🌹 اسلامی معلومات عامہ 🌹

Forwarded from 🌹 اسلامی معلومات عامہ 🌹 (محمد جمال الدين خان قادری)

This media is not supported in your browser

3 viewsمحمد جمال الدين خان قادری, 03:33

Forwarded from Abde Mustafa Organisation

عورتیں دین کا کام کیسے کریں؟
(پارٹ 2)

نظامِ عالَم میں عورت کی ضروت:

الحمد للہ
اللہ تعالٰی نے ساری کائنات کی تخلیق کی اور اس میں اپنی قدرتوں کی بے شمار خوبصورت کاریگری کا اظہار کیا۔ اللہ تعالٰی کی خوبصورت قدرتوں پر جب ہم غور کریں تو انسان کی عقل وفہم اسی میں کھو کر رہ جائے کہ اللہ کی کن کن قدرتوں کو دیکھیں اور غور کریں؟

اللہ کی سب سے نایاب تخلیق و کاریگری انسان ہے۔ اللہ نے انسان پیدا فرماکر اس کا مرتبہ بلند کیا اور اللہ نے اشرف المخلوقات کا تاج انسان کے سر پہ سجایا ہے۔
اللہ تعالٰی نے اس انسان سے ہی عورت کا وجودکیا اور اس عورت کو نظام عالم کو آگے بڑھانےکا ذریعہ بھی بنایا ہے۔
نظام عالم میں مرد وعورت کو ایک دوسرے کی ضرورت قرار دیا۔

اللہ تعالٰی نے نظام عالم کو عورت کے بغیر نامکمل اور بہتر نظام کی تشکیل کے لیے عورت کو اشد ضروری قرار دیا ہے اور یہ بالکل واضح ہے۔

القرآن: اللہ تعالٰی نے تمھارے لیے تمھاری جنس سے بیویاں پیدا کردیں تاکہ تم کو ان سے تسکین حاصل ہو اور اس نے تمھارے درمیان محبت و شفقت پیدا کردی

القرآن: عورتیں تمھارے لیے کیتھیاں ہیں، تم اپنی کیھتی میں کہیں سے بھی جاؤ

عورت نظامِ عالم میں آبادی کو آگے بڑھانے کا ذریعہ بھی بنائی گئی ہے اور صرف یہی نہیں بلکہ مردوں کے ساتھ ساتھ خاص شریک بھی ہے کہ دونوں ایک دوسرے کے بغیر ادھورے ہیں۔
خاص کر نظامِ اسلام میں عورت کا مقام ومرتبہ الگ ہی ہے کہ اس کی مثال دنیا کے کسی دوسرے مذہب میں ملنا ناممکن ہے۔

عورت ماں بھی، بیٹی بھی، بہن بھی اور بیوی بھی گویا زندگی کے ہر موڑ پر اسلام نے عورت کو ایک الگ مقدس مقام و کردار عطا کیا ہے۔
اسی مقدس کردار کے لیے اللہ تعالٰی نے ماں کے قدموں تلے جنت دی ہے،
بیوی کو گھر کی زینت دل کا سکون، بیٹی رحمت، بہن عزت اور ماں بن کر بچے کی تربیت میں ضرورت،
بیٹی بن کر ماں باپ کی ضرورت، بہن بن کر بھائیوں کی ضرورت ہوتی ہے اور بیوی بن کر انس و رغبت کےلیے شوہر کی ضرورت ہے۔ اگر ہم تصور کریں ایک ایسے نظام کی جس میں عورت کا وجود نہ ہو تو وہ نظام قابل تصور نہیں کہ اللہ تعالیٰ نے عورتوں کو نظام عالم کو برقرار رکھنے کا ذریعہ بنا دیا ہے۔

الغرض عورت اس نظام عالم کے لیے ایک نایاب تحفہ ہے۔ عورت کے بغیر اس نظام عالم کی تشکیل نا مکمل اور ادھوری ہے۔
اللہ کی عطا کردا نعمتوں میں سے ایک بے حد ضروری نعمت ہے عورت،
عورت کے بغیر نظام عالم کی زندگی نامکمل ہے، زندگی کا ہررنگ ایک بااخلاق عورت کے بنا بے رنگ اور پھیکا ہے۔

قدرت نے عورت میں کچھ فطری کشش کو پوشیدہ رکھا ہے، جو نا ممکن معلوم ہونے والے کو ممکن بنا سکتی ہے۔

اس عالم کے نظام کے لیے عورت کی ضرورت بالکل واضح ہے کہ کوئی انکار نہیں کر سکتا پر اس سے بھی آگے بڑھ کر دیکھیں تو عورت اگر دینی تعلیمات کے زیورات سے مزین اور علم و اخلاق اس کا ملبوس ہو تو وہ نظام عالم میں تبدیلی لانے کے لیے حصہ بن سکتی ہے۔

کنیزِ اختر
(رکن عبد مصطفی آفیشل)

133 viewsمحمد جمال الدين خان قادری, 03:33