⚡️Federatsiya raisi J.Sarimsoqov va tizim vakillari BMT konferensiyasiga taklif etildi

Birlashgan Millatlar Tashkiloti 2025-yil 7–11-iyul kunlari Shveysariyaning Jeneva shahrida Raqobat va iste’molchilar huquqlarini himoya qilish masalalariga bag‘ishlangan BMTning 9-Konferensiyasini o‘tkazishni rejalashtirilgan.
Konferensiyada raqobat va iste’molchilar huquqlarini himoya qilish sohasidagi global tendensiyalar, BMTning Iste’molchilar huquqlarini himoya qilish bo‘yicha Yo‘riqnomasini amalga oshirish holati tahlil qilinadi, shuningdek, ushbu sohada xalqaro hamkorlikni yanada mustahkamlash yo‘llari muhokama qilinadi.

Yuqoridagilarni inobatga olgan holda va O‘zbekiston iste’molchilar huquqlarini himoya qilish jamiyatlari federatsiyasi 2018-yildan beri Consumers International tashkilotining to‘laqonli a’zosi ekanligi sababli, shuningdek, Federatsiyaning mintaqaviy va xalqaro miqyosdagi yuqori nufuzini e’tiborga olib, O’zbekiston Iste’molchilar huquqlarini himoya qilish jamiyatlari Federatsiyasi raisi J.Sarimsoqov hamda federatsiya vakillari 2025-yil 7–14-iyul kunlari Shveysariyaning Jeneva shahrida bo’lib o’tadigan butunjahon konferensiyasiga taklif etildi.

Tashrif doirasida, shuningdek, 2025-yil oktabr oyida Federatsiya tashabbusi bilan Consumers International hamkorligida Buxoro shahrida o‘tkazilishi rejalashtirilayotgan «Sayyoh–2025» nomli iste’molchilar huquqlarini himoya qilishga bag‘ishlangan Xalqaro forumni tashkil etish masalalari kun tartibidan joy egallagan.

Federatsiyaning rasmiy sahifalari👇
Telegram | Facebook | YouTube | Istemol.uz

⚡️Sifatsiz bolalar aravachasi uchun to’langan to’lov qaytarildi

Xorazm Viloyati Yangiariq tumani, "Vakillar" MFY, Yoshlar ko’chasi, 3-uyda yashovchi fuqaro Ibrohimova Sultonposhsha Matkarim qizi Mustaqilliq ko’chasi hududida faoliyat ko’rsatayotgan "Yangiariq Univermagi” do’koniga qarashli savdo do’konidan 1 700 000 so’mga bolalar aravachasi (kolyaska) sotib oldi. Ushbu bolalar aravachasi bir kun ham foydalanmasdan yaroqsiz holatga kelib qolganligi sababli almashtirib berishni yoki tamirlab berishni so’rab bir necha marta murojaat qilganida rad javobini olganidan norozi bo’lib Yangiariq tuman iste’molchilar huquqlarini himoya qilish jamiyatiga murojaat qildi.

Murojaat jamiyat hodilari tomonidan o’rganib chiqilib, bolalar aravachasini sotgan do’kon sotuvchilari tomonidan fuqaroga aravacha uchun to’lagan 1 700 000 so’m pullari to’liq qaytarib berildi.

Federatsiyaning rasmiy sahifalari👇
Telegram | Facebook | YouTube | Istemol.uz

⚡️Isteʼmolchining foydasiga 141 000 000 so‘m qayta hisob-kitob qilindi

Fuqoro Sh.R ning joriy yilning 1-fevral kuni O‘zbekiston isteʼmolchilar huquqlarini himoya qilish jamiyatlari federatsiyasining 1091 qisqa ishonch raqamiga murojaat qilgan.

Murojaatda aytilishicha fuqori Sh. R. yashash xonadoniga yangi elektr xisoblagich o‘rnatgan va hech qancha vaqt o‘tmasdan uning xisob raqamiga 141 000 000 so‘m qarzdorlik kelib tushganini aytilgan. Kelib tushga arizaga asosan Andijon shahar Isteʼmolchilar huquqlarini himoya qilish jamiyati hamda Elektr tarmoqlari korxonasi mutahassislari hamkorligida atroflicha o‘rganib chiqildi va o‘rganish natijasida natijada fuqaroning 141 000 000 so‘m qarzdorligi noreal ekanligi aniqlanib murojaatchining ushbu noreal qarzdorligi uning xisob raqamidan o‘chirildi va Isteʼmolchining huquqi tiklandi.

Federatsiyaning rasmiy sahifalari👇
Telegram | Facebook | YouTube | Istemol.uz

⚡️Xatirchi tumanining Qoʻshchinor mahallasi, Shavot koʻchasida yashovchi fuqaro B.V. tomonidan tuman markazida joylashgan savdo doʻkonidan xarid qilingan changyutgich sifatsiz chiqqan.

Fuqaro changyutgichdagi nosozliklar sababli savdo doʻkoni mutasaddilariga bir necha marotaba murojaat qilib, uni taʼmirlab berishni soʻragan. Biroq murojaatlar ijobiy hal qilinmagan, aksincha, sotuvchi tomonidan 522 000 soʻm miqdorida toʻlov evaziga taʼmirlash mumkinligi bildirilgan. Bu holatdan norozi boʻlgan fuqaro Oʻzbekiston isteʼmolchilar huquqlarini himoya qilish jamiyatlari federatsiyasining ishonch telefon raqami orqali murojaat qoldirgan.

Mazkur murojaat Xatirchi tuman jamiyati xodimlari tomonidan oʻrganib chiqildi. Oʻrganish davomida, haqiqatdan ham changyutgichda nosozliklar mavjudligi aniqlanib, sotuvchiga isteʼmolchining huquqlari va o‘zining qonuniy majburiyatlari yuzasidan tushuntirishlar berildi. Natijada, qiymati 1 500 000 soʻm boʻlgan sifatsiz changyutgich yangisi, ya’ni sifatlisiga almashtirib berildi.

Federatsiyaning rasmiy sahifalari👇
Telegram | Facebook | YouTube | Istemol.uz

⚡️Xatirchi tumanida iste’molchining huquqlari tiklandi

Xatirchi tumani Navbahor mahallasida yashovchi fuqaro X.N 2024-yil oktabr oyida tuman markazida faoliyat yuritayotgan “Buxoro Gold Star” MChJga qarashli savdo do‘konidan 5 million so‘mga mototsikl xarid qilgan. Biroq oradan uch oy o‘tib, mototsiklda texnik nosozliklar kuzatilgan.

Fuqaro nosozliklarni bartaraf etish maqsadida sotuvchiga bir necha bor murojaat qilgan, biroq uning qonuniy talablari javobsiz qolgan. Shundan so‘ng u Xatirchi tuman iste’molchilar huquqlarini himoya qilish jamiyatiga murojaat qilgan.

Mazkur murojaat jamiyat xodimlari tomonidan o‘rganib chiqilib, sotuvchiga iste’molchining qonuniy huquqlari to‘g‘risida batafsil tushuntirishlar berildi. Natijada, mototsikl kafolat muddati doirasida bepul ta’mirlab berildi.

Federatsiyaning rasmiy sahifalari👇
Telegram | Facebook | YouTube | Istemol.uz

⚡️Aholi vakillarini sohaga oid qonunchilikdagi yangiliklardan xabardorligini oshirish yo‘nalishidagi tadbirlar o‘tkazilmoqda

Marg‘ilon shahar iste'molchilar huquqlarini himoya qilish jamiyati xodimlari tomonidan jamiyatning 2025-yilga mo‘ljallangan asosiy faoliyat yo‘nalishlari rejasi asosida shahar hududidagi Federatsiya boshlang‘ich tashkilot (tayanch guruh)lari tashkillangan va tashkillanmagan korxona, tashkilot, idora va muassasalarda iste'molchilarning huquqlarini himoya qilish to‘g‘risidagi qonunchilik targ‘ibotiga bag‘ishlangan turli ko‘rinishdagi ma'naviy-ma'rifiy tadbirlarni o‘tkazib bormoqdalar.

Marg‘ilon shahar 1-sonli maktabgacha ta'lim tashkilotidagi Federatsiya tayanch guruhi a'zolari ishtirokida tashkillangan tadbir ham shunday tadbirlardan birib bo‘lib, uning asosiy maqsadi tashkilot xodimlarining huquqiy bilimi va iste'mol madaniyati oshirishdan iborat bo‘lib, ularning iste'molchilarning huquqlarini himoya qilish to‘g‘risidagi qonunchilik sohasidagi so‘nggi yangiliklardan xabardorligini oshirishni ko‘zda tutdi.

Tadbir doirasida ta'lim muassasasi xodimlarining sohaga oid qonunchilikni yanada atkomillashtirish borasidagi fikr-mulohaza hamda takliflari tinglanib, ularning savollariga jamiyat mutaxassislari tomonidan javoblar qaytarildi.

Federatsiyaning rasmiy sahifalari👇
Telegram | Facebook | YouTube | Istemol.uz

⚡️7 million so'mlik mebel sifatlisiga almashtirildi

Norin tuman iste'molchilar huquqlarini himoya qilish ijro etuvchi apparati tomonidan tumanning Furqat mahallasida istiqomat qiluvchi B.SH ning xarid qilingan yumshoq mebel jihozida nuqson yuzaga kelgach, sotuvchiga topshirgani, lekin uni ta'mirlab qaytarish ishlari paysalga solib kelinayotgani holati yuzasidan qilgan murojaati o‘rganildi.

Iste'molchi murojaatida tumandagi maishiy texnika savdo do‘konidan shartnoma qiymati 7 000 000 million so‘m bo‘lgan yumshoq mebel jihozi xarid qilgani, uyiga borgandan so’ng nuqsonli joyi borligi aniqlangani, tuzatish uchun sotuvchiga topshirgani, lekin bu ishlar cho‘zilib ketganini bayon qiladi.

Tuman ijro etuvchi apparati tomonidan o‘rganish ishlari doirasida tomonlarga amaldagi qonunchilik targ‘iboti olib borildi. Natijada, sotuvchi va iste'molchi o‘rtasidagi kelishuvga ko‘ra, yumshoq mebel jihozi xuddi shu rusum va fasondagi boshqasiga almashtirib berilib, iste'molchi talabi qanoatlantirilishiga erishildi.

Federatsiyaning rasmiy sahifalari👇
Telegram | Facebook | YouTube | Istemol.uz

⚡️Iste'molchilar huquqlarini himoya qilish yo'lida muhim tashabbuslar

Surxondaryo viloyatidagi Iste'molchilar huquqlarini himoya qilish tuman (shahar) jamiyatlari tomonidan aholining iste'mol madaniyatini oshirish, fuqarolarning huquqiy bilimlarini mustahkamlash maqsadida qator davra suhbatlari va o‘quv seminarlar tashkil etilmoqda.

Xususan, Oltinsoy tumanidagi 22-sonli umumiy o‘rta ta’lim maktabida Oltinsoy tuman Iste’molchilar huquqlarini himoya qilish jamiyati tomonidan “Biz barchamiz iste’molchimiz” mavzusida o‘quv seminari o‘tkazildi. Tadbirda ishtirokchilarga iste’molchilar huquqlari, ularning vazifalari, tovar va xizmatlardan foydalanishda nimalarga e’tibor berish zarurligi haqida atroflicha ma’lumotlar berildi.

Shu bilan birga, Termiz shahar IHHQ jamiyati tomonidan ham 1- va 2-sonli umumta’lim maktablarida shu mavzuda seminarlar tashkil etilib, o‘quvchilar va o‘qituvchilar bilan ochiq muloqotlar o‘tkazildi. Tadbir ishtirokchilari o‘zlarini qiziqtirgan savollariga javob oldilar.

Sariosiyo tuman IHHQ jamiyati esa tumandagi 2- va 4-sonli maktabgacha ta’lim tashkilotlarida “Biz barchamiz iste’molchimiz” va “Iste’molchi qonun himoyasida” shiorlari ostida davra suhbatlari tashkil etdi. Mazkur suhbatlarda yosh avlodga iste’mol madaniyatining asosiy tamoyillari haqida tushuncha berildi.

O‘tkazilgan tadbirlar davomida mamlakatimizda inson qadrini ulug‘lash, aholining huquqiy savodxonligini oshirish borasida yaratilayotgan shart-sharoitlar, amaldagi “Iste’molchilarning huquqlarini himoya qilish to‘g‘risida”gi Qonunning mazmun-mohiyati haqida keng tushunchalar berildi. Mutasaddi tashkilot vakillari fuqarolarga sifatli mahsulotlar xarid qilish, shubhali va sifatsiz mahsulotlardan voz kechish, shuningdek, huquqlari buzilgan taqdirda tegishli idoralarga murojaat etishlari bo‘yicha tavsiyalar berdilar.

Federatsiyaning rasmiy sahifalari👇
Telegram | Facebook | YouTube | Istemol.uz