Islom Nuri
3.09K subscribers
558 photos
1 video
2.12K links
🌐 Веб сайтимиз: www.islomnuri.com

📹 YouTube каналимиз: https://youtube.com/channel/UCs7UPQVU2iYBPLn1KqMtC7w

📧 Бизга боғланиш учун: islomnuri@gmail.com
Download Telegram
Гуноҳларнинг кечирилиши дунё неъматлари ва бойликларидан афзал неъматдир. Ер юзидаги энг катта мулк эгаси бўлган Сулаймон алайҳиссалом Аллоҳдан мулку давлат сўрашдан олдин мағфират сўраган эдилар:

رَبِّ اغْفِرْ لِي وَهَبْ لِي مُلْكًا

«Парвардигорим, Ўзинг мени мағфират қилгин ва менга мулку давлат ҳадя этгин» (Сод, 35).

✍🏻 Шайх Абдулазиз Тарифий

https://t.me/islomnuricom
Абу Ҳурайра розияллоҳу анҳудан ривоят қилинади, Расулуллоҳ соллаллоҳу алайҳи ва саллам дедилар: «Субҳаналлоҳи (Аллоҳни барча айбу нуқсондан поклайман), валҳамдулиллаҳи (Аллоҳга ҳамд-мақтов бўлсин), ва ла илаҳа иллаллоҳу (Аллоҳдан ўзга ҳақ маъбуд йўқ) валлоҳу акбар (Аллоҳ барча нарсадан буюкдир) деб айтишим мен учун қуёш нури тушадиган барча нарсадан (яъни бутун дунёдан) суюклироқдир».

📚 Имом Муслим ривояти

https://t.me/islomnuricom
Audio
Абдулҳафиз Домла раҳимаҳуллоҳ
#Энг_фойдали_тижорат | 65 | Абдулҳафиз Домла раҳимаҳуллоҳ

• Аллоҳ таоло йўлида шаҳид бўлишнинг савоби 2-қисм

"Islom Nuri" саҳифаси
•••┄┄┄┄┄༻❅༺┄┄┄┄┄•••
YouTube | Facebook | Telegram
Абу Саид Худрий розияллоҳу анҳудан ривоят қилинади:
«Расулуллоҳ соллаллоҳу алайҳи ва саллам: “Икки хислат мўмин кишида жам бўлмайди: бахиллик ва бадхулқлик”, дедилар».

📚 Суютий, «Жомеус сағир», 3910-ҳадис.

https://t.me/islomnuricom
#Тафсири_муяссар

سورة الجمعة
62. Жумъа сураси, 6-11 оятлар

قُلْ يَا أَيُّهَا الَّذِينَ هَادُوا إِنْ زَعَمْتُمْ أَنَّكُمْ أَوْلِيَاءُ لِلَّهِ مِنْ دُونِ النَّاسِ فَتَمَنَّوُا الْمَوْتَ إِنْ كُنْتُمْ صَادِقِينَ ﴿6﴾

6. Эй Расул, бузилган яҳудий динини ушлаган кимсаларга айтинг: «Агар сизларнинг бошқа одамлардан фарқли равишда фақат сизлар Аллоҳнинг суюкли бандалари эканингиз ҳақидаги даъволарингиз рост бўлса, у ҳолда ўзингизга ўлим тиланг-чи!»

وَلَا يَتَمَنَّوْنَهُ أَبَدًا بِمَا قَدَّمَتْ أَيْدِيهِمْ ۚ وَاللَّهُ عَلِيمٌ بِالظَّالِمِينَ ﴿7﴾

7. У яҳудийлар дунёни охиратдан афзал кўришгани, кофирликлари ва ёмон қилмишлари сабабли Аллоҳнинг уларга берадиган азобидан қўрқиб, асло ўлимни орзу қилмайдилар. Аллоҳ золимларни яхши билувчидир, уларнинг ҳеч бир зулми Унга яширин қолмайди.

قُلْ إِنَّ الْمَوْتَ الَّذِي تَفِرُّونَ مِنْهُ فَإِنَّهُ مُلَاقِيكُمْ ۖ ثُمَّ تُرَدُّونَ إِلَىٰ عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ ﴿8﴾

8. Эй Расул, айтинг: «Сизлар қочаётган ўлимдан қутулишнинг имкони йўқ. Ажалларингиз етганида ўлим сизларга албатта келади. Сўнг сизлар қиёмат куни ғайбни ҳам, кўриниб турган оламни ҳам яхши билувчи Аллоҳнинг ҳузурига қайтариласиз. У сизларнинг амалларингиздан хабар беради ва уларга муносиб жазою мукофотлар беради.

يَا أَيُّهَا الَّذِينَ آمَنُوا إِذَا نُودِيَ لِلصَّلَاةِ مِنْ يَوْمِ الْجُمُعَةِ فَاسْعَوْا إِلَىٰ ذِكْرِ اللَّهِ وَذَرُوا الْبَيْعَ ۚ ذَٰلِكُمْ خَيْرٌ لَكُمْ إِنْ كُنْتُمْ تَعْلَمُونَ ﴿9﴾

9. Эй иймон келтирганлар, жума куни муаззин намозга чақирган пайтда хутбани тинглашга ва намозни адо этишга шошилинг. Савдо-сотиқни ва намоздан машғул қиладиган барча ишни йиғиштиринг. Сизларга буюрилган бу иш сизлар учун яхшироқдир. Чунки бу билан гуноҳларингиз кечирилади ва Аллоҳ сизларга ажру савоблар беради. Агар ўз фойдангизни ўйласангиз, шундай қилинг.

Бу оят жума намозига ҳозир бўлиш ва хутбани тинглаш фарзлигига далолат қилмоқда.

فَإِذَا قُضِيَتِ الصَّلَاةُ فَانْتَشِرُوا فِي الْأَرْضِ وَابْتَغُوا مِنْ فَضْلِ اللَّهِ وَاذْكُرُوا اللَّهَ كَثِيرًا لَعَلَّكُمْ تُفْلِحُونَ ﴿10﴾

10. Хутбани тинглаб, намозни адо этиб бўлгач, ерда тарқалинг ва саъй-ҳаракатларингиз билан Аллоҳнинг ризқини талаб қилинг. Барча ҳолатингизда Аллоҳни зикр қилинг. Шояд дунёю охират яхшилигига эришсангиз.

وَإِذَا رَأَوْا تِجَارَةً أَوْ لَهْوًا انْفَضُّوا إِلَيْهَا وَتَرَكُوكَ قَائِمًا ۚ قُلْ مَا عِنْدَ اللَّهِ خَيْرٌ مِنَ اللَّهْوِ وَمِنَ التِّجَارَةِ ۚ وَاللَّهُ خَيْرُ الرَّازِقِينَ ﴿11﴾

11. Эй Пайғамбар, айрим мусулмонлар тижорат ёки дунё матоси ва зеб-зийнатини кўриб қолишса, ўшанга қараб кетишади ва сизни минбарда хутба қилиб турган ҳолингизда ташлаб кетишади. Эй Пайғамбар, уларга айтинг: "Аллоҳнинг ҳузуридаги ажру савоб ва неъматлар сизлар учун бу дунё ҳою ҳавасларидан ва тижоратдан кўра фойдалироқ. Аллоҳнинг ёлғиз ўзи энг яхши ризқ берувчи ва инъом этувчидир. Шундай экан, ризқни фақат Аллоҳдан талаб қилинглар ва тоат-ибодат билан Унинг ҳузуридаги дунё ва охират яхшилигига эришишни умид қилинглар".

https://t.me/islomnuricom
МАЪЛУМОТИНГИЗНИ ТЕКШИРИБ ОЛИНГ.
93-сўровнома:
Қуръоннинг учдан бирига тенг экани айтилган сура қайси?
Anonymous Quiz
90%
Ихлос сураси
9%
Фотиҳа сураси
1%
Фалақ сураси
🌴🌴 Эртага 29.09.2022, ҳижрий тарихда 3 – рабиул аввал, 1444 йил пайшанба! 🌴🌴

Абу Ҳурайра розияллоҳу анҳудан ривоят қилинади: Расулуллоҳ соллаллоҳу алайҳи ва саллам дедилар: «Амаллар ҳар душанба, пайшанба кунлари (Аллоҳга) кўрсатилади. Менинг амалим рўзадор бўлган ҳолимда кўрсатилишини истайман» (Имом Термизий ривояти).

Агар қодир бўлсангиз рўзадорлар карвонига қўшилинг! Агар қодир бўлолмасангиз, бошқа диндошларингизга эслатинг. Билмайсизки, сизнинг эслатишингиз сабабли қанчалар рўза тутаркин! Сиз сабабли рўза тутган киши баробарида сизга ҳам савоб ёзилади.

📤 Азизларингизга улашишни унутманг!

https://t.me/islomnuricom
Ақли расо киши учун энг буюк истак ва энг улуғ тилак Аллоҳ унинг қалбини кенг ва ишларини осон қилишидир. Шунинг учун Мусо алайҳиссаломнинг Раббига қилган биринчи дуоси:

رَبِّ اشْرَحْ لِي صَدْرِي وَيَسِّرْ لِي أَمْرِي

«Раббим, Ўзинг қалбимни кенг-мунаввар қилгин, ишимни осон қилгин», деган сўзлар бўлган эди.

https://t.me/islomnuricom
#СаволЖавоб

Қабр олдига дарахт экса бўладими?

Савол:
Қабр олдига дарахт, гул ва бошқа турли ўсимликлар экса бўладими?

Жавоб:
Аллоҳ таолога ҳамду санолар, Пайғамбаримизга салавоту саломлар бўлсин.

Айрим олимлар қабр олдига дарахт ва шу каби ўсимлик экилса, унинг айтаётган тасбеҳидан маййит фойдаланади, деганлар. Улар ушбу сўзларига қуйидаги ҳадисни далил қилиб келтирганлар: Ибн Аббос розияллоҳу анҳумодан ривоят қилинади: «Набий соллаллоҳу алайҳи ва саллам Макка ёки Мадина (қўрғонлари) деворларидан бир девор ёнидан ўтаётиб қабрларида азобланаётган икки кишининг овозини эшитдилар. Шунда Набий соллаллоҳу алайҳи ва саллам: «Бу иккиси азобланаяпти ва (лекин бу) гуноҳ (кўринишидан) катта эмас», дедилар. Кейин: «Бироқ (у катта гуноҳдир), улардан бири бавлидан (сийдигидан) сақланмас эди, иккинчиси чақимчилик қилиб юрар эди» дедилар. Кейин бир дона хўл хурмо баргини олдилар ва уни иккига бўлиб, ҳар бирининг қабрига биттадан суқиб қўйдилар. Саҳобалар: “Нега бундай қилдингиз?” деб сўрадилар. У зот: “Модомики улар қуримай турар экан, бу иккисидан азоб енгиллашар, дея умид қилдим”, деб жавоб бердилар (Бухорий ва Муслим ривояти).

Бошқа уламолар ҳадисни бундай тушуниш хато деб айтганлар. Бу ҳодиса фақат бир марта содир бўлган ва у мана шу икки қабр эгасига хосдир. Чунки Пайғамбаримиз соллаллоҳу алайҳи ва саллам у иккаласидан бошқа одамнинг қабрида бу ишни қилмаганлар. “Модомики улар қуримай турар экан” деганларининг маъноси “улар қуригунча бўлган муддат давомида” деганидир (Ибн Баттол, Бухорий шарҳи). Яъни шу икки новда қуригунча улардан азоб енгиллатиб турилади. Бошқа ривоятда Пайғамбаримиз ўша икки киши ҳаққига шафоат сўраганлари ва Аллоҳ шу муддатгагина азобни енгиллатишга изн бергани айтилган.

Маълумки, коинотда мавжуд бўлган жамики жонлиғу жонсиз, хўлу қуруқ нарсалар бирдек Аллоҳга тасбеҳ айтадилар. Хўл дарахт ҳам, қуруқ дарахт ҳам тасбеҳ айтади. Аллоҳ таоло деди: «Мавжуд бўлган барча нарса ҳамду сано айтиш билан У зотни поклар. Лекин сизлар (эй инсонлар), уларнинг тасбеҳ айтишларини — поклашларини англамассизлар» (Исро, 44).

Демак, қабрдаги маййитга нафи тегсин деб қабрга дарахт, райҳон ва бошқа ўсимликларни экиш суннат эмас экан. Қабрни қандай бўлса шундайлигича – атрофини панжара билан ўрамасдан, устини сувамасдан тупроқ ҳолича қолдириш суннат, бунинг аксини қилиш эса ҳаромдир. Чунки қабрга гул қўйиш, қабр устига ўсимлигу райҳонлар ва дарахтлар экиш ва уларни суғориш насронийларнинг одатларидандир.

Валлоҳу аълам.

https://t.me/islomnuricom
Audio
Абдулҳафиз Домла раҳимаҳуллоҳ
#Энг_фойдали_тижорат | 66 | Абдулҳафиз Домла раҳимаҳуллоҳ

• Аллоҳ таоло йўлида шаҳид бўлишнинг савоби 3-қисм

"Islom Nuri" саҳифаси
•••┄┄┄┄┄༻❅༺┄┄┄┄┄•••
YouTube | Facebook | Telegram
​​​​#Бу_суннатга_амал_қиласизми?

Авс ибн Авс розияллоҳу анҳудан ривоят қилинади, Расулуллоҳ соллаллоҳу алайҳи ва саллам дедилар: «Энг афзал кунларингиздан бири жума кунидир. У куни Менга кўп салавот айтинглар, чунки сизларнинг салавотларингиз менга етказилади». Саҳобалар: «Ё Расулуллоҳ, чириб кетган бўлсангиз сизга бизнинг салавотларимиз қандай етказилади?», дейишди. У зот: «Аллоҳ таоло пайғамбарларнинг жасадларини ейишни ерга ҳаром қилди», дедилар (Имом Абу Довуд ривояти).

Пайшанба кун ботиши билан жумага ўтилгани боис, шу пайтдан жума куннинг қуёши ботгунича салавот айтиш суннатдир.

Азизларингизга улашишни унутманг...

https://t.me/islomnuricom
​​​​​​🕌 #Жума_суннатлари

• Ғусл қилиш;
• Хушбўйланиш;
• Мисвок билан тишларни тозалаш;
• Покиза кийимларни кийиш;
• Каҳф сурасини ўқиш;
• Пайғамбаримиз соллаллоҳу алайҳи ва салламга кўп салавот айтиш;
• Масжидга эртароқ бориш;
• Жума кунида яширинган дуо ижобат бўладиган вақтни топишга интилиш.

📤 Каналдаги маълумотлар ва дарсларни яқинларингизга ҳам улашинг.

https://t.me/islomnuricom
​​​​​​​​​​​​«Aлбатта, Aллоҳ ва Унинг фаришталари Пайғамбарга саловат айтурлар. Эй иймон келтирганлар! Сиз ҳам унга салавот айтинг ва салом юборинг».
. . . . . . . . . .
(Aҳзоб сураси, 56-оят.)
. . . . . . . . . .
Aллоҳумма солли ва саллим ала Набиййина Муҳаммад...
. . . . . . . . . .
https://t.me/islomnuricom
Савбон розияллоҳу анҳудан ривоят қилинади: Расулуллоҳ соллаллоҳу алайҳи ва саллам дедилар: «Умматимдан бир тоифа кишилар ҳақда зоҳир бўлиб бораверадилар. Уларни ёрдамсиз ташлаб қўйган кимсалар уларга зарар етказолмайдилар. То Аллоҳнинг амри келгунича улар ана шундай (ҳақда зоҳир бўлишда) давом этадилар».

📚 Имом Муслим ривояти

https://t.me/islomnuricom
Ториқ ибн Ашям Ашжаийдан ривоят қилинади:
«Бир киши Набий соллаллоҳу алайҳи ва салламга: "Раббимдан сўрамоқчи бўлганимда қандай дуо қилай?" деди. Шунда Набий соллаллоҳу алайҳи ва саллам:

‎اللَّهُمَّ اغفِرلي، وارحَمني، وعافِني، وارزُقني

"Эй Аллоҳ, гуноҳларимни кечир, менга раҳм айла, офият бер ва мени ризқлантир", деб айтгин. Зеро, бу сўровлар сен учун дунё ва охиратинг яхшиликларини жамлайди", дедилар».

📚 Имом Муслим ривояти

https://t.me/islomnuricom