⚡️Ta'lim va tibbiyot muassasalarida targ‘ibot tadbirlari o‘tkazib borilmoqda

Dang‘ara tuman iste'molchilar huquqlarini himoya qilish jamiyati tomonidan hududdagi ta'lim va tibbiyot muassasalarida iste'molchilarning huquqlarini himoya qilish to‘g‘risidagi qonunchilik mazmun-mohiyati va asoslari targ‘iboti yo‘nalishidagi tadbirlar o‘tkazib borilmoqda.

Jamiyat xodimlari tomonidan Urganji oilaviy shifokorlik punkti hamda 4-maktabgacha ta'lim tashkilotlarida o‘tkazilgan tadbirlarda mamlakatimizning iste'molchilarning huquqlarini himoya qilish to‘g‘risidagi qonunchiligi asoslari, iste'molchilarning asosiy huquq va majburiyatlari, iste'molchilik ijtimoiy harakatining vujudga kelishi va taraqqiy topishi, Federatsiya va uning hududiy tashkilotlari faoliyati yuzasidan atroflicha ma'lumotlar berib o‘tildi.

Tadbirlar davomida iste'mol sohasiga oid muammolar vujudga kelganda vakolatli idoralarga murojaat qilish yo‘l-yo‘riqlari bo‘yicha ham tushuntirishlar berib o‘tilib, ishtirokchilarning savollariga jamiyat xodimlari tomonidan javoblar qaytarildi.

Federatsiyaning rasmiy sahifalari👇
Telegram | Facebook | YouTube | Istemol.uz

⚡️Targ‘ibot va tushuntirishlar natijasida a'zolarimiz safi kengaymoqda

Toshloq tuman iste'molchilar huquqlarini himoya qilish jamiyati tomonidan tizimli asoslarda tumandagi korxona, tashkilot va muassasalarda iste'molchilarning huquqlarini himoya qilish to‘g‘risidagi qonunchilik asoslari yuzasidan targ‘ibot tadbiri o‘tkazib kelinmoqda. Ana shunday tadbirlardan biri tuman Sanitariya-epidemiologik osoyishtalik va jamoat salomatligi bo‘limida ham bo‘lib o‘tdi.

Bo‘lim xodimlari ishtirokida o‘ktazilgan tadbirda iste'molchilarning huquqlarini himoya qilish to‘g‘risidagi qonunchilik mazmun-mohiyati, iste'molchi sifatida o‘z huquqlarini himoya qilish, shuningdek Federatsiya va uning hududiy tashkilotlari faoliyati, davlat va jamoat tashkilotlari o‘rtasida ijtimoiy sheriklik, hamkorlik aloqalarini olib borish, buning natijasida aholi vakillari uchun yaratiladigan imkoniyatlar kabi masalalarda atroflicha tushuntirishlar berib o‘tildi.

Tadbir yakunlariga ko‘ra ikki tashkilot o‘rtasida keng qamrovli ijtimoiy sheriklikni yo‘lga qo‘yish, jamoa a'zolarining iste'mol sohasiga oid murojaatlarini samarali hal qilish chora-tadbirlarini ko‘rish maqsadida bo‘limda Federatsiyaning boshlang‘ich tashkiloti faoliyatini yo‘lga qo‘yishga kelishib olindi.

Federatsiyaning rasmiy sahifalari👇
Telegram | Facebook | YouTube | Istemol.uz

Umumta’lim maktablari yuqori sinf o‘quvchilari o‘rtasida “Men - yosh iste’molchiman” mavzusida insholar tanlovining yakuniy respublika bosqichi o‘tkazildi.

@yangidavr_rasmiy

⚡️Nuqsonlarini bartaraf etishning imkoni bo‘lmagan maishiy texnika sotuvchiga qaytarildi

Marg‘ilon shahar iste'molchilar huquqlarini himoya qilish jamiyatida Qo‘shtepa tumani "G‘ishtmon" mahalla fuqarolar yig‘inida yashovchi G.E.ning tovarning shartnoma qiymatini muddatli to’lov shartlarida 5 000 000 so‘mga xarid qilingan kir yuvish mashinasi nuqsonli chiqqanligi, nuqsonni bartaraf etish bo‘yicha qilingan sa'y-harakatlar natija bermayotganligi xususidagi murojaati o‘rganildi.

Iste'molchining so‘zlariga ko‘ra, "Beko"rusumli kir yuvish mashinasi "Ishonch" do‘konlar tarmog‘ining Toshloq tumanida faoliyat olib borayotgan shoxobchasidan narxini bo‘lab to‘lash shartlarida xarid qilingan. Maishiy texnikaga xarid qilingan vaqti 2024 yilning noyabr oyidan keyingi o‘tgan davr ichida 2 marta servis markazidan ustalar chaqirilib, texnik xizmatlar ko‘rsatilgan bo‘lsada, nuqsonni to‘liq bartaraf etishning imkoni bo‘lmagan. Shundan so‘ng iste'molchi ushbu tovarni almashtirish yoki shartnomani bekor qilish bo‘yicha huquqlarini amalga oshirishida amaliy yordam ko‘rsatilishini so‘rab Marg‘ilon shahar jamiyatiga murojaat qilgan.

Murojaat o‘rganilishi jarayonida maishiy texnika ko‘zdan kechirilib, sotuvchining mas'ul shaxslari hamda shahar jamiyati vakillari ishtirokida nuqsonli tovarni olib ketish hamda shartnomani bekor qilib, iste'molchiga bo‘lib to‘lash shartlari asosida plastik kartasidan o‘tkazib borilgan mablag‘larni qaytarish to‘g‘risida dalolatnoma rasmiylashtirildi. Shundan so‘ng, o‘rganish yakunlari bilan iste'molchi bank kartasiga 1 309 000 so‘m pul mablag‘i qaytarib tushirib berildi.

Federatsiyaning rasmiy sahifalari👇
Telegram | Facebook | YouTube | Istemol.uz

⚡️Farg‘ona shahridagi bir qator ta'lim muassasalarida targ‘ibot tadbirlari bo‘lib o‘tdi

Farg‘ona shahar iste'molchilar huquqlarini himoya qilish jamiyati tashabbusi bilan bir qator ta'lim muassasalarida amaldagi qonunchilik targ‘ibotiga bag‘ishlangan tadbirlar bo‘lib o‘tdi. Shahardagi 1, 3, 12, 16, 29, 30-umumta'lim maktablari pedagog va texnik xodimlari ishtirokida o‘tkazilgan yuzma-yuz muloqot shaklidagi tadbirlar shular jumlasidandir.

Targ‘ibot tadbirlarida iste'molchilarning huquqlarini himoya qilish to‘g‘risidagi qonunchilik asoslari, uning ijrosini ta'minlashda davlat va nodavlat tashkilotlarining ijtimoiy sheriklik va hamkorligi, qonunchilikni aholining keng qatlamlariga yetkazilishida va sohaga oid qonunchilik ijrosi ustidan samarali jamoatchilik nazorati olib borilishida ta'lim tashkilotlari va jamoatchilik nazorati sub'ektlari hamkorligining afzalliklari, Federatsiya va uning hududiy tashkilotlari faoliyati haqida atroflicha ma'lumot va tushuntirishlar berib o‘tildi.

Tadbirlar doirasida sohada mehnat faoliyati olib borayotgan pedagog va texnik xodimlarning kun tartibidagi masalalar yuzasidan fikr-mulohaza hamda takliflari tinglanib, o‘tkazilgan tadbirlar yakunlariga ko‘ra tashkilotlar o‘rtasida yaqindan ijtimoiy sheriklik va hamkorlik olib borishga kelishib olindi.

Federatsiyaning rasmiy sahifalari👇
Telegram | Facebook | YouTube | Istemol.uz

⚡️Onlayn savdo vositasida xarid qilingan mobil qurilma nuqsonlari sabab sotuvchiga qaytarildi

Toshloq tuman Iste'molchilar huquqlarini himoya qilish jamiyatida Navoiy viloyatining Zarafshon shahrida yashovchi A.X ning foydalanishda bo‘lgan va kafolat xati bilan 3 574 000 so‘mga onlayn savdo usulida xarid qilingan mobil telefon bilan bog‘liq e'tirozlarini bildirib, Federatsiyaning 1091 qisqa raqamli ishonch telefoniga qilgan murojaati o‘rganildi.

Murojaatchiga ko‘ra, iPhone 11 Pro rusumidagi mobil qurilma kafolat xati bilan, onlayn savdo vositasida, Marg‘ilon shahrida faoliyat yuritib kelayotgan “House mobile” savdo do‘konidan xarid qilingan va BTS pochta operatori yordamida iste'molchiga yetkazilgan. Iste'molchi yetkazib berilgan tovardan foydalanib ko‘rishi jarayonida telefonning dinamigi yaxshi ishlamagan, shuningdek quvvatini ortiqcha tez sarf bo‘lish holati kuzatilgan. Sotuvchiga bog‘lanib bu borada bildirilgan e'tirozlaridan natija chiqara olmagach, Federatsiya ishonch telefoniga murojaat qilib, muammoni hal qilinishida amaliy yordam ko‘rsatilishini so‘ragan.

"Iste'molchilarning huquqlarini himoya qilish to‘g‘risida"gi qonun 6-moddasiga ko‘ra, sotuvchi iste'molchiga o‘zi realizasiya qilayotgan tovar haqida o‘z vaqtida zarur, to‘g‘ri va tushunarli ma'lumot berishi shart. Shuningdek, "O‘zbekiston Respublikasida chakana savdo qoidalari"ning 14-bandiga ko‘ra, agar xaridor tomonidan sotib olinadigan tovar iste'mol qilingan bo‘lsa yoki uning kamchiligi (kamchiliklari) bartaraf etilgan bo‘lsa, xaridorga bu to‘g‘rida ma'lumot berilishi kerak.

Murojaat o‘rganilishi jarayonida sotuvchiga qonunning mazkur talablari yuzasidan tushuntirishlar olib borilgandan so‘ng sotuvchi tomoni shartnomani bekor qilish va nuqsonli ekanligi da'vo qilingan tovarni qaytarib olib, iste'molchiga to‘lagan pulini qaytarishga qaror qildi. O‘rganish ishlari esa iste'molchining bank kartasiga pullarini qaytarilishi bilan yakun topdi.

Federatsiyaning rasmiy sahifalari👇
Telegram | Facebook | YouTube | Istemol.uz

⚡️Surxondaryo viloyatida iste’mol madaniyatini oshirishga qaratilgan targ‘ibot ishlari olib borilmoqda

Surxondaryo viloyatida iste’molchilar huquqlarini himoya qilish jamiyatlari tomonidan aholi o‘rtasida iste’mol madaniyati va huquqiy bilimlarni oshirish maqsadida muntazam ravishda targ‘ibot-tashviqot tadbirlari tashkil etilmoqda.

Jumladan, Termiz shahar jamiyati raisi tomonidan Termiz shahar tibbiyot birlashmasi hamda 7-sonli oilaviy poliklinikada tibbiyot xodimlari ishtirokida iste’mol madaniyatiga oid ma’lumotlar berildi. Tadbir davomida xodimlarga kundalik hayotda duch kelinadigan iste’mol holatlari, mahsulot sifati, iste’molchi huquqlari va ularni himoya qilishning qonuniy mexanizmlari haqida batafsil tushuntirishlar berildi.

Shuningdek, Termiz tumani jamiyati mutaxassislari tomonidan tuman hududidagi mahallalarda joylashgan oziq-ovqat savdo do‘konlarida jamoatchilik nazorati olib borildi. Nazorat davomida do‘konlardagi mahsulot sifati ko‘zdan kechirilib, sotuvchilarga mahsulotlarning yaroqlilik muddati, saqlash sharoiti va iste’molchilarga xizmat ko‘rsatish madaniyati borasida tushuntirishlar berildi. Ular iste’molchilarga nisbatan mas’uliyatli bo‘lishi va ularning huquqlarini hurmat qilishi kerakligi ta’kidlandi.

Bundan tashqari, Qumqo‘rg‘on tumanidagi 14-sonli ixtisoslashtirilgan umumta’lim maktabida, Oltinsoy tumanidagi 14-sonli politexnikumda hamda Uzun tumanidagi 21-sonli maktabgacha ta’lim muassasasida tuman jamiyati raislari tomonidan muassasa xodimlariga iste’molchi huquqlari haqida tushunchalar berildi. Tadbirlar davomida ishtirokchilarga kundalik hayotda duch kelinadigan iste’molchilik holatlarida o‘z huquqlarini qanday himoya qilishlari mumkinligi, qanday hollarda tegishli tashkilotlarga murojaat qilish zarurligi haqida amaliy tavsiyalar berildi.

Mazkur tadbirlar orqali fuqarolarning huquqiy savodxonligini oshirish, iste’mol madaniyatini yuksaltirish va jamiyatda huquqiy ongni shakllantirishga xizmat qilmoqda.

Federatsiyaning rasmiy sahifalari👇
Telegram | Facebook | YouTube | Istemol.uz

⚡️Buyurtmadagi kamchiliklar bartaraf qilindi

Quvasoy shahar iste'molchilar huquqlarini himoya qilish jamiyatida shaharning Soy-bo‘yi ko‘chasida istiqomat qiluvchi G.Sh ning xonadoniga o‘rnatish uchun 12 000 000 so‘mga buyurtma qilingan darvozaning o‘lchami buyurtmadagi o‘lchamdan farq qilishi, natijada darvozani xonadonga o‘rnatishning imkoni bo‘lmayotganligi xususidagi murojaati o‘rganildi.

Iste'molchining so‘zlariga ko‘ra, buyurtmani ijrochisi Marg‘ilon shahrida faoliyat olib boruvchi tadbirkor bo‘lib, unga o‘rnatiladigan darvoza va uning o‘lchamlari taqdim qilingan. Lekin buyurtma tayyor bo‘lganida keltirilgan darvoza o‘lchamlarida farq chiqqan. Muammoni o‘z kuchi bilan bartaraf qila olmagan iste'molchi Quvasoy shahar ajmiyatiga bu borada amaliy yordam ko‘rsatilishini so‘rab murojaat qilgan.

Murojaat o‘rganilishi davomida iste'molchi tomonidan keltirilgan vajlarga ishonch hosil qilish maqsadida joyiga borib holat bilan tanishildi. Shundan so‘ng buyurtma ijrochisi bilan bog‘lanilib, unga yuzaga kelgan holat bo‘yicha iste'molchi e'tirozlari va bu boradagi qonunchilik talablari tushuntirildi. Ijrochi tomoni qonunchilik talablarini to‘g‘ri anglab yetgani holda, buyurtmani tayyorlash jarayonida yo‘l qo‘yilgan kamchiliklarni tuzatib, iste'molchi muammosini bartaraf qilishga erishildi.

Federatsiyaning rasmiy sahifalari👇
Telegram | Facebook | YouTube | Istemol.uz