អនុមោទនាពិធីបុណ្យ​ វិសាខបូជា
===================

វិសាខបូជា គឺជាបុណ្យដ៏ធំមួយ ក្នុងព្រះពុទ្ធសាសនា ដែលកម្ពុជាបាន ចាត់ទុកជាបុណ្យជាតិ។ជាងនេះទៀត មានប្រទេសជិត២០០ ដែលជាសមាជិកនៃអង្គការសហប្រជាជាតិបានអនុម័ត​ និងទទួលស្គាល់ វិសាខបូជា ជាបុណ្យអន្តរជាតិ កាលពីឆ្នាំ១៩៩៩ ។ ការប្រារព្ធពិធីបុណ្យវិសាខបូជា ដើម្បីរម្លឹកដល់ព្រឹត្តិការណ៍ដ៏ពិសេសចំនួនបីទាក់ទង នឹងព្រះសម្មាសម្ពុទ្ធ រួមមានព្រឹត្តិការណ៍នៃការប្រសូត ការត្រាស់ដឹង ការចូលនិព្វាន។

អបអរសាទរខួបអនុស្សាវរីយ៍លើកទី១៤០ នៃទិវាពលកម្មអន្តរជាតិ ថ្ងៃទី១ឧសភា

កម្ពុជាតែងតែប្រារព្ធទិវាពលកម្មអន្តរជាតិ ១ ឧសភា ជារៀងរាល់ឆ្នាំ ចាប់តាំងពីឆ្នាំ១៩៧៩ រហូតមកដល់បច្ចុប្បន្ន។ នៅឆ្នាំ២០២៦នេះ ខួបអនុស្សាវរីយ៍ លើកទី១៤០ នៃទិវាពលកម្មអន្តរជាតិ ១ ឧសភា នឹងប្រារព្ធឡើងក្រោមប្រធានបទ «រួមគ្នាកសាងភាពធន់ ដើម្បីការងារសមរម្យ»៕

អបអរសាទរ ទិវាពលកម្មអន្តរជាតិ ខួបលើកទី១៤០ ក្រោមប្រធានបទ « រួមគ្នាកសាងភាពធន់ដើម្បីការងារសមរម្យ » និងខួបអនុស្សាវរីយ៍លេីកទី៣០​ នៃជំនួយអភិវឌ្ឍន៍ផ្លូវការ​របស់ជប៉ុនសម្រាប់កំពង់ផែស្វយ័តក្រុងព្រះសីហនុ​
========================
កំពង់ផែស្វយ័តក្រុងព្រះសីហនុ​ : ឯកឧត្តមបណ្ឌិត​ អុិត​ សំហេង​ តំណាងរាស្រ្តមណ្ឌលរាជធានីភ្នំពេញ​ បានអញ្ជេីញចូលរួមអបអរសាទរ ទិវាពលកម្មអន្តរជាតិ ខួបលើកទី១៤០ ក្រោមប្រធានបទ « រួមគ្នាកសាងភាពធន់ដើម្បីការងារសមរម្យ »​ និងខួបអនុស្សាវរីយ៍លេីកទី៣០​ នៃជំនួយអភិវឌ្ឍន៍ផ្លូវការ​របស់ជប៉ុនសម្រាប់កំពង់ផែស្វយ័តក្រុងព្រះសីហនុ​ ក្រោមអធិបតីភាព​ដ៏ខ្ពង់ខ្ពស់​ សម្តេចមហាបរវធិបតី​ ហ៊ុន​ ម៉ាណែត​ នាយករដ្ឋមន្រ្តីនៃព្រះរាជាណាចក្រកម្ពុជា​ ដែលជាការឆ្លុះបញ្ចាំងយ៉ាងច្បាស់នូវការយកចិត្តទុកដាក់ និងការប្តេជ្ញាចិត្តដ៏មុតមាំរបស់រាជរដ្ឋាភិបាលកម្ពុជា ក្នុងការលើកកម្ពស់ការអភិវឌ្ឍទីផ្សារការងារប្រកបដោយភាពធន់និងចីរភាព, ការកែលម្អលក្ខខណ្ឌការងារ, ការធានាសិទ្ធិការងារ និងសេរីភាពអង្គការវិជ្ជាជីវៈ, ការពង្រឹងប្រព័ន្ធគាំពារសង្គម, និងការលើកកម្ពស់កិច្ចសន្ទនាសង្គម ក្នុងគោលដៅបម្រើឧត្តមប្រយោជន៍របស់បងប្អូនកម្មករនិយោជិតទាំងក្នុងនិងក្រៅប្រព័ន្ធ។

ទិវាពលកម្មអន្ដរជាតិ គឺជាទិវាថ្ងៃឈប់សម្រាកមួយ ​​​ដែលបណ្ដាប្រទេសជាច្រើនជាង ៨០ប្រទេស ទូទាំង​​​ពិភពលោក ប្រារព្ធឡើងក្នុងគោលបំណង​​​ដើម្បី រំឮក និងឧទ្ទិស​​​​​​ដឹងគុណ​​​​​​ ដល់វីរៈភាព​​​​​​ដ៏អង់អាច​​​​​​ក្លាហាន​​​​​​នៃកម្មករកម្មការនី ​​​ដែលបាន​​​​ប្រឹងប្រែង​ តស៊ូ​ពុះពារ​ ដេីម្បី​ការពារ​ សិទ្ធិ​កម្មករ​ និង​លក្ខខណ្ឌ​ការងារ​សកល។

ឯកឧត្ដម បណ្ឌិត​ អុិត​សំហេង​ និងលោកជំទាវ ញ៉េប​ រ៉ានី​ ឧបត្ថម្ភថវិកា ៥.០០០.០០០រៀល ជូនកាកបាទក្រហមកម្ពុជា​។

លោក​ ពិន​ សុភ័ក្រ្ត​ ប្រធានសមាគមសិស្សនិស្សិតពិការកម្ពុជា​ អមដំណេីរដោយសហការី​ និងនិស្សិត​ បានចូលជួបសម្តែងការគួរសម​ និងថ្លែងអំណរគុណដល់​ ឯកឧត្តម​បណ្ឌិត​ អុិត​ សំហេង​ តំណាងរាស្រ្តមណ្ឌលរាជធានីភ្នំពេញ
========================

នាព្រឹកថ្ងៃច័ន្ទ ៣រោច ខែពិសាខ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី04 ខែឧសភា ឆ្នាំ2026​ លោក​ ពិន​ សុភ័ក្រ្ត​ ប្រធានសមាគមសិស្សនិស្សិតពិការកម្ពុជា​ អមដំណេីរដោយសហការី​ និងនិស្សិត​ បានចូលជួបសម្តែងការគួរសម​ និងថ្លែងអំណរគុណដល់​ ឯកឧត្តម​បណ្ឌិត​ អុិត​ សំហេង​ តំណាងរាស្រ្តមណ្ឌលរាជធានីភ្នំពេញ ដែលតែងតែយកចិត្តដាក់ដល់ បងប្អូនជនមានពិការភាព តាំងពីជំនាន់ ឯកឧត្តមបណ្ឌិត នៅជារដ្ឋមន្ត្រីក្រសួងសង្គមកិច្ច អតីតយុទ្ធជន និង យុវនីតិសម្បទា។ ក្នុងជំនួបនេះសមាគមសិស្សនិស្សិតពិការកម្ពុជា មានគោលបំណងចូលរួមជាចំណែកជាមួយរាជរដ្ឋាភិបាលកម្ពុជា វិស័យឯកជន និងអង្គការសង្គមស៊ីវិល ដើម្បីជួយជំរុញផ្សព្វផ្សាយ និងបង្ហាញពីសមត្ថភាព លទ្ធភាព និងភាពក្លាហានរបស់សិស្សនិងនិស្សិតពិការភាពក្នុងការរួមចំណែកដើម្បីអភិវឌ្ឍប្រទេសជាតិទាំងនៅក្នុងវិស័យសេដ្ឋកិច្ច សង្គមកិច្ច និងវប្បធម៌ស្របតាម យុទ្ធសាស្ត្ររបស់រាជរដ្ឋាភិបាល យុទ្ធសាស្ត្រ រួមចំណែកក្នុងការលើកកម្ពស់ការអប់រំដល់សិស្សនិស្សិត ពិការនៅកម្ពុជា។ ទន្ទឹមនឹងនេះ​ ឯកឧត្តមបណ្ឌិត​ បានលេីកទឹកចិត្ត​ និងផ្តល់អនុសាសន៍ណែនាំល្អ​ៗដល់ប្អូនៗក្រុមនិស្សិត​ ព្រមទាំងឧបត្ថម្ភជាទឹកប្រាក់ចំនួន​ ២លានរៀល​ ដល់សមាគម​ដេីម្បីយកទៅប្រេីប្រាស់ជាប្រយោជន៍រួម។

អបអរសាទរ!

ព្រះរាជពិធីច្រត់ព្រះនង្គ័ល នាថ្ងៃអង្គារ ៤រោច ខែពិសាខ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី៥ ខែឧសភា ឆ្នាំ២០២៦