#tafakkur

Шақиқ Балхий роҳимаҳуллоҳ Балхда очарчилик ҳукм сурган даврда Иброҳим ибн Адҳам роҳимаҳуллоҳ билан кўришиб қолибдилар.

Шақиқ Балхий Иброҳим ибн Адҳамдан: «Қандай яшаяпсизлар?» дея сўрадилар.

Иброҳим ибн Адҳам дедилар: «Топсак баҳам кўрамиз, топа олмасак сабр қиляпмиз»

Шақиқ Балхий: «Буни Балхни итлари ҳам қилади» - дедилар.

У‌з у‌рнида Иброҳим ибн Адҳам сўрадилар: «Ундай бўлса, сизларни нима қиляпсизлар»

Шунда Шақиқ Балхий: «Топсак баҳам кўрамиз, топа олмасак шукр қиламиз» -дея жавоб бердилар.

П/С: Эй биродар: Сиз нима қиляпсиз? Балхни итлари қиладиган ишни қила оляпсизми ёки топган молингизни қабрингизга олиб кетиш ниятидамисиз?!

Яқинларингизга улашинг!
👇👇👇👇👇👇
https://t.me/isxoqxon_tora_ibrat

#tafakkur

Олимларнинг, диндорларнинг хатосига қараб диндан совуётганлардан..
Бойларнинг хатоларини кўриб, нега пулдан совумаётганларини сўранг.

Яқинларингизга улашинг!
👇👇👇👇👇👇
https://t.me/isxoqxon_tora_ibrat

#tafakkur

Бошқаларнинг уйланмагани уларнинг ўзининг иши...
Ўқишни кеч битириб чиқиши уларнинг ўз иши...
Кеч фарзанд кўришининг бизга алоқаси йўқ...
Уларнинг ойлик даромадининг бизга аҳамияти йўқ...
Улар нимани ейишга қизиқади, нимани кийишга қизиқади, уларнинг уйи қанақа, бу уларнинг дидини акслантиради. Буни бизга аҳамияти йўқ...
Дид нисбийдир...

Ҳаётингизни бошқалар билан машғул қилиб ўтказманг. Ўз ҳаётингизда ҳали жавоби топилмаган саволлар кўп. Ўз атрофингизда айланинг!

Яқинларингизга улашинг!
👇👇👇👇👇👇
https://t.me/isxoqxon_tora_ibrat

#tafakkur

Бир киши устозни олдига кирибди.
Устоз шогирдларига Саҳиҳ Бухорийни шарҳлаб дарс ўтаётган эди.

У киши айтибди:

– Ғарбда одамлар ойга етиб боряпти. Сиз бўлсангиз Бухорийни шарҳлаб ўтирибсиз.!

Устоз жавоб берибди:
– Нима қилибди ойга етиб борган бўлса. Махлуқ махлуққа етибди.

Биз эса Холиққа етмоқни истаймиз. Лекин сен бечора... На улар билан ойга етдинг ва на биз билан Бухорий ўқидинг!


Яқинларингизга улашинг!
👇👇👇👇👇👇
https://t.me/isxoqxon_tora_ibrat

#tafakkur

Шукр келтирайлик...

Бир саховатпеша бой болахона айвонида туриб, пастга бир тиллодан танга ташларди. Унинг уйи олдидан ўтаётган одамлар тангаларни хурсанд бўлиб олиб кетарди. Кўпчилик тангаларни қаердан тушаётганига қарамас, эътибор ҳам бермас эди. Жуда озчилик тепага қараб, сахий инсонга ташаккур билдирарди. У бу ҳолатни кўриб ғазабланди ва бундан кейин танга ўрнига тош отишга қарор қилди. У пастга тош отганда ҳамма одамлар унга қарарди.

Киши ҳайрон. Тилло, кумуш танга ташласа биров қарамайди. Тош ташласа ҳамма қарайди.

Ибрат ва хулоса

Бу аслида бизнинг ҳаётдаги ҳолатимиз. Аллоҳ бизга неъмат бериб турса шукр ўрнига ғафлат ботқоғига ботамиз.

•┈•┈•┈•┈•❁✿❁•┈•┈•┈•┈•
КАНАЛГА ОБУНА БЎЛИНГ!!!
👇      👇      👇         👇 👇
Яқинларингизга улашинг!
👇👇👇👇👇👇
https://t.me/isxoqxon_tora_ibrat

#tafakkur

Тафаккур...

Бир камбағал деҳқон тўплаган пулларига эшак сотиб олади. Уни боғлаб қўяй деса арқон топа олмайди. Қўшнисини эшигини таққилатади. Қўшни чиқиб:
-Менда ҳам арқон йўқ эди. Бироқ бир маслаҳат бераман, деди.
-Майли, айтинг.
-Эшагингизни бўйнидан қўлингни ўтказиб боғлагандек ҳаракат қил. Шунда у ҳеч қаерга силжимайди. Деҳқон қўшни айтгандек қилди. Эртасига чиқиб қараса эшак жойида турган эмиш. Уни миниб, ишига бормоқчи эди. Эшакни жойидан бир қадам ҳам силжита олмади. Қанча ҳаракат қилди, лекин фойдаси бўлмади. Яна қўшнисини ёрдамга чорлади. Қўшнига бўлган ишларни айтиб берди. Қўшни деди:
-Боғлаган арқонингни ечдингми?
-Нима боғлабманки уни ечсам. У ерда ҳеч нарса йўқ-ку боғланган?!
-Сенингча йўқ. Аммо у бор деб ўйламоқда. Деҳқон бориб кўринмас арқонни ечган эди, эшак юра бошлади.

Ибрат ва хулоса

Одамлар одатларга шундай кўринмас арқон билан боғлангандир.


•┈•┈•┈•┈•❁✿❁•┈•┈•┈•┈•
КАНАЛГА ОБУНА БЎЛИНГ!!!
Яқинларингизга улашинг!
👇👇👇👇👇👇
https://t.me/isxoqxon_tora_ibrat

#tafakkur

Аллоҳга қочинг

Йўлда кетаётганингизда тўсатдан елдек учиб келаётган машина яқинлашаётганини ва у сизни уриб, ҳаётингизни тугатмоқчи эканини сезиб қолдингиз. Шундай пайтда қутилиш ва тезда қочишдан бошқа йўл йўқ эканини биласиз. Аллоҳ таоло ҳам бандаларига агар юз ўгирсалар, шундай ҳалокатларга йўлиқишларини ҳис қилдиришни истайди ва уларга зудлик билан фақат Ўзидагина бўлган нажотга келишларини тавсия этади: “Бас, фақат Аллоҳгагина қочинг. Албатта, мен сизларга Ундан (келган) очиқ-ойдин огоҳлантирувчиман” (Зориёт сураси, 50-оят).
Кўриб турганингиздек, бу тавба – қайтиш инсон ўзини янгилашини, ҳаётини қайта тартиблашини ва Роббиси билан яхшироқ муносабатларни ҳамда мукаммалроқ амалларни бошлашини талаб қилади. Шунингдек, тилига жо бўладиган қуйидаги дуо ила аҳд бермоғи лозим бўлади: "Аллоҳим! Сен менинг Роббимсан. Сендан бошқа илоҳ йўқ. Сен мени яратдинг ва мен Сенинг бандангман. Мен қурбим етганича Сенинг аҳду паймонинг ва ваъдангда турибман. Мен қилган ёмонлигимдан Сендан паноҳ тилайман. Менга берган неъматларингни ҳам, гуноҳларимни ҳам тан оламан. Мени кечир. Гуноҳларни фақат Сенгина мағфират этасан” (Имом Бухорий ривояти).

©️ Шайх Муҳаммад Ғаззолий

🌐 https://t.me/+ZgkOZopwJwc3ZWEy

#tafakkur

Нега ўзингизни қийнайсиз?

Инсониятнинг хатоларидан бири бу – узоқ келажакнинг оғир юкини бугунги кунга қўшиш ва ҳаётини қийинлаштиришдир.
Киши хаёл сура бошласа, унинг фикрлари ниҳоясиз чегараларга тарқалади. Гумон ва васвасалар бу эрк берилган фикрларни жуда тез эгаллайди ҳамда оғир ташвишлар ва хавотирли ўйлар томон етаклайди. Шундай экан, нега кераксиз хаёлларга берилиб, қайғу билан ўзингизни қийнайсиз? Бугунингиз чегарасида яшанг. Мана шу сиз учун энг мос ва тўғри услубдир.
Расулуллоҳ соллаллоҳу алайҳи васаллам айтадилар: “Ким кўнгли хотиржам, бадани офиятда ва ҳузурида бир кунлик озуқаси бор бўлган ҳолида тонг оттирса, худди дунё унинг қўлида жамлангандек бўлибди” (Имом Термизий ривояти).
Агар сизда мана шу неъматлар бўлса, демак, сиз бутун дунёга эгасиз. Шундай экан, уларни кичик санаманг.
Тинчлик, саломатлик ва кунлик озиқ-овқат порлоқ ақлга хотиржам ва тўғри ўйлашни ҳадя этади. Натижада у бир шахснинг ҳаёти майли, ҳатто тарих ғилдирагини ўзгартириб юборадиган ғоялар топиши мумкин бўлади. Аслида, бу кичик кўринган неъматлар ўз соҳибига мукаммал фойда олинадиган вақт, юраётган йўлида мунтазамлик, қийинчилик ва ғовлардан дам олиш учун фурсат тақдим этади.
Иброҳим Халилуллоҳ алайҳиссалом тонгда бундай дуо қилар эдилар: “Аллоҳим! Яратганинг бу янги кунни сенга ибодат қилишим ила бошлат. Уни мен учун мағфират ва розилигинг билан тугат. Унда мени Ўзинг қабул қиладиган яхшиликлар билан ризқлантир. Улар ила мени покла ва куч-қувватли қил. Қилган гуноҳларимни мағфират эт. Албатта Сен ўта мағфиратли, раҳмли, барчага яхшиликни раво кўрувчи ва кўплаб неъматларни ато этувчи Зотсан”. У зот айтардилар: “Ким тонг оттирганда шу дуони айтса, батаҳқиқ, бугуннинг шукрини адо этибди”.

©️ Шайх Муҳаммад Ғаззолий

•┈•┈•┈•┈•❁✿❁•┈•┈•┈•┈•
КАНАЛГА ОБУНА БЎЛИНГ!!!
👇      👇      👇         👇 👇
Яқинларингизга улашинг!
👇👇👇👇👇👇
https://t.me/isxoqxon_tora_ibrat

#tafakkur

Қаноат ҳақиқий бойликдир

Баъзи одамлар Аллоҳ таоло унинг жони ва оиласига берган саломатлик ва хотиржамликни арзимас санайди, ҳатто бу буюк неъматларни менсимайди. Ўзида бор нарсаларнинг қадрига етмайди.
Ривоят қилинишича, бир киши Абдуллоҳ ибн Амр ибн Осс розияллоҳу анҳудан сўради:
– Мен муҳожирларнинг энг фақирларидан бўлсам керак-а?
Абдуллоҳ розияллоҳу анҳу айтди:
– Уйга борганингда сени кутиб оладиган аёлинг борми?
– Ҳа, - дея жавоб берди ҳалиги киши.
– Яшайдиган уйингизчи? деб яна сўради Абдуллоҳ.
– Ҳа.
– Ундай бўлса сиз бойлардан экансиз.
– Менда хизматкорим ҳам бор.
– Унда сиз подшоҳлардан экансиз!
Қаноатли бўлиш, қўлида бор нарсалардан унумли фойдаланиш ва ўткинчи орзуларга берилишдан воз кечиш бу – буюк шахс бўлиш асоси ва қийин шароитларда муваффақият қозониш сиридир.
Расулуллоҳ соллаллоҳу алайҳи васаллам айтадилар: “Қуёш чиққан кун борки, унинг ёнида икки фаришта Ер аҳлига нидо қилади. Фақатгина сақолайн (инсонлар ва жинлар) мустасно (яъни улар буни эшитмайдилар). (Улар айтади:) “Эй инсонлар, Роббингиз томон шошингиз. Чунки оз ва етарли бўлган нарса кўп ва адаштирувчи бўлганидан кўра яхшироқдир. Қуёш ботган кун борки, унинг ёнида икки фаришта нидо қилади: “Аллоҳим, инфоқ қилувчига эваз бергин ва зиқнага йўқотиш бергин” (Ҳайсамий ривояти).
Ҳадисда қаноат билан бўлган оз нарсанинг адаштирувчи кўп нарсадан яхшироқ экани баён қилинмоқда. Бироқ ўз эгасини бой қилган, сўнг бошқаларнинг эҳтиёжларини кетказган ва уларга инфоқ-эҳсон қилинган бойлик баланд даражадир. Ҳадисда бунга эътироз билдирилмаган. Бу башоратли ҳадиснинг асосий мақсади – мўминларни йўқчиликдан қўрқмасдан ва зарурий эҳтиёжларнинг ўзи билан кифояланишдан чўчимай яхшилик қилишга ундаш ва инфоқ-эҳсон қилишда шижоатларини оширишдир. Бу тушунча мўминларга ҳаёт муаммоларини ҳал қилишда улкан шижоат бахш этади. Ҳадиснинг сўнггида сахийларга мукофот ваъда қилинмоқда, хасисларнинг жазоланиши огоҳлантирилмоқда.

©️ Шайх Муҳаммад Ғаззолий.

•┈•┈•┈•┈•❁✿❁•┈•┈•┈•┈•
КАНАЛГА ОБУНА БЎЛИНГ!!!
👇      👇      👇         👇 👇
Яқинларингизга улашинг!
👇👇👇👇👇👇
https://t.me/isxoqxon_tora_ibrat

#tafakkur

Расулимиз вафотларидан кўра оғирроқ мусибат йўқ

Одамлар қашшоқлик қўрқуви туфайли камбағал, хорлик қўрқуви сабаб унинг асири бўладилар. Бу — жуда катта хато. Мўмин бандани тушкунликка туширадиган энг ёмон ҳолат аллақачон келиб бўлган деб билади. У ўзида бор нарсалардан тасалли топишга ҳаракат қилади. Худди Расулуллоҳ соллаллоҳу алайҳи васаллам айтганларидек: “Мусулмонлар мусибат вақтида мендан (жудо бўлгандаги) мусибатини эсласин. Улар мени (йўқотиш) каби (катта) мусибатга дучор бўлмаслар” (Имом Молик ривояти).
Ҳа, у зот алайҳиссаломнинг ҳаётлари мусулмонлар учун улкан неъмат, марҳамат эди. Сўнг барча инсониятнинг тақдирида бор иш содир бўлди ва у зот алайҳиссалом вафот этдилар. Расулуллоҳ соллаллоҳу алайҳи васалламдан айрилиш олдида барча мусибатлар ҳеч нарса эмас.
Инсон ўзи учун қадрли бўлган нарсасини йўқотишдан ёки кўтариши қийин мусибат остида қолишдан қўрқади. Аммо иккала ҳолат ҳам юз бергандан кейин вақти келиб ўтиб кетади.
Менинг яқин танишим бор эди. Жарроҳлик йўли билан оёғини кесишди. Мен уни юпатиш учун олдига бордим. Йўлда кетарканман, қуйидаги сўзларни айтишни ўйладим: “Биз сендан машҳур курашчи бўлишингни кутмаймиз. Сендан тўғри фикрлар ва порлоқ ғоялар кутмоқдамиз. Алҳамдулиллаҳ, бу нарса сенда бор”. Мен унинг олдига келганимда эса у менга бундай деди: “Аллоҳга ҳамдлар бўлсин, оёқларим йиллар давомида мен билан яхши дўст бўлди. Диним саломат эканидан қалбим шод”.
Шундай экан, ҳақиқатни қабул қилишга ўзингизни тайёр тутинг. Рўй берган ҳодисага кўникиш ҳар қандай бахтсизликнинг оқибатларини бартараф этиш сари кўйилган биринчи қадамдир.

©️ Шайх Муҳаммад Ғаззолий

🌐 https://t.me/+ZgkOZopwJwc3ZWEy

#tafakkur

Хотиржам нафсга эришмоқчи бўлсангиз...

Доктор Закий Муборак айтади: “Синовлар сабрсизлик ва қўрқувни келтириб чиқаради. Офият руҳий мувозанатни сақлайди ва инсонга яхши ишларни қилишга имкон беради.
Ҳақиқат шундаки, инсон қийинчиликларга дуч келганда инжиқ бўлиб қолади. Энг яхшиси Аллоҳдан офият ва синовдан сақлашини сўрашдир. Гоҳида инсон ўзи кутган машаққат қаршисида заиф бўлиб қолади.

Яхшилаб тафаккур қилинганда англаш мумкинки, неъматлар ва офият инсоннинг Роббиси билан ўртасидаги руҳий алоқани мустаҳкамлайди. Икки ҳолат – хотиржамлик ва машаққатни бошдан ўтказиш ўртасида катта фарқ бор. Тинч-хотиржам инсон Роббиси қаршисида ўзини қарздордек ҳис қилади ва бу ҳиссиётнинг барчаси заифлик ва итоаткорликдан иборат бўлади.

Машаққатдаги инсон эса бошидан кечираётганларига сабр қилиши билан мағрурланишга йўл қўйиши мумкин. Бундай мағрурланиш эса нафснинг энг катта офатларидан саналади”.
Биз синовларнинг эмас, эҳсон-мукофотлар хизматкори бўлишни севамиз. Аммо кунларимиз биз яхши кўрганимиздек каби бўладими? Ҳа, бўронлар бизни кўп безовта қилади ва осмонимизни қора булутларга тўлдиради. Жуда кўп ҳолларда инсон ўзи ёмон кўрган нарсаларига дуч келади ва истаган нарсаларидан маҳрум бўлади. Ана шундай пайтда безовталикни аритадиган сабр ва норозиликни кетказадиган мамнунлик босқичи келади.

Бу ҳолат ҳақида доктор Закий айтади: “Аллоҳга таслим бўлиш нафснинг фазилатларидандир. Бу айни пайтдаги дунё насибалари ҳақида ўйлаш вужудга келтирадиган нафсий истакларни аритади”. Албатта, бундай даражага эришиш учун кўп меҳнат талаб этилади. Чунки мамнунлик қалбни нафснинг васвасаларидан тозалагандан сўнг пайдо бўлади. Шубҳа йўқки, мамнуният хотиржамликнинг асосий омилларидан бири, хотиржамлик эса ҳаётда қўлга киритиладиган энг катта неъматлардандир.

Инсон воқеликдаги ҳолатга рози бўлиши ҳамда нафсини комиликка етаклаши, унга керакли бўлган дунёвий, ақлий ва руҳий озуқалар билан ёрдам бериши ўртасида зиддият йўқ. Расулуллоҳ соллаллоҳу алайҳи васаллам: “Аллоҳ сенга тақсимлаган нарсага рози бўл, одамларнинг энг бойи бўласан” (Имом Аҳмад ривояти) деганларида розиликни ҳаракатсизлик ва дангасалик омили ўлароқ айтмаганлар. Аксинча, буни бугунги кунингизга рози бўлинг ва эртага сизни хурсанд қиладиган нарсадан умид қилинг, маъносида тушунмоғимиз лозим бўлади.

©️ Шайх Муҳаммад Ғаззолий.

•┈•┈•┈•┈•❁✿❁•┈•┈•┈•┈•
КАНАЛГА ОБУНА БЎЛИНГ!!!
👇      👇      👇         👇 👇
Яқинларингизга улашинг!
👇👇👇👇👇👇
https://t.me/isxoqxon_tora_ibrat

#tafakkur

Муаммоларга қандай қилиб ечим топиш мумкин?

Ҳақиқатга эришиш кўп ҳаракат ва қатъият, шунингдек, Аллоҳ таолонинг иноятига муҳтож бўлади. Расулуллоҳ соллаллоҳу алайҳи васалламни бирор иш хафа қилса намоз ўқир, бу билан қатъият ва матонатларига Аллоҳнинг куч-қудратини қўшардилар.

Бу дунёда инсон гоҳида ўйламай иш қилиши, гоҳида эса хом хаёллар унинг атрофини ўраб турган ҳақиқатларни кўришдан тўсиши мумкин. Нарсаларни нотўғри баҳолаш эса кишининг адашиб юриши, ўз мажбуриятларини бажара олмаслиги ёки муаммони ечолмаслигига сабаб бўлади.

Аллоҳ таоло инсонни гумон ва тахминлар ортида дайдиб юришдан қайтаради: "(Эй инсон), ўзинг аниқ билмаган нарсага эргашма!..." (Исро, 36).

Инсон ўз ақли ва ҳис-туйғуларидан фойдаланиб атрофдагиларни англашга ҳаракат қилиши ҳамда ҳаракатлари режасини гумон ва тахминлардан холи қилиб тузиши лозим. Агар бизни қийнаётган, тунларимиз ва кунларимизни дўзахга айлантираётган муаммоларни ҳал қилмоқчи бўлсак, ушбу тамойиллардан қочиб қутулишнинг иложи йўқ.

Демак, биринчи қадам – далилларни жамлашимиз ва уларга кўра ҳаракатланишимиз учун атрофимизда бўлаётган воқеаларни хотиржамлик билан ўйлашимиз лозим.

Лекин нима учун бу нарса қийин? Чунки бирор нарсани севиш кўзни кўр, қулоқни кар қилади. Нафратланиш ҳам худди шундай. Шоир айтади:
Севги кўзлари айбларни ҳеч кўролмас,
Нафрат эса хатоларни ҳеч илғатмас.
Севги ва нафрат кишининг ақлини эгаллаган энг муҳим руҳий ҳиссиёт бўлиб, ҳаётни турли рангларга бўяб кўрсатади. Шу сабаб инсон ҳаётни ўз ҳолича кўра олмай қолади.

Хўш, агар инсон доимо ҳақиқатни топишда алданиб қолиши мумкин бўлса, ҳаётдаги муаммоларга қандай қилиб тўғри ечим топиши мумкин?

Инсонларнинг ўзлари сезмаган ҳолда ғафлат ичида қолишлари жуда кўп оятларнинг қуйидаги жумлалар билан тугашининг ҳикматларидан бири бўлса ажаб эмас: "...дунё ва охират ҳақида тафаккур қилишингиз учун Аллоҳ сизларга ўз оятларини баён этади" (Бақара, 219);
"...ақл юргизишингиз учун Аллоҳ сизларга ўз оятларини баён қилади" (Бақара, 242);
"Ахир эслатма-ибрат олмайсизларми?!" (Юнус, 3).

©️ Шайх Муҳаммад Ғаззолий

•┈•┈•┈•┈•❁✿❁•┈•┈•┈•┈•
КАНАЛГА ОБУНА БЎЛИНГ!!!
👇      👇      👇         👇 👇
Яқинларингизга улашинг!
👇👇👇👇👇👇
https://t.me/isxoqxon_tora_ibrat

#tafakkur

Ёмғирдан қочиб дўлга тутилгандек

Қуръони каримда сакинат сўзи қаерда зикр қилинган бўлса иймоннинг қалбларга хотиржамлик таратишига ишора қилади. Бу хотиржамликнинг асл манбаси эса Аллоҳни севиш, Унинг ҳукмига рози бўлиш ва ҳар сафар ҳолат қийинлашган ёки ҳамма нарса зулматли бўлиб қолганда У Зотдан ёрдам сўрашдир.
Инсон фавқулодда танг ҳолатга тушиб қолганда гоҳида ундан чиқиш учун ўнлаб вариантларга дуч келиши, улар ҳақида яхшилаб ўйлаб кўрганда энг яхши ечим ҳам жуда оғриқли бўлиши ва худди ёмғирдан қочиб дўлга тутилгандек ҳолатга тушиб қолиши мумкин. Шунингдек, чиқиш йўлини тополмай ўзи билан ўзи бўлиб қолиши ёки муаммонинг ечими жуда жиддий қурбонлик талаб қилишини кўриши мумкин.

Бундай тунд фикрлар Аллоҳга ва ўзига ишончи кам бўлган инсонларда кўпаяди. Лекин мўмин инсон сакинат ва ҳақиқатга энг яқин вариантни танлайди, сўнг нима бўлишига эътибор қилмаган ҳолда олдинга интилади. Тилида эса Аллоҳ таолонинг ушбу сўзлари айланади: "Айтинг: "Бизга фақат Аллоҳ биз учун ёзиб қўйган нарсагина етур. У бизнинг ҳожамиздир. Бас, иймонли кишилар фақат Аллоҳгагина суянсинлар!" (Тавба сураси, 51-оят).
Дунёда ёмон хаёллар ва заифлик васвасалари тутун каби ҳаммаёқни тутиб кетган.

Аниқланишича, инсон ҳақиқатлардан кўра шубҳа-гумонлар сабабли кўпроқ қийналади ва ҳаёт воқеалари уни мағлуб этишидан олдин руҳий ҳолатидаёқ мағлубиятга учрайди. Аллоҳ таоло айтади: "Ундай зотларга айрим кимсалар: “Қурайш одамлари сизларга қарши (саноқсиз лашкар) тўплаган, қўрқингиз!” деганларида бу гап уларнинг иймонларини зиёда қилди ва: “Бизга ёлғиз Аллоҳнинг Ўзи кифоя. У Зот энг яхши ишончли вакилдир!” дедилар”. Бас, (у юришдан) бирон нохушлик етмай Аллоҳнинг неъмат ва фазли билан қайтдилар. Улар Аллоҳнинг ризолигини истадилар. Аллоҳ эса улуғ фазлу марҳамат соҳибидир” (Оли Имрон сураси, 173-174-оятлар).

©️ Шайх Муҳаммад Ғаззолий

🌐 https://t.me/+ZgkOZopwJwc3ZWEy

•┈•┈•┈•┈•❁✿❁•┈•┈•┈•┈•
КАНАЛГА ОБУНА БЎЛИНГ!!!
👇      👇      👇         👇 👇
Яқинларингизга улашинг!
👇👇👇👇👇👇
https://t.me/isxoqxon_tora_ibrat

#tafakkur

Яхшиликка банд бўлмасангиз, ёмонликка банд қилинасиз

Имом Шофеъий раҳимаҳуллоҳ айтадилар: "Агар сен ўзингни ҳақ билан машғул қилмасанг, ботил сени банд қилиб қўяди".
Чунки нафс ҳеч қачон жим турмайди. Агар у тезда яхшилик, тиришқоқлик ва доимий натижага эришиш устида ишламаса, тез орада бетайин фикрлар уни эгаллаб олади ҳамда у хом хаёл ва беъманиликлар ичида қолиб кетади.

Инсон ҳаётини муҳофаза этишининг энг яхши йўли бу – ўзи учун бутун вақтини қамраб оладиган режа тузиш ва шайтон ўз васвасаларини қўллаши ёки йўлдан оздиришига имконият бермасликдир.

Нафсга ботил нарса билан машғул бўладиган бўш муддат қолдирмаслик керак, чунки у бундан олдин ҳам ҳақ билан машғул бўлмаган.
Инсон иш билан банд пайтида безовталикни ҳис қилмайди, лекин бўш вақтлари энг хафвли муддатдир. Дам олаётган вақтда инсонни безовталик аталмиш "шайтон" васвасага солади.
Агар биз бирор юмуш билан банд бўлмасак, миямиз бўш (вакуум) ҳолатга яқинлашади. Физика билан шуғулланувчилар яхши биладики, табиат бўшлиққа асло тоқат қила олмайди.

Сизга тажриба керакми? Агар лампочкага тешик ҳосил қилинса табиат унга ҳавони зарб билан юбориб, у ердаги назарияда айтилган бўшлиқни тўлдиради. Табиат бекор турган мияни ҳам худди шу тарзда шошилинч равишда тўлдиришга интилади. Нима билан? Ҳиссиётлар билан, албатта.

Нега? Чунки безовталик, қўрқув, нафрат ва ҳасад каби ҳиссиётлар мисоли чангалзорнинг тизгинсиз кучи ва қуввати билан ҳаракатга келади. Бундай ҳиссиётлар шу даражада кучлики, улар бизнинг руҳимиздан барча хотиржам, хуш ўй-фикрлар ва ҳисларни йўқ қилади.

©️ Шайх Муҳаммад Ғаззолий

•┈•┈•┈•┈•❁✿❁•┈•┈•┈•┈•
КАНАЛГА ОБУНА БЎЛИНГ!!!
👇      👇      👇         👇 👇
Яқинларингизга улашинг!
👇👇👇👇👇👇
https://t.me/isxoqxon_tora_ibrat

#tafakkur

Қазо ва қадар

Кўп одамлар ўзларига етган хафагарчиликнинг ўзи билангина эмас, ундан ташқари яна келажакда келишини кутаётган ва фараз қилаётган хаёлий мусибатлар сабабли ҳам безовта бўлиб, қўрқадилар. Хаёллари уларни узоқларга олиб кетади ҳамда ҳаётларини ўлим ва ҳалокат қўрқувларига тўлдиради, қачондир қайсидир тарафдан ҳужум ва хиёнатга учраш хавфи билан чўчитади.

Расулуллоҳ соллаллоҳу алайҳи васаллам айтадилар: “Банда такдирнинг яхши ва ёмони Аллоҳдан эканига иймон келтирмагунича ва ўзига етган нарса хато килмаслигини, хато килгани эса етмаслигини билмагунига кадар мўмин бўла олмайди” (Имом Термизий ривояти).

Бундай ҳис-туйғу кўп қийинчиликдан озод этади ва оғир ғамларни кетказади. Шунинг учун ҳам Расулуллоҳ соллаллоҳу алайҳи васаллам: “Аллоҳнинг ҳукмига рози бўлмоғи Одам боласининг саодатидандир. Аллоҳнинг истихорасини тарк қилмоғи одам боласининг бадбахтлигидандир. Аллоҳнинг ҳукмидан ғазабланмоғи одам боласининг бадбахтлигидандир”, деганлар (Имом Термизий ривояти).

Баъзилар дангасалик, ҳаракатсизлик, сусткашлик ва бепарволикни Аллоҳга таваккул қилиш ва Унга таслим номи остига яширишга уринишади. Бу ношукурлик бўлиб, иймон ва ақлга ҳеч қандай алоқаси йўқ.

Айримлар савдогар каби ризқига қайғуради, моллари кўприкдан ўтаётганда кўприк қулаб тушиши ва бозорни бой беришдан қўрқади. Бошқалар эса қаттиқ уйқуга кетган ва ҳатто тирикчилик учун ҳам ҳаракат қилишнинг ҳожати йўқ, чунки барча ризқ тақсимланган, деб билади.

Ҳақиқат эса ушбу қарама-қарши иккита қутбнинг ўртасини топа билишдадир. Шундай экан, ўз бурчимиз ва мажбуриятларимизни бажариб, қалбимиздаги барча шубҳа ва ташвишларни бир четга суриб қўяйлик. Аллоҳ бизга берадиган нарсадан мамнун бўлайлик, чунки Роббимиз бизга фақат яхшиликни ирода қилади. Тақдир ҳақидаги ҳадислар қайғу ва ёмон гумонларнинг ечими бўлиб, дангасалик ва сусткашлик воситаси эмас.

©️ Шайх Муҳаммад Ғаззолий

🌐 https://t.me/+ZgkOZopwJwc3ZWEy


•┈•┈•┈•┈•❁✿❁•┈•┈•┈•┈•
КАНАЛГА ОБУНА БЎЛИНГ!!!
👇      👇      👇         👇 👇
Яқинларингизга улашинг!
👇👇👇👇👇👇
https://t.me/isxoqxon_tora_ibrat

#tafakkur

Аллоҳнинг раҳматидан ноумид бўлманг!

Аллоҳнинг тақдирига розилик қандай бўлишини Ёқуб алайҳиссаломнинг ҳаёт йўлларида кўришингиз мумкин. У зотнинг ўғиллари ўзлари тўқиб чиқарган ҳолда Юсуф алайҳиссаломни бўри еб қўйгани учун йўқотганларини айтиб йиғлаб келишганида фарзандини йўқотган зот айтадилар: “Энди (менинг ишим) чиройли сабр қилмоқдир. Сизлар сўзлаётган бу нарса (айрилиқ-мусибат) устида мадад сўраладиган Зот ёлғиз Аллоҳдир” (Юсуф сураси, 18-оят).

Ёқуб алайҳиссалом тириклиги ёки ўлгани аниқ бўлмаган ўғлини йиллар давомида кутишда давом этдилар. Йиллар ўтиб йўқолган ўғлини кутаётган бу умидвор қария тўсатдан яна бир ўғлини йўқотди ва эски жароҳат ўрни янада катталашди.

Энди у нима қилади? Бор кучи билан қичқириб, жазавага тушадими? Йўқ, у зот иккинчи марта ҳам шундай дейди: “Энди (менинг ишим) чиройли сабр қилмоқдир. Шоядки, Аллоҳ уларнинг барчаларини бағримга қайтарса. Албатта, Унинг Ўзи билгувчи ва ҳикматли Зотдир” (Юсуф сураси, 83-оят).

У зот биринчи мусибатни қандай кайфиятда қабул қилган бўлсалар. Иккинчисини ҳам шундай қабул қилдилар ҳамда Аллоҳнинг марҳаматига ишониб, келажакка умид билан қарадилар. Чунки қалбларида мусибатлар ўчира олмайдиган умид олови бор эди.

Ёқуб алайҳиссалом ўғилларига дедилар: “(Эй ўғилларим), боринглар, Юсуф ва унинг биродарини изланглар ва Аллоҳнинг раҳматидан ноумид бўлманглар. Зеро, Аллоҳнинг раҳматидан фақат кофир қавмгина ноумид бўлур” (Юсуф сураси, 87-оят).

Биз бу улуғвор услубдан ўзимиз учун гўзал намуна оламиз ва кучли бўронлар қаршисида сабр-тоқат қандай бўлишини ўрганамиз.

©️ Шайх Муҳаммад Ғаззолий


•┈•┈•┈•┈•❁✿❁•┈•┈•┈•┈•
КАНАЛГА ОБУНА БЎЛИНГ!!!
👇      👇      👇         👇 👇
Яқинларингизга улашинг!
👇👇👇👇👇👇
https://t.me/isxoqxon_tora_ibrat

#tafakkur

Иймон кўрсатган йўл - хотиржамликдир

Инсон борки, хато қилади, маъсумлик ундан умид қилинмайди ва бу нарса унинг табиати ҳам эмас. У қўл урган хатолари сабабли аҳмоқона алангали ҳиссиётларни бошдан кечиради. Бу ҳолатда энг афзал йўл содир бўлган ишни унутиш ҳамда ҳолсизлик уни янада ёмонроқ ҳолатга ва бунданда қалинроқ зулматга олиб боришига йўл қўймасликдир.

Сиз имкон қадар ёмон йўлга юрмасликка ҳаракат қилинг. Агар қандайдир бир сабаб туфайли хатога йўл қўядиган бўлсангиз, унга чуқур кириб кетмасликка интилинг ҳамда энг яқин ва тез фурсатда келган жойингизга қайтинг.

Гоҳида ўзингиз ўйлаганингиздек бирор бало-офатга йўлиқишингиз ва у сабабли тебраниб кетишингиз мумкин. Майли, шундай бўлсин, лекин тезда сабот ва хотиржамликни қайтариш, ғазабланиш ва сиқилаверишдан келиб чиқадиган қийинчиликларни камайтириш ақлли инсоннинг иши саналади.

Баъзи инсонлар кўрган зарари ёки қаттиқ нафрати сабабли мия фалажлигига дучор бўлади. Бундай ҳолат иймон белгиси ёки яхшилик аломатими? Йўқ, алсо!

Хўш, нафрат ва қасос ҳисларига эргашишдан нима топамиз? Биз улардан кўрадиган зараримиз топадиган фойдамиздан анча кўп бўлади.

Агар иймон кўрсатган йўлдан юрадиган бўлсак, у бизни жуда кўп қийинчиликлардан халос этади. Аллоҳнинг розилиги ва буйруқларини бажаришни кўзлаган кунимизда ушбу қийинчиликларнинг оғирлигидан қутуламиз.

Расулуллоҳ соллаллоҳу алайҳи васаллам айтганларидек: "Аллоҳ сен учун тақсимлаган нарсага рози бўл, одамларнинг энг бадавлати бўласан!".

©️ Шайх Муҳаммад Ғаззолий


•┈•┈•┈•┈•❁✿❁•┈•┈•┈•┈•
КАНАЛГА ОБУНА БЎЛИНГ!!!
👇      👇      👇         👇 👇
Яқинларингизга улашинг!
👇👇👇👇👇👇
https://t.me/isxoqxon_tora_ibrat

#tafakkur

Ким ҳам кўр бўлиб қолишни яхши кўрарди?

Буюк Пайғамбар алайҳиссалом ҳам ўзларига бу нарса етишини истамаганлар ва Аллоҳдан барча аъзоларини соғлом қилишини сўраганлар.

Ҳар бир мўмин, йўқ, ҳар бир инсон то вафот этгунига қадар офият ичида, соғлом ҳолатда яшашни истайди. Аммо баъзилар кўзларини йўқолиши билан синовдан ўтадилар. Энди, бундай одам ўзига ачинавериб, қайғудан эриб кетиши керакми? Йўқ, ҳеч қачон!

Ана шундай ҳолатда Расулуллоҳ соллаллоҳу алайҳи васаллам Роббидан ривоят қилган сўзлари келади: "Мен бандамнинг икки қимматбаҳо аъзоси (кўзлари)ни олиб, уларга муҳтожликда қолдирсам, модомики улар сабабли менга ҳамд айтар экан, унга Жаннатдан пастроқ мукофотга рози бўлмайман (яъни, Жаннатни бераман)" (Имом Аҳмад ривояти).

Бу сўзлар жуда ёқимли тасалли ва юпанчдир. Мазкур хушхабар орқали қайғуга тўлган одамнинг азоблари енгиллашади ва ғам-андуҳ булутлари арийди.

Дунё муаммолари савоб олишни истаганлар ва Жаннатни севувчилар йўлиқиши керак бўлган юксак даражадир...

©️ Шайх Муҳаммад Ғаззолий

🌐 https://t.me/+ZgkOZopwJwc3ZWEy


•┈•┈•┈•┈•❁✿❁•┈•┈•┈•┈•
КАНАЛГА ОБУНА БЎЛИНГ!!!
👇      👇      👇         👇 👇
Яқинларингизга улашинг!
👇👇👇👇👇👇
https://t.me/isxoqxon_tora_ibrat

#tafakkur

Юқорига эмас, пастга қаранг

Агар банда Роббисига Унинг ўзидангина тўғри йўл кўрсатишини сўраб юзланса, Аллоҳ унинг асабларини тинчлантириб, азобларини аритадиган йўлга йўллаб қўяди. Қайғуга нуқта қўйишнинг яна бир усули бу – инсон ўзидаги яхши нарсаларини ундан маҳрум бўлган минглаб одамлар билан солиштиришидир.

Диққат билан атрофга назар ташласангиз жонингиз ва молингизда улардан устун бўлган, сиздан кўра анча қийинроқ синовларга учраган инсонларни кўрасиз.

Бу борада Расулуллоҳ соллаллоҳу алайҳи васалламнинг қуйидаги мазмунда айтган ҳадислари мавжуд: “Ўзингиздан пастдагиларга қаранг, ўзингиздан юқоридагиларга қараманг! Зеро, шу иш (яъни ўзингиздан пастдагиларга қарашингиз) Аллоҳнинг сизга берган неъматини камситмаслигингиз учун яхшироқ (йўлдир)” (Имом Муслим ривояти).

©️ Шайх Муҳаммад Ғаззолий

•┈•┈•┈•┈•❁✿❁•┈•┈•┈•┈•
КАНАЛГА ОБУНА БЎЛИНГ!!!
👇      👇      👇         👇 👇
Яқинларингизга улашинг!
👇👇👇👇👇👇
https://t.me/isxoqxon_tora_ibrat

#Tafakkur 👆

Moddiy narsalar ma'naviy narsalardan muhim bo‘lganda, jasad yerga ko‘milib, ruh osmonga ko‘tarilmagan bo‘lur edi.

Mustafo Mahmud.


Каналга обуна бўлинг!
⬇️⬇️⬇️⬇️⬇️
Яқинларингизга ва ўз дўстларингизга ҳам улашинг!
👇👇👇👇👇
https://t.me/+jQipp5FojZU2MDZi