📜Хикоя
Наима аравачани кун чиқиш томонга тўғрилаб, ўзи ҳам эрининг ёнидаги ўриндиққа ўтирди.
- Қалай, энди қулайми?
- Бўлади.
Акром хотинининг майинлик билан берган саволига шундай қўрс жавоб қайтарди. Наима бунга кўникиб қолгани учунми, индамай қўя қолди.
Авваллари Акром жуда мулойим, босиқ ва самимий инсон эди. Уни дард ўз измига солиб, ҳаёт синовлари ўзгартирди.
- Ўзи мени нега эрталабки уйқудан уйғотиб, бу ерга олиб келдинг?
- Кеча санаториядаги бир-икки аёл шу ерда қуёш жуда чиройли бўлиб отишини, уни кузатиш мароқли эканини айтишганди. Буни эшитибоқ, шундай ҳодисани сиз билан бирга кўришни кўнглимга тугиб қўйгандим.
- Хўш, бу билан бирор нарса ўзгарадими?
- Ҳа, сизнинг кайфиятингиз кўтарилиб, яна аввалгидек кула бошлайсиз.
- Сен тушунмадинг, шундан кейин мен юриб кетаманми?
Наима индамади. У қўрқарди, эри яна ажрашиш ҳақида гап бошлашидан чўчиб турарди.
- Мен сенга ҳеч тушунмайман. Биз совчилар орқали топишдик, турмуш қурдик. Тўйимиздан икки ой ўтар-ўтмай мен мана шу аравага михланиб қолдим. Мана олти ойдир-ки менинг инжиқликкаримга чидаб, сабр қилиб келаяпсан. Энди менга айтчи. Буларнинг бари нима учун?
- Ахир... Биз бирга...
- Ҳа, тўғри, тўғри. Тўйимиз куни биз доим бирга бўламиз деб бир биримизга сўз берганмиз. Бироқ, энди мен буни хоҳламайман. Эшитаяпсанми, мен сен билан бир сония ҳам яшашни истамайман.
- Мен эса айнан шуни истайман. Доим ёнимда туришингизни, ҳар сония мен билан бирга бўлишингизни Аллоҳдан тилайман.
Акром оёқларини ўраб турган ёпинчиқни олиб, жахл ила ирғитиб юборди.
- Кўраяпсанми мана буни? Бу оёқлар юрмайди, чўлоқ. Менинг тақдирим шундай, аммо сен ҳали келажагингни ўзгартиришинг мумкин. Бутун умр ногирон эрнинг қош-қовоғига қараб ўтиргандан, яхши хонадоннинг гўзал келини бўлиш афзал эмасми?
Акром бошини юқорига қаратиб, осмондаги бирин кетин ғойиб бўлаётган юлдузларга қараб қолди. Наима эрининг йиғлаётганини сезиб, жимгина пастда ётган ёпинчиқни олдида, яна қайта эрининг оёқларини ўраб қўйди.
- Шамоллаб қоласиз, ўраб олинг.
- Бўлди, етар. Ҳар куни менга раҳм-шафқат кўзи билан қарашингга, ўзгалар сени "ногироннинг аёли" деб чақиришларига, гулдай умрингни мендай дардисар билан зое кетказишингга бошқа чидолмайман. Уйга қайтиб боргач ажрашамиз.
Наима энди кўринай-кўринай деб турган қуёшга қараганча сўради:
- Хўп, ажрашганимиздан кейин нима бўлади?
- Сен ўз ҳаётингда, мен эс ўз ҳаётимда яшаймиз.
- Қандай қилиб?
- Сен ҳавотирланма, мен сенсиз ҳам ўзимни эплай оламан.
- Сиз-ку ўзингизни эпларсиз, аммо мен сизсиз қандай яшайман?
Акром тўсатдан берилган бу саволдан сесканиб кетди.
- Тўғри, биз севишиб оила қурмадик, бироқ, мен сизни турмушимизнинг илк кунлариданоқ севиб қолганман. Сизни севишимни яширмайман, буни айтишдан уялмайман ҳам.
Мени сиз билан ажрашмаганимнинг сабабини билмоқчимисиз? Бу бўйнимдаги фарзим, елкамдаги мажбуриятим, қалбим тубидаги раҳм-шавқат ҳисси боисидан эмас, балки юрагимдаги муҳаббат туйғуси туфайли.
Ёдингиздами, тўйимиз куни мен сиз учун садоқатли ёр, сабрли жуфти ҳалол бўлишга сўз берганим. Мен буни сиз ногирон бўлиб қолгунингизгача эмас, бутун умр учун айтганман.
Биласизми, мени қалбимга ҳар куни айтадиган сўзларингиз эмас, ҳаётга бўлган умидсизлигингиз кўпроқ озор беради.
Сиз умидсизланганингиз сайин, мени соғайишингизга бўлган ишончим ортаверади. Мен бунга ишонаман,
сиз албатта тузаласиз. Шунда бу ерларга пиёда бирга чиқамиз, қуёш отишини-ю ботишини ўтириб эмас, туриб қаршилаймиз. Фақат, бунинг учун биз доим бирга бўлиб, бир-биримизга елкадош бўлишимиз керак.
Аллоҳ барча бандаларини синайди, биз бу синовлардан ўтсак, барчаси ўз изига тушиб кетади.
Акром Наиманинг сўзларидан таъсирланиб кетди ва унинг қўлларини ўзиниг юрагига яқин олиб бориб паст овозда:
- Яхшиям сен борсан, - деди.
Наима эрининг сўзларидан ҳаяжонланиб, ёнида жилмайганча, мамнун ҳолда ўтирарди.
Шу онда қуёш секин бош кўтарди-ю, нури иккисининг янги кунга ишонч билан порлаб турган кўзларида акс эта бошлади.

© Фаридбек Мирзажонов

•┈┈┈┈•❈••✾••❈•┈┈┈┈•
Яхшилик учун яқинларингиз билан баҳам кўринг!
✅@islomiy_hikoyalar_7

​​​​​​Аллоҳ таоло (Азҳоб сураси 56-оятида) марҳамат қилади:

«Албатта Аллоҳ ва Унинг фаришталари Пайғамбарга саловот айтурлар . Эй иймон келтирганлар! Сиз ҳам унга саловот айтинг ва салом юборинг»

Расулуллоҳ соллаллоҳу алайҳи ва салламга имкон қадар кўп саловат айтиш: бу ҳақда Расулуллоҳ алайҳиссалом :

“Менга жума куни кўп салавот айтинглар. Чунки менга ҳар жума умматимнинг менга айтган салавоти рўбару қилинади. Ким менга кўп салавот айтган бўлса, (қиёматда) менга энг яқинлардан бўлади” деганлар.

(Байҳақий “Сунанул кубро”да ривоят қилган.)

•┈┈┈┈•❈••✾••❈•┈┈┈┈•
Яхшилик учун яқинларингиз билан баҳам кўринг!
✅@islomiy_hikoyalar_7

📜Бутун бўлса бўлди

Рўзғорлик бергани бир хонадонга кирдик, кичик қизалоқ бизга сездирмай онасини енгидан тортқилаб ниманидир бизга айтишига ундар эди. Онаси эса ўзини билмагандай тутиб бизларга ташаккур айтарди.

Қизчани оёғидаги шиппагига кўзим тушганини билиб уялганидан онасини ортига яширинди:

- хўўш, эртага болаларингиз мактабдан келишганидан сўнг "Чорсу" бозори ёнидаги сариқ бинони олдига олиб боринг, имкон даражасида баҳорга кийимлар олиб берамиз.

Она хижолатдан ерга қараганича:

- рахмат сизларга, шунчалик рўзғоримизга қараяпсизлар, светимизга ҳам пул ўтказиб бердинглар деб кўзларидаги ёшини арта бошлади.

- бўпти хайр, эртага бозорга бориб қўнғироқ қилинг, ўша ерда кўришамиз.

Бугун кўришдик, қизчани крассовкаси ҳам абгор ахволда экан:

- қизим, оёғинга қанақа шиппак ва туфли олиб берай?

- тешиги йўқ бутун бўлса бўлди оподда

Э воҳ,! Биз кийимни брендини қидириб топиб кияётган паллада кимлардир кийим бутун бўлса хурсанд бўлишини ўйлаб кўзларим ёшланди.

Кемтик қалбларни "ямаб" бутун қилишга ҳисса қўшганлардан Аллоҳ рози бўлсин !

•┈┈┈┈•❈••✾••❈•┈┈┈┈•
Яхшилик учун яқинларингиз билан баҳам кўринг!
✅@islomiy_hikoyalar_7

#Аудио
🔉 АЛЛОҲГА ЗОРЛАНИБ ДУО ҚИЛДИ| Тинглаб тасирланасиз |

@islomiy_hikoyalar7

Ramazonga ham oz qoldi! Tarovehda oʻqiladigan ushbu tasbehni yodlab oling. In shaa Alloh manfaatli 🍃


@islomiy_hikoyalar_7|✅

Ramazon kundaligi!

Allohning fazli marhamati ila anchadan buyon vada etilgan ”Ramazon kundaligi” tayyor bo’ldi!

Bu kundalikni 🖨printerdan chiqarib olib undan foydalaning va qarindosh-birodarlaringiz hamda taniganu-tanimagan bilan ulashing!

Shu kanaldagi har bir shaxs o’z yaqinlariga yo’ki o’z kanaliga bu kundalikni joylashligini so’rab qolamiz, Zero kim bir yaxshilikka
bir insonni yetaklab qo’ysa o'sha kishi yaxshilik qilayotgan kishidek ajrlanadi.

Agar sizda Printerdan chiqarishni umuman imkoni bo’lmasa unda telefoningizda pdf-format o’qiydigan ilovani yuklab olib o'sha orqali bu kundalikni to’ldirib borishlik imkoniyatiga egasiz.
Xohish-istak bo’lsa albatta imkon topiladi!

•┈┈┈┈•❈••✾••❈•┈┈┈┈•
Kanalga aʼzo boʻling! 👇
✅@islomiy_hikoyalar_7

#Ҳадис_358

📚Расулуллоҳ ﷺ дедилар: «Мусулмон мусулмон кишининг биродаридир. Унга зулм ҳам қилмайди ва биродарини душманига топшириб ҳам қўймайди. Ким биродарининг ҳожатида бўлса, Аллоҳ ҳам унинг ҳожатида бўлади. Кимки мусулмондан ғам-ташвишни кетказса, Аллоҳ таоло Қиёмат ғам-ташвишларидан уни халос этади. Кимки мусулмоннинг (айбини) беркитса, Аллоҳ таоло Қиёмат кунида унинг ҳам (айбини) беркитади»

✍Бухорий ва Муслим ривояти
(Ибн Умар розияллоҳу анҳудан)

@islomiy_hikoyalar_7✅

Бир ДАН ходими айтиб берди:

"Ойлик олган куним эди. Қўшимчасига мукофот пули ҳам беришди. Кайфият зўр. Бугун ҳеч кимга жарима ёзмайман дедим-да, ишга чиқдим. 

Хизмат жойимда турсам, узоқдан янги иномарка келяпти. Тўхтатдим. 

- Ассалому алайкум, ака, яхшимисиз?

- Ва алайкум ассалом. Аллоҳга шукр.

- Мошиналар муборак бўлсин!

- Сизга бунданам яхшисини насиб этсин!

- Ака, мен Фалончи Фалончиев... Хизматчилик, ҳужжатларингизни текшириб қўйсак.

Ҳайдовчи бемалол деди-да, ҳужжатларини тақдим этди. Синчиклаб текширсам-да бирон муаммо тополмадим. Базадан штрафларни текширдим: топ-тоза. Шунда шайтон қурғур эски синалган усулингни қўлла, деб қулоғимга қуйди. Ҳайдовчига жиддий қараб:

- Ака, нима қоидабузарлик қилганингизни биласизми? - дедим. 

Одатда бунақа пайтда малакасиз ва эътиборсиз ҳайдовчилар ўзини йўқотиб қўяр, уларга биронта навбатчи қоидабузарликни қўйворса бўлаверарди. Ҳайдовчи ака ўзгармади ҳам, ўша-ўша кайфиятда "билмасам" деди. "Тузоққа илинди" дедим ичимда. 

- "Полоса"ни босдингиз. "Протокол" қиламизми?

Ҳайдовчи ҳеч бўлмаса мен билан тортишиши, ҳақини талаб қилиши, жилла қурса, "ёзмай қўёвринг, камандир" дейиши керак эди. Иномарка эгаси фавқулодда хотиржамлик билан: 

- Қоидани бузган бўлсак, ёзаверинг, - деди.

Тўғриси бунақа хотиржам ҳайдовчини умримда биринчи марта кўриб турибман. Бир тарафдан жаҳлим чиқади, иккинчи тарафдан виждон қийналяпти. Охири мақсадга ўтдим:

- Ғалати одам экансиз, ким нима деса ишонаверасизми? - дедим кулги аралаш. У эса менга шундай жавоб бердики, бошим ғовлаб кетди:

- Ғалати эмасман. Менга Аллоҳнинг саломини йўллаб, гўзал муомала қилган одам мени алдамаса керак.

Жавоб ўқ бўлиб юрагимга жойланган эди. Терс ўгирилдим-да, додлаб юбормаслик учун чуқур нафас олдим. Ҳужжатларни қайтариб берарканман:

-Узр сўрайман, кетаверинг, ҳеч қандай қоидабузарлик қилмадингиз, дедим.

Иномарка эгаси, ҳужжатларни қутига соларкан, ичидан кичик бир атирни олди-да, менга бераркан: "Мана бу ҳадяни қабул қилинг, чин дилдан, умрадан олиб келгандим. Ассалому алайкум!" деди.

Қўлларим қалтираб зўрға олдим. Ерга чўккалаб, узоқ ўйланиб қолдим.

Иномарка эгаси менга мўминликни ўргатиб кетган эди. Ўшандан бери бировга ноҳақ жарима ёзмадим, ҳеч кимга ёмон муомала қилмадим..."

Давронбек Тожиалиев
•┈┈┈┈•❈••✾••❈•┈┈┈┈•
Kanalga aʼzo boʻling! 👇
✅@islomiy_hikoyalar_7

Дуо:"Я робби лакал ҳамду кама янбағи лижалаали важҳика ва аъзими султоника"

Маъноси: “Эй Роббим, Сенга Ўзингни буюклигинг ва салтанатингни  улуғлигига яраша ва муносиб ҳамд бўлсин”

✅@Korantekst
•┈┈┈┈•❈••✾••❈•┈┈┈┈•
Яхшилик учун яқинларингиз билан баҳам кўринг!
✅@islomiy_hikoyalar_7

Кўпчилик қидириб юрган кино
➖➖➖➖➖➖➖➖➖➖➖➖➖
🎬Номи: "Жаннат оналар оёғи остида"
🇺🇿Тили: Ўзбек тилида
🌏Давлат: 𝖰𝗂𝗋𝗀ъ𝗂𝗓𝗂𝗌𝗍𝗈𝗇
📆Йили: 2024 𝖬𝖾𝗀𝖺𝖯𝗋𝖾𝗆𝗒𝖾𝗋𝖺

•┈┈┈┈•❈••✾••❈•┈┈┈┈•
Яхшилик учун яқинларингиз билан баҳам кўринг!
✅@islomiy_hikoyalar_7