کسی نے کیا خوب کہا:

لا تنقل الى صديقك ما يؤلم نفسه ، ولا ينتفع بمعرفته ؛ فهذا فعل الاراذل ۔

اپنے دوست کو وہ باتیں نہ بتا‌ جن کا جاننا اُس کے لیے نفع بخش نہیں ، باعثِ تکلیف ہو ؛ کیوں کہ اِس طرح کرنا گھٹیا قسم کے لوگوں کا کام ہے ۔

( مداواۃ النفوس و تہذیب الاخلاق ، ص 50 ، ط المکتبۃ السلفیۃ مدینۃ المنورۃ )

اپنے دوستوں کو اپنی زبان سے بھی راحت پہنچانی چاہیے ، اُن سے وہی بات کرنی چاہیے جو اُن کی قلبی اذیت کاسبب نہ بنے ۔

بعض دوستوں کو کوئی رکھ رکھاؤ نہیں آتا ، وہ جیسی کیسی آئے ، منھ سے نکال دیتے ہیں ۔
پھر ایسا کرتے ہوئے کوئی شرمندگی بھی محسوس نہیں کرتے ، بلکہ اِسے بہادری اور حق گوئی سمجھتے ہیں ؛ جب کہ یہ حق گوئی اور بہادری نہیں ۔

عربی زبان کا مشہور مقولہ ہے:

لکل مقام مقال ، ولکل مقال رجال ، ولکل رجال مجال ۔

ہر جگہ کے لیے ایک مناسب گفتگو ہوتی ہے ، اور ہر گفتگو کے لیے کچھ خاص مرد ہوتے ہیں ، اور ہر مرد کے لیے کچھ کہنے کی گنجائش ہوتی ہے ۔

✍️لقمان شاہد
8-10-2020 ء

https://m.facebook.com/story.php?story_fbid=2976402575973245&id=100008105947430

بعض اہل علم اصرار کرتے ہیں کہ:

" انبیا علیھم السلام نے جو کافروں کے خلاف ہلاکت کی دعا کی تھی ، اُسے " بددعا " کہنا درست نہیں ، کیوں کہ بددعامیں لفظِ " بد" پایا جاتا ہے ، جس کا استعمال ناجائز اور گناہ ہے ۔ "

اس سلسلے میں عرض ہے کہ:

لفظِ بددعا پر دعاے ضرر کو ترجیح دینا ، اور بددعا کو گناہ پر محمول کرنا بلا دلیل ہے ۔

بددعا باقاعدہ ایک لفظ ہے ، جس کا اردو میں اطلاق اللہ ﷻ سے مانگی جانے والی اُس دعا پر ہوتا ہے جو کسی کے نقصان یا سزا کے لیے کی جائے ۔

اب اس سے " بد " کو الگ کرکے نئے معنے اخذ کرلینا کیسے درست ہوگیا !!

اس طرح اگر آدھے آدھے لفظ سے معنی آفرینی کی جائے تو بات بہت دور تک چلی جاتی ہے ۔۔۔۔۔۔۔۔۔۔۔
ایسے تو آپ کا مختار: " دعاے ضرر " بھی نہیں بچ پاتا ، کیوں کہ یہ بھی " ایذا " کے معنے سے خالی نہیں ۔

انبیا علیھم السلام کی بعض دعاؤں کو کثیر علماے اہل سنت لفظِ بددعا سے تعبیر کرتے آئے ہیں ، اور اسے کسی قسم کی عُرفی و معنوی بے ادبی بھی قرار نہیں دیا ۔
فتاوی رضویہ شریف کی تئیسویں جلد کے ، صفحہ دو سواٹھارہ پر سیدی اعلی حضرت نوراللہ مرقدہ جیسے مودب نے بھی سیدنا موسی علیہ السلام کے متعلق یہ لفظ استعمال کیا ہے ۔
اس لیے اگر کوئی اردو خواں اِسے استعمال کرتا ہے تو اس پر جھٹ سے مرتکبِ ناجائز و گناہ کا فتوی نہیں لگادیناچاہیے ۔

واللہ تعالیٰ اعلم

✍️لقمان شاہد
9-10-2020 ء

https://m.facebook.com/story.php?story_fbid=2977888425824660&id=100008105947430

کوئی چھے سات سال ہونے کو ہیں ، میرا ایک عزیز اٹھتے بیٹھتے اپنی بیوی کا شکوہ کرتا رہتا ہے ۔
جب اُس سے پوچھا جائے کہ تجھے بیوی سے مسئلہ کیا ہے ؟ تو کہتاہے:

" وہ میرا مزاج نہیں سمجھتی ۔ "

سوچنے کی بات ہے:

مزاج ہمارا ہے ، اِسے ہمارے سمجھائے بغیر کوئی دوسرا کیسے سمجھے گا !!

کمی ان میں نہیں جو ہمارا مزاج نہیں سمجھتے ، کمی ہم میں ہے کہ ہم اپنا مزاج دوسروں کو سمجھا نہیں پاتے ۔

میاں بیوی ہوں ، بہن بھائی ہوں ، دوست احباب ہوں ، یا رشتے دار۔۔۔۔۔۔۔۔۔۔ ان سے یہ امید رکھنے کے بجائے کہ:

یہ ہمارا مزاج سمجھیں ۔۔۔۔۔۔۔۔۔ ہمیں خود انھیں اپنا مزاج سمجھانا چاہیے ۔
انھیں بتانا چاہیے کہ ہمیں کیا پسند ہے ، اور کیا ناپسند ۔
اور ایک دفعہ ہی بتاکر یہ نہیں سمجھ لینا چاہیے کہ یہ حافظ ہوگئے ہیں ، بلکہ گاہے گاہے اچھے انداز سے یاد دہانی کراوتے رہنا چاہیے ۔

وہ دَور گیا جب لوگ مزاج شناس ہوتے تھے ، اب تو بتانے سے بھی سمجھ جائیں تو غنیمت ہے ۔
پہلے زمانے کے حکیم نبض نہیں ، چہرہ دیکھ کر ہی مرض بتا دیتے تھے ۔
لیکن اب ڈاکٹر ایک ہزار فیس لے کر بھی کچھ نہیں بتا سکتے ، جب تک لیبارٹری ٹیسٹ نہ دیکھ لیں ۔

اس لیے اگر رشتے ناطے نبھانا چاہتے ہیں تو حالات سےسمجھوتا کرنا سیکھیں ۔

ویسے بھی ساری کائنات کے ہادی ، اللہ کے پیارے رسول‌ ﷺ کا فرمان ہے:

إِذَا اَحَبَّ الرَّجُل أَخَاهُ ، ‌‌‌‌‌‏فَلْيُخْبِرْهُ اَنَّهُ يُحِبُّهُ ۔

جب کوئی بندہ اپنے بھائی سے محبت کرے تو اسے بتادے کہ میں تیرے ساتھ محبت کرتا ہوں ۔

( ابو داود شریف ، ر 5124 )

آپ اس حدیث پاک پر غور کریں گے تو بہت کچھ سیکھنے کو ملے گا ، مثلاً:

¹ کسی سے محبت جیسا جذبہ نہیں چھپانا چاہیے ، اسے کیا معلوم آپ کے دلی جذبات کیا ہیں ۔

² اگر آپ اپنے دلی جذبات کی قدر کروانا چاہتے ہیں تو اپنے پیاروں کو ان سے آگاہ کریں ، انھیں احساس ہوا تو قدر کریں گے ، نہ احساس ہوا تو کم ازکم آپ ان سے آگاہ ہوجائیں گے ۔

✍️لقمان شاہد
11-10-2020 ء

https://m.facebook.com/story.php?story_fbid=2979296389017197&id=100008105947430

آج صبح سے مدینہ طیبہ کی " مسجد فتح
" بہت یاد آرہی تھی ۔

دل چاہتا تھا ابھی وہاں چلا جاؤں ، مگر ۔۔۔۔۔۔۔۔۔۔۔💧

دن کے وقت ایک دوست آئے ہیں ، اور یہ کتاب تحفہ دے گئے ہیں ۔

اِس کتاب میں مسجد فتح سمیت مدینہ پاک کی بیسیوں مساجد ، اور اڑھائی سو کے قریب زیارتوں کی تفصیل ہے ؛ خوشی کی بات یہ ہے کہ:

اس کتاب میں ہر مقامِ زیارت کی لوکیشن کا سکین کوڈ بھی ہے ، جس کے ذریعے مطلوبہ مقام تک بہ آسانی پہنچا جاسکتا ہے ۔
یہ ایک جدید ، اور انتہائی مفید سہولت ہے ۔

خدا کرے وہاں جانے کے اسباب بن جائیں ، اور جیتے جی اِن سارے مقامات کی زیارت کا شرف حاصل‌ ہوجائے ۔ ؎

مجھ خطاکار سا انسان مدینے میں رہے
بن کے سرکار کا مہمان مدینے میں رہے

یاد آتی ہے مجھے اہلِ مدینہ کی یہ بات
زندہ رہنا ہو تو اِنسان مدینے میں رہے

✍️لقمان شاہد
11-10-20 ء

https://m.facebook.com/story.php?story_fbid=2979531602327009&id=100008105947430

بلا سوچے سمجھے ، جَھٹ سے کسی کے قول ، فعل کو کفر کَہ دینا ، بہت بڑی حماقت ہے ۔

اس طرح دوسرا کافر بنے نہ بنے ، کہنے والے کا کفر سے بچ جانا بہت مشکل ہے ۔

ہم‌ اللہ جبار و قہار کے غضب سے اُس کی پناہ مانگتے ہیں !بلا سوچے سمجھے ، جَھٹ سے کسی کے قول ، فعل کو کفر کَہ دینا ، بہت بڑی حماقت ہے ۔

اس طرح دوسرا کافر بنے نہ بنے ، کہنے والے کا کفر سے بچ جانا بہت مشکل ہے ۔

ہم‌ اللہ جبار و قہار کے غضب سے اُس کی پناہ مانگتے ہیں !

https://m.facebook.com/story.php?story_fbid=2980199905593512&id=100008105947430

اعلیٰ حضرت رحمہ‌اللہ سے ہمیں بہت زیادہ محبت ہے ۔۔۔۔۔۔۔‌‌‌‌۔۔۔۔۔۔ راہِ عشقِ رسول میں آپ ہمارے مرشِد ، ہمارے ہادی ، ہمارے رہنما ہیں ۔

ہم با اصول ہیں ، اور با اصول لوگ محبت بدلا نہیں کرتے ۔

رومی کشمیر ، میاں محمد بخش رحمہ‌اللہ نے کہاتھا:

" جس دل کے اندر محبت رچ بس جاتی ہے وہ پِھرتانہیں ( بدلتا نہیں ، بے وفائی نہیں کرتا ) ۔
ہمارے سامنے چاہے لکھ ہزار حسین وجمیل بھی آجائیں ، ہم اپنا محبوب کبھی نہیں بدلیں گے ۔ "

✍️لقمان شاہد
14-10-2020 ء

https://m.facebook.com/story.php?story_fbid=2982135598733276&id=100008105947430

روئے زمین پر سب سے پیارا وہ شہر ہے جس شہر میں اللہ ﷻ کے پیارے رسول ﷺ کے شب و روز گزرے ۔
جس شہر کی خاک نے آپ ﷺ کے قدم چومے ، جو شہر قیامت تک کے لیے آپ ﷺ کا مَسکن بنا ۔ ؎

وہ مدینہ جو کونین کا تاج ہے ، جس کا دِیدار مومن کی معراج ہے
زندگی میں خُدا ہر مسلمان کو وہ مدینہ دِکھادے تو کیا بات ہے

https://m.facebook.com/story.php?story_fbid=2983976291882540&id=100008105947430

کراچی شہر بہت خوب صورت ہے ، یہاں کے لوگ بہت پیارے ہیں ۔

مگر ، دل کی کہوں تو :

" کراچی آکر کوئی سارے علما و مشائخ سے مل لے ، مولانا محمد الیاس عطار قادری سے نہ ملے ؛ تو وہ ایسا ہے جیسے اس نے سارا چمن دیکھ لیا ، " گلاب کا پھول " نہ دیکھ سکا ۔ "

بہت ساری ایسی ہستیاں گزریں جو چمنِ اہلِ سنت کی بہار تھیں ، لیکن ۔۔۔۔۔۔۔۔۔۔۔۔۔۔ خزاں رسیدہ لوگ اُن سے نفع نہ اٹھا سکے ۔

ان میں سے ہر ایک جب یہ کہتے ہوئے گزر گیا ؎

جیتے جی قدر بشر کی نہیں ہوتی پیارے
یاد آئے گی تمھیں ، میری وفا میرے بعد

تو پھر نوحہ خوانی شروع ہوئی ۔۔۔۔۔۔۔۔۔۔۔ !!

مخلص علما و مشائخ کی جیتے جی قدر کریں ، جب یہ چلیں جائیں گے تو ان جیسے دوبارہ کبھی نہیں آئیں گے ۔

✍️لقمان شاہد
16-10-2020 ء

https://m.facebook.com/story.php?story_fbid=2984490201831149&id=100008105947430

مجھ سے ناشاد کو پُہنچا دے دَرِ احمد تک
میرے خالِق ، مِرے بِچھڑوں کے مِلانے والے

دلِ ویرانۂ عاشِق کو بھی کیجے آباد
میرے محبوب ، مَدینے کے بَسانے والے

( اعلیٰ حضرت رحمہ اللہ )

https://m.facebook.com/story.php?story_fbid=2986207264992776&id=100008105947430

کتناخوش قسمت ہے یہ چاند جو روضۂ انور کا دیدار کررہا ہے ۔
رب تعالیٰ اِس چاند جیسےہمارے بھی مقدر کرے !

ربیع الاول امیدوں کی دنیا ساتھ لے آیا
دعاؤں کی قبولیت کو ہاتھوں ہاتھ لے آیا

https://m.facebook.com/story.php?story_fbid=2986727764940726&id=100008105947430