⚡️Mebel uchun to'langan 4 mln 200 ming so'm mablag' iste'molchiga qaytarildi

Mebel inson hayotining ajralmas qismi bo'lib, uyda qulaylik va zamonaviylikni ta'minlaydi. Shu bois ko'pchilik sifatli mebel olishga intiladi. Ammo ba'zan xarid qilingan mahsulot yoki xizmat kutgan natijani bermasligi mumkin.
Bunday holatlarda iste'molchilar o'z huquqlarini himoya qilish uchun murojaat qoldiradi.

Batafsil aytganimizda, Qong'irot tumanida istiqomat qiluvchi fuqaro shu tumandagi mebel ustasiga mebel yasatish uchun buyurtma beradi hamda 4 mln 200 ming so'm bo'lgan pulini oldindan to'lab ketadi. Mebel ustasi tayyor bo'lgan mebelni bir qismini buyurtmachi uyiga olib kelib asosiy buyurtmachi yo'qligida o'rnatib ketadi. Iste'molchi kelib mebelni ko'zdan kechirganida eshiklari to'g'ri yopilmayotganligini, material qoldiqlaridan yasalganligini ko'rib, ustaga qo’ng'iroq qilib ko'ngildagidek yasalmaganini aytadi.
Mebel ustasi mebelni boshqa ikkinchi bo'lagini olib kelganida to'g'rilab berib ketishga vada beradi. Ammo, usta o'z vaqtida kelmaydi, qo'ng'iroqlar foydasi bo'lmaydi. Iste'molchi bo'lib o'tgan bu masalalardan song 1091 ishonch telefoniga murojaat qiladi.

Iste'molchining ushbu murojaati Qong'irot tumani Iste'molchilar huquqlarini himoya qilish jamiyati xodimlari tomonidan o'rganilib chiqilib, qonun hujjatlariga asosan olib borilgan tushuntirish ishlari natijasida iste'molchining  mablag'i to’liq qaytarildi.

Federatsiyaning rasmiy sahifalari👇
Telegram | Facebook | YouTube | Istemol.uz

⚡️Iste’mol madaniyatini oshirish orqali jamoatchilik salomatligini mustahkamlash borasida online yig’ilish tashkil etildi

Bugun, O’zbekiston Iste’molchilar huquqlarini himoya qilish jamiyatlari Federatsiyasi raisi J.Sarimsoqov ishtirokida iste’mol madaniyatini bosqichma-bosqich oshirish chora-tadbirlari ijrosi, jismoniy shaxslar murojaatlari bilan ishlashda raqamli texnologiyalardan keng foydalanish, jamoatchilik nazorati tartibida kuzatuv-o’rganishlar olib borish mexanizmlari hamda ustuvor loyihalar yo’l xaritalarini tashkil etish yuzasidan barcha hududiy birlashma rahbarlarini jalb etgan holda masofaviy-online yig’ilish o’tkazildi.

Yig’ilish davomida yoz mavsumida bozorlarda hamda savdo komplekslarida oziq-ovqat savdo tashkil etishda qonun normalariga amal qilish, iste’molga yaroqsiz, sifati past, sertifikatlanmagan, uy sharoitida tayyorlangan oziq-ovqat mahsulotlarining realizatsiya qilinishi oldini olish borasida hudud rahbarlariga zaruriy ko’rsatma-topshiriqlar berildi.

Federatsiyaning rasmiy sahifalari👇
Telegram | Facebook | YouTube | Istemol.uz

⚡️O’zbekiston Iste’molchilar huquqlarini himoya qilish jamiyatlari Federatsiyasi raisi J.Sarimsoqov “Sahid Zarafshon hotel” ta’sischisi tadbirkor N.Rashidov bilan uchrashuv o’tkazdi

O'zbekiston iste'molchilar huquqlarini himoya qilish jamiyatlari Fеdеrаtsiуаsi tashabbusi bilаn Вuхоrо viloyati hokimligi amaliy ko'magida Xalqaro iste'molchilar tashkiloti (Cоnsumеrs lnternational) hamkorligida joriy 2025 yilning oktyabr oyi birinchi о'n kunligida Вuхоrо shahrida turizm sohasida iste'molchilar huquqlarini himoya qilish sohasida "SАYYОН-2025" Xalqaro forumi o'tkazilishi rejalashtirilganligi, Xalqaro forumni o'tkazish yuzasidan Вuхоrо viloyati hokimi Botir Zaripov hamda Хаlqаrо iste'molchilar tashkiloti (Consumers lnternational) Bosh dirеktоri Неlеnа Lеurеnt bilan dastlabki kelishuvlarga erishilganligi to'g'risida to'xtalib o'tdi.

Forumni o'tkazishdan maqsad yetakchi еksреrtlаr hamda хаlqаrо mintaqaviy va milliy iste'molchilar tashkilotlari vakillari ishtirokida turizm sohasida iste'molchilar huquqlarini himoya qilishning hal etilishi zаrur bo'lgan muammolarini muhokama qilish va ulаrni hal etish bo'yicha tavsiyalar ishlab chiqishdan iboratligini nazarda tutib Xalqaro fоrumni уuqоri saviyada o'tkazish va tashkiliy jаrауоnlаr reja-tаdbirlаri to'g'risida o’z fikr va tavsiyalarini berdi.

Federatsiyaning rasmiy sahifalari👇
Telegram | Facebook | YouTube | Istemol.uz

⚡️At the initiative of the Federation of Societies for Consumer Rights Protection in Uzbekistan, with the practical support of the Bukhara Regional Administration and in cooperation with Consumers International, the "SAYYOH-2025" International Forum on Consumer Rights Protection in the Tourism Sector is scheduled to be held in the city of Bukhara during the first ten days of October 2025.

The purpose of the Forum is to bring together leading experts and representatives of international, regional, and national consumer organizations to discuss pressing issues in the field of consumer rights protection in tourism and to develop practical recommendations for their resolution.

The Federation of Societies for the Protection of Consumer Rights of Uzbekistan is the only consumer organization that has been accepted as a full member of Consumers International since 2018 among the state and non-state organizations operating in the field of consumer rights protection in the CIS member countries.

Matbuot Xizmati

⚡️Iste’molchiga 500 million so‘mlik xonadon kaliti topshirildi

Navoiy shahrida yashovchi fuqaro T.A 2024-yil 6-mart kuni shahardagi ko‘p qavatli turar joy majmuasidan umumiy qiymati 500 million so‘m bo‘lgan xonadon sotib olish maqsadida quruvchi tashkilot bilan shartnoma tuzib, oldindan 130 million so‘m miqdorida to‘lov amalga oshirgan.

Shartnomaga ko‘ra, xonadon 2026-yilning IV choragiga qadar topshirilishi kerak edi. Biroq bugungi kunga qadar qurilish ishlari boshlanmagan va quruvchi obyektni 3 yil ichida topshirishini bildirgan. Bu holatdan norozi bo‘lgan fuqaro T.A O‘zbekiston iste’molchilar huquqlarini himoya qilish jamiyatlari federatsiyasining Navoiy shahar jamiyatiga murojaat qilgan.

Mazkur murojaat jamiyat xodimlari tomonidan o‘rganilib, quruvchiga iste’molchining qonuniy huquqlari batafsil tushuntirildi. Natijada, quruvchi tomonidan fuqaro T.A ga hozirda qurib bitkazilgan tayyor xonadon kaliti topshirildi.

Federatsiyaning rasmiy sahifalari
Telegram | Facebook | YouTube | Istemol.uz

⚡️Nosoz kir yuvish mashinasi sifatlisiga almashtirildi.

Maishiy texnika savdosi bilan bogʼliq nizoli vaziyatlar haqida yuzlab maqolalar chop etilgan. Statistik tahlil qilinsa, maishiy texnika vositalari orasida kir yuvish mashinalari nosozligi yuzasidan murojaatlar koʼp kelib tushganini koʼrish mumkin.

Uychi tumanida yashovchi fuqaro T.X tuman markazida joylashgan maishiy texnika vositalari savdo doʼkonidan 5 600 000 soʼm shartnoma asosida kir yuvish mashinasi xarid qilgan. Xoʼjaligida foydalanish mobaynida esa unda nosozlik kuzatilgan. Bu boʼyicha bir necha marta tadbirkorni ogohlantirishiga qaramasdan, ijobiy natija kuzatilmagan.

Isteʼmolchilik huquqlarini toʼla anglagan fuqaro amaliy yordam soʼrab, Oʼzbekiston isteʼmolchilar huquqlarini himoya qilish Uychi tuman jamiyatga murojaat qoldirgan. Uychi tuman jamiyati xodimlari aralashuvi bilan murojaat joyiga chiqib oʼrganilishi natijasida, nosoz kir yuvish mashinasi yangisiga almashtirib berilib, murojaat ijobiy hal etildi.

Federatsiyaning rasmiy sahifalari👇
Telegram | Facebook | YouTube | Istemol.uz

⚡️Umumta'lim maktabi jamoasi o‘rtasida targ‘ibot tadbiri va jamoatchilik monitoringlar o`tkazildi

Andijon viloyat iste'molchilar huquqlarini himoya qilish hududiy birlashmasi Andijon tumani tomonidan tumandagi 13,16,18,19,21,23,25,26,32,34,37,41,43-umumta'lim maktablarida pedagog xodimlari ishtirokida iste'molchilarning huquqlarini himoya qilish to‘g‘risidagi qonunchilik asoslari yuzasidan targ‘ibot tadbiri xamda umumta'lim makablarida iste'molchilarga yaratilgan sharoitlar boyicha jamoatchilik monitoring kuzatuv organishlaribo‘lib o‘tmoqda.

Tadbirda iste'molchilarning huquqlarini himoya qilish to‘g‘risidagi qonunchilik mazmun-mohiyati, iste'molchi sifatida o‘z huquqlarini himoya qilish, shuningdek ushbu jarayonda davlat organlari, sud idoralari va jamoat tashkilotlari yordamidan foydalanish bo‘yicha yo‘l-yo‘riqlar, Federatsiya va uning hududiy tashkilotlari faoliyati, Federatsiyaga a'zolikning afzalliklari, davlat va jamoat tashkilotlari o‘rtasida ijtiomiy sheriklik va hamkorlik aloqalarini olib borish va buning natijasida aholi vakillari uchun yaratiladigan imkoniyatlar kabi masalalarda atroflicha tushuntirishlar berib o‘tildi.

Tadbir yakunlariga ko‘ra, maktablar jamoasi va tuman jamiyati o‘rtasida keng qamrovli ijtimoiy sheriklikni yo‘lga qo‘yish, jamoa a'zolarining iste'mol sohasiga oid murojaatlarini samarali hal qilish chora-tadbirlarini ko‘rish maqsadida ta'lim maskanida Federatsiyaning boshlang‘ich tashkiloti faoliyatini yo‘lga qo‘yishga kelishib olinishi bilan birgalikda iste'molchi sifatida buzilgan huquqlarini tiklanadi.

Federatsiyaning rasmiy sahifalari👇
Telegram | Facebook | YouTube | Istemol.uz

⚡️Namanganda 762 million so'mdan ortiq mablag' iste'molchilar foydasiga qayta hisob-kitob qilindi

Oʻzbekiston isteʼmolchilar huquqlarini himoya qilish jamiyatlari federatsiyasi Yangiqo’rg’on tuman ijro etuvchi apparatiga tumanda yashovchi isteʼmolchilardan koʻplab murojaatlar kelib tushgan.
Murojaatlarda bayon etilishicha, “Toza Hudud" DK Yangiqo'rg'on tuman filiali xodimlari tomonidan kuz-qish mavsumida maishiy chiqindilarning olib ketilmasligi natijasida, iste'molchilarga hech qanday xizmat koʻrsatilmagan.

O'rganishlar davomida haqiqatdan ham tumandagi  31  ta MFY hamda “Toza Hudud" DK Yangiqo’rg’on tuman filiali oʻrtasida Oʻzbekiston Respublikasi Vazirlar Mahkamasining 2018-yil 25-noyabrdagi PF5580-sonli Qaroriga asosan ommaviy shartnoma tuzilgani aniqlandi. Ammo  qish mavsumida havo haroratining sovishi va gaz tanqisligining yuzaga kelishi sababli, DK maxsus texnikalari yoqilgʻi bilan ta'minlanmagan. Shu bois, 2025-yil yanvar  fevral oylarida qatnov grafigi boʻyicha aholiga toʻliq va sifatli xizmat koʻrsatilmagan.

Oʻrganish yakuniga koʻra, “Toza Hudud" DK Yangiqo’rg’on tuman filiali tomonidan tumanidagi 31 MFY aholisiga belgilangan sifatdagi xizmatlar koʻrsatilmaganligi sababli, yuqorida sanab o'tilgan oylar uchun jami 68093 ta aholidan olinadigan 762 641 600  soʻm to'lovlarni undirish bekor qilindi.

Federatsiyaning rasmiy sahifalari👇
Telegram | Facebook | YouTube | Istemol.uz

⚡️Isteʼmolchilarning huquqlari ustuvorligi Konstitutsiya normasi

Oʼzbekiston Respublikasi Konstitutsiyasining 65-moddasiga muvofiq davlat bozor munosabatlarini rivojlantirish va halol raqobat uchun shart-sharoitlar yaratadi, isteʼmolchilarning huquqlari ustuvorligini hisobga olgan holda iqtisodiy faoliyat, tadbirkorlik va mehnat qilish erkinligini kafolatlaydi.
Bugungi kundagi asosiy masalalardan biri koʼp qavatli uylardagi kvartira egalari shirkatlari yoki boshqaruv kompaniyalari tomonidan koʼrsatilmagan xizmatlar uchun aholidan haq undirayotganligidir.

Ushbu holat Oʼzbekiston Respublikasining “Isteʼmolchilar huquqlarini himoya qilish toʼgʼrisida”gi Qonunning 8-, 10-moddalari normalariga ziddir. Bunda koʼrsatilmagan xizmatlar uchun badallar (kvart.plata) oyma-oy hisoblanib borilayotganligi tufayli aholining qarzdorligi toʼplanib qolmoqda.

Oʼzbekiston Respublikasi qurilish va uy-joy kommunal xoʼjaligi vazirining 2024-yil 12-martdagi 01/2-4-son buyrugʼi bilan tasdiqlangan “Koʼp kvartirali uylarda umumiy mol-mulkni saqlash, undan foydalanish va uni taʼmirlash hamda koʼp kvartirali uyga tutash yer uchastkasini obodonlashtirish uchun majburiy badallar yoki toʼlovlarning eng kam miqdorini aniqlash tartibi toʼgʼrisida"gi Nizomga muvofiq kvartira egalari shirkatlari yoki boshqaruv kompaniyalari tomonidan koʼp kvartirali uylarda 16 turdagi xizmatlar koʼrsatilishi kerak boʼlsada, bunday xizmatlarning atigi 1 yoki 2 tasi koʼrsatilmoqda xolos. Lekin, Oʼzbekiston Respublikasi qurilish va uy-joy kommunal xoʼjaligi vazirining 2024-yil 15-apreldagi 114-son buyrugʼi bilan har bir kvadrat metr uchun majburiy badallar boʼyicha 1830 soʼmgacha tarif tasdiqlangan.

Bu buyruq ilmiy va aniq maʼlumotlar bazasiga asoslanmagan, normativ-huquqiy hujjat qabul qilish talablariga zid ravishda qabul qilingan, albatta. Buyruq va Nizomda koʼrsatilmagan xizmatlar uchun aholidan majburiy badal undirlmasligi haqida biror qoida belgilanmagan. Roʼyxat raqami 3501 boʼlgan hujjatni Аdliya vazirligi qanday roʼyxatdan oʼtkazgan, bunga javob beradigan masʼul bormi.

Ushbu fikrlarmizni “Yuksalish” harakatining soʼrovi natijalari tasdiqlaydi. “Yuksalish” harakati tomonidan 2025 yilning fevralь oyida koʼp kvartirali uylarni boshqarish va boshqaruv kompaniyalarining faoliyat samaradorligi hamda ushbu tizimga aholi munosabati oʼrganilgan.
Respublika boʼylab oʼtkazilgan soʼrovnomada respondentlarning 35,8 foizi tomonidan BSK faoliyati qoniqarsiz deb belgilangan.
Qolaversa, koʼp kvartirali uylarning mulkdorlariga uylarni boshqarish shaklini erkin tanlash imkoniyati berilmaslik holatlari mavjud.

Vaholanki, Oʼzbekiston Respublikasining “Isteʼmolchilar huquqlarini himoya qilish toʼgʼrisida”gi Qonunning 4-moddasida isteʼmolchilarga tovarni (ishni, xizmatni) erkin tanlash va uning tegishli darajada sifatli boʼlishini talab qilish huquqi kafolatlangan.
Biroq, uy-joylarga boshqaruv organlari orqali xizmat koʼrsatish tanlangandan soʼng, BSKni tanlash jarayonida mulkdorlarning bevosita ishtiroki taʼminlanmayapti.
Natijada, BSK va mulkdorlar oʼrtasida turli xil nizolar kelib chiqmoqda. Masalan, mulkdorlar tomonidan ikki tomonlama shartnoma tuzishdan bosh tortish, majburiy badallarni toʼlamaslik, BSK tomonidan koʼrsatilishi belgilangan xizmatlarning toʼliq va sifatli bajarilmasligi va koʼrsatilmayotgan xizmatlar uchun badal undirilishi kabi muammolar shular jumlasidan.

Qolaversa, bitta BSKning xizmat koʼrsatish salohiyati hamda imkoniyati hisobga olinmagan holda, 100 dan ortiq koʼp kvartirali uyga xizmat koʼrsatish topshirilgan holatlar mavjud. Bundan tashqari, Toshkent shahrida koʼp kvartirali uylarni boshqarishda ishtirok etayotgan bir necha soha ekspertlari bilan oʼtkazilgan onlayn uchrashuvda mahalliy davlat idoralarining vakillari noqonuniy va notoʼgʼri harakatlari bilan sohada qator muammolarni yuzaga keltirayotganligini, ushbu muammolar aholining kayfiyatiga salbiy taʼsir etayotganligi, ularni bartaraf etish borasida qilayotgan murojaatlari hal etilmay kelinayotgani maʼlum qilindi.