حضرت علامہ شیخ مفتی ابو الصفاء دمشقی خلوتی رحمۃ اللہ تعالیٰ علیہ

مفتی ابو الصفاء بن احمد بن ایوب عدوی صالحی دمشقی خلوتی:

آپ علیہ الرحمہ اپنے زمانہ کے شیخ، امام، صدر الصدور، علامہ، فاضل، بارع، فقیہ، مفسر، نحوی تھے ۔

دمشق میں ۱۰۴۵ھ میں پیدا ہوئے اور وہیں نشو و نما پاکر اپنے والد ماجد سے طلبِ علم میں مشغول ہوئے ـ

اور ان سے طریق خلوتیہ اخذ کیا اور شیخ ابراہیم فنال دمشقی وغیرہ فضلاء سے پڑھا یہاں تک کہ بارع وفائق اقران ہوئے ـ

دمشق میں افتاء حنفیہ کی خدمت میں آپ کے سپرد ہوئی اور مرتے دم تک مفتی رہے ـ

اور آپ علیہ الرحمہ نے حج بھی کیا اور مکہ معظمہ میں مدرسہ مرادیہ کے متولی رہے جہاں آپ کی بڑی شہرت اور قدر و منزلت ظاہر ہوئی ـ

آپ کی تصنیفات سے ایک فتوٰی متداول ہے ۔

وصال:
وفات آپ کی منگل کے روز ۱۲ ماہ ذی الحجہ ۱۱۲۰ھ میں ہوئی اور ترتب مرج الدحداج میں دفن کیے گئے۔ ’’فاضلِ دہر‘‘ تاریخ وفات ہے ۔

عدوی عدی بن مسافر صحابی کی طرف منسوب ہے اور آپ کے اجداد بقاع عزیز کے جو دمشق کی نواح میں واقع ہے، رہنے والے تھے ۔

( حدائق الحنفیہ )

https://scholars.pk/ur/scholar/hazrat-allama-sheikh-mufti-abul-safa-bin-ahmad-dimashqi