حضرت شیخ پیر محمد قادری نوشاہی رحمۃ اللہ تعالیٰ علیہ

حضرت حاجی محمد نوشاہی گنج بخش کے اکابر خلیفوں سے تھے ۔ خورد سالی ہی میں خدمتِ مرشد میں حاضر رہ کر تربیت اور تکمیل پائی تھی ۔ بڑے صاحبِ ذوق و شوق تھے ۔ وجد و سماع مین غلو رکھتے تھے ۔

جو شخص آپ کی خدمت میں حاضر ہوتا آپ کی نظر فیض اثر سے صاحبِ وجد و حالت ہو جاتا تھا ۔ اپنی راست گفتاری اور تقویٰ کے باعث بارگاہِ مرشد سے سچ یار یعنی راست گفتار کے خطاب سے معزز تھے ۔ وفاتِ مرشد کے بعد موضع نوشہرہ مغلاں میں جارہے تھے جو دریائے چناب کے کنارے پر واقع ہے اور گجرات سے چھ کوس مشرق کی طرف ہے ۔

وصال:
شیخ پیر محمد کی صحیح تاریخ وفات ۲۵ ربیع الاوّل ۱۱۲۰ھ ہے ۔

شیخِ دیں پیرِ محمّد مقتداء
سالِ ترحیلش چو جستم از خرد

شد چوں از دنیا بجنّت راہگیر
شد عیاں معصوم پیرِ دستگیر

( خزینۃ الاصفیاء قادریہ )

https://scholars.pk/ur/scholar/hazrat-sheikh-peer-muhammad-qadri-noshahi