Bugun O‘zbekiston iste’molchilar huquqlarini himoya qilish jamiyatlari federatsiyasi raisi J.Sarimsoqov va Sirdaryo viloyati  Sayxunobod tuman hokimi K.Mullajanov ishtirokida uchrashuv bo‘lib o‘tdi.

Uchrashuvda  O‘zbekiston Respublikasi Prezidentining “Fuqarolik jamiyati institutlarini davlat tomonidan qo‘llab-quvvatlash tizimini yanada takomillashtirish chora-tadbirlari to‘g‘risida”gi 124-sonli Farmonida belgilangan masalalar yuzasidan  kelgusidagi rejalar muhokama qilindi.  Tumanda iste’molchilar huquqlarini himoya qilish borasida qilinishi zarur bo‘lgan ishlar xususida fikr almashildi. Shuningdek tumanda iste`molchilar uyi ma`muriy kompleksini qurishga ham kelishib olindi.

Tuman hokimi federatsiya tashabbuslarini qo‘llab-quvvatlab, fuqarolarning muammolarini tizimli o‘rganish va ularni aniq hal etilishida samarali jamoatchilik nazoratini o‘rnatish, fuqarolarning iste’mol madaniyatini oshirish yuzasidan amalga oshiriladigan barcha loyihalarda hamkorlik qilishga tayyor ekanini bildirdi.

Federatsiyaning rasmiy sahifalari👇
Telegram | Facebook | YouTube | Istemol.uz

MUNOSIB XIZMATLARI UCHUN XIZMAT AVTOMOBILI TOPSHIRILDI

So‘z isteʼmolchilarning huquqlarini himoya qilish, aholining isteʼmol madaniyatini oshirish va sohada jamoatchilik nazoratini yanada kuchaytirish xususida borar ekan, birgina Sirdaryo viloyat hududiy birlashmasi hamda tuman (shahar) jamiyatlari tomonidan qilingan ishlar shubhasiz iste`molchilarning huquqlari qonun bilan kafolatlanganligiga yorqin misol bo`la oladi.

Ta`kidlash joizki, so`ngi yillarda Sirdaryo viloyat hududiy birlashmasi hamda tuman (shahar) jamiyatlari tomonidan O`zbekiston isteʼmolchilar huquqlarini himoya qilish jamiyatlari Federatsiyasi Kengashining yigʼilishlari qarorlarining ijrosini ta`minlash, hududda aholining huquqiy ongi va isteʼmol madaniyatini yanada yuksaltirish borasida yuqori ko`rsatkichlar qayd etib kelinmoqda.

Sir emaski, ayrim holatlarda fuqarolarning murojaatlarini tezkor ravishda hal etish talab qilinadi. Bunda albatta xizmat avtomobillarining o‘rni sezilarli bo‘ladi. Bugun O‘zbekiston iste’molchilar huquqlarini himoya qilish jamiyatlari federatsiya raisi J.Sarimsoqov Sirdaryo viloyat hududiy birlashmasiga xizmat avtomobilini topshirar ekan ayni masalaga alohida to‘xtalib o`tdi.

Federatsiyaning rasmiy sahifalari👇
Telegram | Facebook | YouTube | Istemol.uz

Bugun Andijon viloyat hokimi, O‘zbekiston Respublikasi Oliy Majlis Senati a’zosi Sh. Abduraxmanov hamda O‘zbekiston iste’molchilar huquqlarini himoya qilish jamiyatlari federatsiyasi raisi J.Sarimsoqov ishtirokida Bobur shahrida uchrashuv bo‘lib o‘tdi.

Uchrashuvda O‘zbekiston Respublikasi Prezidentining “Fuqarolik jamiyati institutlarini davlat tomonidan qo‘llab-quvvatlash tizimini yanada takomillashtirish chora-tadbirlari to‘g‘risida”gi 124-sonli Farmonida belgilangan masalalar yuzasidan kelgusidagi rejalar muhokama qilindi.  Andijon viloyatida iste’molchilar huquqlarini himoya qilish borasida qilinishi zarur bo‘lgan ishlar xususida fikr almashildi.

Viloyat hokimi federatsiya tashabbuslarini qo‘llab-quvvatlab, fuqarolarning muammolarini tizimli o‘rganish va ularni aniq hal etilishida samarali jamoatchilik nazoratini o‘rnatish, fuqarolarning iste’mol madaniyatini oshirish yuzasidan amalga oshiriladigan barcha loyihalarda hamkorlik qilishga tayyor ekanini bildirdi.

Uchrashuv so`ngida O‘zbekiston iste’molchilar huquqlarini himoya qilish jamiyatlari federatsiyasi raisi J.Sarimsoqov iste’molchilar huquqlarini himoya qilish harakatini har tomonlama rivojlantirish, aholining iste’mol madaniyati va huquqiy himoyalanish darajasi oshirilishida federatsiya bilan doimiy hamkorlik uchun viloyat hokimiga minnatdorchilik bildirdi.

Federatsiyaning rasmiy sahifalari👇
Telegram | Facebook | YouTube | Istemol.uz

⚡️Tarmoqqa yangi ulanadigan yakka tartibdagi uy-joylar va ko‘p kvartirali xonadonlarda elektr hisoblagich kimning hisobidan o‘rnatiladi?

Quva tuman iste'molchilar huquqlarini himoya qilish jamiyatida “Do‘stlik” mahalla fuqarolar yig‘inida yashovchi R.U ning yangi qurib tugatilayotgan xonadoniga elektr energiyasini hisoblash uskunasini o‘rnatish borasida yuzaga kelayotgan muammo bilan bog‘liq bo‘lgan, O‘zbekiston iste'molchilar huquqlarini himoya qilish jamiyatlari federatsiyasi ishonch telefoniga qilingan murojaati o‘rganildi.

Murojaati o‘rganilishi jarayonida iste'molchi yakka tartibdagi uy-joyini qurib topshirayotganligi, hozirda pardozlash ishlari yakuniga yetayotganligi, tuman elektr ta'minoti korxonasiga elektr hisoblagich o‘rnatib berish bo‘yicha murojaat qilganida ular tomonidan korxona bazasida zamonaviy elektr hisoblagich tugab qolganligi sababli hisoblagichni o‘z mablag‘i hisobidan sotib olib, o‘rnatib turish yuzasidan maslahat berilganligini qo‘shimcha qilib o‘tdi.

O‘zbekiston Respublikasi Vazirlar Mahkamasining 31.05.2024 yildagi 319-son qarori bilan tasdiqlangan “Elektr energiyasidan foydalanish qoidalari”ning 65-bandiga ko‘ra, maishiy iste'molchilarda o‘rnatilgan hisoblagichlarni sotib olish (elektr tarmoqlariga yangi ulanadigan yakka tartibdagi uy-joylar va ko‘p kvartirali uylardagi xonadonlar), o‘rnatish, ro‘yxatga olish, davriy qiyoslovdan o‘tkazish va plombalash, shuningdek, mavjud (jumladan, EHNATga mos kelmaydigan) hisoblagichlarni almashtirish hududyi elektr tarmoqlari korxonalari mablag‘lari hisobidan amalga oshirilishi, hisoblagich yakka tartibdagi uy-joylar yoki ko‘p kvartirali uylardagi xonadon egasining buyurtmanomasiga binoan bir hafta muddatda uning ishtirokida HETK xodimi tomonidan o‘rnatilishi belgilangan.

Shu nuqtai nazardan, tuman jamiyati mutaxassislari tomonidan elektr ta'minoti korxonasi mas'ullariga amaldagi qonunchilik talablari yuzasidan tushuntirish va targ‘ibot ishlari olib borilib, iste'molchi muammosini hal etib berilishi bo‘yicha so‘rov xati kiritildi. Natijada, o‘rganish ishlari davomida iste'molchi xonadoniga zamonaviy rusumdagi elektr hisoblagich o‘rnatilishi va iste'molchi muammosining ijobiy hal etilishiga erishildi.

Federatsiyaning rasmiy sahifalari👇
Telegram | Facebook | YouTube | Istemol.uz

⚡️Tibbiy xizmat ko’rsatuvchi hamda dori-darmon vositalarini realizatsiya qilayotgan subyektlar faoliyati o’rganilmoqda

Iste’molchilarning sifatli tibbiy xizmatdan foydalanish huquqini kafolatlash, iste’molchilar huquqlarini himoya qilishda jamoatchilik ishtirokini kengaytirish, joylarda mavjud kamchiliklarni tizimli bartaraf etish hamda qonunchilik targ’ibotini amalga oshirish maqsadida Buxoro viloyat hududiy birlashmasi, tuman va shahar tarkibiy tuzilmalari tomonidan jamoatchilik nazorati tartibida sog’liqni saqlash tizimida faoliyat ko’rsatayotgan davlat-nodavlat tashkilotlarida kuzatuv-o’rganish tadbirlari oʼtkazilmoqda.

Gʼijduvon tuman

Gʼijduvon tuman jamiyati tomonidan tumandagi Tuman tibbiyot birlashmasi Bolalar davolash bo’limida jamoatchilik nazorati tartibida kuzatuv-o’rganish tadbiri olib borildi. O’rganishlar davomida aniqlangan kamchiliklar yuzasidan mas’ullarga ko’rsatmalar berildi.

Vobkent tuman

Vobkent tuman jamiyati tomonidan tumandagi “Meros” MCHJ tasarrufidagi dorixonalarda olib borilayotgan tadbirlar davomida PQ-185 doirasida dori-darmon va tibbiy buyumlarni saqlash, sotish, ishlab chiqarish talablari yuzasidan tushuntirishlar berildi. Asosan, dori-darmon vositalarini issiq ob-havoda +25 C dan oshmagan omborxonalarda, metal stelajlar hamda muzlatgichlarda saqlash maqsadga muvofiqdir.

Jondor tuman

Jondor tuman jamiyati tomonidan tumandagi Sogʼliqni saqlash boshqarmasi tasarrufidagi xususiy davolash maskanlari, dorixonalarda iste’molchilarga yaratilgan shart-sharoitlar ko’zdan kechirilib, ayrim dorixonalarda ish grafigi, iste’molchi burchaklari, peshlavhalar ko’rinarli qismlarda, o’zbek tilida chop etilib, o’rnatilmoqda.

Romitan tuman

Romitan tuman jamiyati mutaxassislari davlat tibbiyot maskanlari, poliklinikalar va qishloq vrachlik punktlarida iste’molchilarga yaratilgan shart-sharoitlarni o’rganish davomida, muassalarda bepul xizmat toifalari, preyskurant narxnomalar hamda iste’molchilarning huquq-majburiyatlari aks etgan peshlavhalar o’rnatilishini ta’minlamoqda.

Peshku tuman

Peshku tuman jamiyati tomonidan sog’liqni saqlash sohasida, tibbiyot birlashmasi nervologiya faoliyat ko’rsatayotgan ishchi-xodimlar bilan muloqotlar tashkil etilib, ularni qiynab kelayotgan muammolar yuzasidan huquqiy maslahatlar berilmoqda. Iste’molchi huquqiga doir murojaatlar ro’yxatga olinib, vakolat doirasida o’rganilishi ko’zda tutilgan.

Federatsiyaning rasmiy sahifalari👇
Telegram | Facebook | YouTube | Istemol.uz

⚡️Qarshi tumanida iste’molchilar huquqlarini himoya qilish borasida amalga oshirilgan ishlar haqida O‘zbekiston iste’molchilar huquqlarini himoya qilish jamiyatlari federatsiyasi Qarshi tuman jamiyati raisi Baxtiyor Begaliyev bilan muloqot o’tkazildi.

Federatsiyaning rasmiy sahifalari👇
Telegram | Facebook | YouTube | Istemol.uz

⚡️5 million soʻmlik kir yuvish mashinasi yangisiga almashtirildi.

Turli ishlab chiqaruvchilar tomonidan iste’molchilarga taklif etilayotgan ushbu tovarlarning barchasi ham sifatli deyish mushkul.

Kitob tumani “Qaynar” mahallasi Yangi qishloq qishlogʻida yashovchi fuqaro I.Ch tumandagi “Baxt” savdo markazidan 5 million soʻmga “Ziffler” rusumli kir yuvish mashinasi sotib oladi. Ushbu uskunadan bir necha oy foydalangach, unda nosozliklar kuzatilib ishlamay qoladi. Iste'molchining bu haqda sotuvchiga qilgan murojaati e'tiborsiz qoldiriladi va nosoz holga kelib qolgan mahsulotga bepul servis xizmati ham koʻrsatilmaydi.

Oʻrganish jarayonida, kir yuvish mashinasidagi nosozlikni servis xizmati koʻrsatish orqali bartaraf etishning imkoni yoʻqligi sababli nuqsonli tovar sotuvchiga qaytarildi hamda iste'molchiga shu rusumdagi boshqa sifatli mahsulot olib berilishi ta'minlandi.

Federatsiyaning rasmiy sahifalari👇
Telegram | Facebook | YouTube | Istemol.uz