معین الدین حسن سَنۡجَرِیۡ یا سِجۡزِیۡ ؟
✍ تحقیق و تحریر : قاری لقمان شاہد

https://whatsapp.com/channel/0029Va4xNTcBlHpj2ZXcdA3J

ہندستان کے مشہور صوفی بزرگ حضرت خواجہ معین الدین چشتی اجمیری رحمہ اللہ کا نامِ پاک حسن ہے، اور عوام و خواص آپ کو ”حسن سنجری“ کہتے، لکھتے ہیں ۔

آپ کو سنجری کہنا، لِکھنا درست نہیں؛ اصل لفظ سِجز ( سِ جۡ ز ) ہے، جس کے ساتھ یائے نِسبتی لگانے سے سِجۡزِیۡ بنا -

اِس کی وجہ یہ ہے کہ آپ رحمہ اللہ کا تعلق علاقہ ”سجز“ سے تھا، جو کہ سِجستان کا مخفف اور سیستان کا معرب ہے - (دیکھیے: مناقب الحبیب مترجم، حاجی خواجہ نجم الدین، م 1287ھ، ص:51، دارالاسلام لاہور)

ایک بات یاد رہے کہ: مناقب الحبیب کا کچھ ماہ پہلے دار الاسلام سے ترجمہ چھپا ہے، جس میں لفظ سجز کو کاتب نے سنجر کر دیا ہے، جو کہ غلط ہے؛ حضرتِ مصنف قدس سرہ نے باقاعدہ اس کا تلفظ اِن الفاظ میں لکھا ہے: سین مہملہ کی کسرہ، جیم کے سکون اور رائے معجمہ - (صفحہ: 51)

مصنف نے رائے معجمہ، نقطے والے ز کو کہا ہے جسے کاتب ر سمجھتا رہا ۔

اِس علاقے سے منسوب کو "سنجری" کہنا بِالکل غلط ہے، درست سجزی ہے -

حافظ ابو بکر حازمی کہتے ہیں:
سجز ، سجستان کا نام ہے، جس سے منسوب سجزی کہلاتا ہے - (انظر: تھذیب الاسماء واللغات، امام نووی، فصل فی اسماء المواضع ، ج:3، ص:159، دار الکتب العلمیہ بیروت)

ثقہ مورخ علامہ یاقوت حموی م 626ھ، کہتے ہیں: سجز کے سین پر زیر، جیم ساکن اور آخر میں ز ہے ... اس سے منسوب سجزی کہلاتا ہے - (معجم البلدان، ج:3، ص:189، دارصادر بیروت)

لہٰذا آپ کا نام پاک ہوا:
خواجہ معین الدین حسن سِجۡزِیۡ نور الله مرقدہ

✍ لقمان شاہد / ء2022-02-07
▬▬▬▬▬▬▬▬▬▬▬▬
येह तह़रीर हिंदी Hindi ہندی में ↷
https://whatsapp.com/channel/0029Va4xNTcBlHpj2ZXcdA3J/536
Yeh Ta'hreer ᴿᵒᵐᵃⁿ ᵁʳᵈᵘ Men ↷
https://whatsapp.com/channel/0029Va4xNTcBlHpj2ZXcdA3J/535
یہ تحریر فیس بُک FaceBook پر ↶
https://www.facebook.com/share/p/14cb7wxpb3/