میں خان تو انصاری (پارٹ 1)

یہ آج کی بات نہیں کہ لوگ اپنے نسب اور خاندان پر فخر کرتے ہیں بلکہ یہ پرانے زمانے سے چلا آ رہا ہے۔
اہل عرب بھی اپنے نسب و خاندان پر فخر کرتے تھے تو اللہ تعالیٰ نے آیت اتاری کہ یہ نسب فخر کرنے کی چیز نہیں ہے بلکہ قابلِ فخر تو تقوی اور پرہیزگاری ہے۔

حسب نسب کی تفصیل میں علماے اہل سنت نہ بہت کچھ لکھا ہے، ہم نے جو پڑھا اسے آسان الفاظ میں بیان کرنے کی کوشش کرتے ہیں تاکہ لوگ اس مسئلے کو اچھے سے سمجھ سکیں۔

بحر العلوم حضرت علامہ مفتی عبد المنان اعظمی رحمہ اللہ تعالیٰ سے سوال کیا گیا کہ کیا فرماتے ہیں علماے اہل سنت اس مسئلے کے بارے میں کہ کچھ لوگ اسلام میں برابری کے موضوع کو لے کر گفتگو کر رہے تھے کہ قرآن میں متقی اور پرہیزگار کو ہی افضل قرار دیا گیا ہے تو پھر یہ اسلام میں حسب و نسب کی برتری کہاں سے داخل ہو گئی جب کہ رنگ و نسل اور حسب و نسب، ہر قسم کی چھوا چھوت، اونچ نیچ کو رسول اللہ صلی اللہ تعالیٰ علیہ وسلم نے ختم کر دیا تھا پھر ان لوگوں میں سے زید نے کہا کہ علما نے سیدوں کو بڑھا دیا ہے تو بکر نے کہا کہ حضور صلی اللہ تعالیٰ علیہ وسلم نے خود حضرت فاطمہ کو سیدۃ النساء اور حسنین کریمین کو سید کہا ہے تو زید نے کہا کہ قرآن سید کے بارے میں کچھ نہیں کہتا تو سید کہنا ماننا کفر!
(یعنی سوال سے یہ معلوم ہوتا ہے کہ اس مسئلے کو لے کر لوگ کس طرح شبہات کے شکار ہیں اور لا علمی میں کیا کیا کہہ جاتے ہیں، لہٰذا سائل کہتا ہے کہ) اس مسئلے کی حقیقت کو قرآن و حدیث سے مدلل تحریر فرمائیں۔

آپ رحمہ اللہ تعالیٰ لکھتے ہیں کہ بیشک قرآن شریف میں اللہ تعالیٰ نے فرمایا :

"اللہ تعالیٰ کے نزدیک زیادہ بزرگ وہی ہے جو زیادہ پرہیزگار ہے"
اور پوری آیت یوں ہے :

"اے لوگوں ہم نے تم کو ایک مرد اور ایک عورت سے پیدا کیا اور مختلف قوم اور قبیلے بنائے تاکہ تم آپس میں ایک دوسرے کو پہچانو (اور) اللہ کے نزدیک بزرگ تو وہی ہے جو سب سے زیادہ متقی ہے"

اس آیت کی تفسیر میں جلالین، صاوی، جمل، مدارک، کشاف، روح المعانی، تفسیروں میں لکھا ہے کہ اہل عرب اپنے نسب و خاندان پر فخر کرتے تھے تو اللہ تعالیٰ نے یہ آیت اتاری کہ نسب فخر کرنے کی چیز نہیں ہے، قابلِ فخر تو تقوی اور پرہیزگاری ہے (اگر چہ اس پر بھی اترانا منع ہے)
قوم اور قبیلے میں ہم نے تم کو بانٹا ہے فخر کے لیے نہیں بلکہ امتیاز و تفرق کے لیے (تاکہ پہچانے جاؤ)

جاری ہے.....

عبد مصطفی آفیشل

میں خان تو انصاری (پارٹ 2)

جب یہ آیت نازل ہوئی تو عرب میں سیکڑوں قبیلے، خاندان اور قومیں تھی، کسی کا نام مضر تھا، کسی کا ربیعہ، کسی کا اوس، کسی کا خزرج، کوئی عبد القیس اور کوئی بنو ہاشم اور بنو عبد المطلب۔
ظاہر ہے کہ یہ تمام اسماء (نام) ان قوموں کے آسمان سے نہیں اترے تھے اور نہ اللہ پاک نے وحی بھیج کر ان کا یہ نام رکھا تھا، سارے نام ان لوگوں کی اپنی مرضی سے رکھے ہوئے تھے۔
اللہ تعالیٰ فرماتا ہے یہ سب نام میری مرضی اور میرے حکم سے ہیں اور قرآن عظیم تو قیامت تک کے لیے ہے تو آئندہ بھی جو قومیں اپنا کوئی نام رکھیں گی یا رکھ چکی ہیں جیسے مغل، پٹھان، شیخ صدیقی، انصاری، رائن، منصوری سب اللہ تعالیٰ کی مرضی اور اسی کے حکم سے ہے بشرطیکہ کوئی ایسا نام نہ ہو جس کی صریح ممانعت آئی ہو (یعنی جس سے صاف صاف منع کیا گیا ہو)

(جو حد سے بڑھتے ہوئے یہ تک کہہ دیتے ہیں کہ ہم سید وغیرہ کچھ نہیں مانتے تو اس کے متعلق آپ رحمہ اللہ تعالیٰ لکھتے ہیں کہ) یہ کتنا بڑا ظلم ہے کہ دنیا کی تمام قوموں نے اپنی مرضی سے جو چاہا اپنا نام رکھا اور اللہ تعالیٰ نے اسے بر قرار رکھا تو کیا امام حسن اور امام حسین کی اولاد کو یہ حق نہیں کہ اپنے آپ کو سید کہیں یا کہلوائیں؟

(اگر بالکل انکار کر دیا جائے قوم اور قبیلے کا تو یہ قرآن کا انکار ہوگا) اللہ تعالیٰ فرماتا ہے کہ "ہم نے تم میں مختلف قوم اور قبیلے بنائے"
اس فرمان "اللہ تعالیٰ کے نزدیک متقی ہی بزرگ ہے" کا اقرار کرکے دوسرے حصے کا انکار نہیں کیا جا سکتا۔

اللہ تعالیٰ فرماتا ہے :
اے یہودیوں! کتاب اللہ کے بعض حصے پر ایمان لاتے ہو اور بعض کا انکار کرتے ہو۔
(البقرہ : 85)

(یعنی کلی طور پر قوم و قبیلے کی تقسیم کا انکار نہیں کیا جا سکتا)

جاری ہے......

عبد مصطفی آفیشل

جادو کا مطلب
(جادو ٹونا سریز پارٹ 2)

علامہ راغب اصفہانی لکھتے ہیں :
سحر کا کئی معانی پر اطلاق کیا جاتا ہے۔

(1) نظر بندی اور تخیلات جن کی کوئی حقیقت نہیں ہوتی، جیسے شعبدہ باز اپنی ہاتھ کی صفائی سے لوگوں کی نظریں پھیر دیتا ہے، قرآن مجید میں ہے :

"تو جب انھوں نے (لاٹھیاں اور رسیاں) ڈالی تو لوگوں کی آنکھوں پر سحر کر دیا اور ان کو ڈرایا۔
(الاعراف:116)

لوگوں کو ان جادوگروں کی رسیاں اور لاٹھیاں دوڑتے ہوئے سانپوں کی شکل میں دکھائی دینے لگی اور وہ ڈر گئے :

" تو اچانک ان کے جادو سے موسی کو خیال ہوا کہ ان کی رسیاں اور لاٹھیاں دوڑ رہی ہیں"

(2) شیطان کا تقرب حاصل کر کے اس کی مدد سے کوئی غیر معمولی کام (عام عادت کے خلاف) کرنا،
قرآن میں ہے :
البتہ شیطانوں نے کفر کیا تھا لوگوں کو سحر (جادو) سکھا کر
(البقرہ:102)

(3) یہ بھی کہا جاتا ہے کہ جادو سے کسی چیز کی ماہیت اور صورت بدل دی جاتی ہے، مثلاً انسان کو گدھا بنا دیا جاتا ہے لیکن اس کی کوئی حقیقت نہیں ہے۔
(میں عبد مصطفی کہتا ہوں کہ اگر جادو سے حقیقت بدلی جا سکتی تو مٹی کو سونا بنا کر جادو کرنے والے عیش کر رہے ہوتے، نہ کہ لوگوں کے سامنے کرتب دکھا دکھا کر خود پیسوں کے محتاج ہوتے)

(4) کسی چیز کو کوٹ کر باریک کرنے کو بھی سحر کہتے ہیں، اسی لیے مادّہ کے ہضم کرنے کے فعل کو سحر کہتے ہیں اور جس چیز میں کوئی معنوی لطافت اور باریکی ہو اس کو بھی سحر کہتے ہیں جیسے کہا جاتا ہے کہ "بعض بیان سحر ہوتے ہیں"
(المفردات، ص226)

جاری ہے......

عبد مصطفی آفیشل

کافر سے سود؟ (پارٹ 1)

کافر سے فائدے میں ملنے والی رقم سود ہے یا نہیں؟ اسے لینا مسلمان کو جائز ہے یا نہیں؟ اس پر علماے اہل سنت کی جو تحقیق ہے وہ پیش کی جاتی ہے :

علامہ مفتی الحاج محمد صالح قادری نوری دامت برکاتہم العالیہ سے سوال کیا گیا کہ زید یہ بات بر سرِ منبر اعلان کے ساتھ کہتا ہے کہ کافر سے فائدہ لینا جائز ہے روپیے دے کر،
عوام اس سے یہ سمجھتی ہے کہ اسلام میں کافر سے سود جائز ہے جس سے عوام میں ایک کاروبار ہوتا جا رہا ہے کہ محنت کرنے کی کیا ضرورت ہے، کافر کو روپیہ دیا جائے اور منافع لیا جائے کیونکہ عوام تو سود ہی سمجھے گی، منافع نہیں سمجھے گی کیونکہ زید عام محفل میں یہ بر سرِ منبر کہتا ہے، زید کا یہ فعل از روئے شرع درست ہے یا نہیں؟

آپ جواب میں لکھتے ہیں کہ زید صاحب کا یہ طریقہ درست نہیں ہے، ضرور قابلِ مذمت ہے کہ یہ خیر خواہی نہیں بلکہ قوم کی بد خواہی ہے۔
ہر جائز و مباح کام کی، ہر جگہ علی الاطلاق تبلیغ ٹھیک نہیں ہوتی اور معلوم ہو کہ سود مطلقاً حرامِ قطعی ہے نہ مسلم سے لینا حلال ہے اور نہ غیر مسلم سے خواہ وہ ذمی و مستامن ہو (مستامن یعنی ایسا کافر جسے بادشاہ اسلام نے امان دی ہو) یا غیر ذمی (حربی)،
ہاں بعض عقودِ فاسدہ کے ذریعے یہاں کے غیر مسلم سے اس کی رضامندی سے نفع اٹھانا مباح ہے کیونکہ آج کل یہاں کے غیر مسلم ظاہر ہے کہ ذمی نہیں کیونکہ اسلامی حکومت نہیں ہے چنانچہ ایک سوال کے جواب میں سرکار اعلی حضرت رحمہ اللہ تعالیٰ لکھتے ہیں :

سود مطلقاً حرام ہے، ہاں جو مال غیر مسلم سے کہ (وہ) نہ ذمی ہو نی مستامن (تو اگر وہ مال) بغیر اپنی طرف سے کسی عذر اور بد عہدی کے ملے اگر چہ عقودِ فاسدہ کے نام سے، اسے اسی نیت سے (نہ کہ سود کی نیت سے) لینا جائز ہے۔

آگے فرماتے ہیں : پھر بھی جس طرح برے کام سے بچنا ضروری ہے، برے نام (بدنامی والے کام) سے بچنا بھی ضروری ہے۔

(فتاوی رضویہ، ج7، ص92)

تو معلوم ہوا کہ اس فائدے کو سود سمجھ کر، سود کہہ کر، سود مان کر، سود کی نیت سے لینا یقیناً حرام حرام حرام اور نیت کو صحیح کرنے کی بے علمی کم فہمی والے عوام سے توقع نہیں۔

(منتخب فتوے، ص47)

جاری ہے.......

عبد مصطفی آفیشل

⚡️ کافر کو بھائی کہنا ⚡️
⚡️کافرہ کے سلام کا جواب دینا⚡️

(مسئلہ) کیا عیسائی مرد کو بھائی اور عورت کو بہن کہہ کے پکار سکتے ہیں اور جہاں میں کام کرتا ہو وہاں عیسائی عورت صفائی کا کام کرتی ہے جب آتی ہے تو سلام کرتی ہے اس کا جواب دینا چاہئیے یا نہیں اگر نہیں تو پھر جواب میں کیا کہنا چاہئیے؟
⚡️⚡️⚡️⚡️⚡
(الجواب) عیسائی کافروں کا نسب آدم علیہ السلام سے منقطع ہے. الله ﷻ نوح علیہ السلام کے بیٹے کے متعلق ان سے فرماتا ہے: يٰنُوْحُ اِنَّهٗ لَيْسَ مِنْ اَهْلِكَ ۚ اِنَّهٗ عَمَلٌ غَیْرُ صَالِحٍ. (القرآن الکریم، ٤٦/١١: اے نوح! وہ تیرے گھر والوں میں نہیں بیشک اس کے کام بڑے نالائق ہیں).لہذا نہ وہ ہمارے بھائی بہن ہوسکتے ہیں نہ ہم انہیں ایسا کہیں اور وہ نرے ناپاک ہیں.
قال الإمام رحمة الله تعالى علیه: اگر وہ مسلمان نہ تھی تو برا کیا کہ اسے مسلمان کی بہن ٹھہرایا، اور فقط اولادِ آدم علیہ السلام ہونا کافی نہیں کہ کافروں کا نسب خود حضرت سیدنا آدم علیہ الصلوۃ والسلام سے منقطع ہے. (فتاوی رضویہ، ٤٤٧/١٣)
کافرہ اگر سلام کرے تو اس کے سلام کے جواب نہ دیں اگر اعتراض کرے تو کہلا بھیجیں کہ ہمارے مذہب میں غیر محرم عورتوں کے سلام کا جواب زبان سے دینا نہیں. قال الإمام رحمه الله: اجنبی جوان عورت اگر سلام کرے تو دل میں جواب دینا چاہئے. (فتاوی رضویہ، ٤٠٨/٢٢). والله تعالی اعلم
⚡️⚡️⚡️⚡️
کتبه: ندیم ابن علیم المصبور العینی

السلام عليكم

ایک خود کشی کرنے والے پیر کا کیا حکم ہے۔

وعلیکم السلام و رحمة الله تعالى وبركاته
اس آدمی سے نسبت منقطع ہوجائے گی بلکہ کبھی تھی ہی نہیں.
امام اہل سنت فرماتے ہیں: ان قتل نفسه اشد من قتل مؤمن غیرہ، وقتل المؤمن اکبر عند الله من ترك الصلاۃ. (فتاوی رضویہ، ١٠٤/٥)
خودکشی کرنا دوسرے مومن کو قتل کرنے سے زیادہ شدید جرم ہے اور مومن کو قتل کرنا نماز چھوڑنے سے بڑا گناہ ہے.

اسلام علیکم ورحمۃ اللہ وبرکاتہ حضرت ایک شخص اپنے آپکو سید کہتا ہے اور کہتا ہے اگر سر سید احمد کو کوئی مسلمان نہیں سمجھتا تو میں اس کو مسلمان نہیں سمجھتا اور یہ سرسیداحمد کون تھا

وعلیکم السلام ورحمة الله تعالى وبركاته
احمد خان (انگریزی ایجنٹ) کافر تھا جو اس کے کفر میں شک کرے اسی کی طرح ہے اور کافر سید نہیں ہوتا. جیسا کہ امام ابن حجر ہیثمی نے فرمایا کہ انبیاء کرام سے ان کا نسب منقطع ہوجاتا ہے. اور اللهﷻ نوح علیہ السلام کے بیٹے کنعان کے بارے میں فرماتا ہے: یٰنُوْحُ اِنَّهٗ لَیْسَ مِنْ اَهْلِكَ. اِنَّهٗ عَمَلٌ غَیْرُ صَالِحٍ (اے نوح! وہ تیرے گھر والوں میں نہیں بیشک اس کے کام بڑے نالائق ہیں). والله تعالی اعلم

یہ حدیث مجھے اب تک نہیں ملی.
ان شاء الله ملتے ہی بھیجتا ہوں.

اگر کوئی سید کافر ہوجائے تو وہ سید نہیں ہوتا بلکہ اس کا نسب رسول سے منقطع ہوتا ہے یا ہوجاتا ہے.
جس طرح کافر کا نسب آدم علیہ السلام سے منقطع ہوجاتا ہے
امام اہل سنت فرماتے ہیں:
سادات کرام کی تعظیم ہمیشہ جب تک ان کی بد مذہبی حد کفر کو نہ پہنچے کہ اس کے بعدوہ سید ہی نہیں نسب منقطع ہے.
قال الله تعالي: قَالَ یٰنُوۡحُ اِنَّهٗ لَیۡسَ مِنۡ اَھۡلِكَ ۚ اِنَّهٗ عَمَلٌ غَیۡرُ صَالِحٍ. (سورۃ هود، ٤٦)
اللہ تعالی نے فرمایا: اے نوح! وہ (کنعان) تیرے (اہل) گھر والوں میں نہیں بیشک اس کے کام بڑے نالائق ہیں.
جیسے نیچری، قادیانی، وہابی غیر مقلد، دیوبندی اگرچہ سید مشہور ہوں نہ سید ہیں نہ ان کی تعظیم حلال بلکہ توہین وتکفیر فرض. (فتاوی رضویہ، ٤٢٠/٢٢)