آپ کی شادی کے موقع پر ملک التدریس مولانا محمد انور علی رضوی بہرائچی ایم ۔ اے شیخ الادب دار العلوم منظر اسلام بریلی نے مندرجہ ذیل تاریخی مادے استخراج کیے ۔

باآثار مسرت لافتا الاعلی لاسیف الاذوالفقار

۱۴۰۵ھ ۸۵ھ۱۹

مجسم فیضان رضا معدن جود و کرم مفتی اعظم پیغام شیکبائی

۱۹۸۵ء ۱۹۸۵ء ۱۴۰۵

اولاد:
مفتی سید شاہد علی کی فی الحال چار اولادیں یادگار ہیں ۔ جن کے نام یہ ہیں۔ (۱) زینت فاطمہ (۲) نصرت فاطمہ (۳) بہجہ فاطمہ (۴) سید محمد واجد علی عرف فیضان رضا جیلانی ـ

بیعت و خلافت:
حضرت مفتی سید شاہد علی رضوی نے ۱۳؍محرم الحرام ۱۴۰۰ھ کو حضور مفتی اعظم قدس سرہٗ کے دست حق پرست پر شرف بیعت حاصل کیا، اور شوال ۱۴۰۱ھ کو حضور مفتی اعظم مولانا الشاہ مصطفیٰ رضا نوری بریلوی قدس سرہٗ نے اجازت و خلافت سے سر فراز فرمایا ۔

امیر ملت حضرت پیر سید جماعت علی شاہ محدث علی پوری قدس سرہٗ نے خلیفۂ مجاز پیر طریقت مولانا محمد ضیاء الدین احمد نقشبندی جامعتی رام پوری نے ۱۵؍جنوری ۱۹۹۰ء ۱۶؍جمادی الاخریٰ ۱۴۱۰ھ کو مفتی سید شاہد علی کو سلسلۂ نقشبندیہ جماعتیہ جمالیہ میں خلافت سے نوازا [9]۔ جولائی ۱۹۹۰ء / ۱۴۱۰ھ کو حضرت تحسین رضا بریلوی مدظلہ نے الاجاز المتینہ میں ذکر کی ہوئی ساری اسناد کی اجازت عطا فرمائی۔

اجازت افتاء و عملیات:
حضرت مفتی سید شاہد علی کو ۱۶؍جمادی الاولیٰ ۱۴۰۸ھ میں تاج الشریعہ فقیہہ اسلامی مفتی محمد اختر رضا ازہری بریلوی دامت برکاتہم القدسیہ اور استاذ الاستاذہ مفتی جہانگیر خاں رضوی اعظمی نے تمام اور ادو اعمال، اوفاتق، افتاء، روایت فقہ وحدیث اور قرآن کریم کی اجازت عامہ عطا فرمائی۔ جوان دونوںبزرگوںکو قطب مدینہ مولانا مفتی ضیاء الدین احمد المدنی رضوی قادری علیہ الرحمہ حضور مفتی اعظم قدس سرہٗ کے واسطے سے امام احمد رجا قادری بریلوی سے حاصل ہے۔

۱۵؍جمادی الاولیٰ ۱۴۰۹ھ کو مرکز اہلسنت منظر اسلام بریلی سے فاضل درس نظامی کی سند حاصل کی اور اسی سال شیخ المحدثین مولانا سید محمد عارف رضوی نانپاروی نے سند اجازت حدیث شریف بطریق مولانا مفتی ارشاد حسین مجددی رام پوری اور تاجدار اہلسنت مفتی اعظم قدس سرہٗ عطا فرمائی [10] ۔

نمونۂ کلام:
مفتی سید شاہد علی کو شعر گوئی سے بھی دلچسپی ہے۔ نمونہ کے طور پر ایک قطعہ ملاحظہ فرمائیں۔

ہزار بار کہہ کے بے وفا کو باوفا میں نے
زمانے کو دکھایا ہے وفا کاراستہ میں نے
بڑی عزت سے اہل مکر میرا نام لیتے ہیں
گنہگاروں کو ایک دن کہہ دیا تھا باوفا میں نے

تصنیفات و مرتبات:
مولانا مفتی سید شاہد علی درس وتدریس، تبلیغ، رشد و ہدایت، پندو نصاح کی بے پناہ مصروفیات کے باوجود درجنوں علمی کتابوں کے مصنف بھی ہیں۔ آپ کے رشحات قلم سے نکلی ہوئی کتابیں اہل علم سے اپنی جلالت علم کا سکہ منواچکی ہیں۔ مندرجہ ذیل کعب میں سے بعض منظر عام پر آچکی ہیں اور بعض تشنۂ طباعت ہیں۔

۱۔ مسئلہ تکبیر (حی علی الفلاح پر کھڑے ہونے کے بیان میں)
۲۔ مسئلہ صلوٰۃ (اذان کے بعد سرکار دو عالم صلی اللہ تعالیٰ علیہ وسلم پر درود شریف پڑھنے کے بیان میں)
۳۔ ثبوت جلوس محمدی (کتابچہ)
۴۔ ثبوت جلوس محمدی (اس میں بارہ ربیع الاول شریف کو جلوس نکالنےپر دلائل ار علمائے ہند و پاک کے فتاوے بھی شامل ہیں)
۵۔ عالم اسلام کا محتاط مفکر (امام احمد رضا فاضل بریلوی کی ح یات پر تحقیقی مقالہ اور دلکش تعارف)
۶۔ بابری مسجد تاریخ کے آئینہ میں (بابری مسجد کے تاریخی حقائق، مسئلہ بابری مسجد پر یہ پہلی تصنیف ہے)
۷۔ انکشاف جرم (جانشین مفتی اعظم مدظلہ ۱۴۰۷ھ میں سعودیہ عربیہ میں گیارہ دن قید رہے اس پر ڈاکٹر خالد قاسمی کا مضمون بعنوان مولانا اختر رضا خاں بریلوی کی گرفتاری ٹھیک تھی، اس کا شافی و کافی اور مسکت جواب)
۸۔ علمائے اہلسنت کی کہانی تصویروں کی زبانی (اس میں علمائے رام پور کا تذکرہ اور مختصر تعارف)
۹۔ گلہائے عقیدت (خلیفہ اعلیٰحضرت مولانا ابو الوقت محمد ہدایت رسول نوری رام پوری کی نظموں کا انتخاب)
۱۰۔ گلہائے محبت (شادی کے صحیح رسومات اور مسائل وغیرہ)
۱۱۔ گیارہویں شریف (حضڑت مولانا شاہ سلامت اللہ مجددی رام پوری علیہ الرحمہ کی تصنیف پر تعلیق اور جدید ترتیب۔)
۱۲۔ مظہر جمال (حصہ اول) حضرت شاہ حافظ جمال اللہ رحمۃ اللہ علیہ کے سلسلۂ طریقت کے احوال)
۱۳۔ مولانا ارشاد حسین مجددی رامپوری (سوانح حیات)
۱۴۔ تعلیمات حافظ ملت
۱۵۔ مولانا سلامت اللہ مجددی رام پوری
۱۶۔ مولانا ہدایت رسول نوری رام پوری، (مسودہ)
۱۷۔ مولانا نور الحسین رام پوری (مسودہ)
۱۸۔ مولانا طہورہ الحسین رام پوری (مسودہ)
۱۹۔ مسئلہ اذان ثانی، (مسودہ)
۲۰۔ اصول حدیث (اس میں اصول حدیث، قواعد، مسائل استنباط وغیرہ، مسودہ ہے)
۲۱۔ تعریفات نحویہ (مسائل علم نحو کی تعریفات، مسودہ ہے)
۲۲۔ حیات جہانگیر (سوانح مفتی محمد احمد جہانگیر خاں رضوی مدظلہٗ قلمی)

محتاط قلم:
ان کتب کے تحقیقی اور علمی ہونے کا اندازہ اس بات سے ہوتا ہے کہ جب مولانا مفتی سید شاہد علی نے مسئلہ صلوٰۃ تصنیف فرمائی اس کے آخر میں رقم طراز ہیں:

زیادہ تر کتابوں کے حوالہ جات رضا لائبریری رام پور سے نقل کیے گئے ہیں، جو صاحب حوالہ جات دیکھنے کا شوقت رکھتے ہوں وہ رضا لائبریری رام پور سے رجوع کریں یا پھر فقیر نوری (مولانا سید شاہد علی مدظلہٗ) سے رجوع کریں [11] ۔

مولانا ارشاد حسین رام پوری کی تدوین کے زمانے راقم نے دیکھے ۱۴۰۹ھ کی بات ہے کے ٹھنڈک کی شدت کی پڑ رہی تھی۔ مفتی سید شاہد علی بار بار وضو کف رہے تھے۔ آخر کار راقم نے دریافت کیا کہ حضرت بار بار کیوں وضو فرمارہے ہیں۔ کیا اس کتاب کو باوضو ہوکر لکھ رہے ہیں فرمایا۔

ہاں احتیاط تو یہی کر رہا ہوں کہ جہاں تک ہو سکے۔ وہاں تک باوضو ہوکر لکھوں۔ اب تک جتنا لکھا ہوں بحمدہ تعالیٰ باوضو ہوکر لکھا ہوں۔ اور آئندہ بھی یہی ارادہ ہے [12] ۔

اس کتاب کی تحقیق و تدقیق اس قدر کی ہے کہ ہر ہر سطر کو حوالہ جات سے پر کردیا ہے جس کو غیر جانب داربھی پڑھ کر متاثر ہوئے بغیر نہیں رہ سکتا۔ مولانا نور الدین نظامی ‘‘حرف عقیدت’’ میں یہ لکھنے پر مجبور ہوگئے۔

مولانا رضوی نے ان (حضرت مفتی ارشاد حسین مجددی) کے معاصرین اور متاخرین کے مستند اقوال پیش کرتے ہوئے حوالہ جات کی نشنادہی بھی کی ہے۔ جو بہر حال انتہائی دیدہ ریزی کا کام ہے۔ اور قلمی دیانت داری کا بین ثبوت [13] ۔

چند تلامذہ:
۱۔ مولانامحمد اسحاق رضوی شیخ الادب الجامعۃ الاسلامیہ رام پور
۲۔ مولانا ولی محمد رضوی نینی تال
۳۔ مولانا عزیز الرحمٰن منافی الجامعۃ القادریہ چھابہیڑی
۴۔ مولانا عبد الجبار خاں رضوی کھیری لکھیم پوری
۵۔ مولانا عتیق الرحمٰن رضوی صدر مدرس مدرسہ اہلسنت سراج العلوم ساگر پور قدیم ضلع رام پور
۶۔ مولانا انوار حسین رضوی مصطفیٰ نگر مراد آباد
۷۔ مولانا محمود احمد رضوی بریلوی ایم۔ اے، ریسرچ اسکالر مسلم یونیورسٹی علی گڑھ
۸۔ مولانا محمد سعید رضوی بریلوی ایم۔ اے
۹۔ مولانا محمد عالم ثقلینی شاہجہانپوری
۱۰۔ مولانا حافظ محمد بشارت علی رضوی بہرائچی خطیب مسجد انگوڈ ماپوساگوآ
۱۱۔ مولانا زبیر احمد رضوی تلہری
۱۲۔ مولانا اب علی رضوی مہتمم نور الاسلام چمروَّ رام پور
۱۳۔ مولانا محمد فرید رضا رضوی لکھیم پوری
۱۴۔ مولانا محمد زین الدین رضوی بہاری
۱۵۔ مولانا محترم محمد امین القادری رضوی شہباز پوری بریلی
۱۶۔ احقر محمد شہاب الدین رضوی بہرائچی غفرلہٗ (راقم السطور)
۱۷۔ مولانا ریاست علی رضوی مدرس برکات العلوم اجیت پور ضلع رام پور

نئے فرزندان اسلام:
اس وقت تک مفتی صاحب کےہاتھ پر پچیس سے زائد غیر مسلم مشرف با سلام ہوچکے ہیں اور بہت سے لوگ تائب ہوکر صراطِ مستقیم پر گامزن ہوئے۔ اسلام وشریعت کی تبلیغی دعوت کا سلسلہ آپ ک ی یومیہ مصروفیات میں داخل ہے۔ راقم کو جن نو مسلمین کی فہرست حاصل ہوسکی وہ حسبِ ذیل ہے۔

پہلا نام اسلامی نام ولدیت، قومیت مقام تاریخ

۱۔ شنکرورما، عطاء المصطفیٰ پنڈت موضع سمستی پور صوبل بہار شعبان المعظم ۱۴۰۳ھ
۲۔ للو پرشاد، عبداللہ کلوپر شاد، مالی بلی ماران دہل ۱۳؍اکتوبر۱۹۷۹ء
۳۔ سجاد حسین کلوپرشاد، مالی آورش کالنوی ردر پو ۱۲؍محرم ۱۴۰۶ھ
۴۔ پالورام، محمد اطہر ہٹی رام مچھڑ ڈیری ضلع غازی آباد ۲۵صفر ۱۴۰۹ھ
۵۔ ایسری پر شاد، محمد عمر چند امالی، مالی رستم نگر عرف چمر ورام پور ۷جمادی الاول ۱۴۰۹ھ
۶۔ ریتا، عارفہ پولن، مالی سلندر علاقہ کللکتہ ۷جمادی الاول ۱۴۰۹ھ
۷۔ شیلہ، ذکراہ بی ایسری پرشاد، مالی چمر واضلع رام پور ۷جمادی الاول ۱۴۰۹ھ
۸۔ مہندر، محمد عارف ایسری پرشاد، مالی چمرواضلع رام پور ۷جمادی الاول ۱۴۰۹ھ
۹۔ چتین، مصطفیٰ رضا نوری ویم پرکاش، مالی مٹ ولا قبرستان ضلع رامپور ۱۱؍ذی الحجہ ۱۴۰۱ھ
۱۰۔ سبھاش چندر، محمد خالد عرف مصطفیٰ رضا کیسری پرشاد، شری داستو محلہ کھلوار برلام پور گونڈہ ۱۳؍ذی الحجہ ۱۴۰۱ھ
۱۱۔ مولچند، محمد عثمان جیون لال، بھرجی پنڈاری تھانہ شیشگڑھ ضلع بریلی ۱۶؍جون ۱۹۹۰ء
۱۲۔ راجندر سنگھ، محمد علی عرف مصطفیٰ رضا سروک سنگھ، ٹھاکر سراکھ بھاگیسر الموڑا ۲۴؍ذی الحجہ ۱۴۱۰ھ
۱۳۔ مہیشور، عبدالرحمٰن پہاڑی نیپال گنج
۱۴۔ جوگبند رسنگھ، عبداللہ غدر پور ضلع نیتی پال [14] ـ

حواشی:
[1] ۔ مکتوب گرامی حضرت مولانا محمد حسن علی رضوی میلسی ضلع ملتان بنام راقم، ۱۲غفرلہٗ
[2] ۔ سند لیاقت کی قلمی تحریر راقم کے پاس موجود ہے اہل حاجت دیکھ سکتے ہیں۔ ۱۲ رضوی غفرلہٗ
[3] ۔ ملاحظہ ہو رود اد جامع العلوم فرقانیہ ۱۹۷۶ء مضمون بعنوان مدرسہ کے طلبہ اور امتحانات، از مولوی ریاض الدین احمد خاں رام پوری، ص ۱۰، ۱۱، مطبوعہ ناظم پریس رام پور
[4] ۔ تفصیل کے لیے ملاحظہ ہو رود اد جامع الفرقانیہ ۱۹۷۴ء ص ۳۷، مضمون مولوی خوشنود علی رام پوری۔ مطبوعہ نشینل پریس رام پور
[5] ۔ شاہد علی رضوی، سید: مولانا: ضیاء وجیہہ، ہمارا میگزین ۶۴، مطبوعہ ۱۳۹۷ھ؍ ۱۹۷۷ء رام پور
[6] ۔ منشی عبد المجید قریشی سنی صحیح العقیدہ تھے۔ علماء اور اسلاف سے گہرا تعلق رکھتے تھے شاہ بغدادی علیہ الرحمہ کا مزار شریف کی تعمیر آپ کا نمایاں حصہ ہے۔ ۱۲رضوی غفرلہٗ
[7] ۔ شاہد علی رضوی، سید، مولانا،: مسائل تثویب وتکبیر ص (تعارف از مولانا محمد فارق رضا رضوی)
[8] ۔ رود اد الجامعۃ الاسلامیہ ص ۷، تا ۹ ملخصاً از صفر ۱۴۰۲ھ تا شعبان ۱۴۰۲ھ مطبوعہ رام پور
[9] ۔ راز نامہ قومی جنگ رام پور، ص ۶، بابت ۱۷ جنوری ۱۹۹۰ء جلد ۲۴، شمارہ ۱۷ مضمون عالی جناب محترم حسیب احمد نوری جماعتی جمالی رام پوری
[10] ۔ شاہد علی رضوی، سید، مولانا: مسائل تثویب تکبیر ص (مضمون از مولانا محمد فاروق رضوی)
[11] ۔ شاہد علی رضوی ، سید؛ مولانا: مسئلہ صلوٰۃ ص ۹۶
[12] ۔ اُستاد گرامی حضرت مولانا سید شاہد علی رضوی مدظلہٗ سے راقم السطور کی گفتگو ۱۴۰۹ھ، ۲۱رضوی غفرلہٗ
[13] ۔ روداد الجامعۃ الاسلامیہ ص ۷، تا ۹ ملخصاً از صفر ۱۴۰۲ھ تا شعبان ۱۴۰۲ھ مطبوعہ رام پور

[14] ۔ مذکورہ جملہ کوائف حوالہ جات کے علاوہ راقم نے حضرت مفتی سید شاہد علی رضوی رام پوری سے بالمشافہ حاصل کیے اور کچھ دوسری معلومات رفیق محترم مولانا امین القادری بریلوی نے مہیا فرمائے۔ راقم ان کا تہہ دل سے ممنون ہے۔ ۱۲رضوی غفرلہٗ

https://scholars.pk/ur/scholar/mufti-syed-shahid-ali-rizvi-rampuri

شہزادۂ غوث الاعظم ، حضرت شرف الدین عیسیٰ قتال بن غوث اعظم ـ رضی اللہ تعالیٰ عنہما ـ

تعلیم:
آپ علیہ الرحمہ نے اپنے والد بزرگوار اور ابو الحسن بن ضرماء رحمۃ اللہ علیہ سے حدیث سنی، اور تفقہ حاصل کیا ـ

پھر درس و تدریس کا کام شروع کیا، حدیث بیان کی، فتوے دئیے، وعظ کہا، اور تصوّف میں جواہر الاسرار اور لطائف الانوار وغیرہ کتابیں تصنیف کیں ـ

کتاب فتوح الغیب کس کے لئے:
حضرت غوث الاعظم رحمۃ اللہ علیہ نے فتوح الغیب انہیں کے لیے تصنیف فرمائی تھی ۔ [ایضًا ص ۱۰۹ شرافت] ـ

پھر یہ بغداد سے مصر چلے گئے، اہالیان مصر میں سے ابو تراب ربیعہ بن الحسن الحضرمی الصنعانی رحمۃ اللہ علیہ، مسافر بن یعمر المصری رحمۃ اللہ علیہ، حامد بن احمد الاتاجی رحمۃ اللہ علیہ، محمد بن محمد الفقیہ المحدّث رحمۃ اللہ علیہ، عبد الخالق بن صالح القرش الاموی المصری رحمۃ اللہ علیہ، وغیرہ نے اِن سے حدیث سنی ۔ [حیاتِ جا ودانی ص ۱۱۰]

ان کو شعر و سخن کا مذاق بھی تھا، چنانچہ یہ اشعار انہیں کے ہیں۔

فان سئلوا کم کیف حالی بعدھم
فلیس لہٗ اِلفٌ یسیرُ بقُربہم
غریبٌ یقاسی الھم فی کلّ بلدۃٍ

فقولوا بنیران الفراق حریقٌ
ولیس لہٗ نحو الرّجوع طریقٌ
ومَن لِغریب فی البلاد صدیقٌ [۱]

[حیاتِ جا ودانی ص ۱۱۰]

بارھویں رمضان ۵۷۳ھ میں وفات پائی، قبر مصر میں ہے ۔ [حیاتِ جا ودانی ص ۱۱۰

( شریف التواریخ )

https://scholars.pk/ur/scholar/hazrat-sharfuddin-essa-qitaal-bin-ghaus-e-azam

حضرت سید ابو عبد الرحمٰن عبد اللہ بن غوث الاعظم رحمۃ اللہ تعالیٰ علیہ

تعلیم:
آپ علیہ الرحمہ اپنے والد بزرگوار اور سعید بن البَنّا رحمۃ اللہ علیہ سے حدیث سنی ۔

آپ علیہ الرحمہ ظاہری و باطنی علوم کے جامع، اور صاحبِ ریاضت و مجاہدہ تھے ۔ ستائیسویں 27 صفر 587ھ میں انتقال کیا، اور بغداد میں مدفون ہوئے ۔

اولاد:
ان کے دو بیٹے ابو محمد عبد الرحمٰن رحمۃ اللہ علیہ اور ابو محمد عبد القادر رحمۃ اللہ علیہ بھی عالم کامل تھے ۔

( خزینۃ الاصفیاء جلد اوّل )

https://scholars.pk/ur/scholar/hazrat-abu-abdul-rahman-abdullah-bin-ghaus-e-azam

سلطان المشائخ حضرت خواجہ نظام الدین اولیاء محبوبِ الہی رحمۃ اللہ علیہ


نام و نسب:
اسمِ گرامی: سید محمد نظام الدین ۔ القاب: محبوبِ الہی، سلطان المشائخ، سلطان الاولیاء، نظام الدین اولیاء ۔

سلسلۂ نسب اس طرح ہے:
حضرت سید محمد بن سید احمد بن سید علی بخاری بن سید عبد اللہ خلمی بن سید حسن خلمی بن سید علی مشہدی بن سید احمد مشہدی بن سید ابی عبد اللہ بن سید علی اصغر بن سید جعفر ثانی بن امام علی ہادی نقی بن امام محمد تقی بن امام علی رضا بن امام موسیٰ کاظم بن امام جعفر صادق بن امام محمد باقر بن امام زین العابدین بن امام حسین بن امیر المومنین حضرت علی کرم اللہ وجہہ الکریم ۔ رضی اللہ عنہم اجمعین ۔ (اقتباس الانوار: 473 / مجلہ معارف اولیاء، اگست، 2006) ۔

آپ کی والدہ ماجدہ سیدہ بی بی زلیخا علیہا الرحمہ اپنی وقت کی رابعہ ثانی تھیں ۔ یہ حضرت خواجہ عرب بخاری کی اکلوتی صاحبزادی تھیں ۔ حضرت خواجہ عرب کے والدِ گرامی سید ابو المفاخر بن سید محمد طاہر، حضرت غوث الاعظم سیدنا شیخ عبد القادر جیلانی محبوب سبحانی کے خلیفہ تھے ۔سید محمد طاہر بن سید حسین بن سید علی ۔ جن کا ذکر سلسلۂ نسب میں ہو چکا ہے ۔ (اقتباس الانوار: 473) ۔ یہ عظیم خاندان ساداتِ بخارا سے تعلق رکھتا ہے ۔ ان کا مسکن ’’ بخارا ‘‘ تھا ۔ جب چنگیز خان نے وسط ایشیائی علاقوں کو تاراج کرنا شروع کیا تو حضرت محبوب الہی کے دادا سید علی بخارا سے ہجرت کرکے ہندوستان کا رخ کیا ۔ ابتداً کچھ عرصہ لاہور میں قیام پذیر رہے ۔ پھر بدایوں چلے آئے۔بدایوں میں ہی مستقل سکونت اختیار کرلی ۔(بہار ِچشت: 93)

تاریخِ ولادت:
آپ کی ولادت باسعادت 27 صفر المظفر 636ھ مطابق 6 اکتوبر 1238ء، بروز بدھ ’’ بدایوں ئہ‘‘ ہند میں ہوئی ۔

تحصیلِ علم:
حضرت محبوب الہی صرف پانچ سال کے تھےکہ والد گرامی کاوصال ہوگیا۔اس طرح تعلیم و تربیت کی ساری ذمہ داری والدہ ماجدہ کو نبھانا پڑی۔عجب اتفاق ہے کہ حضرت محبوب ِ سبحانی ہوں،یا حضرت محبوب ِالٰہی،ان مقدس ماؤں نے اپنی اولادکی ایسی تربیت کی کہ تاریخ ان ماؤں کی حسنِ تربیت کی آج بھی معترف ہے۔جب پڑھنے کےلائق ہوئے تو مولانا علاؤالدین اصولی﷫ سے فقہ واصول ِ فقہ کی تعلیم حاصل کی۔ علم کی مزید تڑپ پیداہوئی تو دہلی آگئے،دہلی ان دنوں علم وفن کامرکز تھا۔وہاں خواجہ شمس الدین خوارزمی، امامِ لغت وحدیث مولانا رضی الدین حسن صاغانی،علامہ کمال الدین زاہد،مولانا برہان الدین محمود،مولانا امین الدین محدث تبریزی علیہم الرحمہ سےتمام علوم منقولات ومعقولات میں کمال حاصل کیا۔

خوش قسمتی کی انتہایہ ہوئی کہ جس محلے میں ان کا قیام تھا وہیں پڑوس میں قطبِ وقت حضرت شیخ نجیب الدین متوکل ﷫ (برادر حضرت بابا فرید﷫) رہائش پذیر تھے۔انہوں نےآپ کو دیکھتےہی فرمایا تم اجودھن(پاکپتن) میں شیخ العالم فرید الدین مسعود گنج شکر﷫ کی خدمت میں جاؤ۔

حضرت محبوب الہی بیس سال کی عمر میں 15 رجب 655ھ کو پاکپتن حاضر ہوئے۔اس وقت حضرت بابا فرید خود تدریس فرماتےتھے۔ ان کی درگاہ نشرِ علم کا بہت بڑا حوالہ تھی۔جب درس میں شریک ہوئے تو محسوس ہوا یہ علم کا بحرِ بےکنار ہیں۔تمام علوم میں دریا کی روانی محسوس ہوتی تھی۔پوچھا کہاں تک پڑھا ہے؟ عرض کیا۔ تمام مروجہ نصاب کی تکمیل کی ہوئی ہے۔فرمایا۔قرآنِ مجید حفظ کیا ہے۔عرض کیا نہیں۔چھ پارے تجوید کےساتھ خود پڑھائے۔اس کےبعد عوارف المعارف،تمہید ابوشکور سالمی،تمہید المبتدی اور دیگر کتب پڑھائیں۔(ہمارے زمانے میں پیر ہوتا ہی وہی ہے جو درس وتدریس، علم وعمل سے کوسوں دور ہو، بقول حکیم الامت مفتی احمد یار خان نعیمی﷫ اِس وقت جو اپنی ولایت کو چھپانا چاہے،وہ علماء کی صف میں شامل ہوجائے،کوئی اس کو ولی تسلیم ہی نہیں کرےگا۔تونسوی ؔغفرلہ)

بیعت و خلافت:
اسی حاضر ی میں ہی قطب العالم،شیخ شیوخ العالم حضرت بابا فریدالدین مسعود گنج شکر﷫ کے دستِ حق پرست پر سلسلہ عالیہ چشتیہ میں بیعت ہوئے اور651ھ میں خلافت سے مشرف ہوئے۔حضرت گنج شکر﷫ نے روانہ کرتے وقت ارشاد فرمایا: ’’برو ملک ہند بگیر‘‘جاؤ مُلک ِ ہندوستان تمھاری ملکیت میں دیاہے اسے سنبھالو۔تاریخ آج بھی اس ارشاد کی صداقت پر شاہد ہے ۔ (بہارِ چشت94) ـ

سیرت و خصائص:
محبوبِ الہی،سلطان المشائخ، سلطان الاولیاء،سید الاولیاء،زینۃ الاصفیاء،عمدۃ الاتقیاء،حضرت سیدنانظام الدین اولیاء﷫ اللہ تعالیٰ کی بارگاہ میں محبوبیت اور قربِ خاص کے مقام پر فائز تھے۔ آپ کی برکات کے اثرات سے ہندوستان لبریز ہے۔آپ جیسے اسرارِ طریقت وحقیقت میں اولیاء کامل و مکمل تھے ویسے ہی علومِ فقہ و حدیث و تفسیر و صرف و نحو،منطق،معانی،ادب میں فاضل اجل عالم اکمل تھے۔ حضرت نظام الدین اولیا ءکو اللہ تعالیٰ نے کافی مقبولیت دی، عام و خاص سب لوگ آپ کی طرف رجوع کرنے لگے۔شیخ العالم حضرت بابافرید الدین مسعود گنج ِشکر ﷫  کی خانقاہ  میں رشدوہدایت کے ساتھ ساتھ درس وتدریس کا سلسلہ بھی رہتا تھا۔اس لیے مرشدِ کریم نے حضرت محبوب الہی﷫ کو بھی یہ سلسلہ جاری رکھنے کی تلقین کرتے ہوئے فرمایا:’’شاگردوں کو تعلیم دیں، خطا وتصحیف سے بچتے رہیں، لغزشوں کی اصلاح اور تنقیح میں پوری کوشش کریں،جو کچھ مجھ سے سنا اور اسے یاد رکھنا اور دوسروں تک پہنچانا‘‘۔

؏: خوشا مسجد ومدرسہ و خانقاہے
کہ در وے قیل و قال محمد ﷺ

حضرت محبوب الہی نے اپنے مرشدِ برحق کی ہدایات پردل وجان سے عمر بھر عمل کیا۔آپ نے بحکمِ مرشد دہلی میں رہائش اختیار فرمائی تو اس وقت معز الدین کیقباد تختِ دہلی پر متمکن تھا۔جو عیش ونشاط میں غرق ہوکر رہ گیا تھا،اور پھر یہی رنگ ڈھنگ عوام میں بھی سرایت کرگیا۔ہرطرف فسق و فجورکا دور دورہ تھا،مسجدیں اور خانقاہیں ویران ہوگئیں۔اخلاقی بے راہ روی نے ہر کس وناکس کو متاثر کررکھاتھا۔حضرت محبوبِ الہی﷫ بھی اس ماحول کو دیکھ کر اتنے آزردہ خاطر ہوئے کہ دہلی سے ہجرت کا ارادہ کرلیا تھا۔لیکن بعد میں یہیں رہنے کاعزم ِ مصمم کرلیا۔بڑی قوت وتندہی کے ساتھ تبلیغِ اسلام میں مصروف ہوگئے۔تو پھر کیا تھا کہ گناہوں میں غرق افراد گروہ در گروہ آپ کی بارگا ہ میں حاضر ہوکر تائب ہونے لگے۔تاریخ فیروز شاہی میں ہے کہ حضرت کی برکت سے عوام کا رجحان دین داری کی طرف بہت ہوگیا تھا۔حضرت کے اکثر مرید دوتہائی ، یاتین رات تمام سال قیام الیل میں گزارتے۔عام لوگوں کی زبان پر بھی شراب وشاہد،فسق وفجور، قمار بازی، فحش حرکات کا ذکر تک نہ آتا تھا۔دوکانداروں میں جھوٹ،کم تولنا،مکاری ودغا،دھوکہ دہی اور نادانوں کا پیسہ دبالینا سب قطعی طور پر ختم ہوگئے تھے۔ (ضیائے حرم شمس العارفین نمبر:38)

حضرت کا فیض عام لوگوں تک محدود نہ تھا بلکہ دربارِ سلطانی سے منسلک امراء ورؤساء کی تربیت پر بھی خصوصی توجہ تھی۔شراب وکباب کےدلدادہ یہ لوگ آپ﷫ کی برکت سے چاشت،اور اشراق کی نمازیں اداکرتے ،اور ایامِ بیض اور عشرۂ ذوالحجہ کے روزےرکھتےتھے۔پھر سے اللہ جل شانہ اور اس کے حبیب ِ پاکﷺ سے ٹوٹا ہوا تعلق بحال ہوگیا۔یہ صرف آٹھ سال کے قلیل عرصے میں دہلی کا اخلاقی اور معاشرتی نقشہ بدل کر رکھ دیا،اور بڑی خاموشی کے ساتھ ایک نئی تہذیب کی بنیاد ڈالی، جس کے اثرات پورے خطے میں محسوس کیے گئے۔(مجلہ معارفِ اولیا،اگست،2006:)

حضرت محبوب الہی ﷫ ان جلیل القدر شخصیات میں سے ہیں جنہیں قدرت نے تجدید واحیائے دین کےلئے منتخب فرمایا۔آپ نے ساتویں صدی ہجری میں ہندوستانی مسلمانوں پر آنے والی علمی،اخلاقی،سماجی زوال کے دور میں اصلاح احوال کی ذمہ داری کو احسن طریقے سے نبھایا۔اللہ جل شانہ نے آپ کو ’’محبوبیت‘‘ کےمقام پر فائز فرمایا۔گزشتہ سات صدیوں سے آپ کو’’محبوبِ الہی‘‘ کےلقب سے یادکیا جارہاہے۔آپ کی ولادت باسعادت سیدنا شیخ عبدالقادر جیلانی محبوب سبحانی﷫ سے تہتر سال بعد ہوئی۔دونوں بزرگوں نے اپنی تجدیدی کاششوں اور کاوشوں کی بدولت امت کے نحیف وناتواں بدن ایک نئی روح پھونک دی۔ان دونوں حضرات کو اللہ جل شانہ نے محبوبیت کے منفرد مقام پر فائز فرمایا۔بقول حضرت غوث علی شاہ قلندر پانی پتی﷫ فرماتے ہیں: ’’اس امت میں لاکھوں اولیاء ہوئے ہیں۔لیکن محبوبیت کے جس مقام پر محبوب سبحانی حضر ت شیخ عبدالقادر جیلانی ﷫ اور حضرت محبوب ِ الہی خواجہ نظام الدین اولیاء پہنچے ہیں ،وہاں کوئی اورنہیں پہنچا۔(ایضا: 85)۔

تعلیمات:
(1) کسی نے کانٹا رکھا تم نے بھی کانٹا رکھا تو اس طرح ہر طرف کانٹے ہی کانٹے ہوجائیں گے،اور تم کانٹے اٹھانے والے بنو۔(2) خلقِ خدا سے جدا ہوکر اللہ اللہ کرنا جواں مردی نہیں،جواں مردی یہ ہے کہ درمیان میں رہو جفااور ظلم برداشت کرو۔

تاریخِ وصال:
18 ربیع الثانی 725ھ مطابق 4 اپریل 1325ء بروز بدھ ، واصل باللہ ہوئے۔مزار مبارک دہلی میں مرجعِ خلائق ہے ۔

ماخذ و مراجع:
اقتباس الانوار۔بہار چشت ۔ ضیائے حرم ۔ مجلہ معارفِ اولیاء ۔

مفکرِ اسلام شاعرِ مشرق علامہ محمد اقبال﷫ کا خراجِ عقیدت:

فرشتے پڑھتے ہیں جس کو وہ نام ہے تیرا
بڑی جناب تری، فیض عام ہے تیرا

ستارے عشق کے تیری کشش سے ہیں قائم
نظام مہر کی صورت نظام ہے تیرا

نہاں ہے تیری محبت میں رنگِ محبوبی
بڑی ہے شان، بڑا احترام ہے تیرا

https://scholars.pk/ur/scholar/hazrat-khwaja-nizamuddin-auliya

سلطان المشائخ حضرت خواجہ
نظام الدین اولیاء محبوب الٰہی
https://t.me/islaamic_Knowledge/58971
ولادت 27 صفر المظفر 636 ھ
وفات  18  ربیع الآخر  725 ھ
▬▬▬▬▬▬▬▬▬▬▬
آپ کی سیرت پر کچھ کتابیں
https://t.me/Maslake_Aalaa_Hazrat/15294

حضرت سلطانِ عادل مجاہد کبیر ابو المظفر صلاح الدین یوسف ایوبی رحمۃ اللہ تعالیٰ علیہ

سلطان صلاح الدین ایوبی علیہ الرحمہ

وصال:
27 صفر المظفر 589ھ

https://scholars.pk/ur/scholar/hazrat-salahuddin-yusuf-ayyubi

سلطان صلاح الدین ایوبی علیہ‌الرحمہ
وصال: 27 صفر المظفر 589ھ
https://t.me/islaamic_Knowledge/58975
▬▬▬▬▬▬▬▬▬▬▬
المذيل على الروضتين 📖 عربی
صلاح الدین ایوبی کی مملکت کا بیان
(تاريخ الدولة الأيوبية ما بعد صلاح الدين) ط مؤسسة الرسالة
المؤلف: أبو شامة المقدسی
https://t.me/Maslake_Aalaa_Hazrat/12506

فاتح بیت المقدس | اردو
سلطان صلاح الدین ایوبی
https://t.me/Maslake_Aalaa_Hazrat/12509

مجاہد اسلام فاتح بیت المقدس حضرت الحافظ مولانا سلطان صلاح الدین ایوبی الشافعی رحمۃاللہ تعالیٰ علیہ
✍ آل رسول احمد الصدیقی کٹیہاری
https://t.me/Maslake_Aalaa_Hazrat/12511