⚡️Tibbiy xizmat ko’rsatuvchi hamda dori-darmon vositalarini realizatsiya qilayotgan subyektlar faoliyati o’rganilmoqda

Iste’molchilarning sifatli tibbiy xizmatdan foydalanish huquqini kafolatlash, iste’molchilar huquqlarini himoya qilishda jamoatchilik ishtirokini kengaytirish, joylarda mavjud kamchiliklarni tizimli bartaraf etish hamda qonunchilik targ’ibotini amalga oshirish maqsadida Buxoro viloyat hududiy birlashmasi, tuman va shahar tarkibiy tuzilmalari tomonidan jamoatchilik nazorati tartibida sog’liqni saqlash tizimida faoliyat ko’rsatayotgan davlat-nodavlat tashkilotlarida kuzatuv-o’rganish tadbirlari oʼtkazilmoqda.

Gʼijduvon tuman

Gʼijduvon tuman jamiyati tomonidan tumandagi Tuman tibbiyot birlashmasi Bolalar davolash bo’limida jamoatchilik nazorati tartibida kuzatuv-o’rganish tadbiri olib borildi. O’rganishlar davomida aniqlangan kamchiliklar yuzasidan mas’ullarga ko’rsatmalar berildi.

Vobkent tuman

Vobkent tuman jamiyati tomonidan tumandagi “Meros” MCHJ tasarrufidagi dorixonalarda olib borilayotgan tadbirlar davomida PQ-185 doirasida dori-darmon va tibbiy buyumlarni saqlash, sotish, ishlab chiqarish talablari yuzasidan tushuntirishlar berildi. Asosan, dori-darmon vositalarini issiq ob-havoda +25 C dan oshmagan omborxonalarda, metal stelajlar hamda muzlatgichlarda saqlash maqsadga muvofiqdir.

Jondor tuman

Jondor tuman jamiyati tomonidan tumandagi Sogʼliqni saqlash boshqarmasi tasarrufidagi xususiy davolash maskanlari, dorixonalarda iste’molchilarga yaratilgan shart-sharoitlar ko’zdan kechirilib, ayrim dorixonalarda ish grafigi, iste’molchi burchaklari, peshlavhalar ko’rinarli qismlarda, o’zbek tilida chop etilib, o’rnatilmoqda.

Romitan tuman

Romitan tuman jamiyati mutaxassislari davlat tibbiyot maskanlari, poliklinikalar va qishloq vrachlik punktlarida iste’molchilarga yaratilgan shart-sharoitlarni o’rganish davomida, muassalarda bepul xizmat toifalari, preyskurant narxnomalar hamda iste’molchilarning huquq-majburiyatlari aks etgan peshlavhalar o’rnatilishini ta’minlamoqda.

Peshku tuman

Peshku tuman jamiyati tomonidan sog’liqni saqlash sohasida, tibbiyot birlashmasi nervologiya faoliyat ko’rsatayotgan ishchi-xodimlar bilan muloqotlar tashkil etilib, ularni qiynab kelayotgan muammolar yuzasidan huquqiy maslahatlar berilmoqda. Iste’molchi huquqiga doir murojaatlar ro’yxatga olinib, vakolat doirasida o’rganilishi ko’zda tutilgan.

Federatsiyaning rasmiy sahifalari👇
Telegram | Facebook | YouTube | Istemol.uz

⚡️Qarshi tumanida iste’molchilar huquqlarini himoya qilish borasida amalga oshirilgan ishlar haqida O‘zbekiston iste’molchilar huquqlarini himoya qilish jamiyatlari federatsiyasi Qarshi tuman jamiyati raisi Baxtiyor Begaliyev bilan muloqot o’tkazildi.

Federatsiyaning rasmiy sahifalari👇
Telegram | Facebook | YouTube | Istemol.uz

⚡️5 million soʻmlik kir yuvish mashinasi yangisiga almashtirildi.

Turli ishlab chiqaruvchilar tomonidan iste’molchilarga taklif etilayotgan ushbu tovarlarning barchasi ham sifatli deyish mushkul.

Kitob tumani “Qaynar” mahallasi Yangi qishloq qishlogʻida yashovchi fuqaro I.Ch tumandagi “Baxt” savdo markazidan 5 million soʻmga “Ziffler” rusumli kir yuvish mashinasi sotib oladi. Ushbu uskunadan bir necha oy foydalangach, unda nosozliklar kuzatilib ishlamay qoladi. Iste'molchining bu haqda sotuvchiga qilgan murojaati e'tiborsiz qoldiriladi va nosoz holga kelib qolgan mahsulotga bepul servis xizmati ham koʻrsatilmaydi.

Oʻrganish jarayonida, kir yuvish mashinasidagi nosozlikni servis xizmati koʻrsatish orqali bartaraf etishning imkoni yoʻqligi sababli nuqsonli tovar sotuvchiga qaytarildi hamda iste'molchiga shu rusumdagi boshqa sifatli mahsulot olib berilishi ta'minlandi.

Federatsiyaning rasmiy sahifalari👇
Telegram | Facebook | YouTube | Istemol.uz

⚡️Navoiy viloyatida iste’mol madaniyatini oshirishga doir ma’rifiy tadbirlar o’tkazilmoqda

Oʻzbekiston iste'molchilar huquqlarini himoya qilish jamiyatlari federatsiyasi Zarafshon shahar jamiyati tomonidan Zarafshon shahar maktabgacha va maktab ta'limi bo‘limiga qarashli 12-son umumta'lim maktabida iste'molchilar huquqlarini himoya qilish, shuningdek, aholining huquqiy savodxonligini oshirish maqsadida davra suhbati tashkil etildi.

Navbahor tuman jamiyati tomonidan Navbahor tuman maktabgacha va maktab ta’lim bo‘limiga qarashli 15-sonli maktabgacha ta’lim tashkiloti ishchi-xodimlari o‘rtasida “Iste’molchi huquqingizni bilasizmi?” mavzusida davra suhbati tashkil etildi.

Tadbir davomida ishtirokchilarga iste’molchilarning asosiy huquqlari, ularni himoya qilish mexanizmlari, shuningdek, muammoli holatlarda murojaat etilishi mumkin bo‘lgan Oʻzbekiston Isteʼmolchilar huquqlarini himoya qilish jamiyatlari federatsiyasining "1091" qisqa raqamlariga yoki tuman shahar jamiyatlariga murojaat qilishlari toʻgʻrisida batafsil ma’lumot berildi. Suhbat ochiq muloqot shaklida o‘tib, ishtirokchilar o‘zlarini qiziqtirgan savollarga javob oldilar.

Federatsiyaning rasmiy sahifalari👇
Telegram | Facebook | YouTube | Istemol.uz

⚡️Savdo va xizmat ko‘rsatish sohasida iste'molchilarning ma'lumot olish huquqi ta'minlab berilyaptimi?

O‘zbekiston iste'molchilar huquqlarini himoya qilish jamiyatlari federatsiyasi Farg‘ona viloyat hududiy birlashmasi tomonidan Raqobat boshqarmasi so‘rovi asosida viloyat hududidagi savdo va xizmat ko‘rsatish ob'ektlarida, bozorlar, yirik savdo va ko‘ngilochar markazlar, haoli bilan shartnomaviy va pulli hisob-kitoblar asosida ishlovchi korxona va tashkilotlarda iste'molchilar uchun zarur axborotlarni taqdim etilishi holatlari bo‘yicha o‘rganishlar o‘tkazildi. O‘rganishlar, tanlama asosda, aholiga yuqoridagi xizmatlarni ko‘rsatib kelayotgan 52 ta sub'ektlarda o‘tkazildi.

O‘rganishda "Iste'molchilarning uhquqlarini himoya qilish to‘g‘risila"gi qonuni 5-moddasi talablari ijrosi ta'minlanishi, xususan sotuvchi (ijrochi) o‘z tashkilotining firma nomi, uning joylashgan (yuridik) manzili va ish tartibini iste'molchilarga ma'lum qilishi shartligi, bunday ma'lumot lavhada aks ettirilishi lozimligi bo‘yicha majburiyatlarni bajarilishi ko‘rilganda, sub'ektlarning 24 tasida binoning kirish qismida peshlavhasi mavjudligi va u iste'molchilar e'tiboriga davlat tilida havola qilinganligi ma'lum bo‘lgan bo‘lsa, jami 28 ta, shundan Farg‘ona shahri, Qo‘shtepa va Uchko‘prik tumanlarida 1 tadan, Farg‘ona, Quva, Toshloq. Yozyovon, Oltiariq va Beshariq tumanlarida 2 tadan, Quvasoy shahri, Bag‘dod, O‘zbekiston tumanlarida 3 tadan, Rishton tumanida 4 ta sub'ektlarda peshlavhalar umuman qo‘yilmaganligi kuzatildi. Bu esa tanlama asosda o‘rganilgan sub'ektlarning 53,8 % ini tashkil qiladi.

Savdo va xizmat ko‘rsatish ob'ektlarining aksariyatida yoki 42 tasida (80,8 %) da qonunning 6-moddasi talablari, ya'ni tovar (ish, xizmat)larning tegishli tartibda tayyorlangan narxnomalari qo‘yilganligi va ularning davlat tilida ekanligi qayd qilingan bo‘lsada, 9 ta sub'ektda, xususan Quvasoy shahri va Oltiariq tumanida 1 tadan, Farg‘ona va Uchko‘prik tumanlarida 2 tadan, Yozyovon tumanida esa 3 ta holatda mazkur talablar bajarilmaganligi kuzatilgan.

Sotuvchi (ijrochi) iste'molchiga tovarlar savdosi, maishiy va boshqa turdagi xizmat ko‘rsatishning qoidalari to‘g‘risida iste'molchilarga to‘liq ma'lumot berishi shart va bunday ma'lumot, an'anaga ko‘ra, "Iste'molchi burchagi" yoki "Axborot burchagi" tarzida iste'molchilar e'tiboriga havola qilinishi kerak. Shuningdek, ushbu ma'lumotlar davlat tilida taqdim qilinmog‘i lozim. Mazkur talablar ijrosi o‘rganilgan sub'ektlarning 16 tasida yoki 30,8 % idagina bajarilgan. Toshloq va Uchko‘prik tumanlaridagi 1 ta, Farg‘ona, Marg‘ilon shaharlari, Farg‘ona, Quva va Qo‘shtepa tumanlaridagi 2 ta, Quvasoy shahri, Oltiariq, Bag‘dod, O‘zbekiston va Beshariq tumanlaridagi 3 ta, Yozyovon va Rishton tumanlaridagi 4 tadan sub'ektlarda esa ushbu talablar ijrosi ta'minlanmaganligi kuzatildi.

O‘rganish ishlari davomida amaldagi qonunchilik talablari targ‘iboti olib borilib, uning yakunlari bo‘yicha tayyorlangan ma'lumotnoma Raqobatni rivojlantirish va iste’molchilar huquqlarini himoya qilish hududiy boshqarmasiga qonuniy chora ko’rish maqsadida taqdim etildi.

Federatsiyaning rasmiy sahifalari👇
Telegram | Facebook | YouTube | Istemol.uz

⚡️8 million 500 ming so'mlik nosoz televizor jamiyat aralashuvi bilan yangisiga almashtirildi

To'rtkul tumanida istiqomat qiluvchi fuqaro X.Z shu tumanda joylashgan savdo markazidan 8 mln 500 ming so'mga 85 dyumli “Toshiba”markali televizor xarid qiladi. Yangi televizorda 10 kun ichida nosozliklar aniqlanib, savdo markazidan yangisiga almashtirib berishligini so'raydi. Ammo savdo xodimlari Iste'molchining talabini bajarmagach, fuqaro 1091 ishonch telefoniga murojaat qiladi.

Iste'molchining ushbu murojaati To'rtkul tumani Iste'molchilar huquqlarini himoya qilish jamiyati xodimlari tomonidan o'rganib chiqilib, iste'molchi va savdo xodimlariga O’zbekiston Respublikasi “Iste’molchilarning huquqlarini himoya qilish to‘g‘risida”gi Qonunining 13-moddasida iste’molchiga nuqsonli tovar sotilganda uning huquqlari bayon etilganligi, unga ko`ra, nuqsonli tovar sotilganda iste’molchi, agar bu hol shartnoma tuzish paytida aytib o‘tilmagan bo‘lsa, o‘z xohishiga qarab quyidagilardan birini talab qilishga haqli:
- tovarni ayni shunday markali (modelli, artikulli) maqbul sifatli tovarga almashtirib berish;
- tovarni boshqa markali (modelli, artikulli) shunday tovarga almashtirib, uning xarid narxini tegishincha qayta hisob-kitob qilish;
- tovarning nuqsonlarini bepul bartaraf etish yoki iste’molchining yoxud uchinchi shaxsning nuqsonlarni bartaraf etishga qilgan
- xarajatlarini qoplash;
- xarid narxini nuqsonga mutanosib ravishda kamaytirish;
- shartnomani bekor qilib, ko‘rilgan zararni qoplash.

mumkinligi bo'yicha tushuntirish ishlari olib borildi va olib borilgan huquqiy tushuntirishlardan so’ng iste'molchining  murojaati qanoatlantirilib, nosoz televizor yangisiga almashtirilib berildi.

Federatsiyaning rasmiy sahifalari👇
Telegram | Facebook | YouTube | Istemol.uz

⚡️Andijon viloyatida ma’rifiy tadbirlar OAV da yoritilib borilmoqda

Federatsiyaning rasmiy sahifalari👇
Telegram | Facebook | YouTube | Istemol.uz

⚡️Huquqiy xabardorlik – sifatli xizmat garovi!

“Iste’molchilar huquqlarini himoya qilish to‘g‘risidagi O‘zbekiston Respublikasining Qonuni” va me’yoriy hujjatlar asosida iste’molchilarga ayrim ijtimoiy-iqtisodiy sohalarda xizmat ko‘rsatish va ularning huquqlarini himoya qilish maqsadida tuman (shahar) jamiyat mutaxassislari tomonidan o‘quv seminarlari tashkil etildi.

Shu jumladan Termiz shaharida joylashgan “Akademik Y.X.To‘raqulov nomidagi Respublika ixtisoslashtirilgan endokirinologiya ilmiy-amaliy tibbiyot markazi Surxondaryo filialida, Termiz tumandagi 5-32-umumta’lim maktablarida, Oltinsot tumani 2-56-umumta’lim maktablarida, shuningdek Denov tadbirkorlik va pedagogika institutida va Qiziriq tumani 2-DMT tashkilotida tuman jamiyati raislari tomonidan iste’molchilarning huquq va majburiyatlari, shuningdek tovar ayirboshlash jarayonida e’tibor berishimiz kerak bo‘lgan jihatlar, amaldagi qonuning mazmun mohiyati hamda O‘zbekiston iste’molchilar huquqlarini himoya qilish jamiyatlari federatsiyasining ish faoliyati haqida batafsil tushuncha berildi hamda Federatsiyaning 1091- ishonch telefoni orqali yoki tuman jamiyatiga murojaat qilib iste’molchi sifatida o‘z huquqlarini himoya qilishlari mumkinligi haqida ta’kidlab o‘tildi.

Bundan tashqari bugungi kunda ommalashgan onlayn tovar sotib olish hamda onlayn pul o‘tkazishda e’tibor qaratilishi kerak bo‘lgan jihatlar haqida ham tushunchalar berib o‘tildi. Yakunida ishtirokchilarning savollariga javob berilib ixtiyoriy ravishta a’zolikka qabul qilindi.

Federatsiyaning rasmiy sahifalari👇
Telegram | Facebook | YouTube | Istemol.uz

⚡️Ko’rsatilmagan xizmat uchun chiqarilgan noreal qarzdorlik so’ndirildi

Mingbuloq tuman isteʼmolchilar huquqlarini himoya qilish jamiyatiga Tumandagi Ingichka MFY Gulzor koʻchasida yashovchi isteʼmolchi M.A yozma ariza bilan murojaat qilgan. Murojaatda bayon etilishicha, isteʼmolchiga “Namangan Musaffo Iqlim” MCHJ Mingbuloq tuman boʻlimi tomonidan 1 254 600 (bir million ikki yuz ellik toʻrt ming olti yuz) soʻm qarzdorlik chiqarilgan.

Isteʼmolchi chiqarilgan qarzdorlikdan norozi boʻlib “Namangan Musaffo Iqlim” MCHJ Mingbuloq tuman boʻlimiga borgan va xizmat mashinalari yura olmasligini koʻchasi berk koʻchaligini, isteʼmolchiga xizmat koʻrsatmaganligi bu noreal qarzdorligini tushuntirgan. Tuman xodimlarni isteʼmolchini gaplarini inobatga olmay bu qarzni toʻlashini aytgan. Isteʼmolchi ushbu qarzdorlikdan norozi boʻlgan va jamiyatdan amaliy yordam berishni soʻragan.

Jamiyat xodimlari tomonidan murojaat qabul qilinib oʻz vaqtida joyiga borib oʻrganilganida isteʼmolchiga haqiqatdan ham hozirgi kunga qadar hech qanday xizmat koʻrsatilmagan boʻlib xizmat mashinasi haydovchisi boshqa koʻchaga xizmat koʻrsatilgan boʻlib chiqdi va M.A ga chiqarilgan 1 254 600 (bir million ikki yuz ellik toʻrt ming olti yuz) soʻm noreal qarzdorlik yagona elektron tizimdan qayta hisob-kitob qilib berildi. Isteʼmolchining murojaati oʻrganish jarayonidan soʻng ijobiy hal etib berildi.

Federatsiyaning rasmiy sahifalari👇
Telegram | Facebook | YouTube | Istemol.uz