မြေအုတ်တို့ပြိုလေရာ…

__________________________

စစ်အာဏာသိမ်းမှုအလွန် အဓိကဆုတ်ယုတ်မှု ခုနစ်ရပ်နဲ့ မြန်မာ့လူ့အဖွဲ့အစည်းအတွက် မျှော်လင့်ချက် အလင်းတန်းတခုကို ISP-Myanmar က ‘မြေအုတ်တို့ပြိုလေရာ’ ဆိုတဲ့ အမည်နဲ့ အပိုင်း သုံးပိုင်းခွဲပြီး တင်ဆက်သွားပါမယ်။
▂

ပဋိပက္ခ၊ ငြိမ်းချမ်းရေးနဲ့ လုံခြုံရေးဆိုင်ရာကိစ္စရပ်တွေ၊ တရုတ်အရေးလေ့လာမှုနဲ့ နိုင်ငံရေး ဘောဂဗေဒဆိုင်ရာစတဲ့ အကြောင်းခြင်းရာတွေ ပါဝင်မယ့် မြန်မာ့အရေး မြင်ကွင်းကျယ်မှတ်စုတွေကို အချက်အလက်အခြေပြု ရှုထောင့်ကနေ မြန်မာ့မဟာဗျူဟာနှင့် မူဝါဒလေ့လာရေး အင်စတီကျု (ISP-Myanmar) က အပတ်စဉ် တင်ဆက်နေပါတယ်။ မြင်ကွင်းကျယ် မှတ်စု ရုပ်သံအစီအစဉ်ကို ဗွီအိုအေ မြန်မာဌာန (VOA Burmese) က အပတ်စဉ် တနင်္လာနေ့တိုင်း ထုတ်လွှင့်နေပါတယ်။

➤ ဝက်ဘ်ဆိုက်တွင်လည်း ဖတ်ရှုနိုင်ပါသည်။

[link]

https://ispmyanmar.com/community/

https://youtu.be/d5DtYqXqEps

မြေရှားသတ္တုတူးဖော်မှုနှင့် တရုတ်အထူးသံ၏ သတိပြုစရာခြေလှမ်းများ

__________________________


ISP Insight Email (အမှတ်-၁၀)


ဒီတပတ်မှာ အလေးထားဖတ်ရှုရမယ့် အကြောင်းအရာ ငါးခုကို ဖော်ပြထားပါတယ်။ မြန်မာနိုင်ငံမှာ စစ်အုပ်ချုပ်ရေး ကြေညာခံရတဲ့ မြို့နယ် ၄၇ ခု ရှိလာတဲ့အထဲ စစ်ကိုင်းတိုင်းနဲ့ ချင်းပြည်နယ်မှာ အခြေအနေတွေ ဆိုးလာတာ၊ ကချင်ပြည်နယ်အတွင်း မြေရှားသတ္တုတူးဖော်မှု အလွန်အကြူး ဖြစ်လာတာနဲ့ တရုတ်အထူးသံရဲ့ မိုင်းလားနဲ့ လိုင်ဇာခရီးစဥ် သတိပြုစရာခြေလှမ်းတွေကို ဖတ်ရပါမယ်။ ဒါ့အပြင် အမျိုးသားညီညွတ်ရေးအစိုးရလက်အောက်ခံ PDF တွေနဲ့ ဒေသခံကာကွယ်ရေးတပ်ဖွဲ့ကြားက ပဋိပက္ခတွေ၊ မြန်မာအမျိုးသမီးလှုပ်ရှားမှု အခန်းကဏ္ဍကို မီးမောင်းထိုးထားတဲ့ "Waves of Upheaval in Myanmar" စာအုပ်အကြောင်း၊ ဒါတွေကိုလည်း လိုရင်းတိုရှင်းဖတ်ရမှာ ဖြစ်ပါတယ်။


➤ အပြည့်အစုံ ဖတ်ရှုရန်

https://ispmyanmar.com/community/insight-emails/ie-10/


ဖော်ပြပါ အကြောင်းအရာတွေကို “ISP ကပြင်ရပ်ဝန်း” မှာ အပြည့်အစုံ ဖတ်နိုင်ပါတယ်။ ဒီလို ဖတ်ဖို့အတွက် "ISP ကပြင်ရပ်ဝန်း" အဖွဲ့ဝင် ဖြစ်ဖို့ လိုပါမယ်။ “ISP ကပြင်ရပ်ဝန်း” အဖွဲ့ဝင်ဖြစ်ဖို့ အောက်က link မှာ ဝင်ရောက်ပြီး အခမဲ့ (အခမဲ့) ချိတ်ဆက်နိုင်ပါတယ်။

➤ အဖွဲ့ဝင်အဖြစ် ချိတ်ဆက်ရန်

https://ispmyanmar.com/community/register/

ဒေတာနဲ့ သုတေသနဆိုင်ရာ အချက်အလက်တွေအပြင် ဖြည့်စွက် သုံးသပ်ချက်တွေကိုပါ လိုရင်းတိုရှင်း ဖော်ပြပေးထားတဲ့ ISP Insight Email ကို "ISP ကပြင်ရပ်ဝန်း" အဖွဲ့ဝင်တွေဆီ ဖြန့်ဝေပေးပြီး ဖြစ်ပါတယ်။ အကယ်၍ အကြောင်း အမျိုးမျိုးကြောင့် အီးမေးလ် မရခဲ့ဘူးဆိုရင် အောက်က link မှာ ဝင်ဖတ်နိုင်ပါတယ်။

➤ ISP Insight Email များကို ဖတ်ရှုရန်

https://ispmyanmar.com/community/insight-emails/

ISP-Myanmar က ထုတ်ဝေထားတဲ့ အမျိုးမျိုးသော အကြောင်းအရာတွေကိုလည်း "ISP ကပြင်ရပ်ဝန်း" မှာ အခမဲ့ download ရယူနိုင်ပါတယ်။

➤ Download ရယူရန်

https://ispmyanmar.com/community/isp-publications/

#ISP_InsightEmail

သိက္ခာနှင့် သစ္စာအပေါ် အခြေခံသော SNLD ၏ နိုင်ငံရေး

__________________________

[link]


https://ispmyanmar.com/community/op-13/


ကနဦးသုံးသပ်ချက် အမှတ် (၁၃)


■ ဖြစ်ရပ်အချက်အလက်


၂၀၂၃ ခုနှစ် မတ် ၁၆ ရက်နဲ့ ၁၇ ရက် နှစ်ရက်တာ ပြုလုပ်ခဲ့တဲ့ ရှမ်းတိုင်းရင်းသားများ ဒီမိုကရေစီအဖွဲ့ ချုပ် (SNLD) ပါတီရဲ့ ဗဟိုအလုပ်အမှုဆောင်ကော်မတီ အစည်းအဝေးအပြီး ဆုံးဖြတ်ချက်အရ SNLD ပါတီကို နိုင်ငံရေးပါတီအဖြစ် မှတ်ပုံတင်မှာ မဟုတ်တော့ပါဘူး။ သက်ဆိုင်ရာအနေနဲ့ ရွေးကောက်ပွဲကို ဘယ်တော့ လုပ်မလဲဆိုတာ အတိအကျ ကြေညာထားခြင်း မရှိတာ၊ ပါတီဝင်တွေရဲ့သဘောထား ရယူဖို့ အတွက် သူတို့ဆီသွားပြီး (အထူးသဖြင့် ကယားပြည်နယ်၊ ကချင်ပြည်နယ် အစရှိတဲ့ ဒေသတွေမှာ) တွေ့ဆုံ ဖို့ လုံခြုံရေးအကန့်အသတ်တွေ ရှိနေတာတွေကြောင့် ဆက်ပြီး မှတ်ပုံမတင်ဖို့ ဆုံးဖြတ်လိုက်တာလို့ SNLD ဘက်က ပြောဆိုခဲ့ပါတယ်။


■ ကနဦးသုံးသပ်ချက်


SNLD ပါတီအနေနဲ့ တည်ဆဲ စနစ်အောက်မှာ နိုင်ငံရေးပါတီအဖြစ် အခုလိုမှတ်ပုံ မတင်ခြင်းဟာ ဒုတိယ အကြိမ်မြောက် ဖြစ်ပါတယ်။ နိုင်ငံတော်အေးချမ်းသာယာရေးနဲ့ ဖွံ့ဖြိုးရေးကောင်စီ (နအဖ) စစ်အစိုးရရဲ့ ၂၀၀၈ ခုနှစ် ဖွဲ့စည်းပုံ အခြေခံဥပဒေကို ဆန့်ကျင် သပိတ်မှောက်ခဲ့တဲ့ SNLD ဟာ နအဖ အစိုးရက လုပ်ခဲ့တဲ့ ၂၀၁၀ ပြည့်နှစ် ရွေးကောက်ပွဲကို ဝင်မပြိုင်ခဲ့သလို၊ ပါတီ မှတ်ပုံတင်ခြင်းလည်း မလုပ်ခဲ့တာမို့ ပါတီ ပယ်ဖျက်ခံခဲ့ရဖူးပါတယ်။ အခု တကြိမ်မှာလည်း ပါတီမှတ်ပုံတင်တာ ပြန်မလုပ်ဘူးဆိုရင် ပါတီ ဖျက်သိမ်းခံရမယ်လို့ စစ်ကောင်စီရဲ့ ရွေးကောက်ပွဲ ကော်မရှင်က ပြဋ္ဌာန်းထားပါတယ်။ ဒါကြောင့် ဒီမိုကရေစီ ဘက်တော်သားတွေထဲ ၁၉၉၀ ပြည့်နှစ် ရွေးကောက်ပွဲမှာ ဒုတိယမဲအများဆုံး အနိုင်ရခဲ့တဲ့ပါတီ၊ ၂၀၁၅ ခုနှစ် ရွေးကောက်ပွဲမှာ (လွှတ်တော်နှစ်ရပ်ပေါင်း) တတိယမဲ အများဆုံး အနိုင်ရခဲ့သူ ဖြစ်ခဲ့တဲ့ SNLD ဟာ နိုင်ငံရေး ပါတီအဖြစ်က ပယ်ဖျက်ခံရဖို့ ရှိနေပါတယ်။
ဖိနှိပ်မှု၊ တင်းကျပ်မှု အပြည့်နဲ့ စစ်ကောင်စီက ပြဋ္ဌာန်းထားတဲ့ နိုင်ငံရေးပါတီများ မှတ်ပုံတင်ခြင်း ဥပဒေသစ်ဟာ နိုင်ငံရေးပါတီတွေကို လက်ဝေခံ၊ အသုံးချခံအဖြစ် ချိုးနှိမ် ဆက်ဆံထားတာ၊ တတိုင်းပြည်လုံး အကြမ်းဖက်မှုတွေ ရင်ဆိုင်ရ၊ စစ်မီးတောက်နေရချိန် ပါတီမှတ်ပုံမတင်ဘူးဆိုတဲ့ SNLD ရဲ့ ဆုံးဖြတ်ချက်ဟာ စစ်အာဏာရှင်စနစ်ကို တရားဝင်မှု (legitimacy) မပေးဘဲ ရဲရဲဝံ့ဝံ့ ငြင်းဆန်တဲ့ သဘော ဆောင်တယ်လို့ သုံးသပ်နိုင်ပါတယ်။ တဖက်က ကြည့်ရင်လည်း မြန်မာစစ်တပ်ဟာ ပြည်သူကို အမှန်တကယ် ကိုယ်စားပြုနိုင်တဲ့ အရပ်သား နိုင်ငံရေးအင်အားစုတွေနဲ့ တန်းတူရည်တူ တွဲဖက် အခင်းအကျင်း မျှဝေပေးပြီး အပြောင်း အလဲကို ညင်ညင်သာသာ သွားလိုစိတ်မရှိဘဲ၊ လက်အောက်ခံသဖွယ် နိုင်လိုမင်းထက် ဆက်ဆံနေသရွေ့ တော့ စစ်တပ်က စီစဉ်တဲ့ အခင်းအကျင်းတိုင်းဟာ နိုင်ငံရေးထွက်ပေါက် ဖြစ်လာဖွယ် မရှိသလို၊ အရပ်ဘက် - စစ်ဘက် ဆက်ဆံရေးဟာလည်း လူထုရဲ့ နာကြည်း ခါးသီးမှုတွေကြောင့် ပြန်ကောင်းလာဖွယ် မရှိလှပါဘူး။

SNLD ရဲ့ မှတ်ပုံပြန်မတင်ဖို့ ဆုံးဖြတ်ချက်ဟာ အခုမှထ ငါးပွက်ရာ ငါးစာချ နိုင်ငံရေး ပေါ်ပင်မျိုး၊ ဆိုရှယ် မီဒီယာပေါ်မှာ အတိုက်အခိုက် ခံရမှာစိုးလို့ ဆုံးဖြတ်လိုက်တဲ့ ဆင်ဝှေ့ရန်ရှောင် ပေါ်လစီမျိုး ဟုတ်ပုံ မရပါဘူး။ ဒီဆုံးဖြတ်ချက်ဟာ SNLD ပါတီရဲ့ သမိုင်းနဲ့ချီ အစဉ်အလာ ကောင်းခဲ့တဲ့ သိက္ခာနဲ့ သစ္စာကို ထင်ဟပ်စေတဲ့ နောက်ဆုံးပြယုဂ်တခုလို့ သုံးသပ်နိုင်ပါတယ်။ ဒီနေရာမှာ သိက္ခာဆိုတာ နိုင်ငံရေး လုပ်တဲ့အခါ “မူ”နဲ့ တန်ဖိုးထားမှုနဲ့ လုပ်မယ် ဆိုတဲ့ နိုင်ငံရေးသိက္ခာကို ရည်ညွှန်းပါတယ်။ SNLD ဟာ ပဋိပက္ခရဲ့လတ်တလော အကြောင်းအရင်းတွေကိုသာ ကျော်လွှားဖို့ကြိုးစားတဲ့ ပဋိပက္ခ ဖြေရှင်းရေး (Conflict Resolution) ထက် ပဋိပက္ခကိုအရင်းအမြစ်အထိ လက်ကုန်နှိုက် ပြောင်းလဲပစ်ဖို့ (Conflict Transformation) အားထုတ်တာ တွေ့ရပါတယ်။
အာဏာသိမ်းရတာဟာ ၂၀၂၀ ပြည့်နှစ် ရွေးကောက်ပွဲ မသမာမှုကြောင့် ဖြစ်ရတာလို့ ဆိုတဲ့ စစ်ကောင်စီရဲ့ဝါဒဖြန့်ချိမှုကို ပယ်ချပြီး ဒေသတွင်းနိုင်ငံတချို့နဲ့ ပြည်တွင်း အင်အားစုတချို့ ကြွေးကြော်တောင်းဆို ကြသလို ဒေါ်အောင်ဆန်းစုကြည် ပြန်လွှတ်၊ ရွေးကောက်ပွဲရလဒ် အသိအမှတ်ပြု၊ လွှတ်တော် ခေါ်ပေးဆိုတဲ့ ပဋိပက္ခဖြေရှင်းရေး ချဉ်းကပ်မှုမျိုးဟာလည်း မလုံလောက်ဘူး၊ အရင်းအမြစ်ကျကျ စနစ်ပြောင်းဖို့ လိုတဲ့ ထောက်ပြမှုမျိုး တွေ့ရပါတယ်။ “အစိုးရ အပြောင်းအလဲ ဆိုတာထက်ပေါ့ဗျာ-စနစ်ပေါ့၊ အဓိကက System Change ကို သွားရမယ်လို့ ကျနော်တို့ CEC တဖွဲ့လုံးက နားလည်ထားပြီး ဒီဥစ္စာကို ပါတီဝင်ထုကို တင်ပြမယ်” လို့ SNLD အထွေထွေ အတွင်းရေးမှူး စိုင်းလိတ်က မတ် ၁၉ ရက် VOA မြန်မာပိုင်းရဲ့ မေးမြန်းခန်းမှာ ပြောခဲ့ပါတယ်။ ဒါဟာ ကွယ်လွန်သွားပြီ ဖြစ်တဲ့ SNLD ခေါင်းဆောင် ခွန်ထွန်းဦး မြွက်ကြားခဲ့တဲ့ “သမိုင်းပေးတာဝန် တရပ်ဖြစ်သော အမျိုးသား တန်းတူရေးကို အာမခံသည့် စစ်မှန်သော ဖက်ဒရယ်ပြည်ထောင်စုကြီး ပေါ်ပေါက်သည်အထိ” ဆိုတဲ့ အရင်းအမြစ်ကျကျ စနစ်ပြောင်းလဲရေးကို “မူ” အတိုင်း၊ တန်ဖိုးထားမှုအတိုင်း ရပ်တည်တဲ့ နိုင်ငံရေးသိက္ခာပဲ ဖြစ်ပါတယ်။
SNLD ရဲ့ နိုင်ငံရေး အဆုံးအဖြတ်မှာ သစ္စာလို့ ရည်ညွှန်းရတဲ့ အချက်က နှစ်ပိုင်းရှိပါတယ်။ တပိုင်းက ရှမ်းပြည်နယ်သူ ပြည်နယ်သားတွေအပါအဝင် မြန်မာပြည်သူလူထု တရပ်လုံးရဲ့ ဆန္ဒနဲ့ အကျိုးစီးပွားကို သစ္စာ စောင့်သိခြင်းပါ။ ပြည်ထောင်စု ပေါ်ထွန်းရေး ကြိုးပမ်းရတဲ့ ခရီးဟာ အလိုမကျစရာ၊ စိတ်ပျက်စရာတွေ ဖြစ်ရလွန်းလို့ ဗမာ မဟုတ်တဲ့ တိုင်းရင်းသား ခေါင်းဆောင် တချို့ကြားမှာ “ဗမာ ပြဿနာထဲ လက်ဝင်မလျှို နဲ့” ဆိုတဲ့ ယူဆချက်မျိုး အားကောင်းလေ့ ရှိပါတယ်။ ဗမာနိုင်ငံရေး ဇာတ်ကောင်တွေ အချင်းချင်း တဖက်နဲ့တဖက် အလျှေ ာ့မပေးကြဘဲ ပဋိပက္ခတွေ ဖြစ်ကြရင် ပြည်ထောင်စု တည်ဆောက်ရေး ကြိုးစားထားသမျှတွေ ရပ်တန့်သွားရ၊ သေသွားရတယ်။ ဒါကြောင့် ပြည်မ အရေးနဲ့ လူနည်းစု အရေးကို ပဋိပက္ခရဲ့မျက်နှာစာ နှစ်ရပ်အဖြစ် အကန့်လိုက်ခွဲပြီး နည်းလမ်းဖော်ထုတ် စဉ်းစားတာ ၊ ပြီးမှ တိုင်းရင်းသားတွေအနေနဲ့ ဗမာ ပြည်မနဲ့ အလုံးစုံ ငြိမ်းချမ်းရေး တည်ဆောက်တာမျိုးကို ဆောင်ရွက်ရမယ်ဆိုတဲ့ သဘောထားမျိုး ဖြစ်ပါတယ်။ ဒီလို ယုံကြည်မှု အားလျော့တဲ့ အခြေအနေတွေ ရှိနေပေမဲ့ SNLD ဟာ ဘယ်တုန်းကမှ ရှမ်းနိုင်ငံရေး သက်သက်ကို ကွက်မစဉ်းစားဘဲ၊ တတိုင်းပြည်လုံးအရေး မျက်နှာမူပြီး ပြည်ထောင်စု ပေါ်ထွန်းရေးအပေါ် သစ္စာထားတာ တွေ့နိုင်ပါတယ်။


ဒုတိယအပိုင်းက မဟာမိတ်တွေအပေါ် သစ္စာရှိတာပါပဲ။ ဒီလို သစ္စာရှိပေမဲ့ မဟာမိတ်တချို့က အာဏာရလာတဲ့အခါ SNLD အပေါ် တန်းတူ မဆက်ဆံတာ၊ တဆင့်နှိမ့်ချ လက်ဝေခံသဖွယ် ဆက်ဆံတာမျိုးတွေ ရှိခဲ့ပါတယ်။ ၁၉၈၈ ခုနှစ်ကစလို့ အမျိုးသား ဒီမိုကရေစီအဖွဲ့ချုပ် (NLD) နဲ့ SNLD အကြား နိုင်ငံရေး လောကဓံကို အတူလက်တွဲ ကြံ့ကြံ့ခံရင်ဆိုင်ခဲ့တဲ့ တကယ့် သွေးသောက်သဖွယ် ဆက်ဆံရေး ရှိခဲ့ပါတယ်။ ဒါပေမဲ့ ၂၀၁၅ ခုနှစ် NLD အာဏာရချိန်မှာ SNLD အပေါ်ဆက်ဆံရေး စီးပိုးတာ၊ မူဝါဒထက် ရာထူးကိစ္စကိုသာ ညှိနှိုင်းပြီး ပေးတာယူ၊ ထားရာနေ သဘောထားမျိုး ကြုံခဲ့ရတာကို လက်ရှိ ပါတီဥက္ကဋ္ဌ စိုင်းညွှန့်လွင် ကိုယ်တိုင် သင်ခန်းစာအဖြစ် တရားဝင် ထုတ်ဖော် ပြောပြခဲ့တာတွေ ရှိပါတယ်။ SNLD ဘက်ကတော့ မဟာမိတ် ဆက်ဆံရေးမှာ သွားပုပ်လေလွင့် မပြောပါဘူး။ ဒါဟာ နိုင်ငံရေးအရ နုံအတာ မဟုတ်ဘဲ နိုင်ငံရေး အရ စည်းစောင့်တာပါပဲ။

၂၀၂၁ ခုနှစ် အာဏာသိမ်းအပြီးကာလ အခုလို NLD အပြင်းထန်ဆုံး ဖိနှိပ်ခံရချိန်မျိုးမှာ မဟာမိတ်ဖြစ်တဲ့ NLD အပေါ်မှာသာမက ကျန်မဟာမိတ်တွေဖြစ်တဲ့ စည်းလုံး ညီညွတ်သော တိုင်းရင်းသား လူမျိုးများ မဟာမိတ်အဖွဲ့ (UNA)၊ UNA နဲ့ ချိတ်ဆက်ထားတဲ့ မဟာမိတ်တွေ (UNA ++) အပေါ်မှာလည်း SNLD ဟာ သစ္စာ စောင့်သိတဲ့အတွက် စစ်ကောင်စီ လိုရာ ဦးတည် လှော်ခတ်တဲ့ နိုင်ငံရေး လှေကြုံ လိုက်မစီးတာ၊ မှတ်ပုံ ဆက်မတင်ဖို့ ဆုံးဖြတ်ခဲ့တယ်ဆိုတာ ထင်ရှားပါတယ်။ ပြည်ထောင်စု ပေါ်ထွန်းရေးအပေါ်နဲ့ မဟာမိတ် ဆက်ဆံရေးအပေါ်ထားတဲ့ သစ္စာတရားမှာကိုယ်လွတ်မရုန်းတာ၊ စိတ်အချဉ် မပေါက်တာနဲ့ နိုင်ငံရေးအရ ရင့်ကျက်ယဉ်ကျေးတာတွေကို နမူနာကောင်းအဖြစ် သတိပြုမိနိုင်ပါတယ်။ ဒါကို အချုပ်သဘော အဖြစ် SNLD အထွေထွေအတွင်းရေး မှူးစိုင်းလိတ်က VOA အင်တာဗျူးမှာ အခုလို ပြောထားပါတယ်။ “မဟာမိတ်အဖြစ်လက်တွဲခဲ့ဖူးတဲ့၊ လက်တွဲ လာလတ္တံ့သော ပုဂ္ဂိုလ်တွေ၊ အဖွဲ့အစည်းတွေနဲ့ချိတ်ဆက်ပြီးတော့ ဖက်ဒရယ် ဒီမိုကရေစီ စနစ်ဆီ ချီတက်နိုင်ဖို့အတွက် ဆက်လက်ပြီး ရုန်းကန် ဆောင်ရွက်သွားဖို့ ပြင်ဆင်နေကြပါတယ်”


■ ဖြစ်တန်ခြေ အကဲဖြတ်ချက်


SNLD အနေနဲ့ “လောလောဆယ်အားဖြင့် ဆက်လက် မှတ်ပုံတင်စရာမရှိဘူးလို့ ဆုံးဖြတ်ခြင်း” သာဖြစ်တာမို့ နိုင်ငံရေး အခင်းအကျင်း အခြေအနေ ပွင့်လင်း ပြောင်းလဲမှု တစုံတရာရှိလာရင် မှတ်ပုံ ပြန်တင်တာ၊ အသစ်တင်တာမျိုးလည်း ဖြစ်နိုင်ပါတယ်။ ၂၀၁၀ ပြည့်နှစ်တုန်းက စစ်အစိုးရလက်အောက်မှာ နိုင်ငံရေး ပါတီအဖြစ် ဆက်လက် မှတ်ပုံမတင်ဘဲ ၂၀၁၂ ခုနှစ် ဦးသိန်းစိန်အစိုးရလက်ထက် အပြောင်း အလဲတချို့ သိသိသာသာ ပုံပေါ်လာတဲ့အချိန်၊ မဟာမိတ် NLD နဲ့ ညှိနှိုင်းပြီးတဲ့ အချိန်မှာမှ ပါတီမှတ်ပုံပြန်တင်မျိုး နမူနာရှိခဲ့ပါတယ်။


စစ်ကောင်စီဘက်ကတော့ SNLD ကို ဖိအားပေးတာ၊ ခြိမ်းခြောက်တာ၊ ဖိနှိပ် အရေးယူတာမျိုးတွေလည်း ရှိလာ နိုင်ပါတယ်။ နိုင်ငံတကာအသိုက်အဝန်း အနေနဲ့ ဒါကို စောင့်ကြည့်နေဖို့၊ ဒီလို အရေးယူတာမျိုး မလုပ်ဖို့ စစ်ကောင်စီကို သတိ ရှိစေသင့်ပါတယ်။ မြန်မာ့အပြောင်းအလဲအတွက် ပုံစံမျိုးစုံသော ဖိအားနဲ့ သံခင်း တမန်ခင်းတွေ လိုအပ်ပေမယ့် တကယ့်အဖြေဟာ ပြည်တွင်း နိုင်ငံရေးနဲ့ အရပ်ဘက် ပြည်သူ အင်အားစု တွေပေါ်မှာပဲ အဓိက မူတည်တယ်၊ အဲ့ဒီ အင်အားစုတွေမှာ တီထွင် ဖန်တီးပြီး အသွင်အမျိုးမျိုးနဲ့ ရပ်တည်နိုင်စွမ်း၊ ရုန်းကန် ကြီးထွားနိုင်စွမ်း ရှိတယ်ဆိုတာကို အသိအမှတ် ပြုကြရမှာပါ။ SNLD ဟာ တည်ဆဲစနစ် အတွင်းမှာ မှတ်ပုံတင်ထားတဲ့ နိုင်ငံရေးပါတီအဖြစ် ဆက်ရှိသည် ဖြစ်စေ၊ မရှိသည်ဖြစ်စေ SNLD ရဲ့ သဘောထား အမြင်တွေကို နိုင်ငံတကာက တန်ဖိုးထား နားထောင်ရမယ်၊ မြန်မာ့နိုင်ငံရေးမှာ အားလုံးပါဝင်ပြီး အဖြေရှာနိုင်ဖို့ SNLD ဟာ မပါမဖြစ် ပါဝင်ရမယ့် အင်အားစုတရပ်အဖြစ် ဆက်ရှိနေဦးဖွယ်ရှိပါတယ်။

▂

PDF Version ကို “ISP ကပြင်ရပ်ဝန်း” ၌ ရယူနိုင်ပါသည်။ ထိုသို့ ရယူရန်အတွက် “ISP ကပြင် ရပ်ဝန်း” အဖွဲ့ဝင်ဖြစ်ရန် လိုပါသည်။


https://ispmyanmar.com/community/isp-publications/


➤ “ISP ကပြင်ရပ်ဝန်း” အဖွဲ့ဝင်ဖြစ်ရန် အောက်ပါ link သို့ ဝင်ရောက်ပြီး အခမဲ့ ချိတ်ဆက်နိုင်ပါသည်။


https://ispmyanmar.com/community/register/


#ISP_OnPoint