حضرت مولانا سید شاہ غلام مصطفیٰ رحمۃ اللہ تعالیٰ علیہ

نوشاہ ثالث حضرت مولانا سید شاہ غلام مصطفیٰ ابن حضرت سید شاہ محمد کی پیدائش بروز چہار شنبہ بوقت ظہر ۲۷ جمادی الاخریٰ ۱۳۰۷ھ موافق ۱۸ فروری ۱۸۹۰ء ساہن پال شریف میں ہوئی والد ماجد نے تاریخ کہی ؎

بفضل حق غلام مصطفیٰ زاد
خدا وند! غلام مصطفیٰ باد

آپ مشہور بزرگ حضرت شیخ الاسلام سید شاہ محمد نوشہ گنج بخش المتوفی ۸ ربیع الاول ۱۰۶۴ھ قدس سرہٗ کے سلسلۂ احفاد کے نامور بزرگ تھے ـ

تعلیم:
آپ نے ابتدائی تعلیم اپنے والد ماجد سے پائی، اور فارسی علم و ادب کی تحصیل کے بعد حضرت مولانا محمد شیخ احمد حنفی سے بمقام دھر یکان ضلع گجرات کے پاس پہنچے، مولانا شاہ محمد جید فضلائے وقت تھے، اور حضرت مولانا سید شاہ غلامقادر نوشاہی صاحب ساہن پالوی المتوفی ۱۳۰۶ھ سے تلمذ کی نسبت رکھتے تھے، انکی وفات ۱۳۲۸ھ میں ہوئی ـ

علم تجوید:
آپ نے علم تجوید کے قواعد حافظ عالم الدین ساکن اگرونہ ضلع گجرات سے سیکھے مولانا قاضی محمد امین المتوفی ۱۳۴۸ھ سے بھی تحصیل علم کیا ـ

آپ حدیث و تفسیر و فقہ و تصوف سے خاص شغف تھا، انہیں علوم کا مطالعہ کرتے تھے ـ

ذوقِ تلاوتِ قرآن:
آپ بکثرت تلاوت قرآن مجید کرتے تھے، ایک اندازہ کے مطابق چار ہزار ختم قرآن آپ نے کیا ـ

بیعت و خلافت:
اپنے والد ماجد کے مُرید و خلیفہ تھے ـ

آپ علیہ الرحمہ کے والد علیہ الرحمہ آپ کے بارے میں فرماتے تھے کہ خدا نے آپ کو ہم سے زیادہ اقبال و مراتب عطا فرمائے ہیں ـ

آپ نہایت متقی تھے، اکل حلال کے خیال کا یہ حال تھا کہ اگر کسی نے دعوت کی اور آپ کو مشتبہ کھانا کھلایا تو فوراً آپ کو قے آ جاتی ـ

سلسلۂ نوشاہیہ:
آپ نے سلسلۂ عالیہ قادریہ نوشاہیہ کو خوب فروغ دیا، ہزار باگم گشتہ راہوں نے آپ کی توجہ سے ہدایت پائی ـ

تصنیف:
تصنیف و تالیف سے بھی خصوصی تعلق تھا، تفسیر نوشاہی آپ کی شاہکار تالیف ہے ۔

وصال:
۱۸ شوال المکرم ۱۳۸۴ھ کو آپ نے وصال فرمایا ۔

https://scholars.pk/ur/scholar/hazrat-molana-syed-shah-ghulam-mustafa