📖 قرآن مقدس کو بے وضو اور بے غسل
چھونے اور پڑھنے کے مسائل بہار شریعت

https://whatsapp.com/channel/0029Va4xNTcBlHpj2ZXcdA3J

❶ قرآن عظیم کو چھونے کے لئے وضو کرنا فرض ہے ـ [بہار شریعت، جِلد¹ حصہ² صفحہ³⁰¹ مسئلہ⁵¹]

❷ جس کو نہانے کی ضرورت ہو اس کو قرآن مجید چھونا اگرچہ اس کا سادہ حاشیہ یا جلد یا چَولی (غلاف) چھوئے یا بے چھوئے دیکھ کر یا زبانی پڑھنا یا کسی آیت کا لِکھنا یا آیت کا تعویذ لِکھنا یا ایسا تعویذ چھونا یا ایسی انگوٹھی چھونا یا پہننا جیسے مقطعات کی انگوٹھی (وہ انگوٹھی جس پر حروف مقطعات لکھے ہوئے ہوں، جیسے: الٓـمٓ یٰـسٓ حٰـمٓ وغیرہ) حرام ہے ـ [بہار شریعت، جِلد¹ حصہ² صفحہ³²⁶ مسئلہ³²]

❸ اگر قرآن عظیم جزدان میں ہو تو جزدان پر ہاتھ لگانے میں حرج نہیں، یونہی رومال وغیرہ کسی ایسے کپڑے سے پکڑنا جو نہ اپنا تابع ہو نہ قرآن مجید کا تو جائز ہے، کرتے کی آستین، دوپٹے کی آنچل سے یہاں تک کہ چادر کا ایک کونہ اس کے مونڈھے (کندھے) پر ہے دوسرے کونے سے چھونا حرام ہے کہ یہ سب اس کے تابع ہیں جیسے چَولی قرآن مجید کے تابع تھی ـ [بہار شریعت، جِلد¹ حصہ² صفحہ³²⁶ مسئلہ³³]

❹ بے وضو کو قرآن مجید یا اس کی کسی آیت کا چھونا حرام ہے ـ بے چھوئے زبانی یا دیکھ کر پڑھے تو کوئی حرج نہیں ـ [بہار شریعت، جِلد¹ حصہ² صفحہ³²⁶ مسئلہ³⁵]

❺ قرآن کا ترجمہ (ٹرانسلیشن) فارسی یا اردو یا کسی اور زبان (بھاشا، لینگویج) میں ہو اس کے بھی چھونے اور پڑھنے میں قرآنِ مجید ہی کا سا حکم ہے ۔ [بہار شریعت، جِلد¹ حصہ² صفحہ³²⁷ مسئلہ³⁷]

❻ درود شریف اور دعاؤں کے پڑھنے میں انھیں (جس پر وضو یا غسل فرض ہو) حَرَج نہیں مگر بہتر یہ ہے کہ وُضو یا کُلی کر کے پڑھیں ۔ [بہار شریعت، جِلد¹ حصہ² صفحہ³²⁷ مسئلہ⁴¹]
▬▬▬▬▬▬▬▬▬▬▬▬
येह तह़रीर हिंदी Hindi ہندی में ↷
https://whatsapp.com/channel/0029Va4xNTcBlHpj2ZXcdA3J/390
Yeh Ta'hreer ᴿᵒᵐᵃⁿ ᵁʳᵈᵘ Men ↷
https://whatsapp.com/channel/0029Va4xNTcBlHpj2ZXcdA3J/389