ӨЗҮНҮН БАЛАСЫНА, БИР ТУУГАНЫНА, КАРЫНДАШЫНА ЗЕКЕТ, ОРОЗО ФИТИР БЕРСЕ БОЛОБУ?

Суроо:
Уулуна, эгер уулу муктаж болсо, бир тууганына, күйөөсү жок эже-карындашына зекет берсе болобу?

Сураныч, бизге туура жол көрсөтүңүз, Аллах сизге сооп берсин.

Жооп:
Мээримдүү, Ырайымдуу Аллахтын аты менен.

Аллахка чексиз мактоолор болсун, Аллахтын Элчисине, анын үй-бүлөсүнө, сахабаларына жана аларды адашпай ээрчигендерге Аллахтын салам-салаваты болсун.

Аллах куранда:«(Зекет) садакалар жакырларга, кедейлерге…… берилет.»- деп айтат. Куран, Тооба: 60.

Мына ушул жалпы далилдерге таянып, кедей бир тууганга, кедей эже-карындашка же башка кедей туугандарга, мисалы, таякелерге, аталаш бир туугандарга, алардын балдарына жана ушул сыяктууларга зекет берүүнүн эч кандай айыбы жок. Берсе болот. Анткени алар бул асыл аятта камтылган.

Ал эми уулуна, баласына келсек, жок, болбойт! Себеби балдары атасынын бир бөлүгү болгондуктан, аларга зекет берилбейт! Ата балдарын өз камкордугуна алып чыгымына өзү жооп берет. Ата балдарына, кыздарына неберелерине зекет берүүсү болбойт. Алар кедей болсо да зекет берилбейт. Аларга өз акчасынан сарптайт, зекет бербейт. Мына ушундай деп аалымдар айтышкан.

Ошол сыяктуу эле атага да, энеге да, чоң атага да, чоң энеге да зекет берилбейт. Балдары аларга зекеттен башка өз акчаларынан сарпташат.
Шейх Ибн баз ( рахимахуллах)

https://binbaz.org.sa/fatwas/12995/%D8%AD%D9%83%D9%85-%D8%AF%D9%81%D8%B9-%D8%A7%D9%84%D8%B2%D9%83%D8%A7%D8%A9-%D9%84%D9%84%D8%A7%D8%A8%D9%86-%D9%88%D8%A7%D9%84%D8%A7%D8%AE-%D9%88%D8%A7%D9%84%D8%A7%D8%AE%D8%AA

СУРОО:
Фитр садаканы балагат жашына жете элек балдардан жана орозо тутпаган адамдар да төлөөгө милдеттүүбү?

Жооп:

Ооба, Фитр садакасы балагат жашына жете элек балдардан да төлөнөт. Хадистерге ылайык, Фитр садакасынын милдети бардык мусулмандарга таандык: кулу болсун, эркин адамы болсун, эркеги болсун, аялы болсун, кичинекейи болсун, чоңу болсун, орозо туткан адам болсун, тутпаган адам болсун.

Ибн Умар (Аллах алардан разы болсун) айткан:«Аллахтын Элчиси Фитр зекетин мусулмандарга, кулу болсун, эркин адамы болсун, эркеги болсун, аялы болсун, кичинекейи болсун, чоңу болсун, курмадан же арпадан бир саа' өлчөмүндө берүүнү милдеттендирди. Ошондой эле, аларга аны айт намазга чыкканга чейин берүүнү буюрду».📚Бухарий (1510).
➖➖➖➖➖➖➖➖
🎙Нематулла Кадайев
🌐 https://t.me/islambulagy

Күлүк аттардан сабак…

«Күлүк аттар жолдун аягына жакындаганда, жеңишке жетүү үчүн болгон күч-аракети менен чуркашат. Андыктан, күлүк ат сенден акылдуу болуп кетпесин!
Албетте, амалдар аягына карап бааланат».

📚 Ибн Жавзи — «ат-Табсира»

Оо, кадырлуу бир тууган!

“Бул менин акыркы Рамазаным болушу мүмкүн…”
— деп ойлоп орозо кармайлы.

Балким ушул ой бизди ойготот…
Балким ушул ой жүрөгүбүздү жумшартат…
Балким ушул ой бизди чыныгы ибадатка жетелейт.

⏳ Ар бир күн — мүмкүн акыркы мүмкүнчүлүк.
Ар бир намаз — акыркы намаз болушу мүмкүн.

⚠️ Рамазанда жалкоолук кылба!
⚠️ Кайдыгер болбо!
⚠️ Ибадатты эртеңкиге калтырба!

Аллахтын алдына бара турган күнүңдү эстеп, Ага даярдан!
➖➖➖➖➖➖➖➖
✍ Нематулла Кадайев
🌐 https://t.me/islambulagy

https://youtu.be/hLy-ePUzLkA?si=iIB_PncymRG1rn-y

السلام عليكم ورحمة الله وبركاته

Туугандар!

Бүгүн Сауд Арабиясында асман булуттуу болуп, айды көрүү мүмкүн болгон жок. Хадисте Аллахтын Элчиси ﷺ мындай деген:

“Айды көрүп орозо кармагыла жана айды көрүп ооз ачкыла. Эгер асман булуттуу болуп, ай көрүнбөй калса, Рамазан айын отуз күнгө толуктагыла!”
(Муслим, 1080)

Ошондуктан эртең, 19-март күнү, Рамазан айын 30 күнгө толуктап орозо кармайбыз. Ал эми 20-март — Айт күнү деп эсептелет.

Аллах Таала кармаган орозолоруңуздарды кабыл кылсын!

📌 ЖУМА НАМАЗ АЙТ КҮНҮНӨ ТУУРА КЕЛСЕ – ӨКҮМҮ КАНДАЙ?

❓ Суроо:
Айт күнү Жумага туш келсе, жума намазын окуунун өкүмү кандай? Бардык мусулмандарга жума окуу парз бойдон калабы же айрымдарына ганабы? Себеби кээ бир адамдар: «Айт жумага туура келсе, жума окулбайт» деп ойлошот.

⸻

✅ Жооп:

🕌 Имам үчүн:
Жума намазын окуу — парз. Ал мечитке келген адамдар менен жума намазын өткөрүшү керек.

📖 Буга далил — сахих хадисте Нуман ибн Башир (رضي الله عنه) риваят кылгандай:
«Пайгамбарыбыз Мухаммад ﷺ айт намазын да, жума намазын да окуган».

⸻

👤 Ал эми жамаат үчүн:
Кимде-ким айт намазын окуса, ага жума намазына барбоого уруксат бар. Ал адам жуманын ордуна:

➡️ Бешим (зухр) намазын өзү же үй-бүлөсү менен окуйт.

⸻

⭐ Кайсынысы жакшы?
Жума намазын окуу — жакшыраак жана толук.

⸻

⚖️ Өкүм:
✔️ Айт намазын окуп, жумага барбай калса — күнөө жок
❗ Бирок бешим намазын окуу милдеттүү
⸻
📚 Булак: Абдул Азиз ибн Баз (рахимахуллах)
➖➖➖➖➖➖➖➖
✍ Нематулла Кадайев
🌐 @islambulagy

АЙТ НАМАЗЫНА БАРУУДАГЫ СҮННӨТТӨР

1⃣ Гусул алуу
Мусулман адам айт намазына чыгуудан мурда жума намазына алгандай гусул алуу сүннөт. Себеби Абдуллах ибн Умар (радиаллаху анхума) айт намазына чыгаарда гусул алчу.

Нафиъ (радиаллаху анху) айтат:
“Абдуллах ибн Умар орозо айт майрамына чыгуудан мурда гусул алып чыгчу эле.”
📚 «Муатта» (2/248) — Имам Нававий сахих деген.

⸻

2⃣ Так санда курма жеп чыгуу
Орозо айт намазына чыгаардан мурда оозду так санда курма менен ачуу сүннөт. Эгер курма табылбаса, башка нерсе менен ачса да болот. Себеби айт күнү орозо кармоого тыюу салынган.

Анас ибн Малик (радиаллаху анху) риваят кылат:
“Аллахтын Элчиси ﷺ орозо айтка чыгаардан мурда так санда (бир же үч) курма жемейинче чыкчу эмес.”
📚 «Бухари» (953)

⸻

3⃣ Такбир айтуу
Айт күнү Аллахты улуктап такбир айтуу сүннөт. Алгачкы салих мусулмандар айт түнүнөн баштап, имам намазга чыкканга чейин такбир айтышкан.

Малик ибн Анас (рахимахуллах) риваят кылат:
“Абдуллах ибн Умар орозо айт күнү имам чыкканга чейин такбир айта берчү.”
📚 «Ахкамул-айдайн» (1/111)

⸻

4⃣ Бири-бирин куттуктоо
Айт күнү мусулмандар бири-бири менен жолукканда:
“Такаббалаллаху минна уа минкум”
(Аллах бизден жана силерден амалдарды кабыл кылсын) — деп куттуктоо сүннөт.

Жабир ибн Абдуллах (радиаллаху анху) айтат:
“Пайгамбардын ﷺ сахабалары айт күнү жолукканда ушундай деп айтышчу.”
📚 «Тамамул-минна» (354) — Имам Албани сахих деген.

⸻

5⃣ Эң жакшы кийим кийүү
Айт намазына таза жана эң жакшы кийимди кийип баруу сүннөт.

Жабир ибн Абдуллах (радиаллаху анху) айтат:
“Аллахтын Элчисинин ﷺ атайын чепкени бар эле, аны айт жана жума намаздарына кийчү.”
📚 «Сахих Ибн Хузайма» (1765)

Ошондой эле Абдуллах ибн Умар айт намазына эң жакшы кийимин кийип чыкчу.

📚 «Сунан ал-Байхакий» (3/281)

Аялдар болсо ауратын толук жапкан, тар эмес, денени көрсөтпөгөн жана көңүл бурдурбаган кийим кийүүсү важип.

⸻

6⃣ Башка жол менен кайтуу
Айт намазына барган жол менен кайтпай, башка жол менен кайтуу сүннөт.

Жабир ибн Абдуллах (радиаллаху анху) айтат:
“Аллахтын Элчиси ﷺ айт намазына бир жол менен барып, башка жол менен кайтып келчү.”
📚 «Бухари» (986)
➖➖➖➖➖➖➖➖
✍ Нематулла Кадайев
🌐 @islambulagy

Канал менен бөлүшүүнү унутпаңыз, бир туугандар!

📌 ШАВВАЛЬ АЙЫНДА АЛТЫ КҮН ОРОЗО ТУТУУНУН АРТЫКЧЫЛЫГЫ

📖 Аллахтын Элчиси ﷺ: “Кимде-ким Рамазан айында орозо кармап, андан кийин Шавваль айында алты күн орозо кармаса — бир жыл орозо кармагандай болот.” 📚 (Муслим, 1164)

⸻

📌 ӨКҮМҮ КАНДАЙ?
Бул орозо — сүннөт.
Ким кармаса — чоң сооп алат,
ким кармабаса — күнөөкөр болбойт.

⸻

📌 КАЧАН КАРМОО КЕРЕК?
Айт күнү орозо кармоого болбойт.
Ошондуктан — Айттын эртеси баштап кармалат.

⸻

📌 БӨЛҮП КАРМОГО БОЛОБУ?
Ооба, болот.
Шавваль айынын ичинде каалаган убакта:
башында, ортосунда же аягында бөлүп кармасаңыз болот.

✅ Бирок Айттан кийин дароо, катарынан кармоо — жакшыраак.

⸻

📌 РАМАЗАНДАН КАРЫЗЫ БАРЛАРЧЫ?
Эгер моюнуңузда Рамазан орозосунун казасы болсо:
➡️ Адегенде казаны өтөө керек
➡️ Андан кийин гана Шаввальдын алты күнүн кармоо керек

⸻

📌 НИЕТТИ КОШУП КАРМОГО БОЛОБУ?
(Каза + Шавваль)
❌ Жок, болбойт.

Анткени:
Парз (карыз) орозо өзүнчө,
Сүннөт орозо өзүнчө кармалат.

⸻

📌 СООБУ КАНДАЙ?
✨ Бир жыл толук орозо кармагандай сооп жазылат!

➖➖➖➖➖➖➖➖
✍️ Нематулла Кадайев

🌙 Рамазан айы бүтсө да, Аллахтын акысы бүткөн жок

Рамазан өттү…
Мечиттер толуп турган күндөр өттү…
Көз жаш менен окулган дубалар, түнкү намаздар — артта калды…

Бирок ойлонуп көр:
Рамазан кеттиби — же сенин жүрөгүң өзгөрдүбү?

Аллах — Рамазандын гана Раббиси эмес.
Ал — бүгүн да, эртең да, өмүрүңдүн акыркы күнүнө чейин сенин Раббиң.

Аллах Таала айтат:
وَاعْبُدْ رَبَّكَ حَتَّىٰ يَأْتِيَكَ الْيَقِينُ
«Сага өлүм келгенге чейин Раббиңе ибадат кыл»

Демек, ибадат — бир айлык эмес…
Бул — өмүрлүк милдет.

Кээ бир адамдар Рамазанда намаз окуп, анан таштап коёт…
Куранды окуп, анан жаап коёт…
Күнөөлөрдөн тыйылып, анан кайра кайтып барат…

Мындай болбо!
➖➖➖➖➖➖➖➖
✍ Нематулла Кадайев

Telegram
👉https://t.me/islambulagy

🌙 ШАВВАЛ АЙЫНДАГЫ АЛТЫ КҮНДҮК ОРОЗО — РАМАЗАНДЫН УЛАНДЫСЫ.

Рамазан айы — жүрөктөрдү тазалаган ыйык мезгил эле…
Сен күткөн ай эле…
Сен өзгөргөн ай эле…
Сен Аллахка эң жакын болгон күндөр эле…

Ал өттү.

Парз орозо бүттү.
Бирок кулчулук бүтпөйт.
Анткени Аллах — Рамазандын гана Раббиси эмес.
Ал — бүгүн да, эртең да, өмүрүңдүн акыркы күнүнө чейин сенин Раббиң.

Аллах Таала айтат:

وَاعْبُدْ رَبَّكَ حَتَّىٰ يَأْتِيَكَ الْيَقِينُ

«Сага өлүм келгенге чейин Раббиңе ибадат кыл».

Демек, ибадат — бир айлык эмес…
Бул — өмүрлүк милдет.

Аллахка жакындатуучу жол эч качан бүтпөйт.

Чыныгы момун Рамазан менен кошо ибадатты таштабайт.
Тескерисинче, Рамазан анын жүрөгүнө жаңы дем, ибадатка болгон бекемдикти, туруктуулукту калтырат.
Ошол бекемдик, туруктуулук менен ал нафил орозолорду улантат…

🌙 Шавваль айындагы алты күндүк орозо — Рамазандын уландысы.

Бул тууралуу Аллахтын Элчиси ﷺ мындай деген:

«مَنْ صَامَ رَمَضَانَ ثُمَّ أَتْبَعَهُ سِتًّا مِنْ شَوَّالٍ كَانَ كَصِيَامِ الدَّهْرِ»

«Кимде-ким Рамазан айында орозо кармап, андан кийин Шавваль айында алты күн орозо кармаса — бир жыл орозо кармагандай болот». 📚 Муслим, 1164.

Бул — бир жыл орозо кармагандай сооп.
Бул — Рамазандын кабыл болуусуна үмүт.

✨ Оо, бир тууган…
Рамазанда сен түндө туруп ыйладың эле…
Рамазанда сен Куран кармадың эле…
Рамазанда сен күнөөдөн качтың эле…

⸻

Эгер сен Рамазандан кийин да Аллахты эстесең — сен тирүүсүң.
Эгер сен дагы да саждага баш койсоң — сен ибадатта туруктуусуң.

Бул тууралуу Аллах Куранда мындай дейт:

﴿إِنَّ الَّذِينَ قَالُوا رَبُّنَا اللَّهُ ثُمَّ اسْتَقَامُوا تَتَنَزَّلُ عَلَيْهِمُ الْمَلَائِكَةُ أَلَّا تَخَافُوا وَلَا تَحْزَنُوا وَأَبْشِرُوا بِالْجَنَّةِ الَّتِي كُنتُمْ تُوعَدُونَ﴾

«Чындыгында, “Раббибиз — Аллах” деп, андан кийин түз жолдо бекем турушкан, туруктуу адамдарга периштелер түшүп:
“Коркпогула жана кайгырбагыла! Силерге убада кылынган Жаннат менен сүйүнгүлө.
Биз силердин бул дүйнөдөгү да, акыреттеги да досторуңарбыз.
Ал жерде силерге көңүлүңөр каалаган нерселердин баары бар жана сураганыңардын баары берилет.
Бул — Кечиримдүү, Ырайымдуу Аллахтан болгон сыйлык”, — дешет».
(Куран, Фуссилат: 30)

Дал ушул — истикама, башкача айтканда, түз жолдо бекем болгон туруктуулук.
Баштоо гана эмес… акырына чейин туруу.

Аллах Таала бизди Өз жолунан тайбаган, аз болсо да туруктуу амал кылган пенделеринен кылсын.
Жүрөктөрүбүздү жумшартып, ыйманыбызды бекемдесин.
➖➖➖➖➖➖➖➖
✍ Нематулла Кадайев

Telegram
👉https://t.me/islambulagy

Instagram:
👉https://instagram.com/islambulagy?utm_medium=copy_link

YouTube
👉https://youtube.com/channel/UCtuOzuA3x1mDPhdhD3HKMHA

Facebook
👉https://www.facebook.com/groups/1009528672915026/?ref=share