خلیفۂ اعلیٰ حضرت، حضرت مولانا ضیاء الدین پیلی بھیتی رحمۃ اللہ علیہ

نام ونسب:
اسمِ گرامی: مولانا ضیاء الدین ۔ کنیت: ابو المساکین ۔

والد کا اسمِ گرامی:
مولانا حسین علی علیہ الرحمہ ۔

تاریخِ ولادت:
آپ 1290ھ میں تلہر ضلع شاہ جہاں پور میں پیدا ہوئے ۔

تحصیلِ علم:
ابتدائی تعلیم والدِ ماجد سے حاصل کی ۔ بعد میں حضرت محدث سورتی علیہ الرحمہ کی خدمت میں حاضر ہو کر اور دورۂ حدیث کی تکمیل پر دستارِ فضیلت حاصل کی ۔

بیعت و خلافت:
آپ امام اہلِ سنت اعلیٰ حضرت امام احمد رضا خان علیہ الرحمہ کے مرید و خلیفہ تھے ۔

سیرت و خصائص:
ضیائے شریعت، خلیفۂ اعلیٰ حضرت ، حامیِ سنت، ماحیِ بدعت، شیخ الحدیث، حضرت علامہ مولانا ضیاء الدین پیلی بھیتی رحمۃ اللہ علیہ ۔

آپ علیہ الرحمہ حضرت محدث سورتی علیہ الرحمہ کے ہونہار شاگردوں میں سے تھے۔ آپ کے پیر و مرشد اور استادِ گرامی دونوں ہی آپ کی ذہانت و فطانت، اور تبحر علمی کی قدر فرماتے تھے۔

آپ عملی زندگی درس و تدریس کے علاوہ ہمیشہ تصنف وتالیف میں مصروف رہے۔ اہلِ سنت کو مفید کتب عطا کی ہیں۔ آپ نے " تحفہ حنفیہ " پٹنہ کے ماہانہ رسالے میں کئی سال تک ادارت کے فرائض انجام دیتے رہے۔

مولانا ضیاء الدین پیلی بھیتی علہ الرحمہ دین داری ، پابندیِ شرع، اور مذہبی رکھ رکھاؤ میں منفرد مقام رکھتے تھے۔ آپ کے وجود سے قرب و جوار میں آپ کا رعب قائم رہا۔ مسلمانوں میں بری بدعات اور برے رسم و رواج سے سختی سے منع فرماتے اور رسول اللہ ﷺ کی سیرتِ طیبہ پر عمل کی تلقین کرتے تھے۔ اسی میں  دارین کی سعاتیں پنہاں ہیں۔

تاریخِ وصال:
آپ کا وصال 28 محرم الحرام 1364ھ، بوقتِ فجر بحالتِ نماز روح قفسِ عنصری سے پرواز کر گئی ۔ مولانا حشمت علی لکھنوی علیہ الرحمہ نے نمازِ جنازہ پڑھائی ۔

ماخذ و مراجع:
خلفائے اعلیٰ حضرت ـ

Read more at:
https://scholars.pk/ur/scholar/abul-masakeen-hazrat-allama-ziauddin-qadri-pilibhiti
Copyright © Zia-e-Taiba

خلیفۂ اعلیٰ حضرت ، ابو المساکین ، حضرت علامہ ، مولانا ضیاء الدین پیلی بھیتی رحمۃ اللہ تعالیٰ علیہ
https://t.me/islaamic_Knowledge/37417
#یوم_وصال_ماہ_محرم_الحرام
https://t.me/islaamic_Knowledge/56531

صحابئ رسول ﷺ حضرت انس بن مالک رضی اللہ تعالیٰ عنہ ـ

یومِ وصال 28 محرم الحرام 54 ھ

خادِمِ رسول:
حضرت انس بن مالک رضی اللہ تعالیٰ عنہ صحابی اور محدث تھے۔ ہجرت کے کچھ عرصے بعد ان کی والدہ نے انہیں بطورِ خادم حضور ﷺ کے سپرد کر دیا۔ اس وقت ان کی عمر دس برس کی تھی۔ حضور کے زندگی بھر خادم رہے۔

عبداللہ بن زبیر کی طرف سے بصرہ کے امام مقرر ہوئے۔ حجاج بن یوسف نے عبد اللہ بن اشعث کی بغاوت میں ان کی شرکت کو نا پسند کیا۔ لیکن بعد میں خلیفہ عبد الملک بن مروان نے اس کی تلافی کر دی۔ اوراُن سے نہ صرف معذرت کی بلکہ اظہار عقیدت بھی کیا۔

آخر میں بصرہ میں قیام فرمایا ۔ اور کافی لمبی عمر پا کر انتقال فرمایا۔ حضور ﷺ کی خدمت میں رہنے کی وجہ سے آپ سے بہت سی احادیث مروی ہیں۔

امام احمد بن حنبل نے اپنی مسند میں زیادہ تر انہیں سے احادیث روایت کی ہیں۔ لیکن امام ابو حنیفہ ان کی بعض حدیثوں کو مستند قرار نہیں دیتے۔

آپ انس بن مالک ابن نضر انصاری خزرجی ہیں، حضور کے خادِمِ خاص کے طور پر دس سال صحبتِ پاک میں رہے،

آپ کی عمر اور وصال:
آپ نے سو برس سے زیادہ عمر پائی، عہد فاروقی میں بصرہ چلے گئے تھے، وہاں سے قریب ہی ایک مقام پر ۹۳ھ میں آپ کا انتقال ہوا، بصرہ میں آخری صحابی کی وفات آپ کی ہوئی، آپ کی قبر انور زیارت گاہ خاص و عام ہے ۔

Read more at:
https://scholars.pk/ur/scholar/hazrat-anas-bin-malik
Copyright © Zia-e-Taiba

صحابئ رسول ﷺ و خادم رسول ﷺ حضرت سیدنا انس بن مالک رضی اللہ تعالیٰ عنہ ـ
https://t.me/islaamic_Knowledge/37420
یومِ وصال 28 محرم الحرام 54ھ
#یوم_وصال_ماہ_محرم_الحرام
https://t.me/islaamic_Knowledge/56534