ШАВВАЛЬ АЙЫНДА АЛТЫ КҮН ОРОЗО ТУТУУНУН АРТЫКЧЫЛЫГЫ

"Аллахтын Элчисиﷺ айткан:
"Кимде-ким Рамазан айында орозо кармап, андан кийин шавваль айында алты күн орозо кармаса - бир жыл орозо кармагандай болот."
📚Муслим 1164

ШАВВАЛЬ АЙЫНДА АЛТЫ КҮН ОРОЗО ТУТУУНУН ӨКҮМҮ КАНДАЙ?

Өкүмү Сүннөт. Ким кармаса бир жыл толук орозо кармагандай сооп алат. Ал эми ким кармабаса күнөөкөр болбойт.

КАЧАН КАРМОО КЕРЕК?

Айт майрамынын эртеси, себеби Айт күнү орозо кармаганга болбойт.

Бөлүп-бөлүп кармаса болобу?

Ооба. Шавваль айынын башында, ортосунда, аягында бөлүп-бөлүп кармаса болот. Бирок, Айттан кийин, Шавваль айынын башында, бөлбөй жана катарынан кармаган жакшы.

Рамазандан карызы барлар кармай берсе болобу?

Рамазан айынан карызы барлар ошол казасын өтөп бермейинче кармаганга болбойт. Себеби хадисте Рамазанды кармап анан артынан алты күн кармаса деп айтылган. Ошол үчүн карызын шавваль айында өтөп анан алты күнгө жетишсе, кармаса болот.

Бул алты күндү кармаганда Рамазандагы карызымды да ниет кылып кармасам экөөнөн тең кутулууга болобу?

Жок, андай болбойт! Моюнуңузда карыз парз орозо турганда сүннөт орозо менен алектенбеңиз, биринчи казаны бүтүрүп анан алты күндү кармаңыз.

Сообу кандай болот?

Бир жыл толук орозо кармагандай сооп болот.
➖➖➖➖➖➖➖➖
✍ Нематулла Кадайев
🌐 https://t.me/islambulagy

https://youtu.be/ebW3Opb8OPM?feature=shared

“Лаа илааха илаа Аллах”- таухид келмесинин экинчи шарты: Якын - бекем ишеним (карама-каршысы экиленүү, шектенүү).

“Лаа илааха илаа Аллах”- деп айтып жаткан адам бул сөздүн маанисине эч качан шектенип, күмөн санап, экиленбестен бекем жана терең ишеним менен айтуу керек. Ошондо гана бул келме пайда берет. Себеби, ыйман бекем ишеним менен айтканда гана пайдалуу болот. Ошондуктан “Лаа илааха илаа Аллах”-деп күбөлүк берүүдө келменин маанисине эч кандай күмөн санабастан бекем ишеним менен айтуу керек экендиги шарт кылынган.

Ал эми ушул келмени айтууда маанисин билип, Аллахтан башка да сыйынууга татыктуу кудай болушу мүмкүн деп күмөн санаса, же бул келменин рүкүндөрүн, шарттарын, талап кылган талаптарын аткарып жатканда шектенсе, анда ага бул “Лаа илааха илаа Аллах”-Таухид келмеси эч качан пайда бербейт.

Бул якын илимдин эң жогорку даражасы болот. Илим деген бул билүү. Сен билген нерселериңде кээ бир учурларда экиленип, күмөн санап, шектенүүң мүмкүн. Бирок, качан илимиң бул якын даражасына жеткен кезде гана терең жана бекем ишенимге жеткен болосуң. Мына ушул якын (бекем ишеним) деп аталат. Ошондой эле, якын бул экиленип, күмөн санап, шектенүүнү эч качан кабыл кылбайтурган жүрөктөгү бекем жайгашкан терең ишеним.

📚Кафавий фи “ал-куллият” 969-980 бет, “Шарх шуруту лаа илааха илла Аллах” Шейх Мхаммад Аман ал жамий, 44 бет. 
➖➖➖➖➖➖➖➖
✍ Нематулла Кадайев
🌐 https://t.me/islambulagy

Канал менен бөлүшүүнү унутпаңыз бир тууган!

https://youtu.be/btwfl9QGsPA?feature=shared

“ЛАА ИЛААХА ИЛЛА АЛЛАХ”-ТАУХИД КЕЛМЕСИНИН 3 - ШАРТЫ: ИХЛАС (карама-каршысы – ширк, эки жүздүүлүк, рия, (эл көрсүн), сумъа (эл уксун))
 
1) Ихлас бул жакшы ниет менен аткарылып, жасалган, амалдарды ширк кошулган бардык нерселерден тазалоо.
 
2) Ихлас деген бул инсандын кылып жаткан амалы, ниети, ой-максаты, сүйлөгөн сөзү, Аллах үчүн жана кеңдиги асман менен жерден да кең болгон бейишке кирүү үчүн жасаган амалы.

Инсан кылып жаткан амалында, ниетинде, ой-максатында эч качан эл көрсүн, эл уксун, эл мени мактасын, элдин алкышына, мактоосуна татыктуу болоюн, эл мени эмгегим менен эскерсин деген нерселер таптакыр болбоо керек. Инсан кандай гана жакшы амал, ниет кылбасын Аллахтын ыразычылыгына жетүү үчүн кылуу керек. Мына ушул ихлас болуп аталат.

Бардык айып кемчиликтерден аруу жана таза болгон Аллах ихлас менен кылынган амалды гана кабыл кылат.
Бул “Лаа илааха илла Аллах”- Таухид келмесин чын ихластан айтуу жана келмени айтууда амалдарды ширктин бардык түрлөрүнөн тазалоо шарт. Ошондой эле, аны айтуу дүйнө үчүн, эл көрсүн же эл уксун үчүн эмес, бир гана Аллахтын ыраазылыгы үчүн айтуу шарт.
 
Буга Курандан далил:

﴿ إِنَّا أَنْزَلْنَا إِلَيْكَ الْكِتَابَ بِالْحَقِّ فَاعْبُدِ اللَّهَ مُخْلِصًا لَهُ الدِّينَ أَلَا لِلَّهِ الدِّينُ الْخَالِصُ ﴾

(Оо Мухаммад) Ырасында, Биз сага Китепти акыйкат менен түшүрдүк. Эми сен динди жалгыз Аллахка арнап, чын ыкластан ибадат кыл. Көңүл бургула! Таза дин Аллахка гана таандык.  (Куран, Зумар: 2-3.

﴿قُلْ إِنِّي أُمِرْتُ أَنْ أَعْبُدَ اللَّهَ مُخْلِصًا لَهُ الدِّينَ﴾

“(Оо Мухаммад) “Акыйкатта, мен динди бир гана Аллахка берилип, таза ихлас менен ибадат кылууга буйрулганмын”,- дегин”. Зумар:11.

﴿قُلِ اللَّهَ أَعْبُدُ مُخْلِصًا لَهُ دِينِي﴾

“Динимди бир гана Аллахка берилип, чын ихлас менен кылам”,- дегин”. Зумар: 14.

Бул аятта Аллах “Өзүнүн кулдарын чын ихластан жалгыз өзүнө сыйынууга буйруп, таза дин Өзүнө гана таандык” – деди. Ошондуктан кимде-ким дининде ширк же ихласында рия, сумъа аралаштырса, ал эч качан Аллахка таза дин менен сыйынган болбойт.
 
﴿وَمَا أُمِرُوا إِلَّا لِيَعْبُدُوا اللَّهَ مُخْلِصِينَ لَهُ الدِّينَ حُنَفَاءَ وَيُقِيمُوا الصَّلَاةَ وَيُؤْتُوا الزَّكَاةَ وَذَلِكَ دِينُ الْقَيِّمَةِ﴾

Алар ханифтерден (ширктен бет буруп, таухидди бекем кармангандардан) болуп, Аллахтын жалгыз Өзүнө чын ыкластан сыйынууга жана намаздарын окуп, зекеттерин берүүгө буйрулушкан эле. Мына ушул туура дин. (Куран, Баййина: 5)
 
Абалкы өткөн жана кийинки бардык адамдар шарияттагы жалпы, ички, сырткы ибадаттарда Аллахтын жалгыз Өзүнө чын ихластан кулчулук кылууга буйрулушкан. Ал эми ким кылган амалы чын ыкластан болбой ширк, рия, сумъа аралаштырган болсо, мындай амалды Аллах Таала эч качан кабыл кылбайт.

Муъаз ибн Жабаль (радиаллаху анху): “Пайгамбарыбызﷺ кимде-ким ибадат кылууга акылуу эч ким жок, жеке, жалгыз, бир Аллахтан башка - деп жүрөгүнөн ыклас менен күбөлүк берсе, Жаннатка кирет” - деп айтканын уктум”. Хадистин булагы: Ахмад 22060, Ибн Мажа 3796, Насаи 10975 Сахих деп өкүм берген:Ибн Хиббан, Альбани, Шуъайб Арнаут.
 
Шейх Ислам ибн Таймия (рахимахуллах) айтат: “ибадат кылууга акылуу эч ким жок, жеке, жалгыз, бир Аллахтан башка” жана “Мухаммад Аллахтын Элчиси”- деп күбөлүк берүү - Исламдын негизи. Ким бул негизди ихласы жок риа (эл көрсүн), же сумъа (эл уксун) үчүн кылса, анда анын ихласы болбогондугу үчүн шарият талап кылгандай айтпаган болот.” (Мажмуъ фатауа 11/617).

Ихлас ыймандын жаны, эч качан ихласы жок ыйман болбойт. Аллах ихлас менен кылынган амалды гана кабыл кылат.
➖➖➖➖➖➖➖➖
✍ Нематулла Кадайев

Telegram
👉https://t.me/islambulagy

Instagram:
https://instagram.com/islambulagy?utm_medium=copy_link

YouTube
👉https://youtube.com/channel/UCtuOzuA3x1mDPhdhD3HKMHA

Facebook
👉https://www.facebook.com/groups/1009528672915026/?ref=share

Канал менен бөлүшүүнү унутпаңыз бир тууган!

https://youtu.be/btwfl9QGsPA?feature=shared

Мээримдүү жана Ырайымдуу Аллахтын аты менен

Албетте, балдарды тарбиялоодо эң маанилүү нерселердин бири – аларга диндин маселелерин үйрөтүү, туура акыйдага тарбиялоо жана алардын жүрөгүнө туура ишенимди орнотуу.

Эгерде ыйман тарбиясы балдарга алардын бала кезинен сиңирилген болсо, алар келечектеги ар түрдүү азгырыктардан жана адашуулардан сак болушат, инша Аллах. Бирок, азыркы заманда көптөгөн ата-энелер балдарына дин тарбиясын үйрөтүүдө өтө кайдыгер болгондуктан алардын балдары өз алдынча ар түрдүү бузукулук жолдордон тарбия алышып, динсиз чөйрөдө чоңоюп өсүшүүдө.

Кайдыгер ата-энелерди жемелеп жана аларга эскертүү иретинде Ислам шейхи Ибн Аль-Кайим - Аллах аны ырайымына алсын - мындай деп айткан: «Кимде-ким балдарына пайда бере турган нерселерди үйрөтүүгө кайдыгерлик кылса жана кош көңүл мамиле жасаса, ал адам өз балдарына чоң зулумдук кылган болот! Көпчүлүк балдардын бузулуусу - ата-энелери тарабынан болот (б.а. дин тарбиясын бербегендиктен)...».

Аллах Таала Өзүнүн китебинде ата-энелердин мойнундагы бала-чакасына карата парзын баяндап жана буйрук берип айтат:

۞ يَا أَيُّهَا الَّذِينَ آمَنُوا قُوا أَنْفُسَكُمْ وَأَهْلِيكُمْ نَاراً وَقُودُهَا النَّاسُ وَالْحِجَارَةُ عَلَيْهَا مَلائِكَةٌ غِلاظٌ شِدَادٌ لا يَعْصُونَ اللَّهَ مَا أَمَرَهُمْ وَيَفْعَلُونَ مَا يُؤْمَرُونَ ۞

«О, ыйман келтирген пенделер! Өзүңөрдү жана үй-бүлөңөрдү Тозоктон коргоп калгыла! Анын отундары адамдардан жана таштардан, үстүндө болсо, Аллах буюрган ишке эч качан каршы чыкпаган, буюрулган нерсени дароо аткара турган орой жана күчтүү периштелер турат!».
Куран. Тахрим сүрөсү: 6. 

Пайгамбарыбызﷺ айткан:

{ كُلُّكُمْ رَاعٍ ، وَكُلُّكُمْ مَسْئُولٌ عَنْ رَعِيَّتِهِ ، وَالرَّجُلُ رَاعٍ فِي أَهْلِهِ وَهُوَ مَسْئُولٌ عَنْ رَعِيَّتِهِ ، وَالْمَرْأَةُ رَاعِيَةٌ فِي بَيْتِ زَوْجِهَا وَمَسْئُولَةٌ عَنْ رَعِيَّتِهَا ..}

«Силердин ар бириңер жетекчи жана өз кол алдындагылар үчүн суралат. Эркек үй-бүлөсү үчүн жеткечи жана кол астындагы аялы жана бала-чакасы үчүн жооп берет; аял - күйөөсүнүн үйү жана балдарына жетекчи жана алар үчүн суралат».
📚 Сахих аль-Бухари: 893, Муслим: 1829.

Жана Пайгамбарﷺ айткан:

{ مَا مِنْ عَبْدٍ يَسْتَرْعِيهِ اللَّهُ رَعِيَّةً يَمُوتُ يَوْمَ يَمُوتُ وَهُوَ غَاشٌّ لِرَعِيَّتِهِ إِلَّا حَرَّمَ اللَّهُ عَلَيْهِ الْجَنَّةَ }
«Эгер Аллах Өз пенделеринен кимисин башчы кылып дайындаса жана ал кол астындагыларга кыянаттык кылып жүрүп өтсө, Аллах ага Бейишти арам кылат».
📚Сахих Муслим: 142.
➖➖➖➖➖➖➖➖
✍ Нематулла Кадайев
🌐 https://t.me/islambulagy

https://youtu.be/btwfl9QGsPA?feature=shared