#Bilasizmi

⚡️Subsidiya daromadi yuqori bo‘lmagan fuqaro yoki oilalarga beriladi

✔️ Qonunchilikka ko‘ra, uy-joy sotib olish yoki yakka tartibdagi uy-joylarni qurish va rekonstruksiya qilish uchun subsidiya, daromadi yuqori bo‘lmagan va uy-joy sharoitlarini yaxshilashga muhtoj bo‘lgan fuqarolarga ajratilishi belgilangan.

⚠️ Bunda, qonunchilik hujjatlariga muvofiq aniqlanishi mumkin bo‘lgan o‘rtacha oylik daromadlar miqdori quyidagicha bo‘lganlar, daromadi yuqori bo‘lmagan fuqaro yoki oila deb hisoblanadi:

🔹Qoraqalpog‘iston Respublikasi va viloyatlarda belgilangan mehnatga haq to‘lashning eng kam miqdorining 2,7 baravaridan 8 baravarigacha (2 mln 835 ming so‘mdan 8 mln 400 ming so‘mgacha);

🔹Toshkent shahrida belgilangan mehnatga haq to‘lashning eng kam miqdorining 2,7 baravaridan 9,2 baravarigacha (2 mln 835 ming so‘mdan 9 mln 660 ming so‘mgacha).

Kanalni kuzating:
🔷@Istiqbol_sari

#Bilasizmi

✅ Quyidagi sabablar bilan bolaning bog'chaga ketma-ket 3 kundan ortiq kelmagan davri uchun to'langan to'lovlar keyingi to'lovlarni amalga oshirishda hisobga olinadi:

▫️bolaning yoki oila a'zolarining kasalligi sababli;
▫️karantin holatida bo'lganligi tufayli;
▫️ota-onalardan birining ishdan (o'qishdan) bo'sh vaqti davrida yoki boshqa sabablarga ko'ra.

Bunda bolaning kelmagan kunlari soni bir kunlik to'lov miqdoriga ko'paytirilib, keyingi to'lov summasi chiqqan summaga kamaytiriladi.

❗️Agar bolaning kelmagan kunlari uchun to'lov hali amalga oshirilmagan bo'lsa, to'lanishi lozim bo'lgan to'lov miqdori u kelmagan kunlari uchun hisoblangan to'lov summasiga kamaytiriladi.

☑️ Shuningdek, ota-onaning oldindan bergan yozma arizasiga asosan, bolaning bog'chaga qatnashi butunlay to'xtatilgan taqdirda, to'lov to'liq bo'lmagan oy uchun, ya'ni bola amalda bog'chaga qatnagan kunlar uchun to'lanadi.

Kanalni kuzating:
🔷@Istiqbol_sari

#Bilasizmi

📝 Qarz berayotganda uni oddiy yozma shartnoma bilan rasmiylashtirish kerak.

🧾Qarzning miqdori BHMning 10 baravaridan (3 mln 400 ming so'mdan) ko'p bo'lsa, yozma shartnoma tuzilishi shart.

❕Qarz oluvchi yoki beruvchining biri yuridik shaxs bo'lganida esa qarz miqdoridan qat'i nazar yozma shartnoma tuzilishi kerak.

📌 Qarz oluvchidan tilxat olish yoki qarz berilganligini tasdiqlaydigan har qanday hujjat ham yozma shartnomaning o'rnini bosadi.

Kanalni kuzating:
🔷@Istiqbol_sari

#Bilasizmi

✅ Bola 3 yoshga to'lguncha bolani parvarishlash ta'tillarida bo'lish vaqti, lekin hammasini jamlaganda ko'pi bilan 6 yil ishlangan vaqt ish stajiga qo'shib hisoblanadi.

Kanalni kuzating:
🔷@Istiqbol_sari

#Bilasizmi

💵 Kam ta’minlangan oilalarga bolalar nafaqasi tayinlanganda oilaning norasmiy daromadi qanday aniqlanadi?

🟢 Oilaning norasmiy mol-mulki yoki daromadini o‘rganish bo‘yicha yangi tizim joriy etilgan. Bunda, mahala raisi, hokim yordamchisi, yoshlar yetakchisi, xotin-qizlar faoli va “Inson” ijtimoiy xizmatlar markazi xodimi tomonidan nafaqa olayotgan oilaning yashash manziliga borib, o‘zga bir shaxsning nomiga rasmiylashtirib foydalanayotgan avtomashinasi, ko‘chmas mulki yoki uyidagi chorva mollari to‘g‘risida maʼlumotlarni monitoring qilish tizimi joriy etilgan.

Kanalga ulanish:
👉@Istiqbol_sari

#Bilasizmi

✅ Qonunchilikka ko'ra, sotuvchi xaridorga kartoshka, meva-sabzavot tovarlarini sotishda savdo jarayonida vujudga kelgan yaroqsiz va sifati past mahsulotlarni ajratib tashlashga majburdir.

Kanalga ulanish:
👉@Istiqbol_sari

#Bilasizmi

✅ Qonunchilikka koʻra, oilaviy bogʻchalar tomonidan yollangan tarbiyachi va tarbiyachi yordamchisiga tegishli toifa boʻyicha 9 soatlik ish rejimidagi davlat maktabgacha taʼlim tashkilotlari uchun belgilangan mehnatga haq toʻlash shartlarida va hajmlarda ish haqini toʻlash uchun subsidiya ajratilishi belgilangan.

Kanalga ulanish:
👉@Istiqbol_sari

#Bilasizmi

❗️Oliy ta'lim muassasalarining pedagogika yo'nalishlarida kunduzgi, kechki, sirtqi bo'limlarning 3-4-kurslarida o'qiyotgan shaxslar davlat maktabgacha ta'lim tizimida pedagogik faoliyatni amalga oshirishi mumkin.

☑️ Bunda ularga o'rta maxsus, kasb-hunar ma'lumotga ega bo'lgan tegishli lavozimdagi xodimning bazaviy tarif stavkasi singari bazaviy tarif stavkasi belgilanadi.

Kanalga ulanish:
👉@Istiqbol_sari

#Bilasizmi

✅ Qonunchilikka ko'ra, nogironligi bo'lgan shaxsning va tarkibida nogironligi bo'lgan shaxs bor oilaning elektron onlayn-auksion orqali yer uchastkasini sotib olish bilan bog'liq xarajatlari qoplab berilishi belgilangan.

📌 Bunda yer uchastkasini auksion orqali sotib olish xarajatlaridan kelib chiqqan holda, oila tarkibida nogironligi bo'lgan shaxslar sonidan qat'i nazar, BHMning 100 baravarigacha (34 mln so'mgacha) miqdorda bir martalik to'lov ajratiladi.

Kanalga ulanish:
👉@Istiqbol_sari

#Bilasizmi

✅ Ishdan bo'shatish nafaqasining miqdori mazkur ish beruvchidagi ish stajiga bog'liq bo'ladi va u:

🔹 3 yilgacha ish stajiga ega bo'lgan xodimlar uchun – o'rtacha oylik ish haqining 50 foizidan;

🔹 3 yildan 5 yilgacha ish stajiga ega bo'lgan xodimlar uchun – o'rtacha oylik ish haqining 75 foizidan;

🔹 5 yildan 10 yilgacha ish stajiga ega bo'lgan xodimlar uchun – o'rtacha oylik ish haqining 100 foizidan;

🔹 10 yildan 15 yilgacha ish stajiga ega bo'lgan xodimlar uchun – o'rtacha oylik ish haqining 150 foizidan;

🔹 15 yildan ortiq ish stajiga ega bo'lgan xodimlar uchun – o'rtacha oylik ish haqining 200 foizidan kam bo'lishi mumkin emas.

Kanalga ulanish:
👉@Istiqbol_sari

#Bilasizmi

📝 Hokimliklar favqulodda vaziyatlar organlari bilan hamkorlikda har yili 1-maydan 15-sentabrgacha suvda baxtsiz hodisalar (odamlar o'limi) tez-tez ro'y berib turadigan joylarni aniqlashi kerak.

⚠️ Mazkur hududlar bo'yicha mahalliy aholi va dam oluvchilar o'rtasida tushuntirish ishlari olib borish sharti bilan qirg'oq bo'ylab cho'milishni taqiqlovchi belgilar o'rnatishi shart.

❗️Shuningdek, suvda aholining ommaviy dam olish joylarida dam olayotgan fuqarolarga taqiqlangan holatlar bilan batafsil bu yerda tanishishingiz mumkin.

Kanalga ulanish:
👉@Istiqbol_sari

#Bilasizmi

🔰 Qonunchilikka ko'ra, kam ta'minlangan va ehtiyojmand xotin-qizlarning muammolarini mahallabay o'rganish va hal etish hamda ularni ijtimoiy-iqtisodiy va huquqiy qo'llab-quvvatlash tartibi belgilangan.

✔️ Bunda, xotin-qizlarni ijtimoiy-iqtisodiy muammolarini hal etish maqsadida tuman (shahar) hokimliklarida "Ayollar daftari" ro'yxatiga kiritilgan xotin-qizlarni qo'llab-quvvatlash jamg'armasi ("Ayollar daftari" jamg'armasi) tashkil etilgan.

Kanalga ulanish:
👉@Istiqbol_sari

#Bilasizmi

✅ “Ayollar daftari”ga 30 yoshdan oshgan quyidagi toifadagi xotin-qizlar kiritiladi:

🔹ijtimoiy himoyaga muhtoj ishsiz xotin-qizlar;

🔹tadbirkorlik qilish istagida bo'lgan ehtiyojmand xotin-qizlar;

🔹boquvchisi bo'lmagan ehtiyojmand xotin-qizlar;

🔹ijtimoiy yordamga muhtoj I va II guruh nogironligi bo'lgan, shuningdek, tezkor tibbiy muolajaga muhtoj ehtiyojmand xotin-qizlar;

🔹uy-joyga muhtoj ehtiyojmand xotin-qizlar;

🔹qaramog'ida nogironligi bo'lgan farzandi mavjud ehtiyojmand xotin-qizlar.

⚠️ “Ayollar daftari”ga xotin-qizlar yashab turgan joyi bo'yicha kiritiladi, bunda xotin-qizlarning yashash joyi bo'yicha doimiy yoki vaqtincha ro'yxatda turmasligi "Ayollar daftari"ga kiritishni rad etish uchun asos hisoblanmaydi.

Kanalga ulanish:
👉@Istiqbol_sari

#Soliq_imtiyozlari #Bilasizmi

✔️ Qonunchilikka ko'ra, tadbirkorlik subyektlariga miqdori 10 million so'mdan yuqori bo'lgan soliqqa oid huquqbuzarliklar uchun, agar tadbirkorlik subyekti huquqbuzarlikni inkor etsa, moliyaviy sanksiyalarni faqatgina sud tartibida qo'llash belgilangan.

Kanalga ulanish:
👉@Istiqbol_sari