Dua e Aashoora Se Kya Zindagi Ka Beema Ho Jaata Hai? by Hazrat Mufti Akmal Sahab
🤲 دعائے عاشورہ سے 🤲
کیا زندگی کا بیمہ ہو جاتا ہے ؟
🎙حضرت مفتی اکمل صاحب
Yeh Video YouTube Par↴
https://youtu.be/VJLFWUO0Bng
Yeh Video MP3 Men ↴

دعاء عاشورہ ــ خلاصۂ تحقیق
ـــــــــــــــــــــــــــــــــــــــ
ایک سال تک زندگی کا بیمہ ـ یا ـ دعاء عاشورہ کے نام سے وائرل دعا کسی حدیث سے ثابت نہیں ۔ زیادہ سے زیادہ اس کا تعلق بزرگانِ دین کے مجربات سے ہوسکتا ہے؛ لہذا اسے وظیفہ و دعاء کے طور پر پڑھ سکتے ہیں۔ مگر ساتھ ہی ایک سال تک زندگی کی گارنٹی کا اعتقاد رکھنا اور پھر اس کو حضرت امام زین العابدین رضی اللہ عنہ کی جانب منسوب کرنا محلِ نظر ہے ۔
تفصیل کے لیے میری آنے والی تحریر کا انتظار کریں ۔

ـــــــ تحریر :
فیضان سرور مصباحی
١٠/محرم الحرام ١٤٤٢ھ

*عاشورہ کے دن پانیوں میں زم زم شریف کی آمد ــ ایک تحقیق*
ـــــــــــــــــــــــــــــــــــــــ

سوال: کیا ایسی کوئی روایت ہے کہ دس محرم الحرام کو غسل کرے تو تمام سال بیماریوں سے امن میں رہے گا کیونکہ اس دن آب زم زم تمام پانیوں میں پہنچتا ہے۔؟
سائل :
{فیضان سرور مصباحی ـ انڈیا }
ـــــــــــــــــــــــــــــــــــــــ
بسم الله الرحمن الرحيم
الجواب: عاشورہ کی رات آب زم زم شریف کے تمام پانیوں میں پہنچنے کی بات پر کوئی مستند روایت میرے علم میں نہیں ہے۔ البتہ تین کتابوں بلا سند یہ بات صیغۂ تمریض کے ساتھ مذکور ہے۔

(1) چنانچہ علامہ اسماعیل حقی علیہ الرحمہ لکھتے ہیں :
نقل ان اللہ عزوجل یخرق ليلة عاشوراء زمزم الي سائر المياه فمن اغتسل يومئذ امن من المرض في جميع السنة كما في "الروض الفائق"
(تفسير روح البيان ٤ صفحة ١٥٢ دار الكتب العلمية)

(2) صاحبِ روح البیان کی آخری عبارت "" كما في الروض الفائق"" سے واضح ہے کہ انھوں نے اس کو "الروض الفائق" سے نقل کیا ہے، الروض الفائق کی طرف رجوع کیا تو وہاں مجھے یہ عبارت ملی :
و قد ذكر ان الله تعالي يخرق في تلك الليلة ''يعني ليلة عاشوراء'' زمزم الي سائر المياه فمن اغتسل يومئذ امن من المرض في جميع السنة.
(الروض الفائق في المواعظ والرقائق المجلس الثاني والأربعين صفحة ١٧٧)

[نوٹ: اصل نسخہ دعوت اسلامی کے ویب سائٹ پر موجود ہے۔ حوالہ وہیں سے ماخوذ ہے۔]

(3) علامہ عبد الرحمن ابن الجوزی علیہ الرحمہ نے بھی اس کو بیان فرمایا ہے۔ مگر آپ نے یہ بھی واضح کردیا ہے کہ یہ نبی کریم ﷺ سے مروی نہیں، وہ لکھتے ہیں :
و قد ذکر ان اللہ تعالی يخرق فی تلك الليلة زم زم الي سائر المياه فمن استعمل او اغتسل يومئذ امن من المرض في جميع السنة. و هذا ليس بحديث بل يروي عن علي بن ابن ابي طالب رضي الله عنه.
(سلوة الاخزان بما روي عن ذوي العرفان صفحة ٧٣ دار الكتب العلمية بيروت لبنان)

معنوی اعتبار سے غور کیا جائے تو اس نتیجے پر پہنچا جاسکتا ہے کہ مذکورہ کتب میں "یخرق" کا لفظ آیا ہے جو کہ 'خرق' سے ماخوذ ہے۔ اس کا معنی ہے شگاف کرنا، پھاڑنا، سوراخ کرنا، روشن دان کھولنا وغیرہ۔ ان معانی کی روشنی میں مذکورہ عبارات کا مطلب ہے اللہ تعالی عاشورہ کی شب چاہ زمزم کی حاجز اور اس کی تہہ کو پھاڑ کر آب زمزم کا رشتہ زمین کے اندر موجود تمام پانیوں سے جوڑ دیتا ہے۔ اس طرح زمزم کا پانی زمین میں موجود تمام پانیوں میں پہنچ جاتا ہے۔ لہٰذا جو پانی شب عاشورہ سے قبل ہی سطح زمین سے نکل کر کسی برتن میں آجائیں، اس کو یہ فضیلت شامل نہیں ۔
خلاصۂ کلام : عاشور کے دن آب زمزم تمام پانیوں میں پہنچنا کسی حدیث سے ثابت نہیں ۔ زیادہ سے زیادہ اس کا تعلق بزرگانِ دین کے مجربات سے ہوسکتا ہے؛ علامہ ابن الجوزی نے اس کا انتساب حضرت علی رضی اللہ عنہ کی طرف کی ہے، گویا وہ اپنی تحقیق میں اس کو موقوفاً ثابت مانتے ہیں. واللہ تعالٰی اعلم

ـــــــ تحریر :
ابو الحسن محمد شعیب خان
١٠/محرم الحرام ١٤٤٢ھ

عاشورہ کے دن پانیوں میں زم زم شریف آنے کی تحقیق

السلام علیکم و رحمۃ اللہ و برکاتہ
کیا فرماتے ہیں علمائے اہلسنت

محرم الحرام کے مہینے میں ہمارے علاقے UP (گاؤں) میں غیر مسلم بھی شیرینی، کھانا اور شربت پر امام حسین و شہیدان کربلا کے نام سے نیاز دِلاتے ہیں!

1 غیر مسلم کے گھر نیاز کرنا کیسا؟
2 غیر مسلم کے دوکان سے غیر مسلم کی بنائی ہوئی چیز (شیرینی مِٹھائی) خرید کر لانا اور اس پر فاتحہ کرنا کیسا؟
3غیر مسلم کے گھر کا کھانا دال چاول/سبزی روٹی پر فاتحہ دینا کیسا ہے؟
4 غیر مسلم کے گھر گوشت (مرغ بکرا مچھلی) [غیر مسلم کا ذبیحہ] پر فاتحہ کرنا کیسا ہے ؟
5 غیر مسلم کے گھر گوشت (مرغ بکرا مچھلی) [سنی مسلم کا ذبیحہ] پر فاتحہ کرنا کیسا ہے ؟
6 ہندہ کے شوہر کا کئی سال پہلے انتقال ہو گیا ہے، ہندہ گاؤں ہی کے ایک بَرما (کُرمی) کو اپنے گھر رات اور دن میں اکیلے بلاتی رہتی ہے، زنا بھی کراتی ہے، اور وہ کُرمی خرچہ بھی دیتا ہے، ہندہ فاتحہ کے لئے بُلائے تو فاتحہ کرنا کیسا ہے؟
7 تعزیہ اور چھڑ (بَڑا عَلَمۡ) کے سامنے فاتحہ کرنا کیسا ہے؟
8 کربلا (جہاں تعزیہ اور عَلَمۡ دفن کرتے ہیں) پر فاتحہ کرنا کیسا ہے؟
9 تعزیہ عَلَمۡ اور کربلا پر لوبان سُلگانا اگربتی جَلا کر لگانا عطر لگانا کیسا ہے؟

سائل ضیاء المصطفیٰ قادری بہرائچی

الجواب۔۱ ناجائز ہے کہ کافر کا کوئی عمل قابل قبول نہیں البتہ اس سے شیرینی لیکر اپنی طرف سے فاتحہ دلاکر تقسیم کرسکتے ہیں۔واللہ تعالی اعلم
۲۔جائز ہے البتہ بچنا بہتر ہے ۔واللہ تعالی اعلم
۳۔غیر مسلم نے مسلم کو کھانا ہبہ کردیا ہے اور مسلم اسی پر فاتحہ دلانا چاہتا ہے تو دلا سکتا ہے کوئی حرج نہیں۔واللہ تعالی اعلم
۴۔غیر مسلم کا گوشت مردار و حرام ہے فاتحہ بھی ناجائز و حرام۔واللہ تعالی اعلم
۵۔سنی مسلم کے ذبح کرنے سے لیکر پک کر تیار ہونے تک مسلم کی نظر میں رہا تو وہ حلال ہے اسے کھا سکتے ہیں مگر کافر کے کھانے پر فاتحہ ناجائز و حرام اور اگر کسی وقت مسلم کی نظر سے اوجھل ہوگیا تو اس کا کھانا بھی حرام۔واللہ تعالی اعلم
۶۔برصدق مستفتی ہندہ سخت فاسقہ فاجرہ ہے فورا اس حرکت سے باز آے اور توبہ و استغفار کرے نیز خوب صدقہ و خیرات کرے کہ صدقہ معاون توبہ ہے اور اگر ایسا نہ کرے تو سارے لوگوں پر لازم ہے کہ اس کا شوشل بائکاٹ کردیں اس کے ساتھ کسی قسم کا راہ و رسم نہ رکھیں اس کے گھر فاتحہ کیلئے بھی نہ جائیں شاید اس سے عبرت حاصل کرے قال اللہ تعالی فی کتابہ الکریم"واما ینسینک الشیطان فلا تقعد بعد الذکری مع القوم الظالمین"۔واللہ تعالی اعلم
۷۔ناجائز ہے۔واللہ تعالی اعلم
۸۔ناجائز ہے کہ اس سے ایک امر ناجائز(مصنوعی کربلا) کی وقعت لوگوں کی نظر میں ظاہر کرنا ہے۔واللہ تعالی اعلم
۱۰۔ناجائز و حرام ہے کہ اسراف ہے۔واللہ تعالی اعلم