسه
بس الزوج مصدوم شنو قابل اول اسبوع الك بالعراق

فوك ال20 مليون واحد طلعتوا بالاربعينية مشاية مشيتوا بس عالدولة تكضوها بس حچي ماكو واحد يصير سبع و يطلع هو الحسين طلع عالظلم ترا ما طلع حتى يزور اذا انت شيعي و تدور قضية انصر شعبك احسن من ما مكضيها تنشرلي مشي و قصايد و تصيح القضية الفلسطينية و القضية الفلسطينية بدل ما مسويلي هاي الحركة مال صواريخ دروح شوف الفگر كاتلك انت و شعبك

يعني الشعب العراقي عبارة عن شعب كله بس حچي و تهمبل و هوبزه تريدلك واحد رجال كول و فعل ماكو

و بالنسبة لبان خبصتونا خبص بس اكو كومه يموتون يوميه بسبب سوء القطاع الصحي لو بسبب الطرق الخارجية الي ما شايفه تبليط من سنين لو بسبب الطقات التايهة محد يحجي

يعني شعب ماكو مثله مكضيها بس ترندات و تهمبل ميعرف يفكر حتى هو المشكلة بالعقول شعب تافه ماعنده عقل

حيجي واحد يكلي لعد انت منين هم عراقي، اي عراقي للاسف بس عراقي عن عراقي يفرق

و بالمناسبه اني اصلاً شيعي فما معادي المشاية لسبب طائفي بس اني ضد اي فعل بدون تفكير و فكر و عقل

طبعاً الانتخابات جايه خل نشوف هذا الشعب الفهيم لمنو حيصوت و ورا الانتخابات اذا تشوف مجموعة يشكون من الوضع احب اكلك هينهم بالنيابه عني لان هو النائب يحتاج 10 الاف صوت و يصعد يعني اي جامعه هسه عدد طلابها فوق المتوسط تكدر تصعدلها نائب
رح تصوتون و نشوف اختياراتكم مو بعدين تطلعون تلطمون سواء انتوا او اهلكم ترا انتوا صعدتوهم

الشعب العراقي ميصير براسه حظ
لو يجي المهدي هسه هم ما نصير اوادم

حرية تعبير ماكو حرية تظاهر ماكو ماعرف واحد شيحجي لو عليمن يطلع اذا هو حجايتين و الثالثة يحطوله طلقه لو يطلع يتظاهر ينكتل بالنعال

هذا الدكتور مو عراقي ما يعرف الوضع شنو هنا ميدري اني بالكلية اذا اعبر عن رايي لاستاذ عراقي يشرني عالحبل عود اني بالامريكية يعني المفروض اهلية و جاي بفلوسي همين مالي حق اعبر عن راي لو اشتكي على شي

اني scholarship مادفع اقساط بس انو الفكرة هو واحد جاي لمكان بفلوسه ميكدر يحجي مو عاد يطلع عالدولة

اكلك انت ويامن تحجي بالضبط من تدز هنا

ويه روحي

مثلاً مثلاً لو الكعبة بالعراق تتوقعون يا مليشية مسلحة تلزمها ؟

اني اكول السنة لان الشيعة ملتهين بالمراقد

خميس الخنجر او الحلبوسي يعني هيجي شي