#telegram #telegramda_kanal_yuritish #telegramda_guruh_yuritish

Tanlangan postlar uchun izoh qoldirish imkoniyatini o‘chirib qo‘yish 💬❌

Muayyan bir post uchun izoh qoldirish imkoniyatini qanday o‘chirib qo‘yish mumkin? Ya’ni butun kanal uchun izohlar qoldirishni butunlay o‘chirmay, izohsiz bo‘lishi lozim bo‘lgan yozuvlar uchungina buni qo‘llash nazarda tutilmoqda.

🗣 Savolga javob

Muayyan bir yozuv/post uchun izoh qoldirishni o‘chirib qo‘yish uchun – ushbu yozuv/post uchun tugma (кнопка) qo‘shing. Kanallardagi tugmali postlar ostida izoh qoldirish maydoni yaratilmaydi.

Bunday post guruhga biriktirilgan kanaldan oddiy repost ko‘rinishida qo‘shiladi. Kanalda esa ushbu postda izohlar qoldirish uchun maxsus havola bo‘lmaydi.

Allaqachon nashr qilingan postlarga tugmalar qo‘shishning imkoni yo‘q. Tugma postni kanalga chiqarishni rejalashtirish uchun xizmat qiluvchi maxsus botlar yordamida qo‘shiladi.

📋 Bunday botlar sarasiga quyidagilar kiradi:

• FleepBot – bu shunchaki rejalashtirgich yoki o‘zaro aloqa emas. Bu bir joyda jamlangan ko‘plab vositalar majmuidir: ma’lum bir vaqtlarda chiqarishga mo‘ljallangan postlar, auditoriya bilan muloqot, tarqatmalar, narx-navo (prays)lar, tushum analitikasi, kreativlar ombori, kross-posting va yana o‘nlab yangi funksiyalar.

• @markdownrobot – administratorlar uchun matnni formatlash, giperhavolalar va inlayn tugmalar yaratish hamda boshqa funksiyalarni taqdim etuvchi bot.

• @ControllerBot – matnni maxsus formatlash va postni ma’lum vaqtda kanalga chiqarib, belgilangan vaqtda o‘chirish, shuningdek post nashr etilganidan keyin uni tahrirlash imkoniyatini taqdim etuvchi bot.

🧾 Ushbu botni qanday yaratish va undan qanday foydalanish bo‘yicha ko‘rsatmalar bilan tanishishingiz mumkin.

📌 P.S.: Ba’zi botlarda tugmadagi matn va havolani, u kanalga joylashtirilganidan keyin tahrirlash mumkin. Bunda postdagi mavjud tugmalardagi ma’lumotni o‘zgartirish yoki yangi tugmalarni qo‘shish mumkin.

ℹ️ Qo‘shimcha sifatida o‘qish va foydalanish tavsiya etiladi:
• Telegram-kanalni qanday yuritgan ma’qul?
• Kanal mavzusini tanlash
• Kanal admini uchun qanday botlar kerak? Kanallar uchun eng foydali botlar
• Qo‘llanilgan formatni saqlagan holda post chiqarish
• Telegraph nima? Undan qanday foydalaniladi?
• Telegraph'dagi maqolalar matni bo‘ylab tezkor o‘tish
• Telegram'da daromad qilishning asosiy yo‘llari
• Telegram'da pul topishni istaysizmi?
• Telegram'da Izohlar va Muhokamalar
• Telegram'da rejalashtirilgan xabarlar yuborish
• Telegram 7.1.0 – Anonim guruh administratorlari va kanallardagi izohlar
• Telegram'da matnga havola (ссылка) qanday biriktiriladi?
• Post matnining ostki qismiga rasm, video yoki GIF-fayl qanday biriktiriladi?
• Murojaatlar bilan ishlash uchun maxsus botdan foydalanish (Livegram Bot)
• Kanal obunachisining kanalga a’zo bo‘lgan vaqtini ko’rish
• Rasm ostida matn ko‘rinishida yuborilgan xabardagi rasmni tahrirlash
• Xabar/postlardagi matnni shaxsiy yozishmalar, guruh va kanallarda tahrirlash
• Telegram'da yoki Telegram-da?
• Telegram'dagi limitlar haqida ma’lumot
• Telegram'da matnni formatlash imkoniyatlari
• Telegram Desktop dasturida matnni formatlash uchun klaviatura kombinatsiyalari.
• Telegram Desktop'da ishni tezlashtirish va qulaylashtirish uchun klaviatura kombinatsiyalari

👨🏻‍💻@itspecuz | Mundarija

#telegram #telegramda_kanal_yuritish

O‘z ma’lumotlaringizni himoyalang 🔐

Telegram'da har qanday ma’lumotni Избранное bulutli papkasida saqlash maqsadga muvofiq, agar ma’lumotlarni saralash lozim bo‘lsa, u holda shaxsan o‘zingiz uchun kanallar yaratib olishingiz mumkin. Aytgancha, Telegram'dagi limitlar bilan ham tanishib qo‘yish zarar qilmaydi.

⚠️ Kanallar privat bo‘lishi lozim, aks holda ehtiyotsizlik bilan shaxsiy ma’lumotlaringizni kimgadir erkin foydalanishga topshirib qo‘yishingiz mumkin.

📌 P.S.: Postlar bo‘yicha kanaldagi statistikani kuzatayotgan paytimiz ko‘pincha shunday public (havolasi ochiq) kanalchalarga ko‘zimiz tushib qoladi, ularda ko‘p vaziyatlarda mavjud kanallardan foydali deb topilgan postlarning repostini kuzatish mumkin.

Agar kichik auditoriyaga bilim ulashish maqsadida bo‘lsangiz, kanalingizni privat ko‘rinishga o‘tkazib, havolasini tor doiradagi insonlarga uzatish orqali ish yuritishingiz mumkin, xullas ehtiyot bo‘laverganingiz ma’qul.

ℹ️ Telegram ilovasi haqida foydali maslahatlar mundarijasi keltirilgan postlarimiz bilan tanishing:
• 1-post | 2-post

👨🏻‍💻@itspecuz | Mundarija

#telegram #telegramda_kanal_yuritish #telegramda_guruh_yuritish

Sana bo‘yicha izlash 🗓🔍

Agar sizga muayyan sana bo‘yicha xabar/postlarni izlash lozim bo‘lsa, butun chat bo‘ylab yuqoriga qarab o‘tishingiz shart emas, bu usul qimmatli vaqtingizni ketgazadi.

Chat / kanal / guruhdagi qidiruv sohasini faollashtirib, undagi kalendar belgisi ustiga bosing, sanani tanlang va pastdagi “Перейти к дате” tugmasini bosing.

📝 Manba: @vamtlgrm

ℹ️ Qo‘shimcha sifatida tanishish va foydalanish tavsiya etiladi:
• Telegram Desktop'da kanal/guruhning birinchi xabari/postiga tezkor o‘tish
• Telegram Desktop'da qidiruv maqsadida kalendardan foydalanish
• Sana bo‘yicha yangi qidiruv dizayni
• Telegram'dan Reminder (eslatib turuvchi) sifatida foydalanish
• Boshqa ko‘plab qiziqarli postlar ro‘yxati: 1-ro‘yxat | 2-ro‘yxat

👨🏻‍💻@itspecuz | Mundarija

#telegramda_kanal_yuritish

Postlar ostidagi mualliflarning ko‘rinib turishi haqida 👤

👥 Telegram kanalidagi har bir post ostida, uni tayyorlagan muallifni ko‘rsatib turishning unchalik ahamiyati yo‘q, ba’zi adminlar va kanal obunachilari bunga e’tibor berishmaydi ham. Tajribaliroq foydalanuvchilar esa postlar bo‘ylab o‘tib, kanalni taxminan nechi kishi boshqarayotganligini bilib olishlari mumkin.

💡 Hurmatli kanal yuritishni boshlagan va boshlamoqchi bo‘lib yurgan do‘stlar. Kanal yuritishni boshlagan paytingiz, uni yurituvchi mutaxassislarni elga tanishtirmoqchimisiz, buni boshida amalga oshiring va har bir chiqayotgan postni qaysi mutaxassis joylaganini obunachilar qanday bilishlari mumkinligini eslatib keting.

🚫 Agar sizda mualliflarni tanishtirish istagi bo‘lmasa, unda marhamat, kanal profili sozlamalarida Подписывать сообщения bandini o‘chirib qo‘yishingiz mumkin, bu bilan postlaringiz ostidagi ortiqcha bildirishnomadan xalos bo‘lasiz.

ℹ️ Telegram ilovasi haqida foydali maslahatlar mundarijasi keltirilgan postlarimiz bilan tanishing:
• 1-post | 2-post

👨🏻‍💻@itspecuz | Mundarija

#telegram #telegramda_kanal_yuritish

Telegram’dagi shaxsiy yozishmalarda xabarlarni 48 soat mobaynida tahrirlash imkoniyati mavjud, Buning uchun xabar ustiga bosiladi va “Изменить” bandi tanlanadi. Tahrirlanganidan so‘ng matn ostidagi soat yonida “Изменено” tamg‘asi paydo bo‘ladi.

Telegram Desktop, ya’ni Telegram’ning kompyuter uchun versiyasida “Изменено” tamg‘asi ustiga sichqoncha olib borilganida matnning tahrirlangan vaqtini bilib olish mumkin.

Ilgari kanal va superguruhlarga joylashtirilgan postlar va matnlar bilan ham shunday cheklov mavjud edi, lekin hozirda bu cheklov butunlay olib tashlangan, bu esa kanal va superguruhlar administratorlari uchun xushxabar bo‘lgani aniq! 😊

📌 Telegram’dagi limitlar haqida ushbu postimizga biriktirilgan rasm orqali batafsil ma’lumot olishingiz mumkin.

👨🏻‍💻@itspecuz

#bilasizmi #telegram #telegramda_kanal_yuritish #telegramda_guruh_yuritish

⁉️ Administrator kim?

Kanal yoki guruhda admin kim ekanligini qanday bilish mumkin?

🗣 Savolga javob

Birinchi navbatda kanal yoki guruhning izohi (описание)ga o‘ting. Izoh keltirilgan oynaga o‘tish uchun ekranning yuqori qismidagi kanal/guruhning nomi ustiga bosing.

Agar u yerda hech qanday ma’lumot bo‘lmasa, u holda admin yoki unga bog‘lanishlari uchun ma’lumot keltirishni unutgan bo‘ladi yoki shunchaki unga murojaat etishlarini istamasligi borasida xulosa chiqarish mumkin.

Shuningdek murojaat uchun ma’lumot alohida xabarda bo‘lishi mumkin – bunday xabar odatda kanal/guruhda ekranning yuqorisiga biriktirilgan (закреплено) bo‘ladi.

Ba’zida esa bog‘lanish uchun ma’lumotni xabar (post)larning ostki qismiga qo‘shishadi.

Kanal/guruhning obunachilari ro‘yxatlari

Kanalda siz ishtirokchilar ro‘yxatini ko‘ra olmaysiz – bu texnik jihatdan imkonsizdir.

Guruhlarda esa ishtirokchilar ro‘yxati guruhning barcha foydalanuvchilari uchun ochiqdir. Ushbu ro‘yxatni siz guruh izohida ko‘rishingiz mumkin.

Ilovaning desktop versiyasida guruh yaratuvchisi nomi qarshisida (o‘ng tomonda) ko‘k rangli yulduzcha turadi. Yaratuvchi tomonidan belgilangan oddiy adminlar esa kulrang yulduzcha bilan keltirilgan bo‘ladi.

Mobil qurilmalarda yulduzchalar o‘rniga adminlarning guruhdagi lavozimi yozilgan bo‘ladi. Oddiy foydalanuvchilarda esa bunday belgilanishlar bo‘lmaydi.

Diqqat! Agar guruh sozlamalarida ushbu foydalanuvchi huquqlari ro‘yxatida “Anonimlik” (“Анонимность”) faollashtirilgan bo‘lsa, siz guruh yaratuvchisi yoki adminini bila olmaysiz.

Guruhlardagi bot-adminlar

Guruh ishtirokchilari ro‘yxatlarida shuningdek bot-adminlar bo‘lishi mumkin. Foydalanuvchi (insonlar)dan farqli ravishda, botlarda so‘nggi tashrif vaqti haqida belgilanishlar bo‘lmaydi, ularda “Имеет доступ к сообщениям” matni keltirilgan bo‘ladi.

📌 P.S.: Agar kanal admini anonim (noma’lum) bo‘lib qolishni ixtiyor etsa, u holda katta ehtimollik bilan uning kimligini bila olmaysiz.

ℹ️ Telegram ilovasi haqida foydali maslahatlar mundarijasi keltirilgan postlarimiz bilan tanishing: 1-post | 2-post

👨🏻‍💻@itspecuz | Mundarija

#telegram #telegramda_kanal_yuritish #rasm_bilan_ishlash

🏞🔁 Agar siz chat, guruh yoki kanalga tasodifan noto‘g‘ri rasmni yuborgan bo‘lsangiz, unda uni ostida keltirilgan matni bilan birgalikda o‘chirishingiz shart emas. Ushbu media faylni shunchaki boshqasiga almashtirish mumkin.

Xabar yoki postni tahrirlash vaqtida biror papkada joylashgan boshqa rasmni ko‘rsatish uchun “Изменить медиа” ustiga bosing.

👨🏻‍💻@itspecuz

#telegramda_kanal_yuritish #telegramda_guruh_yuritish #maslahat

Telegram'da jozibador matn yozishga oid tavsiyalar ✍🏻

Telegram'dagi ko‘pchilik kanal va guruh mualliflarida (ayniqsa buni endigina boshlagan adminlarda) uzun matnlarni yozishga oid muammolar kuzatilib turadi. Bu aynan matnning uzunligi bilan emas, balki uning yozilish uslubi bilan bog‘liqdir.

Ushbu postimizda uzun, zerikarli matnni jozibador va o‘qish uchun qulay shaklga keltirishga oid maslahatlarimizni ulashishga qaror qildik.

• Parazit so‘zlarni qo‘llamang – masalan, “eng”, “eng zo‘r”, “to‘g‘risi”, “chindan ham” va hokazo, ko‘pchilik obunachilarning bu kabi so‘zlarga “allergiya”si bor, bu kabi so‘zlar ularning butun matnga bo‘lgan ishonchini so‘ndirishga xizmat qilishi mumkin.

• Vizualizatorlardan foydalaning: faraz qiling, his etib ko‘ring, nazar soling, eslab ko‘ring va hokazo.

• Obunachilarning e’tiborini jalb etish uchun markerlangan yoki raqamlangan ro‘yxatlardan foydalaning.

• O‘qish uchun qisqa abzatslar qulay.

• Bitta uzun jumlani yozgandan ko‘ra, bir nechta qisqa jumlalarni yozgan ma’qul. Bu orqali postni o‘qishni boshqagan obunachi, uning oxiriga yetganida, postning nimadan boshlaganini unutib qo‘ymaydi.

• Murakkab jarayonlarni to‘rt-besh so‘zdan ortmaydigan qilib tasvirlang.

• Faqat alohida mutaxassislarga ma’lum bo‘lgan maxsus so‘zlar (slenglar)ni qo‘llamaslikka harakat qiling. Shunday yozingki, matnlaringizni kichik yoshdagi bola ham, nafaqadagi yoshi ulug‘ inson ham birday tushunsin.

• Bir abzatsda 1-2 raqamdan ortig‘ini yozmaslikka harakat qiling.

• Butun matnni KAPSLOK (CapsLock) bilan yozmang – oddiy insonlar uchun bunday matnni o‘qish va qabul qilish murakkablik qiladi.

• Butin matnni BOLD (qalin shrift) bilan yozmang – faqat auditoriya e’tiborini qaratishi lozim bo‘lgan sarlavhalar yoki alohida so‘z va so‘z birikmalarini ajratib ko‘rsating.

• Butun matnni yagona yirik abzats ko‘rinishida yozmang.

• Har bir postingiz uchun sarlavha qo‘llashga harakat qiling.

• Mono kenglikdagi matn bilan yozilgan uzun jumlalar xabarning umumiy kengligini oshiradi. Bu postlarning ba’zi qurilmalarda o‘qilishini qiyinlashtiradi.

• Xabaringizga e’tiborni jalb etish uchun matnning boshlanishi yoki oxiriga rasmlar qo‘shing.

• Telegram'da matnni formatlash imkoniyatlaridan foydalaning. Matnning muhim qismlariga e’tiborni qaratish uchun bold, kursiv, osti yoki ustidan chizilgan va mono kenglikdagi matnlarni qo‘llang (1️⃣ va 2️⃣).

• Matnda emodzilarni qo‘llashda me’yorni biling – ular chalg‘itadi va matnni o‘qishga xalaqit beradi.

📌 P.S.: Telegram'dagi xabarlarda matnlarning o‘qilishini qanday yaxshilash mumkinligini bilasizmi? Ushbu post ostidagi izohlarda o‘z maslahatlaringizni keltiring.

ℹ️ Telegram ilovasi haqida foydali maslahatlar mundarijasi keltirilgan postlarimiz bilan tanishing: 1-post | 2-post

👨🏻‍💻@itspecuz | Mundarija

#mulohaza_uchun #telegramda_kanal_yuritish #IT_humor

Kanalga biror qiziqarli post tushgani zahoti ba’zi adminchalar... 🙄

📌 P.S.: “Hech bo‘lmasa ukajon, manbani ko‘rsatib ket!” deydigan odam yo‘q...

👨🏻‍💻@itspecuz | Mundarija

#telegram #telegramda_kanal_yuritish #telegramda_guruh_yuritish #maslahat

Telegram'da matnlarni ajratish 🔤

Matn qanchalik uzun bo‘lsa, uni o‘qish va idrok qilish shunchalik qiyinlashib boraveradi, ayniqsa bu reklama matni bo‘lsa.

Shu bois kopirayting sohasida matndagi ba’zi so‘z yoki jumlalarga jilo berish orqali mijozlar e’tibori tortiladi.

Quyida Telegram'da matnlarni ajratib ko‘rsatishning qanday usullari borligini ko‘rib chiqamiz:

1️⃣. Sarlavha, bandlar nomlari va boshqa muhim so‘zlarni yo‘g‘on yozish orqali ajratish mumkin: buning uchun kompyuterda so‘z/jumlani belgilab, CTRL va B klavishlarini bosing.

2️⃣. So‘z yoki uning ma’nolarida, urg‘u berishda, qo‘shimcha izohlarda, og‘zaki nutqni ifodalash yoki boshqa hollarda matnni yotiq (qiya) shaklga keltirish mumkin: kompyuterda so‘z/jumlani belgilab, CTRL va I klavishlarini bosing.

3️⃣. So‘zning ostiga chizish orqali ham unga o‘zgacha urg‘u berish imkoni bor: kompyuterda so‘z/jumlani belgilab, CTRL va U klavishlarini bosing.

4️⃣. Matnni yozish jarayonida fikringiz o‘zgarib qolganini ifodalash uchun yoki hazil tariqasida so‘zni yo‘qotish o‘chirish funksiyasidan foydalanib tursangiz ham bo‘ladi: kompyuterda so‘z/jumlani belgilab, CTRL, SHIFT va X klavishlarini bosing.

5️⃣. Reklama sohasida havola (link)siz ish bitmaydi. Uni so‘z ortiga yashirish uchun kompyuterda so‘z/jumlani belgilab, CTRL va K klavishlarini bosing, keyin kerakli havolani kiriting.

📝 Manba: @xatoliklar

ℹ️ Kanalimizdagi ushbu ruknlar ostida joylashtirilgan boshqa postlarimiz bilan tanishing:
• Telegram'da jozibador matn yozishga oid tavsiyalar
• Telegram'da matnni formatlash imkoniyatlari
• Spoyler formatlanishi
• Telegram'da matnga havola (ссылка) qanday biriktiriladi?
• Post matnining ostki qismiga rasm, video yoki GIF-fayl qanday biriktiriladi?
• Telegram Desktop dasturida matnni formatlash uchun klaviatura kombinatsiyalari.
• Telegram Desktop'da ishni tezlashtirish va qulaylashtirish uchun klaviatura kombinatsiyalari
• Kanal admini uchun qanday botlar kerak? Kanallar uchun eng foydali botlar
• Telegram ilovasi haqida foydali maslahatlar mundarijasi keltirilgan postlarimiz: 1-post | 2-post

👨🏻‍💻@itspecuz | Mundarija

#telegram #telegramda_kanal_yuritish #telegramda_guruh_yuritish

Yuborilgan xabarlarning umumiy miqdori qanday aniqlanadi? 🤔

Ba’zida biror guruh, kanal yoki shaxsiy yozishmalarda qancha xabar yozilganini bilish sizga qiziq tuyulishi mumkin, biroq har bir xabar yoki postni bittalab sanash, tabiiyki, variant emas. Bunday holatda quyidagicha yo‘l tutish maqsadga muvofiq:

Guruh / kanal / shaxsiy yozishmalardagi qidiruv maydoniga o‘tib, “-“ (chiziqcha) belgisini kiriting, shunda xabarlarning umumiy miqdorini ko‘rish mumkin bo‘ladi.

📋 Telegram ilovasi haqida foydali maslahatlar mundarijasi keltirilgan postlarimiz bilan tanishing: 1-post | 2-post

👨🏻‍💻@itspecuz | Mundarija

#telegram #telegramda_kanal_yuritish

Qo‘llanilgan formatni saqlagan holda post chiqarish 📢

Aytaylik, kanalga chiqarilishi lozim bo‘lgan tayyor post mavjud, lekin bir muammo bor — postda matnga nisbatan formatlash qo‘llanilgan (giperhavolalar, qalin, kursiv shrift va hokazo), shu tufayli qo‘lda birma-bir nusxalab, o‘tkazib o‘tirgingiz kelmayapti deylik (ayniqsa smartfonda bu juda noqulay, nusxalab o‘tkazganda qo‘llanilgan formatlar tushib qoladi).

📋 Ushbu muammoni hal qilishning 2 usuli mavjud:

1️⃣. Post chiqarish uchun maxsus bot (@ControllerBot)ga yozuvni repost qilish.
Kamchiligi: formatlashni saqlagan holda postni tahrirlash imkoni yo‘q.

2️⃣. Shaxsiy kompyuterda postning butun matnini nusxalab olib, uni postni chiqarish uchun botga yoki to‘g‘ridan-to‘g‘ri kanalga joylashtirish.
Bunda qo‘llanilgan formatni saqlagan holda matnni tahrirlash imkoniyati mavjud.

ℹ️ Qo‘shimcha sifatida o‘qish va foydalanish tavsiya etiladi:
• Telegram-kanalni qanday yuritgan ma’qul?
• Kanal mavzusini tanlash
• Kanal admini uchun qanday botlar kerak? Kanallar uchun eng foydali botlar
• Telegraph nima? Undan qanday foydalaniladi?
• Telegraph'dagi maqolalar matni bo‘ylab tezkor o‘tish
• Telegram'da daromad qilishning asosiy yo‘llari
• Telegram'da pul topishni istaysizmi?
• Telegram'da Izohlar va Muhokamalar
• Telegram'da rejalashtirilgan xabarlar yuborish
• Telegram 7.1.0 – Anonim guruh administratorlari va kanallardagi izohlar
• Telegram'da matnga havola (ссылка) qanday biriktiriladi?
• Post matnining ostki qismiga rasm, video yoki GIF-fayl qanday biriktiriladi?
• Murojaatlar bilan ishlash uchun maxsus botdan foydalanish (Livegram Bot)
• Kanal obunachisining kanalga a’zo bo‘lgan vaqtini ko’rish
• Rasm ostida matn ko‘rinishida yuborilgan xabardagi rasmni tahrirlash
• Xabar/postlardagi matnni shaxsiy yozishmalar, guruh va kanallarda tahrirlash
• Telegram'da yoki Telegram-da?
• Telegram'dagi limitlar haqida ma’lumot
• Telegram'da matnni formatlash imkoniyatlari
• Telegram Desktop dasturida matnni formatlash uchun klaviatura kombinatsiyalari.
• Telegram Desktop'da ishni tezlashtirish va qulaylashtirish uchun klaviatura kombinatsiyalari

👨🏻‍💻@itspecuz | Mundarija

#telegram #telegramda_kanal_yuritish

📢 O‘z kanalingiz reklamasi

Turli kanallar boshqa kichikroq kanallar adminlaridan har kuni bir nechtalab reklama qilib berish so‘rovini qabul qilishadi.

Bunda esa aksariyat holatlarda vaziyat quyidagicha bo‘ladi:

Kanallarni yaratadilar, u uchun rasm o‘rnatadilar, bir-ikki post joylaydilar va kanalni reklama qilishni boshlaydilar.

Ushbu holatda tajribasizliklari sabab ular nafaqat o‘z vaqtlarini, balki reklamalarni qabul qiluvchi boshqa tajribaliroq adminlarning ham qimmatli vaqtini besamar ketkazadilar.

Bu holatda 100 ta kanalga o‘z reklamangizni joylashtirganingiz bilan – natija siz kutgandek bo‘lmaydi...

❗️Insonlar bunday kanallarga obuna bo‘lganlari bilan, undan tez orada chiqib ketadilar!

Siz vaqtingiz va mablag‘ingizni reklamaga sarflaysiz, qayerdandir obunachilarga erishganingiz bilan – 99% holatlarda bular insofsiz adminlar tomonidan sizga qo‘shilgan foydasiz botlar bo‘ladi.

‼️ Kanal yaratilganidan so‘ng uni 1 oylardan keyingina piar qilgan afzal!

Ushbu vaqt mobaynida siz hech bo‘lmaganda kanalni ma’lumot bilan to‘ldirasiz, shuningdek unga joylashtirilgan kontentga muvofiq kanal uchun munosib nom va tavsif berish borasida bir to‘xtamga kelasiz.

⚠️ Reklamangizdagi havola bo‘ylab loyihangizga o‘tgan har bir inson, uni qiziqtiradigan va obuna bo‘lishga undaydigan narsaga ko‘zi tushishi lozim.

Chala kanalni yaratib olib, uni reklama qilish uchun vaqt va mablag‘ ketkazib, kerakli natijaga erisha olmasangiz – obunachilarni jalb eta olmaganingizdan hafsalangiz pir bo‘ladi va yo‘lingizning boshida qanchalik yorqin istiqbollar bilan ilhomlangan bo‘lsangiz ham, katta ehtimol bilan kanalni rivojlantirishdan voz kechasiz.

📌 P.S.: Odamlar uchun yuqori sifatli kanallar yarating va shundan keyingina o‘z san’at asarlaringizni reklama qiling!

ℹ️ Telegram ilovasi haqida foydali maslahatlar mundarijasi keltirilgan postlarimiz bilan ham tanishing: 1-post | 2-post

👨🏻‍💻@itspecuz | Mundarija