⚡️Tilla buyumidagi nuqson bartaraf etildi

Ma’lumki, azaldan zargarlik buyumlari ayollar go‘zalligiga go‘zallik baxsh etib, ularning siymosini yanada nafis va jozibador ko‘rsatishga xizmat qilib kelgan. Shu bois, bunday buyumlarning sifati va nafisligi xaridorlar uchun nihoyatda muhim sanaladi. Ayniqsa, yaqinlariga sovg‘a tariqasida taqdim etiladigan tilla taqinchoqlarning har bir detali xaridorda alohida taassurot uyg‘otishi kerak.

Karmana tumani, Toshrabot MFYda yashovchi fuqaro X.A yaqinlariga sovg‘a qilish maqsadida Navoiy shahrida joylashgan "N S kompleksi"dagi savdo do‘konidan umumiy qiymati 6 900 000 so‘m bo‘lgan zargarlik tilla taqinchoqlarini xarid qilgan. Biroq, mazkur buyumlarda nuqson mavjudligi aniqlangan.

Fuqaro bu masala yuzasidan savdo do‘konining rahbariga murojaat qilgan bo‘lsa-da, murojaat hech qanday sababsiz javobsiz qoldirilgan.

Mazkur murojaat Navoiy shahar jamiyati mutaxassislari tomonidan o‘rganib chiqildi. Olib borilgan tushuntirish ishlari natijasida, savdo do‘koni mutasaddilari tomonidan zargarlik buyumlaridagi kamchiliklar bepul ravishda bartaraf etib berilishiga erishildi.

Federatsiyaning rasmiy sahifalari👇
Telegram | Facebook | YouTube | Istemol.uz

⭐️ Bugun, O’zbekiston Iste’molchilar huquqlarini himoya qilish jamiyatlari Federatsiyasi Farg‘ona viloyat hududiy birlashmasi raisi Raxmonaliyev Ahrorjon Asqaraliyevichni tavallud ayyomi bilan Federatsiya jamoasi nomidan tabriklaymiz.

Iste’mol madaniyatini oshirish, iste’molchilarning qonuniy manfaatlarini himoya qilishda yuksak kuch va za’farlar tilaymiz.

Federatsiyaning rasmiy sahifalari👇
Telegram | Facebook | YouTube | Istemol.uz

⭐️ Bugun, O’zbekiston Iste’molchilar huquqlarini himoya qilish jamiyatlari Federatsiyasi Samarqand viloyat hududiy birlashmasi raisi Boymatov Bahodir Obloqulovichni tavallud ayyomi bilan Federatsiya jamoasi nomidan tabriklaymiz.

Iste’mol madaniyatini oshirish, iste’molchilarning qonuniy manfaatlarini himoya qilishda yuksak kuch va za’farlar tilaymiz.

Federatsiyaning rasmiy sahifalari👇
Telegram | Facebook | YouTube | Istemol.uz

⭐️ Bugun, O’zbekiston Iste’molchilar huquqlarini himoya qilish jamiyatlari Federatsiyasi Buxoro viloyat hududiy birlashmasi raisi Mutaxarov Jahongir Umidovichni tavallud ayyomi bilan Federatsiya jamoasi nomidan tabriklaymiz.

Iste’mol madaniyatini oshirish, iste’molchilarning qonuniy manfaatlarini himoya qilishda yuksak kuch va za’farlar tilaymiz.

Federatsiyaning rasmiy sahifalari👇
Telegram | Facebook | YouTube | Istemol.uz

⚡️Jamoatchilik nazorati kuzatuv-o’rganish tadbirlari davom etadi

Jamiyat va mamlakat ravnaqi uning ishtirokchilari harakati bilan amalga oshadi. Bu jarayonda esa jamoatchilik nazorati alohida o‘rin tutadi. Bugungi kunda Davlat hokimiyati va boshqaruvi organlari bilan birgalikda nodavlat notijorat tashkilotlarning ishtirok etishi esa jamiyat hayotining demokratik jarayonlar bilan bog‘liq asoslari chuqur ildiz otib, mustahkamlanib borayotganini anglatmoqda. Jamoatchilik nazoratini kengaytirish jamiyat taraqqiyotining barcha jabhasida yuqori samara berishi, shubhasiz.

O‘zbekiston isteʼmolchilar huquqlarini himoya qilish jamiyatlari federatsiyasining Navoiy viloyat hududiy birlashmasi Ishchi guruhi tomonidan ayni vaqtda, Uchquduq tumanida aholiga ko‘rsatilayotgan tibbiy xizmatlar holati va tibbiyot muassasalari tomonidan yaratilgan sharoitlar jamoatchilik nazorati tartibida o‘rganilmoqda. Bundan asosiy maqsad – tibbiy xizmatlardan foydalanayotgan fuqarolarning huquqlarini himoya qilish va xizmatlar sifatini yanada oshirishdan iborat.
O‘rganishlar natijalari tegishli vazirlik va hokimliklarga taqdim etiladi.

Shu o‘rinda taʼkidlab o‘tish kerakki, jamoatchilik nazoratining samarali va taʼsirchan amalga oshirilishi, xalqimizning ijtimoiy faolligini va davlat organlarining hisobdorligini oshirishga, natijada esa jamiyatning umumiy taraqqiyotiga salmoqli hissa qo‘shishiga yordam beradi.

Federatsiyaning rasmiy sahifalari👇
Telegram | Facebook | YouTube | Istemol.uz

⚡️Muzrabot tumani tibbiyot birlashmasida iste’molchilar huquqlarini ta’minlash bo‘yicha jamoatchilik nazorati tadbiri o‘tkazildi

O‘zbekiston Respublikasi “Jamoatchilik nazorati to‘g‘risida”gi hamda “Ijtimoiy sheriklik to‘g‘risida”gi qonunlari ijrosi doirasida, O‘zbekiston iste’molchilar huquqlarini himoya qilish jamiyatlari Federatsiyasining 2025-yil 16-maydagi buyrug‘i asosida, Surxondaryo viloyati hokimligi bilan o‘zaro kelishuvga binoan tasdiqlangan kuzatuv-o‘rganish rejasi asosida Muzrabot tumani tibbiyot birlashmasida iste’molchilar huquqlarini ta’minlash bo‘yicha jamoatchilik nazorati tadbiri tashkil etildi.

Mazkur tadbir doirasida birlashma tomonidan shakllantirilgan maxsus ishchi guruh tuman tibbiyot birlashmasida aholiga ko‘rsatilayotgan xizmatlar sifati, sharoitlar, sanitariya-gigiyena holatlari, iste’molchilarning murojaatlarini ko‘rib chiqish tartibi va ularning qonuniy huquqlarining qanday ta’minlanayotganini o‘rgandi.

Shuningdek, tadbir davomida tibbiyot xodimlariga, iste’molchilar huquqlari, ularni himoya qilish mexanizmlari va jamoatchilik nazoratining mazmun-mohiyati yuzasidan tushuntirish ishlari olib borildi. Bu esa fuqarolarning huquqiy ongini oshirishda muhim ahamiyat kasb etdi.

Maqsad — aholiga ko‘rsatilayotgan xizmatlar sifatini oshirish, davlat va jamoatchilik o‘rtasida samarali hamkorlikni yo‘lga qo‘yish va eng muhimi, iste’molchilar huquqlarini amalda ta’minlashdir.

Federatsiyaning rasmiy sahifalari👇
Telegram | Facebook | YouTube | Istemol.uz

⚡️Ta'lim va tibbiyot muassasalarida targ‘ibot tadbirlari o‘tkazib borilmoqda

Dang‘ara tuman iste'molchilar huquqlarini himoya qilish jamiyati tomonidan hududdagi ta'lim va tibbiyot muassasalarida iste'molchilarning huquqlarini himoya qilish to‘g‘risidagi qonunchilik mazmun-mohiyati va asoslari targ‘iboti yo‘nalishidagi tadbirlar o‘tkazib borilmoqda.

Jamiyat xodimlari tomonidan Urganji oilaviy shifokorlik punkti hamda 4-maktabgacha ta'lim tashkilotlarida o‘tkazilgan tadbirlarda mamlakatimizning iste'molchilarning huquqlarini himoya qilish to‘g‘risidagi qonunchiligi asoslari, iste'molchilarning asosiy huquq va majburiyatlari, iste'molchilik ijtimoiy harakatining vujudga kelishi va taraqqiy topishi, Federatsiya va uning hududiy tashkilotlari faoliyati yuzasidan atroflicha ma'lumotlar berib o‘tildi.

Tadbirlar davomida iste'mol sohasiga oid muammolar vujudga kelganda vakolatli idoralarga murojaat qilish yo‘l-yo‘riqlari bo‘yicha ham tushuntirishlar berib o‘tilib, ishtirokchilarning savollariga jamiyat xodimlari tomonidan javoblar qaytarildi.

Federatsiyaning rasmiy sahifalari👇
Telegram | Facebook | YouTube | Istemol.uz

⚡️Targ‘ibot va tushuntirishlar natijasida a'zolarimiz safi kengaymoqda

Toshloq tuman iste'molchilar huquqlarini himoya qilish jamiyati tomonidan tizimli asoslarda tumandagi korxona, tashkilot va muassasalarda iste'molchilarning huquqlarini himoya qilish to‘g‘risidagi qonunchilik asoslari yuzasidan targ‘ibot tadbiri o‘tkazib kelinmoqda. Ana shunday tadbirlardan biri tuman Sanitariya-epidemiologik osoyishtalik va jamoat salomatligi bo‘limida ham bo‘lib o‘tdi.

Bo‘lim xodimlari ishtirokida o‘ktazilgan tadbirda iste'molchilarning huquqlarini himoya qilish to‘g‘risidagi qonunchilik mazmun-mohiyati, iste'molchi sifatida o‘z huquqlarini himoya qilish, shuningdek Federatsiya va uning hududiy tashkilotlari faoliyati, davlat va jamoat tashkilotlari o‘rtasida ijtimoiy sheriklik, hamkorlik aloqalarini olib borish, buning natijasida aholi vakillari uchun yaratiladigan imkoniyatlar kabi masalalarda atroflicha tushuntirishlar berib o‘tildi.

Tadbir yakunlariga ko‘ra ikki tashkilot o‘rtasida keng qamrovli ijtimoiy sheriklikni yo‘lga qo‘yish, jamoa a'zolarining iste'mol sohasiga oid murojaatlarini samarali hal qilish chora-tadbirlarini ko‘rish maqsadida bo‘limda Federatsiyaning boshlang‘ich tashkiloti faoliyatini yo‘lga qo‘yishga kelishib olindi.

Federatsiyaning rasmiy sahifalari👇
Telegram | Facebook | YouTube | Istemol.uz

Umumta’lim maktablari yuqori sinf o‘quvchilari o‘rtasida “Men - yosh iste’molchiman” mavzusida insholar tanlovining yakuniy respublika bosqichi o‘tkazildi.

@yangidavr_rasmiy

⚡️Nuqsonlarini bartaraf etishning imkoni bo‘lmagan maishiy texnika sotuvchiga qaytarildi

Marg‘ilon shahar iste'molchilar huquqlarini himoya qilish jamiyatida Qo‘shtepa tumani "G‘ishtmon" mahalla fuqarolar yig‘inida yashovchi G.E.ning tovarning shartnoma qiymatini muddatli to’lov shartlarida 5 000 000 so‘mga xarid qilingan kir yuvish mashinasi nuqsonli chiqqanligi, nuqsonni bartaraf etish bo‘yicha qilingan sa'y-harakatlar natija bermayotganligi xususidagi murojaati o‘rganildi.

Iste'molchining so‘zlariga ko‘ra, "Beko"rusumli kir yuvish mashinasi "Ishonch" do‘konlar tarmog‘ining Toshloq tumanida faoliyat olib borayotgan shoxobchasidan narxini bo‘lab to‘lash shartlarida xarid qilingan. Maishiy texnikaga xarid qilingan vaqti 2024 yilning noyabr oyidan keyingi o‘tgan davr ichida 2 marta servis markazidan ustalar chaqirilib, texnik xizmatlar ko‘rsatilgan bo‘lsada, nuqsonni to‘liq bartaraf etishning imkoni bo‘lmagan. Shundan so‘ng iste'molchi ushbu tovarni almashtirish yoki shartnomani bekor qilish bo‘yicha huquqlarini amalga oshirishida amaliy yordam ko‘rsatilishini so‘rab Marg‘ilon shahar jamiyatiga murojaat qilgan.

Murojaat o‘rganilishi jarayonida maishiy texnika ko‘zdan kechirilib, sotuvchining mas'ul shaxslari hamda shahar jamiyati vakillari ishtirokida nuqsonli tovarni olib ketish hamda shartnomani bekor qilib, iste'molchiga bo‘lib to‘lash shartlari asosida plastik kartasidan o‘tkazib borilgan mablag‘larni qaytarish to‘g‘risida dalolatnoma rasmiylashtirildi. Shundan so‘ng, o‘rganish yakunlari bilan iste'molchi bank kartasiga 1 309 000 so‘m pul mablag‘i qaytarib tushirib berildi.

Federatsiyaning rasmiy sahifalari👇
Telegram | Facebook | YouTube | Istemol.uz