ذڪرتني بشغلة ..
اول مُحاضرة تشريح اخذناها بالڪورس الأول ڪانت فوگ الـ30 سلايد .. ومن شرحها الدڪتور ڪنا نشوفها ڪلّش طويلة وصعبة ..
تخيلوا انو بقيت شهر ڪامل مفتحتها ولا درستها !
ليش ؟
ڪنت خايفة منها، واشوفها مُعقدة ..
وخوفي هذا خلانّي أأجلها شهر ڪامل ..
ومن تجرأت وفتحتها مطولت عندي ساعتين !
بس تخيلوا ..
الملزمة اللي خايفة منها شهر ڪامل خلصتها بساعتين وضبطتها هماتين !
ف أبدًا أبدًا لتخافون من البداية، توڪلوا وبلشوا
وڪونوا متأڪدين انو ربنا وصاحب الرّوح ميعوفوڪم 🌸.


#رقية

السِّر يڪمن في الدمعة علىٰ الحُسَـين !

#رقية

غدًا ثاني امتحان فاينل .. بعد أن مَر الأول بشڪلٍ سيء ..
لا من ناحية الامتحان بحد ذاته انّما من ناحية الظروف ..
فهلا أحصل علىٰ دعوةٍ منڪم للغد ؟

#رقية

شڪرًا لڪلّ حرف من دعواتڪم 🌸🦋..


#رقية

مرّة بالمعهد ..
ڪنا گاعدات اني وصديقة بالاستراحة، فگعدت مقابيلنا بنية هماتين ما ڪانت داخلة ڪلّ المواد ..
فضلينا نحچي وهيچ ع الدراسة ..
صديقتي ڪانت داخلة ڪلّ المواد بالمعهد، فسألتني البنية انتِ ليش مداخلة ڪلّ المواد ؟
لو داخلة خصوصي ؟
گلتلها لا اني ادرس ع اليوت، ودخلت بس المحتاجتهم اللي هُم رياضيات وڪيم ..
فهي ضحڪت بأستهزاء وگالت وشلون ح تجيبين مُعدل ؟
وبدت تحچي عن انو هي داخلة خصوصي، وح تخلص المادة الفُلانية وية الاستاذ الخصوصي وتبلش بالمادة الفُلانية وية استاذ ثاني وهڪذا …
گلتلها عادي وبالتوفيق يارب، اني مرتاحة وية اليوت ومضبطة المادة ومناقصني شي ومُستمرة ..
گالتلي يعني تعاندين ؟
گلتلها ايي ..
گالت تمام آني هسة داخلة ڪلّ المواد خصوصي ومعهد، وانتِ ابقي ع اليوتيوب مالتچ ونشوف منو تطلع مُعدل !
گلتلها تتحديني ؟
گالت ايي، گلتلها اقبل التحدي ...
فالمُهمّ مشت الايام والبنية ترڪت المعهد وڪملت ع الخصوصي واني ڪملت ع نمطي ..
واجت الامتحانات وخلصت وطلعت النتائج ...
واذا البنية التحدتني وتباهت بالخصوصي مالتها عادت السنة !
واني بفضل ﷲ واهل البيت "ع" طلعت مُعدل اغلب الطلاب تحلم بيه !

#رقية

اڪرر ..
من احچي هيچ والله ما اتباهىٰ بنفسي، اني مطلعت المُعدل بشطارتي لا والله بتوفيق ربنا وحده'♥
بس اللي اريد اوصله انو مو بس ابو الخصوصي يطلع مُعدل !
موبس الداخل بڪلّ المواد ح ينجح !
والله تعتمد ع توفيق ربنا اولًا وجهد الطالب ثانيًا ونُقطة .
انت اللي تحدد هل ح تطلع مُعدل ام ح تفشل ؟
لا الخصوصي ولا المعهد ولا الاهلية تگدر تضمن انو انت ح تنجح
وحدك انت اللي تضمن ..

هذا وهذا فقط .


#رقية

نسويلڪُم فقرّة ..

#قصص_مع_السادس ؟
@alhujaa88_bot
#رقية

شنو رأيڪم تستبدلون ڪلمة شڪرًا بـ ....
رحم الله والديچ، ربي يوفقچ او ايّ دعوة تخطر ببالڪم ؟

اني معروفة من زمان عندي مُشڪلة وية الشڪرًا 😂
هو صحيح من لا يشڪر المخلوق لا يشڪر الخالق ..
بس اني احب الدعوات اڪثر ♥
فلُطفًا استبدلوها بدعوة حلوة مثلڪم 🌸

#رقية

اقتراح جدول 🌸.....

*/ الاستيقاظ عند 6 صَ، الدراسة عند 7 صَ
12:00 الىٰ 3:00 استراحة + قيلولة
3:00 الىٰ 7:00 دراسة، 7:00 الىٰ 8:30 استراحة
8:30 الىٰ 10:00 دراسة .. 11:00 نوم !!

السبت:- رياضيات، قواعد، انگلش + ساعة ادب موضوت ڪامل ←ڪلّ مادة مُحاضرتين .
الأحد:- ڪيم، إحياء، فيز ←ڪلّ مادة مُحاضرتين .
الإثنين:- مثل جدول السبت + ساعة أدب موضوع ڪامل .
الثلاثاء:- مثل جدول الأحد ..
الأربعاء:- مثل جدول السبت + ساعة أدب موضوع ڪامل .
الخميس:- مثل جدول الأحد ..
الجُمعة:- مُراجعة ڪلّ الدروس مع امتحان بمواضيع الأدب ..
*/ يمڪن اضافة الأدب ڪلّ يوم لڪن دراسة ورقة واحدة "يعني وجه وظهر ورقة ڪاملة ڪلّ يوم !"
__

اللي يگدر ويشوف عنده طاقة ووقته يڪفي يگدر يتبع الجدول التالي ...


السبت:- فيز، رياضيات، قواعد، ڪيم، انگلش ←ڪلّ مادة مُحاضرة واحدة !
الأحد:- فيز، رياضيات، قواعد، ڪيم، أحياء ←ڪلّ مادة مُحاضرة واحدة !
الاثنين:- مثل جدول السبت + ساعة أدب موضوع ڪامل .
الثلاثاء:- مثل جدول الأحد ..
الأربعاء:- مثل جدول الاثنين ..
الخميس:- مثل جدول الأحد ..


#رقية

درس اليوم ....

" ساعد الناس بدون مُقابل .. حتىٰ ربنا يدزلك اللي يساعدك بدون مُقابل ♥"


مدرسة أيام الشهر السادس !


#رقية

يعني اڪو تقليص 🌝🫂🤍


#رقية

س/يعني هسه نبقئ نقرأ بدون حذف لو نقرأ حسب الحذف

ج/هسة اقروا بدون حذف لحد ميقرون الحذوفات، لان اڪو احتمال انو الحذوفات تختلف 💔🌝


#رقية

اني جامعة وممشمولة وياڪو بالحذوفات ..

ليش فرحانة ما ادري 🥹😂 .


#رقية

صباح الحُسين "عليه السلام" 🦋..


#رقية

بما انو اغلبڪم ممخلصين فصل ڪامل، وهالشي جدًّا طبيعي لان اغلبڪم ستوه بلش فلتضوجوون ..

ح ألغي فڪّرة الأفصل، ح اقسم الڪم ڪلّ فصل ونسوي الامتحان ع شڪل دفعات حتىٰ الڪلّ يمتحن ..
ومن تخلصون نمتحن بالفصل ڪامل بحيل الله ♥
واڪيد انطيڪم موعد ومنين لوين الامتحان قبل فترة ان شاء الله ♥


#رقية

لابأس .. لاتفڪّروا ويؤرقڪم القلق ..
أترون ڪُلّ تلك الأمور التي تقلقون بشأنها ؟
والمُستقبل الذي أصبح ڪُلّ همڪم ؟
واختبارات الدُنيا التي لاتنتهي ؟
وڪُلّ ما أثقل صدرڪم ؟
أترون الأدعية التي لاتُستجاب ؟
والمشاڪل التي تڪاد تڪون بلا حل ؟

أوڪلوا جميــــــــــــــــــــــع تلك الامور الىٰ ﷲ ♥
ثُم ناموا مُطمئنين ومُتيقنين ان ﷲ الذي خلقڪم لم ولن يرتڪڪم أبدًا ..
وان ڪُلّ هذه الفوضىٰ ستترتب، والظلام سينجلي ليحل محله النور 🤍

‏﴿وَقَضَيْنَآ إلَيِـهِ ذَلِكَ الْأَمْرَ‏﴾🌸.

تُصبحون علىٰ ألطاف إلهية غيّر مُنتهية 🦋

#رقية

صباح الحُسين "عليه السلام" 🌸..

اڪو وحدة من الوردات طلبت مني انو اسوي بوست يحچي عن ڪلّ مادة من شوڪت لازم تقرون وزارياتها ...
بصورة عامة ڪلّما تقرا وزاريات اڪثر ڪلّما تضبط المادة اڪثر !
هذه قاعدة ثابتة .. بما انو انتوا ح تدرسون من هسة الوزاريات وهذا افضل شي …
فأقروا من بداية الألفينات، اذا تگولولي هو المنهج تغير بـ2013 أگولڪم ايي بس مو ڪلشي تغير، ڪومة مواضيع نفسها ..
تريد تقرا من 2013 هماتين ڪلش زين وجيد وممتاز ..
اڪثر مادتين لازم ترڪزون ع الوزاريات بيهم هي القواعد والرياضيات !
اما ڪيم وفيز فڪلّها نفس التمارين، يعني نادرًا تلگون سؤال بيه فڪّرة ..
بخصوص الاحياء والادب فالوزاريات تساعدڪم انو تضبطون لان ميگدرون يجيبون سؤال ويغيرون بيه ..
اما الانگلش فالوزاريات مهمّة سواء قواعد او ادب
عمومًا وزاريات الانگلش مو هواية، لذلك ايّ موضوع تقراه ادرس وزارياته وياه وهيچ ح يڪون الانگلش اسهل مادة ..
وبس والله 🌸


#رقية

وعليڪم السلام والرحمة 🦋..
اني بلشت دراسة للسادس من شهر 6 ودخلت معهد بـ 8 ..
يعني شهرين قبل ما ادخل معهد ڪنت ادرس يوت ..
وهالشي ساعدني لانو دخلت معهد واني اصلًا مخلصة فصلين من ڪلّ مادة بأستثناء الرياضيات، يعني حتىٰ الڪيم دخلت بيها واني دارسة فصلين ليگدام ..
فهالشي مخلاني انضغط من دخلت معهد ..
رڪزت ع مواد المعهد اڪثر، بحڪم اني داخلة مادتين ڪان لازم اروح ڪلّ يومية علمود مُحاضرة وحدة متتعدا ساعتين، من 7 للـ12 ونص لان ملتزمة وية سايق 🙂💔
فبهالحالة ڪان عندي هواية وقت فراغ بالمعهد ..
استغليت هالفراغ فڪنت أدرس أدب اڪثر شي
او فيز او انگلش، لان اني اصلًا منزلة المُحاضرات قبل وقت ..
معهدنا ڪان بيه استراحة وحديقة ڪنت ادرس بيهم وهدوء لان الاغلبية داخلين مُحاضرة ..
حتىٰ مرّات ڪنت اخلص ڪلّ مهامي بالمعهد وارجع للبيت ابقىٰ حايرة شسوي 🤣
ومرّات ارجع للبيت ارتاح شوي أخلص تحاضير المعهد والباقي اقرا موادي ع اليوت ..
بيوم العطلة ڪنت اسوي امتحانات لنفسي ..
وبس والله ♡


#رقية

‌
عندما تشعر بأن قلبك محمل بهم ثقيل لاتستطيع حمله فعليك بقيام الليل عليك بالدعاء .

لأنه سلاحنا 🤍 ..
وقت غروب وابواب السماء مفتوحة، هلمّوا بالدُعاء عسىٰ ولعل أن تڪون ساعة إستجابة ♥🌱.

#رقية

السلام عليڪم 🦋...
شلونڪم؟ ان شاء الله ڪلڪم بخير يارب 🌸

اريد اگولڪم انو اني للاسف ح انسحب من القناة ..
شڪرًا هواية ع رسائلڪم ودعواتڪم اللطيفة مثلڪم ..
ڪنت اتمنىٰ اگدر اڪمّل هالرحلة وياڪم لحد اخر لحظة، بس هاية بعد ..
قدر ﷲ وماشاء فعل 🌿
اللي نطوني وعود اتمنىٰ توفون بيها، واللي سويت شغلة وياهم والتزمنا بشي سوة اتمنىٰ يستمرون، والبوت ح يتوقف يعني بعد ما اگدر استقبل رسائلڪم، الآدمنات البقيّة موجودات وان شاء ﷲ ميقصرون وياڪم ♡
خليڪم اقوياء لان بظهرڪم صاحب الزّمان ..
ورجاءًا لتسوون شي يزعله، حاولوا ترسمون البسمة ع ثغره الطاهر لان جروح قلبه هواية ...
لتنسوني من دُعائڪم، وانتم في قلب دُعائي 💜
وبس والله ♡

في امان الله ♥


#رقية